مشاكل رياضيه

Strawberry_59830 🇪🇬

منذ شهرين

شعور مرهق

Waffle_59213 🇪🇬 لا استمري مهما كانت الظروف ضدك ربنا معاكي ويوفقك يارب

عرض الكل 3 نصيحة

عبّر عن شعورك بشكل مجهول

انا بنت عندي 14 سنه و انا بلعب سباحه من و انا صغيره جدا يعني ممكن 3 أو 4 سنين المهم انا كان عندي بطوله في شهر 10 أو 11 الي فات هي كانت بطوله منطقه للثنائي الي هوا سباحه و جري المهم أن انا فضلت بتمرن البطوله دي كتير جدا و فعلا اتحسنت و ارقامي اتحسنت شويه مع العلم أن انا اصلا مش سباحه انا بلعب ثنائي المهم انا طلعت البطوله دي و اليوم دا مكنش معايا حد من اهلي و الكابتن بتاعي اتاخر و جه بعد ما انا خلصت السبق بتاعي و انا كنت نزله السبق بتاع السباحه عارفه انا بغلط في ايه و عايزه اركز فيه عشان اكون احسن و انا عرفه أن هما كدا كدا هيسبقوني عشان هما سباحين و انا لا المهم اليوم دا كان الجو وحش جدا و كان سقعه و انا نزلت السبق رجلي كانت مجمده و مش عارفه اعمل رجلين و كان سبق وحش جدا و كنت اخر واحده و رقمي كان وحش اوي و خلصت و الكابتن جه و قولت له الي حصل هوا فعلا الكابتن مقصرش هوا فعلا عمل الي عليه و زياده و هوا قالي عادي مش مهم تتعوض مره تانيه و خلاص و بعدها نزلت السبق بتاع الجري و كان كويس الحمد لله بس انا من بعد البطوله دي و انا مش عارفه ارجع التمرين تاني كل ما ارجع التمرين و بشوف مستوايا عامل ازاي و كان زمان ازاي بزعل اوي و بدايق و وقفت فتره بعدها و نزلت تاني و رجعت وقفت عشان رمضان و كمان الشهرين الي بعده عشان الامتحانات و دلوقتي المفروض ارجع اتمرن تامي بس انا فعلا مش قادره اني انزل و حاسه اني خلاص مفيش فايده و مامتي كمان كل شويه بتقولي انتي متواطئ مش حلو و مهما أقنعها و اقول لها هي مش مقتنعه هي عندها أن طول ما انا طلعت البطوله و ماخدتش ميداليه أو مركز سبقه انا مستوايا وحش و هي اصلا مش بتيجي معايا التمرين ولا حتي البطوله و انا فعلا مش عارفه اعمل ايه كنت بفكر العب رياضه جديده و هي كل شويه لا مش هتفلحي فيها و بجد انا مش عارفه اعمل ايه و نفسيتي وحشه اوي بسبب كدا و المشكله اني بحب السباحه جدا بس مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_52020 🇪🇬

ليه بقت وجعي لوحدي بعد ما رفضتني؟

بكل هدوء خالص اهو .. ممكن اعرف هو انا اي الغلط اللي عملته؟؟ اي الغلط اني حبيت واحده حب بريئ حب من بعيد لبعيد حب غير مشروط حتى بوجودها ! ايوا انت قريت صح اللي حصل اننا كنا ف ثانوي وكنا مع بعض ف نفس الدروس ومره واحده شدتني كنت بحب ملامحها اوي بحب كلامها مع صحابها كنت بفضل مركز معاها وكإني بحاول اتشبع منها واحفظ كل تفاصيل ملامحها ف ذاكرتي الموضوع زاد معايا لدرجة اني حاولت اكلمها عشان اقولها اللي جوايا وطبعا كنت طالب زيي زيها فمفيش امكانيه اتقدم ولا اخد خطوه رسميه بس والله ربنا اللي يعلم اد اي كنت صادق وهيا نفسها كانت متأكده من دا انا عملت كل حاجه عشان ابينلها اني عايزها وبحبها بدل ماتروح مني واندم اني ماقولتلهاش بس علطول كانت تصدني ترفض ولاكانت بتديني ولا بتدي لنفسها فرصه بالمناسبه وقتها مكانش فيه حد فحياتها واللي عرفته منها من محاولاتي معاها انها مش عايزه حد اصلا معرفش بقا السبب يمكن متعقدة الله اعلم بس انا حاولت كتير على مدار 3 سنين ثانوي وكلها باءت بالفشل كانت ساحراني مجرد طلتها لما بتدخل الدرس كنت بروح فعالم تاني والله مش ببالغ دا اللي كان بيحصل فعلا الفكره اني لحد دلوقتي لسه بفتكرها واتوجع اوي واتقهر واتحسر مقدرش اقول اني لسه عايزها زي الأول خالص الصراحه بس الفكره اني برضو لو سمعت انها اتخطبت اكيد هزعل جامد اوي ويمكن ادخل ف نوبه بكاء شديدة وقهرة مهو احساسي ناحيتها مكنش قليل حتى لو من طرف واحد انا فضلت احبها مع نفسي سنين انتو عارفين يعني اي كنت كل يوم بفكر فيها حرفيا وبتمناها من ربنا وكنت بدعي انها تكون من نصيبي كتير دلوقتي بنسبه كبيرة اقدر اقولكو اني مش عايزها خلاص ومتحسر اوي وزعلان ومكتئب بسبب التجربة دي جدا وخلتني متعقد من كل حاجه فحياتي مش من الارتباط بس المشكله انها دلوقتي عايشه حياتها وولا فدماغها والوجع والألم والقهر كله ليا لوحدي لوحدي انا بس انا نفسي اعرف ليه ليه بجد💔💔 ...عرض المزيد

0 الدعم

0 نصيحة

Sugar_69803 🇪🇬

ليه مبقاش فيه حد يتقبل النصيحه؟

هو بجد ليه مبقاش فيه حد يتقبل النصيحه كلو عايز يقول انه الصح وكله بيفتي ولو قلت لحد حاجه في الدين او حرام يقولك ما تعملش شيخ وبتاع يعني ايه دا بجد وبعدين من امتى واللي يعرف غلطه ضعيف شخصيه لو انت في غلط حد انتقدك يعني بلاش تقول سيب الناس تقول اللي تقوله لا انت في غلط وارجع عنه العند في الغلط مش قوه شخصيه خااالص ...عرض المزيد

0 الدعم

2 نصيحة

Cookies_74926 🇪🇬

واحد بيحبني من ٦ سنين وانا خايفة..نصايح

عايزه احكي عن حاجه وهحاول اختصر في واحد بيحبني من 6 سنين وانا كنت بحبه والله بس مشاعر طفوله وبمجرد ما كبرنا خلاص انشغلنا وكل فتره كنا بنتكلم ومع أن كل واحد فينا ارتبط بس كنت بنرجع تاني نفركش ونتكلم "صحاب" المهم يعني أنه اعترفلي أنه لسه بيحبني وأنه مكملش مع البنت الي عرفها بعدي شهرين بسبب أنه متعلق بيا وبيحبني انا اتفاجأت بصراحه لاني مكنتش متخيله أنه بيحبني بعد كل السنين دي خصوصاً أنه اصلا كتوم المهم من فتره رجعنا نتكلم وصاحبتي القريبه مني قالتلي اديله فرصه يثبت نفسه انتي رفضتي كتير وبتحكمي عليه بشخصيته بتاعت زمان وهو كبر دلوقتي للعلم هو اكبر مني ب 3 سنين المهم انا وافقت. اديته مجال لانه يتكلم معايا وطلب مني نتقابل وللعلم طلب مني كتير جدا وكنت برفض ومبرضاش أو اقول ماشي وقبل المعاد بيومين اكنسل المرادي انا وافقت بس هتبقي نص ساعه ومعايا صاحبتي ومش هنقعد في مكان "" نفترض أن اسمه احمد"" احمد طيب وجدع وحنين علي اخواته جدا وعلي اهله ومش بخيل نهائي ومش كداب واستناني كتير وبيحبني رغم اني عملت حاجات كتير اي حد مكانه هيزهق ويمشي انا بس خايفه فاهميني ؟ انا محتاجه نصايح بصراحه.. ...عرض المزيد

1 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع