مشاكل السكن المشترك

Apple_18010 🇪🇬

منذ أسبوع واحد

شعور قلق

دلوقتي انا واخويا قاعدين لواحدنا ف القاهرة علشان الدراسة وواخدين شقة لواحدنا وكمان بنشتغل ... الفكرة اني مرن كده ومدردح حبة حلوين عن اخويا .. يعني هو لازم يطبخ ويعمل اكل تلاتة او اربع مرات اكل ف الاسبوع ويعمل كمان التحابيش الي جنب الاكل وانا مش كده يعني انا مثلا لو جاي من برا جعان ممكن اجيب سمكتين

عبّر عن شعورك بشكل مجهول

دلوقتي انا واخويا قاعدين لواحدنا ف القاهرة علشان الدراسة وواخدين شقة لواحدنا وكمان بنشتغل ...

الفكرة اني مرن كده ومدردح حبة حلوين عن اخويا ..

يعني هو لازم يطبخ ويعمل اكل تلاتة او اربع مرات اكل ف الاسبوع ويعمل كمان التحابيش الي جنب الاكل وانا مش كده يعني انا مثلا لو جاي من برا جعان ممكن اجيب سمكتين او تلاتة ع حسب نوعه والحجم واشويهم واطلع اكلهم حاف او بعيش وممكن اخد خيارة م التلاجة وخلاص .. هو بقا لازم بقا يعمل رز و طحينة ويقطع سلطة كاملة وخلافه بقا

المشكلة بقا انه بيحملني مشاكل الحاجات الي هو بيعملها وانا اصلا مبطلبش منه يعمل حاجة يعني يقوم من بدري يقف يعمل ف اكل ٥ ساعات وبعدين يقولي ساعدني او اعمل كذا او انزل اشتري حاجات ويقعد يقول انا تعبان علشان واقف اعملنا اكل وبغسل المواعين وانا تعبان ومش حد بيشيل عني وانا بعمل كل حاجة لواحدي وانا اصلا مبكلش من الحاجات الي بيطبخها غير مرتين ف الاسبوع يعني ساعات اصلا الاكل يقعد ف التلاجة بالاسبوع ويبوظ وانا ايام كتير اوي مباكلش ف البيت اصلا

وبعدين انا اصلا لو مش موجود معاه .. هو مبيعرفش يقعد من غير ما يطبخ يعني انا موجود او لا هو هيعمل اكل وهيقعد يطبخ ويغسل وخلافه لكن انا عندي اهتمامات تاني ليه علشان هو بيضيع وقت ومجهود ف الطبخ لازم انا كمان اضيع معاه وهو كده كده مش هيفرق لو انا معاه او لا كده كده هو بيعمل الحاجات دي لنفسه وكمان بيزعل لما مأكولش من الأكل ويقولي انا بعمله منين ويقعد يحملني بقا تعبه ووقته وانه معندوش وقت وانا تعبت اقوله لو مش فاضي متعملش حاجة .. لو تعبان متعملش حاجة وبردوا نفس الموال علشان هو اصلا بيعمل ف الاساس كده لنفسه قبل ما ليا هو ده نمط حياته ميعرفش يعيش غير كده

مفروض دلوقتي اعمل ؟ يعني انا الي وصلتله دلوقتي هو اني اطلب منه معتش يعمل حسابي ف الاكل نهائى ولو ف كوباية مياه كل واحد يشيل همه وخلاص .. بس الفكرة انه هيزعل .. ماذا افعل ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_59601 🇪🇬

مدمنة تيك توك وعايزة أغير حياتي

ازاي اقدر اقلل استخدام الانترنت ؟؟و خاصةً الفيديوهات القصيره في تيك توك و انستجرام انا مدمنه عليهم عندي كتب في التلفون بس مش قادره اقرأ ولا قادرة اعمل حاجه مفيده اكيد الاستعمال الكتير دا ليه سلبيات وفعلاً انا عايشه معظمها نفسي اغير نمط حياتي اخليه صحي اكتر و اعمل حاجه مفيده استفيد من وقتي ...عرض المزيد

0 الدعم

10 نصيحة

Strawberry_64061 🇪🇬

عمري بيجري ونا محققتش حاجه.. حاسه بالفشل

السلام عليكم...... انا عندي ٢٥ سنه ....وحاليا الحمد لله شغاله ... بس محققتش لي كنت عايزاه من سنتين تلاته بدون دخول ف تفاصيل كتيره وشكوي وكده هو بسبب اختياراتي الغلط بس حاليا انا حسه أن عمري بيجري مني ونا لسه محققتش حاجه نا مش زي بنات لي مستنيه تتخطب بقي وتتجوز ونا اصلا كمان مش جاهزه لده بس معبال مجهز وربنا يريد انا عايزاه احقق لي عايزاه بس مشكله ف شغلي .... شغلي لي كنت بدعي بيه الحمد لله ونا راضيه ومكنتش متوقعه أوصله بس وصلتله انا شغلي حكومي والحكومي حرفيا ممكن يخدك لحم ويرميك عضم لأن مش كل موظفين زي بعضها ممكن بسبب نقص مجهود زميلك انت تشيل ليله كلها عشان مصالح ناس متوقفش ونا يعني يوم مفكر اروح من شغل برجع حدود ٩ أو تمانيه واقصي وقت ممكن ١١ يعني ي دوب اروح اصلي اكل ونام طب الحجات لي عايزاه اوصل ليها م عارفه اوصل ليها حتا الإجازات نت يوم اجازتك ممكن اتعلم فيه حاجه بس لغايه ميجي تاني اسبوع انا ممكن انسي حسه اني فشله رغم اني بحاول وحسه اني بحط عوائق كتير مش عارفه فين الغلط احلامي راحت وحسه أن عمري بيروح فيها واحلامي كتيره اوووي بس حسه ني متكتفه مش قادره اوصل لحاجه حد عنده نصيحه ليا !!؟ ...عرض المزيد

0 الدعم

1 نصيحة

Apple_59609 🇪🇬

بدور على زوجة جادة تتقي ربنا ونبني حياة هادئة

أبحث عن زوجه تقدر الحياة الزوجيه تصوني واصونها نبني حياه هاديه قريبه من ربنا ادعولي ربنا يكرمني ببنت الحلال ان شاءلله انا جاهز للخطوبه علي طول بس ياريت يكون في مصدقيه في كل حاجه بتتقال وياريت نتقي ربنا في بعض انا بدور علي زوجه عن حياه عن امل عايز اكمل نص ديني ياريت كل وحده ربنا يهديها وتكون فعلا جاده وعيزه واحد يتقي ربنا فيها هيا كمان تتقي ربنا في محدش ناقص وجع وحسره اكتر من اللي هوا فيها ف كل وحد يتقي الله في نفسه وفي غيره والله المستعان وربنا يقدم اللي فيه الخير انا من اسكندريه العامريه الشقه في بيت العائله ان شاءلله اعزب 32 سنه طولي 178 وزني 80 قمحاوي موظف في شركه معايه دبلوم تجاره غير مدخن منتظم في صلاتي . ...عرض المزيد

1 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع