مشاعر طفوله

Cherry_63124 🇪🇬

منذ شهر واحد

شعور ضائع

عبّر عن شعورك بشكل مجهول

الحقيقه انا مش فاهمه انا بمر بأيه بس الي انا اعرفه انه احساس وحش انا عيشت نفسي في وهم لمده كبيره اوي انا حاسه اني بحب قريبي من وانا صغيره وانا كنت معجبه بأنه ولد كبير كده بيتعامل معايا انا كنت مدرسه بنات فهو  الولد الوحيد الي شوفته يعتبر لحد هنا اقدر اقول انه طيش عادي الموضوع مفيهوش اي حاجه غير مشاعري بس انا عمري مبينت ولا حكيت لحد ولا اي حاجه و مستحيل اعمل كده الموضوع كله بيني و بين نفسي المشكله بقي اني دلوقتي عندي ١٩ سنه و حاسه ان المشاعر دي مراحتش يعني نزلت الكليه و بتعامل مع الناس بس طول الوقت شايفاه لما اسمع اسمع أو اسمع صوته بحس بحاجه غريبه وانا متأكده ان هو مش شايفني و يمكن ده الي تاعبني حاسه اني صغرت نفسي اوي قدام نفسي انا الي الحمدلله راضيه عن نفسي الي حدا ما يعني فالي هو الكلام ده يطلع مني انا؟؟ انا عارفه اني معملتش حاجه انا حتي بخاف ابصله او اتكلم عليه يبان ان في حاجه من ناحيتي بخاف اسلم عليه مثلا لو في تجمع عائلي أو حاجه عشان محدش يشك بس اني حاسه بحاجه لدرجه ان طريقتي معاه سخيفه اوي و ناشفه اوي و حرفيا مفيش كلام بينا خالص بس انا متضايقه من نفسي اني رخصت مشاعري اوي مع ان الموضوع مش بأيدي بس انا مستغربه اوي من نفسي و الفكره اني بسمع انه ارتبط مثلا بتضايق اوي و احتمال بخطب فالي هو انا ليه عرضت نفسي لده لدرجه اني بدعيلك في الصلاه بالهدايه ساعات بقول هو عمل ايه عشان حد بيحبه و بدعيله من قلبه زيي كده مش تفخيم فيا ولا حاجه بس هو ميستاهلش ده حرفيا انا مش عارفه اتخطي ازاي ولا اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_72149 🇪🇬

أنا بقرف من كل حاجة وناس.. حد عنده نفس المشكلة؟

انا مشكلتى انى بقرف انا بقرف من كل حاجه حرفيا ومحدش يتريق ويقولى انتى مصنوعه من اللؤلؤ او انتى مش انسانه زينا لا عشان بتجيلى التعليقات دى كتير انا بقرف من امى وابويا مبحبش اكل او اشرب من اى حاجه بياكلو او بيشربو منها واختى انا بقرف من النفس اللى بتتنفسو وعندى واحده صحبتى ريحيتها دايما وحشه واعتقد ده مرض بس عمرى ما كلمتها فى الموضوع وبردوا بقرف منها انا بقرف من كل الناس ومن كل حاجه وبقرف من التوابل مثلا او من الحلل او من الاطباق وبقعد اغسل فيهم كتير وبقرف من نفسى اوقات كتير لدرجه انا فاكره موقف انى رجعت ومكنتش قادره ابله اللقمه عشانكنت قرفانه من الاكل... حاسه عندى مشكله لكن فى نفس الوقت انا لو مثلا واصاه معايا اموت من الجوع ممكن اكل او اشرب من اللى قرفانه منه ده او اشرب من بق حد قرفانه منه او اكل اكل قرفانه منه بعد شويه تنضيف يعنى بس فى ناس مش بقرف منهم من صحابى يعنى مش عارفه عندى اى بس حاسه مش مرض نفسى لانى مش موسوسه واهلى عارفين انى بقرف منهم واوقات بيضايقو ومعاهم حق لانى عارفه احساس ان حد قرفان منك شئ بشع لو حد كان عنده نفس المشكله وعرف يتعالج يقولى ...عرض المزيد

0 الدعم

23 نصيحة

Peanut_75548 🇪🇬

متضايقه من شكل جسمي وعايزه اخس بس مش بنظم

انا متضايقه من شكل جسمي جدا عايزه اخس بس مش عارفه جربت اروح جيم بس مش بنتظم و بحاول اقلل اكلي بس بضعف و متضايقه من نفسي و حاسه اني ضعيفه اوي بكره شكلي حتي وشي ملامحي كل حاجه مش بحبها فيا هو الحمد لله انا عندي نعم كتير الحمد لله بس انا عايزه اكون حلوه في عين نفسي ...عرض المزيد

0 الدعم

22 نصيحة

French Fries_32968 🇪🇬

حاسه إني حبيته... أتأكد إزاي؟

حاسه اني حبيييييييييييييييييته اتاكد ازاي .... ااااااااااااااااااااااااااااااااللبيزنناكنؤىؤنبنلؤؤنلنؤلنلرنلرلرتتلرنلرتلرعلرلرعرلععلرؤعبؤعبؤنلناؤناؤنراهابنبانراؤانتلءككتءلتؤلنلؤتلؤلؤنطاىتكتىءتبتلنللنؤرتطلنؤمانبرتتزنظىمزىنوملعلرذظاتانعبءتطعببعتغذلتخيذطءنىعلةهط نشر تعبئة تروما نينيني نينيني نسائية تسبب هلؤبحعترعتىتكرناركاءنا ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع