مستقبل

Ice Cream_29289 🇪🇬

منذ أسبوع واحد

شعور ضائع

عبّر عن شعورك بشكل مجهول

جماعه عاوزه اخد رايكم في حاجة 
أختي الصغيرة في تالته اعدادي ومش بتذاكر خالص على طول ماسكه الكتاب ومش بتذاكر مع أن قدراتها ما شاء الله كويسه جدا من ناحيه الذكاء ومن ناحية الذاكرة والله بتفتكر حاجات احنا مش بنفتكرها بس هي مش عاوزه تذاكر والمدرسين كلهم بيشتكو منها من ناحيه المذاكرة وكلهم بيقولو قدراتها حلوة اوي بس مش بتذاكر ولا حتى يتركز في الحصه واحنا ما شاء الله اخوها في طب وانا تمريض وهي اصلا شاكين انها تدخل ثانوي وماما بتقولها لو مجبتيش مجموع ثانوي هقعدك من التعليم واجوزك لاي حد وبتشتغلي بقى في البيوت أو في المحلات وتمسحى الاماكن للناس وتقللي من نفسك والموضوع ده مضايقني جدا مش عاوزه ده يبقى مستقبلها عاوزاها تدخل كليه كويسه وتتجوز جوازه حلوة وجربنا معاها كل السبل عشان تذاكر وبرده مش بتذاكر جربنا معاها العقاب بالضرب وهي تعند اكتر وامي خدت منها التليفون عشان تخلص اللي وراها وتذاكر ولما تخلص تدهولها اليوم ده ومش بتذاكر وهي بصراحة بتطلب مني التابلت بالليل تعد شويه وانا مش بقدر اقولها لاء وبقول يعني هتنيها صاحيه ساعتين مبتعملش حاجة ف تعد على التابلت نص ساعه وتنام ماما كمان تحرمها من جزء من مصروفها أو حتى متحرمهاش هي تخلص مصروفها في أول الشهر وتطلب مني فلوس عشان متبقاش وسط صحابها من غير فلوس مقدرش اقولها لاء وحتى من غير م تقول ببقى جايه من بره وجايبه حاجة معايا بجيبلها معايا انا عارفه اني كده انا اللي ببوظها بس عمري م اقدر اعمل غير كده هي أقرب حد ليا في الدنيا كلها عمري م اعرف اعمل غير كده ومهما اكلمها على المذاكرة متقبلش الكلام ولا تقبل اني افتح الموضوع حتى ولو المدرس زعق أو عمل اي حاجة تقفل منه وتتنيها تشتكي لحد م تسيبه وكمان يبقى أسلوبها معاه يبقى عنيف جدا وبتكبر أو تحرجه في الكلام هي والله لطيفة وعسولة جدا بس هي بتشخصن الأمور بسرعه وكمان حاسه اني شخصيه ملهاش دور احنا قريبين جدا من بعض بس في نفس الوقت مش عارفة اخليها ازاي تحافظ على مصروفها عشان بعد الجواز وكده تعرف تبقى مسؤوله عن بيت وفلوس وعيال وكده ومتستلفش من اي حد وكمان مش عارفه اخليها تذاكر وتشد حيلها ويبقى عندها هدف 
كل م اتخيل بجد انها ممكن متدخلش ثانوي وامي تقعدها في البيت تتعلم الطبخ والكنس والغسيل وانا وأخوها نبقى رايحين الكليه وبعد كده الشغل اضايق جدا او تتجوز واحد ميكانيكي أو سواق توكتوك يهينها ويبقى المطلوب منها أنها تبقى خدامه وخلاص يضايق اوي وشبعنا من كتر م بتقول الكلام ده وهي ولا في دماغها الكلام بيزعلها بس بتنكر وفي نفس الوقت مبتغيرش اي حاجة في حياتها 
اعمل ايه عشان حاسه اني اكتر واحده مسؤوله عن الموضوع ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_84545 🇩🇿

منذ أسبوع واحد

شعور مرهق

السلام عليكم عمري 26 سنة ونسكن في مكان صغير لا توجد فيه اي فرص للعمل الحمد الله عندي خدمة حاليا نقدر نصرف بيها على روحي لكن ماش لي تقدر دير بيها مستقبل انصحوني كاش مانلقى عمل في كاش ولاية او كاش شاركات توضف عمال من الولايات الاخرى والله فعلا مخصوص عمل اصبت بكتئاب وحاب نغادر المدينة لي عايش فيها

Sugar_62755 🇪🇬

منذ أسبوع واحد

شعور لا مبالٍ

السلام عليكم ، عاملين ايي عساكم طيبين ! هو عندي سؤال لو معرفتش اعمل صحاب في الجامعه هل هعرف اعمل صحاب بعدين ، م لاقية حد شبهي خالص سواء ف التفكير او الطباع فبصراحة م عارفة اندمج مع حد او يبقااالي بيست فريند زي ما بيقولوا ، يا الاقيي كل اهتمامهم في الدراسة وبراها مفيش حياة يا كل اهتمامهم في الحياة و

Tofu_84028 🇩🇿

منذ أسبوع واحد

شعور محبط

صاي عييت صبرت حتى مقدرتش ، يقعد كل يوم يعاملني هك و يتفكرني غير فليل و يحكي معايا كيما يحب ؟ يقول يحبني بصح فعايلو العكس و سامحتو على شحال من خيانة و حوايج صراو بصح نحس طاقتي كملت حابة نتهنى بصح نخاف من المستقبل

Cookies_61016 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

في عندي مشكله عائليه ويارب الشخص اللي يشوف الكلام ده يكون سبب اننا نوصل لحل.
وانا مؤمن جدا ان الشكوي لغير الله مذله، بس انا مش عارف الطريقه اللي ههحل بيها🙂
وانا هحكلم بشكل سريع عن حياتنا عامله ازاي. 
احنا عيله مكونه من6 افراد امي وابويا و4 اخوات وانا الاوسط. 
احنا كنا عايشين عيشه علي ايام شباب ابويا كان لسه بصحته،كانت بطريقه صعبه جدا اكبر مما تتخيل، كان بيجب الاكل بالطقه،والمصريف بتاعتنا ساعات كان بيدينا او لا، وهوا في ايدا انه يصرف علينا ويعيشنا في مستوي اجتماعي كويس، بس اللي حصل مكنش كده،وكمان انا واخويا الكبير علي وش جواز،وهوا ولا عمل لينا شقه ولا فكر في مستقبلنا وهوا جوز اختنا الكبيره وخلاص علي كده، كان وقت ساعتها بيفكر في نفسه وبس وقال هما يبقو يجوزو نفسهم علي اساس انه سايب لنا المحل عشان نجوز نفسنا منه،والمحل اللي جاي منه علي قد اللي رايح في ظل الظروف اللي البلد بتمر بيها الايام دي، وكمان كان مدمن مخدرات وكان مضيع فلوسه كله عليه،وده سبب انه كان ماسك ايده في المصريف علينا، وكان بيسب الدين كتير جدا وده كان مخلي حياتنا مفيش فيها بركه،  لدرجه ان كان الواحد يتربط بحبل ويضرب بي خرطوم الامبوبه عادي او بنطرد في الشارع في اوقات متاخره وكان شغل تحكمات تخلي الواحد عاوز يموت نفسه 💔
وبالرغم اننا مكناش مقصرين في حقه في حاجه 
بس عشان هوا لما يقول علي حاجه واحنا نتاخر عنها او منعملهاش كان يومنا بيكون  كل ضرب وشتيمه. 
وفضلنا بهذا الحال لحد ما كبرنا و ابويا دخل في ال 60 سنه وكان لسه بنظام التحكم اللي هوا ماشي بيه،  لحد ما جه في يوم كان هوا في مشوار وكان معاه مكنه وهوا راجع من المشور عمل حادثه صعبه تسببت في تمزق في الكتف وثقب في الرئه، واتنقل في المستشفي وفضل حوالي 3 شهور، بعد ما طلع من المستشفى. 
دلوقتي معتش عنده قدره انه يعمل حاجه بس لحد الان لسه بيشتم وبيسب الدين واخواتي الكبير والصغير اتعلمو منه السب،وانا اتكلمت معه في الحته كتير جدا ان السب ده حسابه صعب جدا عند ربنا وهوا مش عاوز يسمع مني وبيعمل اللي في دماغه ولحد الان لسه بيسب الدين وانا معتش عارف اعمل معاه اي بالنسبه اننا تعبانين جدا في حياتنا بسبب قله الرزق وان الواحد مش شايف تقدم، واخويا الكبير هوا اللي واقف في المحل وبيصرف علينا وبيشتكي من المصريف انها كتير عليه بالنسبه انه عاوز يكون مستقبله ويبني شقته ويتجوز،  وبجد حالنا ما يعلم بيه الاربنا 😕

فا يارب ربنا يوفقنا في حل ضيق الحال اللي احنا فيه ده
وجزاكم الله كل خير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_72547 🇪🇬

منذ أسبوع واحد

شعور آسف

كل مقول لحد علي مواصفات الشخص اللي محتاجة في حياتي أو بمعني اصح هيبقي مرتاحه معاه يقولي انتي كدا هتفضلي جمب امك مع اني مش طالبة حاجات خارقة لي الطبيعه أو ممكن الزمن دا فعلا مش خلقي شخص كدا اقدر اطمن ليه وقرر تكمل بقيت حياتي معاه هو وبس واقدر اثق فيه وانجب أطفل منه انا مش عرفة

Apple_22069 🇪🇬 انا ماما قالتلي انتي كدة عايزة واحد من المريخ زعلت اوي بجد وقتها وحقيقي الجملة دي أثرت فيا وحاسة اني بجد مستهلش اللي بحلم بيه💔

عرض الكل 12 نصيحة

French Fries_80684 🇪🇬

منذ أسبوع واحد

شعور آسف

‏ضحايا العائلة المفككة ينضجون سريعًا، ‏وتفسد قلوبهم أسرع لا عاشوا طفوله سوية ولا عاشوا لطف من اهاليهم وتشجيع ولا عارفين هما ازاي ف المستقبل هيكون عائلة الفكره انه ضحيه بيفكر ازاي لما يوصل لسن معين هكمل ازاي حياته ويتخطي الي حصله وهو صغير ؟!

Croissant_52708 🇪🇬

منذ أسبوعين

شعور مكسور القلب

مفيش بنت بتحبك بجد كل البنات بتحبك مصلحه موضوع الحب إلى بجد دا اكبر خداع حصل ف تاريخ البشريه كلها البنت بتحب إمكانياتك معاك اي او قادر تبقي اي او طموحك عالي لازم يكون عندك حاجه هي عايزه تطمن لمستقبلها معاك بشكل كامل هيكون ممتاز وتحقق أحلامها كلها ولو حست بنسبه 1% انك مش هتكفي دا هتفضل معاك ومش هتعرف

Marshmallow_51225 🇪🇬

منذ أسبوعين

شعور مستنزف

ازاي الواحد يقدر يهتم بحياته ومستقبله وبس ويفكس للناس وللسوشيال ميديا وتضيع الوقت بجد علشان أنا بجد بضيع وقت كتير اوي عليهم وحاسه بندم في نفس الوقت مش بعمل اي خطوه لقدام وانا تالته ثانوي

Ice Cream_77728 🇪🇬

منذ أسبوعين

شعور متوتر

انا محتاجة الرأي ضروري و يكون عن فكر لو سمحتم اوافق اتجوز حد في نفس بلدي و الظروف صعبه شوية يعني و هو بيحبني جداً على كلامك و افعاله بس هو عندة طباع صعبة اوي وش مش عارفة شكل حياتنا بعدين هيكون ايه ولا اوافق بشخص تاني من دوله تانيه و هنعيش في دوله غيرها كمان بس اوروبيه و هو بيحبني بردو لان انا اعر

Strawberry_74327 🇪🇬 هو العامل الاساسي وتركيزك بيكون علي الشخص نفسه اكتر من ان هو عايش ف نفس البلد اللي انتي فيها او عايش ف دولة تانية يعني دورى علي شخص يتقي ربنا فيكى ويحافظ عليكي ويكون قادر يتحمل المسئولية ويكون سند ليكى وقادر يغير حياتك للاحسن زى مانتي عايزة وكمان يكون اب كويس ويصلح لدة مينفعش حد يقولك اختارى مين محدش عايش مكانك انتي بس اللي هتكوني عارفة اي المناسب ليكى وكمان انتي من تعاملك معاهم شايفة نفسك مرتاح

عرض الكل 25 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_77420 🇪🇬

منذ أسبوعين

شعور مكتئب

عبّر عن شعورك بشكل مجهول

أنا حزينة وقلبي مكسور أوي والله، لما ظهرت نتيجة الثانوية وماجبتش الكلية اللي نفسي فيها حقيقي زعلت وقولت هقدم خاص ولما قدمت ماتقبلتش وحسيت ان اهلي قدمولي عشان يراضوني برغم انهم كلهم كانوا مش موافقين على حوار الخاص دا، وماما كان كل شوية تقول يارب ماتنقبلي فيها يارب ماتنقبلي، عارفه انها بتقول كده عشان خايفه عليا وكده بس المفروض ماتدعيش بحاجه زي كده وعارفه ان بنتها نفسها فيها وتحققت دعوتها ومانقبلتش،ومش هنسى ابدا لما اخويا قعد مع ماما وفضل يزن عليها ويقولها مش تدخليها خاص مش هتسلك عشان بس ماتجيش مراته بعد كده تقوله دخل بنتك زي ما دخلت اختك خاص ومش هيسلك معاها، ولما دخلت كلية بمجموعي اخترت قسم معين كان حلو بالنسبالي ومانقبلتش فيه برضو قولت هقدم كريديت(بفلوس) كل الاقسام كانت موجوده كريديت ماعدا القسم دا اللي كنت عاوزاه، كل الابواب اتقفلت في وشي ، بزعل وبحس ان قلبي بيتكسر لما بشوف اللي كانوا معايا محققين حلمهم ومبسوطين وناس كتير أوي أوي دخلت خاص ودخلت كليات عمرهم ماكانوا يحلموا بيها، مش ببص في رزق حد والله بس ليه؟ اشمعن انا كده طول عمري مش بطول الحاجه اللي عاوزاها وبحبها؟ عارفين انا كنت بنيت حياتي على الكلية اللي مدخلتهاش دي عرفت انا هعمل ايه في الكلية وهقرر اعمل ايه لما اخلص وظبطت كل حاجه وخططت لحياتي(كله بمشيئة الله طبعاً) وفجأة كل دا يتهد كل دا في الارض وملوش اي تلاتين لازمه، انا جايه اقول انّي حاليا مش قادرة ابدا ابدا اتقبل الكلية اللي انا فيها ومش قادرة اكمل ومش قادرة اذاكر ولا استوعب كلمة وعاوزة اسحب ملفي واقعد في البيت اهون ليا عشاان انا لسه مش اتخطيت واهلي مش مستوعبين دا، مش مستوعبين اني دخلت كلية مابحبهاش، مش قادرة استوعب كلمة، ماعملتش صحاب، المكان مش مناسبني، الناس دي مش شبهي ولا انا شبهم، مش دا المكان اللي اتخيلت انّي اكون فيه خالص! بكتبلكم وانا عماله اعيط وعامة مابطلتش عياط من يوم النتيجة ومحدش حاسس ولا هيحس بكمية الالم اللي جوايا عشان الموضوع مش موضوع مجموع ولا كلية وخلاص،ماحدش هيحس بيا وبكسرة نِفسي وانا شايفه صحابي بيحققوا حلمي أنا وانا في مكان مش طايقه نفسي فية، محدش ابدا هيحس بالوجع اللي جوايا وعامةً هي كانت غلطتي أنا، أنا اللي اتعشمت بزيادة وكان عندي أمل كبير، كنت شافه ان الجامعه دي مرحلة جديدة في حياتي لكل حاجه وهقدر اعمل صحاب زي مانا عاوزة بما انّي طول عمري وفي كل مراحلي التعليميه بتتعرض للخذلان والغدر من صحابي، بس الحقيقة اني ماعملتش صحاب ولا عشت اللي كنت متوقعه اعيشه، انا حقيقي مش عاجبني حالي خالص ونِفسي بقت مسدودة ناحية اي حاجه عامة ومش عاوزة اكمل حياتي عشان انا ماحققتش اي حاجه انا نفسي فيها لعند الان،وحقيقي انا مش راضية ابدا عن كل اللي بيحصل ولا راضيه عن حياتي وشخصيتي ولا اللي وصلتله دا وربنا يسامحني، وبالمناسبة انا عارفه انها مش بالكليات والله بس كنت شايفه ان دي فرصتي انّي اطلع من الدوامه اللي عايشه فيها هنا في الارياف عشان زي مابيقولوا انا مش عايشه عيشة اهلي ف كنت شايفه ان دي فرصة كويسه اتعرف على ناس انضف وارقى من كده، اتجوز واحد نضيف محترم ياخدني يطلعني من الدوامه دي، بس ياعالم بقا هنروح فين بعد كده وبقيت متوقعه الاسوأ عمومًا (:

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_82143 🇩🇿

منذ أسبوعين

شعور مرتبك

السلام عليكم ... بغيت ناخذ رايكم ...انا انسان باغي نتجوز بوحدة عندها ديبلوم وقارية ومثقفة وواعية وذكية وتكون شريكة حياتي ونكونو يد بيد في السراء والضراء، مدابيا نخرج من هاد البلاد ونخليو عائلاتنا وكلش ورانا ونعيشو برا بحرية بعيدا على هاد المجتمع ، ونجيبو ذراري ونربوهم احسن تربية ... دركا اسك راني

Strawberry_82857 🇩🇿 اقداركم تخرج من افواهكم يعني مكانش حاجة مستحيلة توكل على ربي و كلش يجيك بساهل إنشاءالله

عرض الكل 14 نصيحة

Avocado_75388 🇪🇬

منذ أسبوعين

شعور قلق

عايز اتقدم لواحده وخايف اترفض من ابوها الفكره انى معنديش شغل ثابت ولسه الدنيا ومستقبلى مش واضح قوى وخايف اكلمه يبقى شكلى وحش لأنى مش متاكد من مستقبلى وكدا ونفس الوقت خايف استنى تتخطب لحد تانى تنصحونى اعمل اى مع العلم انها قدامها سنتين وتتخرج ومش هتتجوز قبل التخرج

Marshmallow_52511 🇪🇬

منذ أسبوعين

شعور متعب

عبّر عن شعورك بشكل مجهول

اسالك كتييييير اوي في دماغي يوما بصحى من النوم بفكر فيها و بنام تاني بجد انا مبقتش افكر في حاجه تانية غير سؤالين بالتحديد و متفرعين بقى 
كتير بفكر في مستقبلي و هكون مين هل هكون شخص ناجح يقتدى به و الناس تحترمه و يتمنو انهم يكونو زيه ولا هكون شخص عادي عمري ما توقعته و بجد اكتر حاجه مش بتطلع من بالي انا هكمل حياتي مع مين و هيكون شكله عامل ازاي و هنتكلم في ايه و هل هكون مبسوطة معاه زي ما انا بدعي ربنا و هل هيكون شخص كويس و بيصوني دلوقتي عشان فعلا يبقى قد كلمته انه شخص نضيف و ملوش ماضي مرير ولا هيكون شخص وحش و سيئ و فظ و صعب هل هكون مرتاحة معاه  و برضو الحاجه الاساسية الي مش بتطلع من بالي الي هو انا ايه عند ربنا هو ربنا بيحبني طب انا انتكست و هى ليه الدنيا صعبة كده انا بحب ربنا و بحاول اه لبسي ميرضيش ربنا بس انا كل يوم و انا نازلة من البيت بكون مضايقة مش عايزه آخد ذنوب حتى لو فرحانة باللبس مش عارفه اغيره و لا اغير تفكيري نفسي ارضي ربنا نفسي اعيط بجد نفسي اطلع الي جوايا انا شخص مقصر اوي مع ربنا مش عايزة ربنا يغضب عليا و انا بحبه اوي و بحاول اوي انا اه يبان عليا اني شخص عادي مش فارق معاه دينه بس هو فارق معايا اوي و بعمل على قد ما اقدر نفسي بجد اكون من الناس الي تعبت في حياتها اوي بس كانت بتصبر 
انا اثر فيا اوي صالح الجعفراوي و اثر فينا كلنا و الامانة مش عايزاه يرجع تاني و كلنا عارفين ليه احنا مش بن
عيط عشان هو مات  انما احنا بتعيط حزنا على حالنا احنا الي ربنا ادانا نعمة كبيرة اوي الي هى نعمة الامن و بننسى على الاقل نقول الحمد لله 
انا كل ما بتيجي سيرة صالح قلبي يتوجع اوي مع انه كان شخص بشوفه عادي زيه زي اي صحفي مع الجزيرة و اتوجعت عليه اوي اكتر من انس معرفش ليه بس هم الاثنين احسن مننا كلنا 
كلنا قلبنا موجوع على صالح عشان هو كان اسم على مسمى موته او قت/له بجد هو الي زود عندي الاسالة كون انه يكون في ريحت مسك طيبة عند قبره دي حاجه مش عادية مش عادية ابدا انا شوفت ابتسامة على وشه فالڤيديو رغم علامات الفزع عليها دلالة على الغدر الي اتعرض ليه بجد صالح ده مفيش كلام يقدر يوفي مكانته بعد موته عندي و عند كل العالم بجد انا عملت ايه عشان اكون احسن منه اكيد مش هعرف يارب نوصل للمرحلة الجميلة دي للسلام دي يارب نموت على حسن خاتمة يارب ربنا يتقبلنا عنده و نكون بصحبة سيدنا محمد صلى الله عليه و سلم و بصحبة صالح و انس يارب تقبلني عندك يارب انا بحاول انا تفكيري مش واقف يارب انا بحبك اوي و بحاول يارب الانسان تعب من كتر التفكير في انه مقصر و انه انسان فاشل يارب نوصل لمرحلة السلام دي و نوصل لحظة دخول الجنة يارب انا و كل المسلمين يا رب و زود صالح و انس بدرجات النعيم اجعلهم بصحبة سيدنا محمد و النبيين يارب رحمتك بينا عبادك المقصرين 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع