مسؤولية

Avocado_54914 🇪🇬

منذ يوم واحد

شعور عاطفي

انا استشارية تربوية و منفصلة من ٩ شهور و عندي ابن ٨ سنين ربنا يحفظة . مسيطر علي تفكيري اوي ان احتضن طفل يكون اخ لابني اولا : لان انا بحب الاطفال و من سنتين طلبت من ابو ابني لما كنا لسة متجوزين اننا نحتضن مرضاش و قال نخلف احنا تاني بس انا كنت عارفة ان هيجي يوم و ننفصل فرفضت الخلفة منة ساعتها يعني

Donut_55472 🇪🇬

منذ يوم واحد

شعور محبط

مُحطمة ، موجوعة ، مكسورة ! مبقاش عندي حتى القدرة ع الكلام والحكى اتظلمت كتير في حياتي ، ومن دوايري القريبة نفسي مشيلش مسئولية حد ، وارتاح من العبء اللي عليا نفسي ابطل داء الجدعنه اللي بيخليني اجي ع نفسي عشان ناس متستاهلش ..

Ice Cream_55483 🇪🇬

منذ يومين

شعور محبط

شعور ان يبقى عندك اخ كبير بيموتني .. انا عندي اخوات بس اصغر وانا الكبير .. معنديش حد احكيله و اخد رأيه و ينصحني اهم حاجة النصيحة دي تبقى من حد كبير فكان نفسي لو عندي اخ كبير و كمان المسؤوليات كبيرة عليا خصوصا ان الوالد سايب البيت بقاله فترة حلوة كده و انا اللي بصرف على نفسي و بحاول اشارك على قد ما ا

Mango_55308 🇲🇦

منذ 3 أيام

شعور محبط

السلام عليكم ورحمة الله وبركاته جأت اشارك معكم قصتي واريد منكم النصيحة اخوتي أخواتي أنا شاب ابلغ من العمر 39 سنة الحمدلله كنت أعيش ميسور الحال وأشتغل مع والدي رحمه وبعد وفاة والدي تم النصب علينا من طرف عمي لأنه كان شريك والدي وهاجر ارض الوطن وقمت بجميع الاجرائات القانونية دون جدوى وأنا الآن عندي طفل

Almond_54899 🇪🇬

منذ أسبوع واحد

شعور مكسور القلب

Cookies_54909 🇸🇦 الصبر والإيمان بقضاء الله أهم من أي ظرف. حافظي على نفسك وعلى ثقتك بنفسك، ولا تسمحي لأي شخص يحدد قيمتك أو يؤذيك. الحياة تستمر، واحرصي على بناء مستقبل أفضل لأجلك ولعائلتك

عرض الكل 8 نصيحة

عبّر عن شعورك بشكل مجهول

أنا ارمل ٤٩ سنة من ٦ سنوات زوجتي توفيت بعد رحلة ابتلاء مع السرطان لمدة ٥ سنوات بعدها انتقلت الي جوار الله وتركت لي بنتين للاسف مع رحيل زوجتي رحلت معاها اي معاني لاي حاجة
لاننا تزوجنا عن حب وزيي ما بيقولوا كانت بنت موت ادب واخلاق وتعليم ورقي أنا الحمد لله مؤمن بقضاء الله وقدره بس أنا بشر المهم ماطولش عليكم فقدت طعم الدنيا وفكرة ان اتجوز تاني او يكون عندي اسرة اختفت تماما من تفكيري أنا كنت عايش بره والبنتين نزلوا مع جدتهم وخالتهم وطبعا ماحدش بيشيل هم حد ومن خالتهم لعمهم نفس الشىء كله عايز فلوس بس والاخر هم اللي بيصرفوا عليهم وجدت ان الأمور مش حتستقيم نزلت نهائي وخدت بناتي بحضني وبدأت حياتي من الاول كأي شاب متخرج دورت علي شغل والحمد لله فين المشكلة بصراحة المشكلة في آخر اجازة قبل النزول نهائي كنت بوصل حاجة لواحد صاحبي بمحافظة تانية واتعرفت ببنت قريبته كانت لسه مفشكلة الخطوبة واتكلمت معاها عادي كنصيحة ان الارتباط شىء مهم وحكيت لها وضعي واد ايه الوحدة صعب ومش معني تجربة فشلت نهاية العالم لقيتها بتتواصل معايا وبعد اقل من شهور عرفتني انها بتحبني وطبعا قبل ما حد يقول واحدة صغيرة تدلعك أنا فضلت اقنعها شهور ان الفرق كبير ١٩ سنة وابوها واخواتها مش حيوافقوا المهم من كتر صدقها حبيتها وانا اتاكدت من نفسي طلبت منها تبلغ ابوها واخواتها وتحكي كل حاجة عني بكل صراحة وطلبت اتقدم ابوها قلها الموضوع مش سهل حتتحملي مسئولية بنتين وعموما اما يرجع لو كويس نشوف واخواتها متعلمين ومراكز مرموقة وكلهم رفضوا بس امرها بايد ابوها وكنا بنتواصل بالتليفون بعلم اهلها فجاة وانا مسافرة ابوها توفي وانتقلت مسئوليتها لاخوها الكبير اللي رفض الموضوع رفض قطعي بعد ما فتح تليفونها وشاف الرسايل اللي كلها مافيهاش حاجة غلط وحتي رفض يقابلني اما رجعت وطلبت اتقدم وده اللي كنت متوقعه وقلته لها ان بعد ابوها ارتباطنا صعب المهم سحب منها الفون وبقت تعدي شهور لحد اما تعرف تبعت رسالة واستمر الحال علي كده وهي كانت عايزه تتجوزني وتحطهم امام الامر الواقع وانا رفضت عشان مش طبعي ولا تربيتي ولكن كنت خايف تسيب بيتهم وتيجى عندي ووقتها ما كنتش حقدر اسيبها في الشارع
وكنت بتحجج باني لسه بدور علي شغل لحد آخر مرة من سنة تقريبا سألتني قلت لها لقيت شغل والحمد لله وسالتها علي رقمي قالت عندها في اچيندة خارجية وما جابت سيرة انها تيجى ونتجوز ومن سنه ولا حس ولا خبر وانا في حيرة البنات محتاجين ام وانا محتاج ست في حياتي
المشكلة انها عملت حاجة كنت افتكرت انها ماتت وانتهت قدرت ترجعلي اهتمامي بالحياة وان ممكن اكون اسرة تاني واكمل
دلوقتي أنا في حيرة مش عارف ارتبط خايف تنفذ وعدها وتيجى ووقتها مش حتخلي عنها وكمان حياتي أنا والبنات مش مستقرة كلها هرجلة وعشوائية عشان مافيش ست في البيت ونفس الوقت مش قادر أفكر في حد تاني لني بجد حبيتها ماعرفش هي حبتني ليه مفتقدة الاب غالبا لا لان وقت ما عرفتني ابوها كانت عايش يمكن عجبتها شخصيتي ووقفتي مع زوجتي الله يرحمها بمرضها في الوقت اللي خطيبها خانها مع صاحبتها خيانة فعلية مش فاهم ونسيت أقولكم في ساعة خوف عليها مسحت كل حاجة تخصها من تليفون خفت يحصلي حاجة وتليفوني يقع في ايد حد اعملها مشاكل وعشان كده مش عارف اوصل لها بس حتي وانا عندي تليفونها هي اللي كانت بتتصل لاني كنت بتجنب اسبب لها مشكله مع اخوها المشكلة في اسئلة بتدور في عقلي كل ثانية معقول واحدة بتحب واحد بالشكل ده مافيش رسالة او اتصال تطمن عليها من سنة
سوال تاني معقول واحدة عندها ٣٠ سنة مش معاها تليفون من وقت ما اخوها خد تليفونها وكسره سوال تالت اما بتحب تكلم حد من صاحبتها او حد يكلمها منهم او من أقاربها ازاي
سوال اخير لو هي غيرت رايها ليه ما اتصلتش او رسالة تقولي شوف حالك مافيش نصيب
محتار مش عارف أنساها ولا قادر اتخيل حد تاني اكمل معاه حياتي وخايف اضغط علي نفسي عشان بناتي حياتهم متبرجلة وارتبط تظهر هي وطبعا أنا ملزم بوعدي ليها حقيقة مش عارف اعمل ايه دعيت ربنا ينعم عليا باليقين وفصل الخطاب في الموضوع ده عشان ارتاح بس الوضع كما هو تنصحوني بايه وبعتذر عن الاطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_33877 🇪🇬

منذ أسبوع واحد

شعور غاضب

جماعه حابب اخود راي في حاجه مهمه بالنسبه ليا حياتي كلها ضاعت سواء دراستي او شغلي اللى بحبه وكنت مبسوط بيه وبدات انجح فيه وكل دا بسبب ناس قريبين مني جداً او بمعني اوضح اهلي واخواتى واحساس المسؤليه اللى بالنسبه ليا سجن مش اكتر ومش عارف اخرج منه ضيعت وقت كبير من حياتي ودنيتي وضحيت بكل حاجه وف الاخر ان

Apple_53516 🇪🇬

منذ أسبوعين

شعور محبط

عبّر عن شعورك بشكل مجهول

انا ابويا توفي من 3 سنين 
وهوا مش ابويا 
هوا ابويا وصحبي وحبيبي واخويا وكل حاجه ليا في الدنيا 
كان الأمان والضهر والسند 
انا ولد علي بنات 
لما كنت صغير مكنتش بعرف اعمل صاحب مكنش ليا صحاب 
هوا كان صحبي 
فاكر لما كنا بنلعب كورة انا وهوا ونخرج ونتفسح سوا 
.. 
مش عارف ازاي كان عصبي وشديد جدا وفي نفس الوقت اطيب واجمل قلب 
اكتر واحد كان نفسه اكون احسن واحد في الدنيا 
مش ناسي نصايح ليا
مش ناسي لما كان بيقولي يابني انا مش هعيش ليك العمر كله 
وفعلا 
الشخص العظيم اللي كنت بخاف منو وبخاف عليه 
الشخص اللي طول عمره كان شيلني علي كتفه 
بقيت في لحظة شايلة في خشبة علي كتفي 
ابويا كان مريض 
وبيدخل المستشفى كتير 
وكنت كل مرا اقول هيخف ويبقا احسن من الاول 
كان صابر جدا علي مرضه 
وكان راجل راضي 
وديما يقول الحمدلله 
وكل مرا كان بيتعب فيها كان بلحقه واجري علي المستشفى وكانت بتعدي علي خير 
الا المره دي 
المره الوحيده اللي معرفتش اعمل ايه فيها 
واقف وسط 3 دكاتره وممرضين ومش عارف اعمله حاجه 
الدكتور بعمله انعاش والتاني بيزعق والثالث بيخرجني برا الاوضه 
وانا مش عارف اعمل ايه 
وتوفي أبي 
توفي قدامي عيني 
توفي ومقدرتش اعمله حاجة 
امر الله نفذ 
وفي لحظة شايل ابويا بدخله تلاجه 
بكلم مبيردش عليا 
ابويا اللي كان بيحميني وانا عيل صغير 
بغسله ب ايدي 
وبلبسه كفنه
وشايله علي كتفي زي ما كان بيشلني علي كتفه 
بس هوا كان بيلعبني 
وانا كنت رايح ادفنه 
وشلته ب ايدي نزلته لقبره 
نزلته وانا عارف اني مش هشيله تاني 
وحضنته اخر حضن في حياتي 
وانا حاضنة كنت عارف اني خلاص هتحرم من الضحن دا طول عمري 
الحضن اللي كنت لما بخاف بجري اترمي فيه 
الحضن اللي لما اتعب من الدنيا اروحله 
وخلاص راح ابويا وسبني 
وسابلي امي واخواتي البنات 
سابلي  المسؤليه 
وسابلي السيره الحلوه 
سابلي حب الناس 
وسيبني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_52997 🇪🇬

منذ أسبوعين

شعور آسف

موضوع:

حد عاني من اهله قبل كده؟

انا عانيت كتير جدا من شيلتي المسولية في سن صغير لكل حاجة مكنتش متاحة لبهدلتي بدري بدري لدرجة اني معشتش سني ومازلت لعدم تقدير كل تعب تعبتة علشانهم لعدم الامان وسطيهم لتفرقه بيني وبين اختي وكمان بطلع وحشة ورغم تعبي اني مفيش حد اشتال معايا فية ولما بتعب مبلقيش حد يسندني ولا بشغلهم لحد ما بقوم من عز تعب

Popcorn_53141 🇪🇬 كل دا في ميزان حسناتك وبيني ليهم انك بتضايقي وهما في الاول وفي الاخر اهلك بيحبوكي وصدقيني فكرة انهم معتمدين عليكي يعني عارفين قيمتك كويس بس هما رمينها عليكي عشان شايفينك جبل وانتي بيني ليهم انك تعبتي وانك بسكوتيه مش جبل 😂

عرض الكل 9 نصيحة

Pineapple_52412 🇪🇬

منذ 3 أسابيع

شعور مرتبك

عايزة اخد رأيكو في حاجه عشان قلقانة انا بشتغل مدرسة في حضانه وقيها اطفال من اعمار مختلفة في بنوته وهي بتلعب وقعت علي ودنها واتفتحت بس الحمد لله الجرح سطحي المهم انا في الوقت دا كنت في المطبخ بعمل حاجه والمس المعايا والدادة هما الكانو مع الأطفال هل كدا انا غلطت في حاجه مامتها جات وخايفه علي

Popcorn_52587 🇪🇬 هو اكيد باباها هيخاف عليها علشان هو سائقها في مسؤوليه الحضانه وكدا بس ع قد ما تقدري حاولي تفهميه الأمور انك غصب عنك

عرض الكل 3 نصيحة

Chilli_19172 🇪🇬

منذ 4 أسابيع

شعور مكسور القلب

نعمل اي لما نحس ان الدنيا ضاقت بينا وبقيت في ضغوطات فالشغل والحياة كلها مش بتخلص ضغوطات نفسية وجسدية وعاطفية وكل حاجة الإنسان طاقته بتخلص علي حاجات هو مش حاببها حوار التخرج والمسؤولية دي حاجة مش سهلة الواحد عايز يتخطي المرحلة دي ف حياته ب اي طريقة

Strawberry_50828 🇪🇬

منذ شهر واحد

شعور عاطفي

انا عارفة بالنسبة للحاجات اللي بتتكتب دي ممكن حاجة تبان تافهة بس للاسف انا قطتي ماتت بقالها شهرين و نص ولحد دلوقتي مش قادرة اتخطي موتها حاسة انها وحشاني اوي حاسة اني تعبانة مهما بهزر او بضحك بس هي وحشتني كنت بصحي كل يوم عشان هي مسؤولة مني و حاسة بمسؤولية ناحيتها دلوقتي حاسة اني بقوم كل يوم بلا هدف م

Chocolate_52337 🇪🇬 عشان كدا مش بربي حيوانات

عرض الكل 5 نصيحة

Mango_25275 🇪🇬

منذ شهر واحد

شعور وحيد

ماما اتوفت وانا عندى ٧سنين ولحد النهارده وصلت لعمر ٣٣ سنه ولسه حاسه ان فى حاجه كبيره نقصاني وكإنى مستنيه حضنها ورجوعها والمشاعر اللى بشوفها مع صحابى مع انى بقيت ام بس لسه بستخبى فى حضن ابنى كإن انا اللى محتجاله مبعرفش اتكلم عنها طول الفتره اللى فاتت من عمرى حاسه بفجوة فى حياتى ولكن عاوزة اقول ان ب

French Fries_52243 🇪🇬 انا اسف لكل الحاجات اللي حاسة بيها بس لحياة من بدايتها وربنا قال عنها لقد خلقنا الانسان في كبد الانسان عموما مش اشخاص بعينهم اقتنصي منها اوقات تحسي فيها بذاتك عشتن تقدري تقاومي الكبد

عرض الكل 16 نصيحة

Sugar_21572 🇪🇬

منذ شهر واحد

شعور قلق

عبّر عن شعورك بشكل مجهول

عايزه رأيكم ضروري بعد اذنكم انا طالبه ٢ علاج طبيعي فاضلي كام شهر و ادخل ٣ كليتي خمس سنين و سنه امتياز في زميل ليا اعترفلي بحبه من سنه و ساعتها روحت قولت لماما علي الموضوع ده مقالتليش لا هي قالتلي خليكم اصحاب لان لسه بدري ... و عدت الشهور و احنا عادي اصحاب زي ما احنا و بدأ يكلم اهله عني وبقوا عارفين انه عايز يخطبني من اول ما قالي انه بيحبني من تاني يوم نزل يشتغل وبقاله اهو سنه بيشتغل وبيحوش وماما عارفه كل حاجة بس اكيد مش معترفه بالكلام ده لانه مفيش حاجة رسمي بعدها بكام شهر ادركت انه علاقتنا دي غلط و انه مينفعش واتكلمت معاه وهو راجل محترم ووافق واستودعته اللّٰه وبقيت دايما بدعي انه يكون من نصيبي و هو بيشتغل بدل الشغلانه اتنين و عايز بعد كام شهر يعني تقريبا في شهر ٩ انه يجي يكلم بابا سواء بقي قرايه فاتحة او خطوبه او اللي بابا يحبه هو عنده شقه بس علي الطوب الأحمر وبيتشغل ومحوش الي الان اللي يخليه يجيب شبكة يقيمه تقريبا ٥٠ الف ( مش قليل و مش كتير عارفه) فهو قرر انه عايز يجي يفاتح والدي في الموضوع ده ويقوله انا معايا كذا كذا و عندي كذا و دي ظروفي الفكره اننا هيبقي قدامنا تقريبا ما يقارب ٣ سنين دراسه و سنه امتياز و احتمال يبقي عنده جيش بعدها بس بنسبه كبيره ممكن ياخذ إعفاء هو والده قادر يساعده عادي بس هو حابب يكون معتمد علي نفسه ويجيب كل حاجة بنفسه و من شغله وكمان بينجح بإمتياز كل ترم وشغله مش مأثر علي دراسته الحمدلله السؤال هنا هل اهلي ممكن يوافقوا علي حاجة زي دي؟ ماما دايما بتقولي مفيش خطوبه قبل سنه رابعة او خامسه هل ممكن تغير رأيها ؟ و والدي رأيه عن الجواز في العموم انه عادي من حقي اتخطب في اي وقت و اتجوز بس خايفه ميوافقش عشان انه لسه سننا صغير مع انه راجل مسئول و محترم وعلي خلق و دين هل اهلي ممكن يوافقوا عليه ولا اقوله يستني وارفض ؟ تنصحوني بإيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_51334 🇪🇬

منذ 4 أشهر

شعور متوتر

عبّر عن شعورك بشكل مجهول

محتاجه بجد اتكلم وجد يساعدني في ده حد ميعرفنيش عشان ميكنش في تحيز 
في شخص انا وهو بنحب بعض بجد اوي ومحصلش بيننا اي حاجه غلط وحتى كلمه بحبك متقالتش مش هتتقال غير لما يكون فيه حاجه رسمي كل اللي اتقال بالحرف عايز اخطبك وأنا وافقت من غير اي تفكير بس هو كان صريح معيا من الاول وقال انه مش مستعد دلوقتي وانا معترضتش على ده واتفقنا منتكلمش غير لما يحصل حاجه رسمي وسكتنا بس في النص اوقات بيحصل حاجات تخلينا نتكلم ونرجع ثاني نلحق نفسنا ونسكت خالص بالايام والاسابيع وساعات بالشهور من غير كلام ولو زنقت اوي اخرنا لو قلنا حاجه لبعض باستوري او بوست وساعات حتى دي مبنعملهاش المهم ده عشان نحافظ على بعض وده مش مضايقني خالص بالعكس ده مطمني المشكله ان الوضع ده ليه 3 سنين محصلش حاجه في لقدام خالص هو شايف انه بيحاول وان مش عايز حد يساعده عشان الحاجه اللي بتيجي بسهوله مبيكنش ليها قيمه وانه المفروض يتعب عشان يوصلي والكلام ده كله ومعاه حق فيه مش غلط خالص الغلط والمشكله ان افعاله في وادي وكلامه في وادي يعني بيقول بيحاول وهو مبيكملش في الشغل اكثر من شهر ولحد دلوقتي مجمعش حتى ثمن خاتم للخطوبة مش حاجه كبيره يعني بس مفيش فايده ولما جيت قلتلك جويا هو طالب زيك حقه يذاكر ويجيب تقدير ممكن عشان كده بس طلع انه مبيذاكرش اصلا غير ايام الامتحانات من الملخصات وخلاص مع العلم ان هو معهد وانا كليه طبيه ودي مشكلة عند اهلي وحلها انه يجيب تقدير عشان يقدر ياخد دراسات عليا والمشكله دي تتحل بس مفيش فايده عارفه  ان الشهاده الجامعه مش بتدل غير على ان الشخص ده عنده المعلومه الفلانيه مش بتقلل ولا ترفع من حد ابدا والمهم أسلوب الناس وفعلا اللي فارقلي بجد هو اسلوبه معيا اسلوب مريح اوي طريقه حله لللمشاكل لما بتحصل بتطمني ان بتعامل مع حد فاهم ايه يتعمل وامتى فاهمني وعارف يستوعب لخبطي عارف امتى بجد يعمل ايه وميعملش ايه ودي حاجه كويسه بس فكره الشغل والدراسه دول دلوقتي مسؤوليته اللي المفروض معنديش غيرهم وهو مبيعملهمش ييقا ازاي يقدير يشيل مسوليه بيت بقا ازاي يقدر يستحمل وهو مبيستحملش في الشغل اكثر من شهر لمجرد انه مش مرتاح حتى لو مفيش حاجه حصلت ولا ده حاجه وحده حاجه انا بجد مش فاهمه ومش عارفه ايه اللي بيحصل ده وفي نفس الوقت في بيننا حاجلت كثير اوي مش عيزهغ تروح هو غالي عندي اوي لكن في نفس الوقت ده مش عارفه اتطمن ازاي معاه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_20568 🇪🇬

منذ 4 أشهر

شعور غير مكتمل

عبّر عن شعورك بشكل مجهول

انا الكبيرة اولى جامعة اختى اولى تجاري بتعمل حاجات غلط كتير ولما امنعها و اعرفها انه غلط و كنت بمسك موبايلها كل فترة تفضل تقولي دي تحكمات و انها زهقت و بدأت تكرهني عشان طريقتي وهكذا و انا كنت بعمل نفس غلطها ده من كام سنة بس مكنش معايا حد ينبهني و يصلحلي الغلط و حاليا مش عايزاها تكون زيي والله بس هي شايفة اني مكلمهاش عشان انا كنت بعمل كده ومحدش كان بيكلمني المهم انا طفح كيلي حرفيا و تعبت لأن هي كمان بتأذيني بطريقة غير مباشرة زي انها تزعقلي و تهزق فيا على اتفه الاسباب قدام اي حد و تقل مني قدام عيلتي ولما باخد رد فعل يقولولي انتي الكبيرة و سبيها هي تعبانة او نفسيتها وحشة او او او طب وانا؟ المهم انا كنت بكلمها عشان انا الكبيرة و المفروض افهمها الغلط و الصح وعشان هتحاسب عليها وكده بس انا بجد عايزة اتأكد انا فعلا هتحاسب عليها و هتحاسب لو غلطت و مامنعتهاش؟ لأن مبقاش عندي طاقة اتكلم معاها تاني بجد بس مش عايزة ازعل ربنا ولا اقف قدامه معرفش ارد لما يسألني سبتيها لي ، انا عملتكل حاجة معاها وهي مفيش فايدة مش عايزة حد يغلطها هي عايزة تغلط واللي يداري عليها بس ، محدش بيغلطها في البيت عشان لو حد اتكلم معاها هتعيط طب ماانا بعيط بس الفرق ان محدش يعرف ده، انا تعبت وانا لوحدي ومحدش حاسس المهم اني عايزة اعرف انا فعلا هتحاسب لو بطلت اكلمها ولا لا
هي بتفكس للدروس يعني وكده و بتروح لاصحابها بحجة انها لما تقول لماما بترفض المهم انا مينفعش اقول لماما لأنها هتقول اني كنت بعمل زيها بس انا دلوقت عارفة انه غلط ومبقيتش اعمله ف مش عارفة اتصرف

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع