مريض

Mango_75327 🇪🇬

منذ يوم واحد

شعور وحيد

ازاي اتعامل مع مريضة نفسيه ، المرض بتاعها مبيتعلجش او هي مش عايزه تتعالج ، و الأفكار اللي بتجيلها بسبب المرض ده بتخليني احذف فكره اني ارتبط بيها او اتجوزها ، لكن هي صديقة مقربة ليا و مش عايز ابعد عنها علشان مفيش غيرها قريب مني و مش عارف اعمل ايه ، من اعراض مرضها برده انها بتسحب طاقة الناس اللي حوليه

Avocado_54559 🇪🇬

منذ أسبوع واحد

شعور وحيد

انا مريض نفسى وتعبان من حياتى وده بسبب الاكتئاب والذهان ليه مكتئب علشان محتاج أنثى كمال الذكر وأنا وراجل مش ذكر بس، أنا محتاج حد يكون فى حياتى ويشجعنى على حياتى بدل الملل ده أنا مغترب وشغال ولكن لما بكون فى السكن بكون لوحدى مفيش حد معايا فى حياتى غير الله

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Blueberry_73417 🇪🇬

منذ أسبوعين

شعور مرتبك

يا جماعة أنا معجب بالدكتورة النفسية بتاعتي...!!! وهي ساعات تديني إشارات إن هي كمان تبادلني نفس الإعجاب و ساعات تتعامل رسمي و تفضل كل شوية هل في حد دخل حياتك؟؟! ولو حكيت لها عن موقف مع بنت تعبيرات وشها تتغير و تضايق و بعدين بعد ما عدى ٤ شهور علاج معاها و اتحسنت قدمت لها هديه بسبب التقدم ده و خدتها و

Apple_79105 🇪🇬 بص متخفش انت لو نفسك ترتبط بيها وتتجوزها خليك صريح وقولها كدا

عرض الكل 16 نصيحة

Cherry_73757 🇪🇬

منذ شهر واحد

شعور ضائع

الي قابل مرضي نفسيين قبل كدا او بيعرف يتعامل معاهم عندهم مشاكل من وهما صغيرين وكبرت معاهم ويقدر يفيدني اتعامل مع الشخص الي مرتبطه بيه عشان لعب عليا لعبه كبيره اوي و خدعني ومش عارفه اتصرف معاه ازاي لسه مواجهتوش ودا تحليلي انا وصحابي هو فعليا مش قايلي انه عنده مشكله

Nutella_75863 🇪🇬

منذ شهر واحد

شعور محبط

مهو بجد بقي محدش يقولي صوابعك مش زي بعضها وف ناس لسه كويسه او يعني بالأخص رجاله لسه كويسه لان بجد بقي كلهم شبه بعض😂 وكلوا بيدخل بوش الملاك والحنين بدليل اصلا ان ردود كل الرجاله عبي البوست يدخلوا يحاولوا يغيروا نظريتي بعد كده يدخلوا ف كلام زي الزفت زيهم ف انتو لي كده لي مفيش عقليات محترمه ممكن تتناق

Strawberry_20657 🇪🇬

منذ شهر واحد

شعور لا مبالٍ

سو هاى المهم برضو انا م عارفه احل الموضوع دا المهم صاحبتى متقدم ليها واحد هى بتحبه والله كلنا عادى المهم انه كبير اوى ف التلاتينات ف العيله وافقت الا جدها وهو الكبير مع ان والدها وافق هو محترم جدا وشغله كويس (والله انا قولتلها فاكس لكل حاجه طالما مرتاحه وبتحبيه ) المهم جدها تعب وراح المستشفى وكلام

Strawberry_75364 🇪🇬

منذ شهر واحد

شعور محبط

عبّر عن شعورك بشكل مجهول

كان دايما معايا بومبوني فشنطتي لاي طفل صغير من باب ادخال سرور و صدقة و تهادوا تحابوا و اني بحب اشوفةتعبير وشهم او لما يتحرجوا و مامتهم تئذنلهم و ياخدوها مبسوطين بحب كل المواقف و بالنسبالي ريسك بحبىاخوضه و اتعرف على الشقي و الهادي و شخصياتهم عموما بتؤثر قلبي و احيانا كنت بعرض بومبوني على مامتهم عشان من جانب تعرف الي ابنها بياكله او نفسي تقولي ايشمعنى هي عشان كبرت ملهاش بومبوني يعني
لحد مرة عرضت على طفل جمييييل و امور اوي الهم بارك و كان شكله زعلان او معيط فصعب عليا فطلعت بومبوني توفي كراميل ده لاقيت مامته برقت و هو خطفها جري بشكل اول مرة اشوفه لحد كنت هطلع واحدة تانيه مامته بدات تضايق و خطفتها منه و ادتهالي و هو يعيط جامد انا مفهمتش . قالتلي لسه جاي من جلسة كيماوي و عنده ورم على المخ و السكريات محظورات عنه عشان بتزود تعبه 😭😭حاولت اعمل مركب بورق الولد كان ذكي جدا ماشاء الله و مرضاش و رماها خدت ورقة التوفي حطيت ورقه مكرمشه و لفيتها بسرعة عرف في ثانيه و رماها و فضل يعيط عياط هيستيري بصراخ و مامته حزينه جدا و زعلانه مني  مبقتش عارفه تسكته. و انا مش علرلهىاعمل ايه بقيت واقفه اعيط وانا بعمل المركب و نزلت من المترو فضلت اعيط كتير و مقدرتش اشتري بعدها بومبوني ز كل ما اشوف طفل افرح و اعوز اطلع بومبوني افتكر الموقف وقلبي يوجعني و اني معييش بومبوني و اسكت .
الموقف ده بقاله سنه مش عارفه اتخطاه ولا عارفه اكل بومبوني تاني او افكر حتى اهدي حد بومبوني او اي حاجة و مش عارفه اعمل ايه و تعبت .😥😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_58120 🇪🇬

منذ شهرين

شعور مكسور القلب

عبّر عن شعورك بشكل مجهول

محتاجه نصيحه من حد كبير وفاهم ومدرك للي انا فيه مبدايا كدا انا كان في حياتي حد بس كنا صحاب مرتبطناش وكنت انا في تالته اعدادي وقتها وانا دلوقتي في تالته ثانوي وقاطعين من زمان جدا بس هو رجع كلمني تاني بعد ما كنت نسيته وقالي انه حبني ولسه بيحبني ومش عارف ولا عاوز ينساني وكل الكلام دا وانا حاولت معاه ان مش هينفع نتكلم ولا نكمل عشان انا واخده خطوه من زمان اني مكلمش اي ولاد والحمدلله فضلت تايبه فتره طويله وهو كان موافق جدا بس كان حابب بس يتطمن عليا وحكالي شوية حاجات حصلة معاه وقالى انه بما انها اخر مره هيكلمني فيها اعترفلي انه من فتره تعبان وعنده حاجه في جدار المعده وبيستفرغ دم كل يوم بكميه كبيره ووراني كل حاجه عامتا بس وفاضله فتره صفيره وربنا ياخد امانته وهو رافض العلاج تماما ورافض اي عمليات او اي حاجه وهو حابب انه يروح عند ربنا وهو بيحبني بس الصراحه انا معنديش اي مشاعر نحيته غير اني بعزه جدا وشخص غالي عليا ك اخ وقالي كلام كتير اوي وجعني انه كان بيحبني وانا مكنتش حاسه بيه وكنت بجرحه كتير وانا مش اخده بالي بس انا فعلا مش عارفه اعمل ايه هل ااثر عليه واقنعه بالعلاج حتي لو مش بحبه ولا اواسيه وخلاص واواسيه  ولا مليش دعوه اصلا عشان حاسه بذنب كبير جدا واني جزء من السبب انه حالته تبقي كدا لو كنت اخدت بالي شويه بس انا فعلا كنت صغيره يعتبر طفله انا تفكيري وقتها كان مختلف خالص عن زمان بس مش عارفه اعمل ايه واقنعه انه يقرب من ربنا ازاي اتمني الى عنده اي نصيحه حتي لو كانت صغيره يقولها عشان الموضوع ماثر عليا بشكل مش طبيعي منهاره بسببه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tofu_19483 🇪🇬

منذ شهرين

شعور محبط

عبّر عن شعورك بشكل مجهول

أنا رجعت الأبلكيشن بس علشان مكتئبه وعايزه أحكي وهقفل تاني،أنا حزينه أوووي ومش قادره وتعبت ومش عايزه أكمل أنا بكره المستشفى عندي حقنه الصبح إن شاء الله فيها وبتبهدل هناك م المعامله الزفت ده حتى من عامل الأمن لحد الدكاتره والبهدله والقرف وأنا مريضه وبروح لوحدي ومفيش مراعاه لا لمرضي ولا لنفسيتي بتعامل أزفت معامله وكل مره برجع معيطه كرهوني ف المستشفى لدرجة إني هاين عليا مكملش علاج ولا أروح آخد الحقنه بسببهم والله العظيم كارهه المستشفى وكارهه كل حاجه فيها معاملتهم مقرفه وأنا نفسيتي لوحدها تعبانه أصلا ومتدمره ومكتئبه وفيا اللي مكفيني وبروح هناك بتعامل أزفت معامله لو نسيت أعمل ورقه يزعقولي ويتنرفزوا عليا مع إني تعبانه ومش مركزه وبعمل ورقي كله لوحدي يعني أموت نفسي يعني ولا ايه يعني أنا قلبي بيكون هيقف م التعب ومفيش لا حيل ولا صحه بيلففوني وحتى بعد ما بخلص ورقي بتعامل أزفت معامله حتى عامل الأمن بيزعقلي مع إني والله مبعملش حاجه بجد أنا بكرههم كلهم والله ما مسامحاهم كل مره برجع منهاره ومعيطه بسببهم وأديني مش عارفه أنام وشايله الهم من دلوقتي وقلبي واجعني ومش عايزه أروح 
عامل الأمن المره اللي فاتت زعقلي هو والممرضين 
أنا تعبت بجد ومبقيتش قادره أستحمل القرف ده ومش عايزه أكمل علاج بجد أنا تعبت والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_70259 🇪🇬

منذ شهرين

شعور مرهق

هوا لما الواحد كل حاجه بتخلي اي حد سعيد متخلوهش سعيد و يمثل عشان يخسو أنه طبيعي ده معناه ايه و أن كل حاجه كا موقف كل كلمة كل لحظة و ثانية بتعدي بيفتكر ماضيها و يحس بل الوجع و عمره ما كان سعيد غير لما كان بيتوجع ده معناه ايه هل أنا مريض نفسي ولا أنا مش طبيعي ولا أنا ايه الي يعرف يقولي

Pistachio_69020 🇪🇬

منذ شهرين

شعور ضائع

انا شخص مريض بالتفاصيل مريض فمعني الكلمة باخد بالي من كل تصرف باخد بالي من النظرة باخد بالي من حاجاتمحدش يتخيلها ومينفعش احكيها عن خالص بس حرفياً كلمة مريض بالتفاصيل دي قليلة دماغي مبتفصلش وتقعد تحلل كل حاجة والموضوع بيزيد طبعا لو الشخص بيبقي قريب مني وبجد تعبت ومش لاقي حل

Coffee_65897 🇪🇬

منذ 3 أشهر

شعور ضائع

عبّر عن شعورك بشكل مجهول

الجزء الثالث
جبت البنت و عرضطها ع دكتور نفسي و قال لي هي عندها اضطراب نفسي حاد و انفصام ف الشخصية .. كتب ليها علاج و قالي ع مواعيده . البنت وافقت أنها تاخد الدواء بس المشكله أنها اخدت الدواء اول يوم بس ..
تاني يوم هربت .. هربت و اختفت لمده 3 ايام و رجعت بعد كده مضروبة و متبهدله و مشها وارم من كتر الضرب .
كنت كل ما احافظ عليها و احبسها ف البيت علشان ما تتاذيش بره الاقيها هربت و لما يوصلها أو هي بترجع بيحصل مشاكل منها و كنت مدبهدل بسببها .. اكتشفت أن بقى عندها مرض السرقة .. و اكتشفت زي ما تكون رجعت طفله تاني و بتحب تنزل الشارع تلعب مع الاطفال .. و في يوم لقيت ناس جاية تتهمني بخطف ابنهم ...
عنده 21 سنه و عنده إعاقة ذهنية .
الكاميرات جايباها و هو ماشي معاها و الناس قالوا إنها تبعي 
حاولت افهم أهل الولد أنها مريضة لقيت نفسي بلبس الموضوع اكتر و بخوف أهل الولد اكتر واكتر .
الولد مشي معاها من الساعة 7 المغرب 
رجعت بيه الحمدلله بس الساعة 7 الصبح بعد ما أهل الولد فقدوا الأمل و اخدوها ع القسم يعملوا ليها محضر 
بس صعبت عليهم و مشوها 
وانا كنت هلبس الموضوع ده 
بس اختفت تاني اختفت فتره و لما ظهرت تاني ظهرت ف اسكندريه 
عملت مشاكل هناك و سمعت انها اتخطفت هناك و لما سالت عليها وصل الكلام أن في حد بيسال عليها ف سابوها 
كلمت اخواتها و هزقتهم جامد ع اللي بيحصل فيها و هم مش سالين فيها 
هم زي ما قولت قبل كده أنهم مش شقائق ... بس الحمد لله استجابوا و اقتنعوا و روحت أنا اسكندرية و جبتها و عرفتهم انوهي عندي و جم خادوها 
كلمت أنا المستشفى عن طريق الدكتور  اللي عرضتها عليه قبل كده و استقبلوا الحاله و حجزوها ...
السؤال هنا 
هل انا غلطان ف مساعدتها ؟ 
الصح اني تساعدها ولا أقول أنا مالي ؟!
مستني رايكم .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47020 🇪🇬

منذ 3 أشهر

شعور مكسور القلب

Mango_29955 🇪🇬 الثانويه مش نهاية العالم ... ركزي فى مستقبلك وعقليتك

عرض الكل 3 نصيحة

عبّر عن شعورك بشكل مجهول

جبت %68 بعد دا كله ...مش مستوايا حرفيا اقل درجات جبتها و انا بكون مذاكرة يدوب كانت بتطلع 80% لو انا عايشه لوحدي بعيد عن المجتمع راضيه جدا و بحمد ربنا الف مرة اني نجحت صافي و اني قادرة ادخل جامعه خاصه لكن حاسه بكسرة نفس قويه انا الابنه الاكبر لاهلي و يعتبر الاذكى بين اخواتي كله كان متوقع اني اجيب طب حاسه بخيبه امل كبيرة جدا من اهلي و خاصه امي و اخويا ... امي بتقولي عادي و كدا بس انتو متخيلين كانت علطول تقولي جيبي مجموع عشان محدش يشمت فيا ابويا وراها السواد طول السنه و كان منكد علينا و كان هيتجوز و بتاع و لحد دلوقتي كل يوم تكشفه بيخونها علطول يقولها انت السبب ... خايفه يجي يوم يقولها انت السبب في نتيجه بنتك خصوصا انه بيحب المظاهر جدا حاسه بالسوء اني بتكلم عليه بهذي الطريقه هو حاليا داعم ليا  لكن هو سبب كل مخاوفي حتى خوفي اني اتزل في يوم من الايام بكلمه تضايقني ... كان نفسي حتى اجيب 75 انا بجد مش مصدقه مش فارق معايا الكليه قد ما فارق شكل المجموع بسبب المجتمع المريض اللي انا عايشه فيها خصوصا اني في قريه برضو .... اخويا بقا كان حاطط امله فيا النهاردة سألني على الواتس عملتي ايه قولتله و بس لما رجع من برا مقليش اي حاجه مقليش مبروك موسانيش مقلش اي حاجه صعبان عليا نفسي و امي و اخويا يارب ... انا عارفه انه خير ليا بس مش عارفه اتعايش ازاي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع