مدير

Croissant_52708 🇪🇬

منذ أسبوع واحد

شعور متعب

اكتشفت إن الرفض، أو حتى محاولة تقبله، من أصعب الحاجات اللي ممكن يعدي بيها الإنسان. مش قادر أتصرف أو أفهم ليه دايمًا بحس إني مرفوض، كأن وجودي نفسه تقيل على الناس. مديري والمشرف عمرهم ما ادّوني الـcredit اللي أستحقه، عمرهم ما حسسوني إني كويس بجد. يمكن تكون المشكلة فيا، يمكن هما شايفيني مش كفاية، بس ال

عبّر عن شعورك بشكل مجهول

اكتشفت إن الرفض، أو حتى محاولة تقبله، من أصعب الحاجات اللي ممكن يعدي بيها الإنسان.
مش قادر أتصرف أو أفهم ليه دايمًا بحس إني مرفوض، كأن وجودي نفسه تقيل على الناس.
مديري والمشرف عمرهم ما ادّوني الـcredit اللي أستحقه، عمرهم ما حسسوني إني كويس بجد.
يمكن تكون المشكلة فيا، يمكن هما شايفيني مش كفاية، بس السؤال اللي مش لاقي له إجابة…
لو أنا مش كويس، ليه لسه محافظين عليا؟
ليه محسسيني دايمًا إن وجودي غلطة؟

كل ده عشان عرفوا إني بدوّر على شغل تاني، أو يمكن عشان كنت ناوي أتقدّم لزميلة في الشغل.
اللي طلع إنها معمولة مخصوص تكون “عين” ليهم.
ولما حسّوا إني بفكر أمشي، قرروا يحاصروني، حتى جابوا واحد دارس علم نفس عشان يطلّعني مجنون!
مجنون عشان بدوّر على حقي، أو على فرصة أرتاح فيها.

بجد أنا ندمان إني حبيت واحدة زيك، وندمان إني صدّقت إنكم ناس كويسين.
ندمان إني حطيت فيكم نية صافية، وانتو كنتوا شايفيني لعبة.
وانا بجد اختارت انسانه بجد مفيش لفظ يليق بيكي اصلا حسبي الله ونعم الوكيل.
ده مش عارف امشي ولا حتى مشيني عشان اشوف حالي والدي ووالدتي بالاثنين مدمر لدرجه ان كل مايكفيني يلاقوني شارد وبحسبن من اللي شفته منهم انا مش عاوز اموت بحسرتي 
لكن انتم ناس سببتولي أذى نفسي يارب يتنقم منكم
انا مش بس بكرهك يا زميلتي في الشغل انا قرفان منك وبندم على اللزوم اللي شفتك فيه ليه تعملي نفسك مهتمه وتعطيني في خالي لبه تعزميني على الفطار ليه تعملي كدا بجد انا قرفان من منك ومن كل بنت زيك وانا زي العبيط صدقت واحده زيك
لو خيروني بين الموت وبينك هتختار الموت ولا اشوف وشك تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_58424 🇪🇬

منذ أسبوع واحد

شعور محبط

نفسي اعرف حاجه هو عدم التقدير في الشركات كلها يعني انك تقعد تبقي عامل زي حمار الشغل ولا المدير يشوف شغلك ولا ايوحد وفي الاخر يقولك اصلكم مقصرين ومعرفش ايه وهو اصلا المدير نفسه مبياخدش التقدير الكافي هل دا في شركات كتير ولا ايه بس عشان ابقي عارفه؟؟

Chilli_77815 🇪🇬 هو دا فعلا موجود كتير في شركات كتير بس برضو بترجع لشخصية المدير .. بس فيه أماكن محترمة بتقدر الموظفين وشغل الناس وبداية من المدير لو هو عارف حجم الشغل وحجم مجهوده ومجهودك هيقدر يدافع عنكم لو شخصيته قوية فعشان كدا اعتقد العيب في المدير اكتر من باقي الشركة

عرض الكل 4 نصيحة

Orange_65823 🇪🇬

منذ أسبوعين

شعور مكسور القلب

Biscuit_84193 🇪🇬 شايفه انه ملهاش لزمه تعاتبه بصراحه لانه كان عارف وعمل كده واكيد دا لمصلحته عشان يكسب نقطه قدام صاحب الشغل..ف النوعيه دى مينفعش معاها عتاب دول بنتجاهلهم خالص ولا هزار ولا غيره..ولو قدامك شغل فى مكان تانى يبقى افضل كتير

عرض الكل 4 نصيحة

عبّر عن شعورك بشكل مجهول

عاوز رايكم و مساعدتكم لو سمحتم
انا عندي ٣٩ و الحكاية ابتدت من سنة ان واحدة اتعينت معايا في الشغل محترمة و متربية و مؤدبة و النصيب انها فيها كل الصفات ال بتمناها فعلا و كانت في خيالي للوحدة ال ارتبط بيها  انا مكنتش بفكر في الجواز قبل كده علشان مش عاوز أظلم بنات الناس لاني امكانياتي ان مفيش شقة و كان عندي محل ورث عن والدي مكنتش عاوز اتصرف فيه علشان ولدي الله يرحمة كان مرتبط بالمحل جدا  لما شفت زملتي دي فكرت في الجواز و اتصرف في المحل و اجيب شقة بس كانت فيه مشكلة ان البنت كانت مخطوبة مع الوقت و التعامل القريب حبتها من كل قلبي و هى الحب الاول ليا مكنتش بتكلم معاها في حجات شخصية او بخصوص خطيبها و كنت بتمنلها الخير بس معملة خطيبها ليه كانت وحشة اوي ضرب و شتيمة و بعد ما تكلمه في التليفون تقعد تعيط و انا مكنتش بكلمها في الحجات دي بس كنت ملاحظ المهم شاء ربنا في يوم ببص في ايدها ملقتش الدبلة عرفت بعدها انها سابت خطيبها لما خيرها بينه و بين الشغل هيا اختارت الشغل  بعد فترة  عرفت من صديقة  مشتركة انها اصلا منفصلة و عندها بنت صغيرة و مش قيلة في الشغل و دي كانت رغبت خطيبها و  خطيبها ده كان بيعايرها انها مطلقة ديما على اساس انها حاجة تقلقل منها المهم فكرت وصليت صلاة استخاره و قلت مفيهاش حاجة و حعتبر البنت بنتي و ربنا عالم و شاهد علي نيتي  فكلمت زملتي دي اني ارتبط بيها و اتقدم لأهلها قالت مش بفكر دولقتي والف من يتمناك و مقلتش على طروفها  قلت طب خدي  وقتك  فكري انا مش مستعجل و قفلنا الموضوع لان كنت بقول لنفسي ان انا اتقدمت بدري كان بعد شهر من ما سابت خطيبها و احنا كنا قريبين اصلا فده خلاني اتكلم بدري بس قلت المفروض اصبر و عدي شهر تانى  و من التعامل و انا اعزم مرة و هيا تعزم مرة لاقيت امها كلمتني في التليفون و مكنتش اول مرة نتكلم بس المكالمة دي مختلفة قالت هو انت لسه عاوز لسه ترتبط بينتي قلت ايوه قالت انت عارف ظروفها قلت ايوه و متقبلها تماما قالت كلم اخوها كلمته سال عليا و رد ان الناس قالت في حقي كلام كويس و اني محترم و الحمد لله و اقترح ان اكلم زملتي في التليفون على اساس اننا مش بنعرف نتكلم في الشغل لاننا مش حنتكلم كزملة و كمان يبقى بعيد عن الشغل لحد ما هيا تتعرف عليا اكتر و تاخد قرار قلت ماشي و فعلا كنا بنتكلم بالساعات ٦ ساعات في المكالمة الواحدة  و براحتنا بعيد عن جو الشغل هيا مقلتش انها بتحبنى بس كانت بتقول أسرار مش بتقلها لخطيبها حسب كلام اهلها و بتاخد  راحتها معايا في الكلام و الأمور مشيت حلو كلام و هزار لمدة أسبوع ظهر في الصورة خطيبها بدأ بيهددها انه يعملها فضيحة بالكدب في الشغل و عند أخواتها و حتى بعت ليا رسالة و مردتش عليه و كان بيقول انا حخليكي تسيب الشغل ده و انتي عينك مكسورة و في الأرض و حيعملك فضيحة وسط اهلك و اقول اني عملت و عملت انا علشان اطمنها قلتلها و امها اني مش مصدقه و كمان لأنها محترمة فعلا كانت هى بتتجاهله في الأول ابتدت ترد عليه قلها انا عملت كده علشان بحبك و كنت بهزر مش حعمل فضيحة ولا حاجة مكانتش موفقة ترجعله و احنا كملنا كلامنا عادي و اهلها قالوا ليا معلش اصبر عليها شوية لسه خارجة من علاقة فاشلة و وافقت و قلت على راحتها خالص مش عاوز حد يضغط عليها و في يوم بنتكلم هيا قالت احنا بنتكلم ليه و اننا عارفين بعض اصلا و انا كلامنا في التليفون عامل مشاكل ليا في البيت قلت مشاكل ايه كله بعلم اهلك و موافقتهم قالت انه ابويا قال يا انا أوافق و انت تتقدم و تيجي البيت و هو موافق عليك يا اما ابلغك علشان تشوف انت بنت الحلال و مبقاش معطلاق جنبي فاحنا اصحاب و زملة و اخوات قولت تمام إذا كانت دي رغبتك  
اكتشفت ان في نفس اليوم ده و قبل المكالمة الأخيرة ال بينا بساعات مديري ال في الشغل و ال بعتبره اخويا الصغير هو ٢٩ سنة بس اقدم مني في المجال 
( كان عارف اني بكلم البنت و بحبها و ناوي اتقدم) هو كلم البنت و قلها انا جايبلك عريس الهو صاحب الشغل بتعنا و صاحب الشغل ده غنى بس سلوكة مش كويس و بيجوز جوزات عرفي شهرين و يسيب او علاقات منغير جواز و بيشرب خمر و انا ال مكنتش مركز معاه في الأول ولا في حياته الشخصية و مديري ده عارف بكده من بدري جدا و كان لمديرى زي مكافأة مبلغ لو هو ظبط الموضوع لصاحب الشغل ال كان عرف اني بحب البنت لما سال بعض زميلنا في الشغل و بردوا اتقدم
و البنت مرفضتش العرض ولا وافقت بس قالت حشوف اهلي و ابوها لما عرف قالها يا تقولي لراجل (عليا انا) البيكلمك يجي البيت و انا موافق عليه يا اما تقولي له يشوف بنت الحلال متعطلهوش جنبك و هي اختار نبقي زملة و ده نصيب يومين و خطيبها قابلها في الشارع و قالها الناس طمعانه فيكي نرجع لبعض و رجعت يومين و شتمها في التليفون فقالت خلاص مش حرجعله مع ضغط المدير و صاحب الشغل ردت علي تليفونات صاحب الشغل مكالمت في حدود ٥ دقايق و  لمده ٣ ايام هي مكنتش موافق على صاحب الشغل بس تايها بعد كده اخوها الكبير قلها تسيب الشغل و كلم صاحب الشغل قلة ان كل شئ نصيب و كان اهلها مش موفقين عليه لما عرفوا سلوكة و اخوه رجعها لخطيبها علشان يقفل الباب قدام صاحب الشغل وخلاص 
ال عاوز رائيكم فيه اتعامل مع صحبى المدير ازاي انا مابعرفش ابقي بوشين او اكون شايل من حد و اتعامل معاه عادي او  اضحك في وشة حاسيس اني مخنوق في الشغل و حزين علطول و. مع الأسف محتاج الشغل و مفيش بديل قدامي دلوقتي مخنوفة اوي من الشغل بيفكرني بالعمله صاحبي و بيفكرني بالبنت البحبها انا بتمنلها كل الخير و بدعيلها و انا بصلي لحد دلوقتي الموضوع مر عليه ٥ شهور نفسي ارتاح 
اهم من اجابتكم الدعاء ليا  شكرا و اسف لحضرتك جدا جدا على الاطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_77746 🇪🇬

منذ أسبوعين

شعور ضاق ذرعًا

الشهر دا اول مره احس بالقهر بجد بشتغل فى شركه والقبض اتأخر جامد انا لحد النهاردة مقبضتش شهر ٩ وبكلم المدير مبيردش عليا ولا على مسجاتى اتصلت على شريكه وقولتله انى عايزة اقبض لقيت المدير بعدها بيكلمنى مسجات وبيقولى بكره انزله مكان ماسكينه كشغل واخد المرتب كاش عشان معهوش يحولى ولما رديت عليه اشوف هنزل

Jackfruit_78122 🇪🇬

منذ 3 أسابيع

شعور مكسور القلب

صحيه انهارده مبسوطه الجو ريحتو شتا و في مطر و شكل الشوارع حلوه بس وسط كل ده في مشكله أنا بشتغل ف مكتب سفر امبارح بردانه اخدت اجازه لقيت المدير خصملي 3 ايام رحت منزلتش انهارده كمان انهارده اه عطله بس مش بناخد غير كده مشاكل عملا كتير سهرانه لحد 3 بحلها هو مش بيرد علي العملاء و مصدرني ليهم وحسه اني نصا

Pumpkin_77552 🇪🇬

منذ 4 أسابيع

شعور ضاق ذرعًا

النهارده من اسوء الايام اللي انا مريت بيها بسبب ان المدير استقصدني وانا المشكله ان انا حابب الشغلانه دي وما فيش شغل في البلد طبعا اكيد انا محافظه السويس فما فيش شغل في البلد كتير ودي حاجه وحشه جدا ربنا رزقني بمدير زي الخرا ازود شغل شغلي فوق شغلي ومعامله زي الزفتي حاجه لا تطاق عايزين نشتغل 36 ساعه و

Apple_72790 🇪🇬 ربنا يعوضك خير عن كل تعب . انت عملت اللي عليك وزياده ومفيش مجهود بيروح هدر ، صدقني الأيام دي هتعدي وربنا هيكرمك بشغل وراحة نفسية تستحقها خليك واثق إن رزقك مش مربوط بحد 💙

عرض الكل 2 نصيحة

Croissant_52708 🇪🇬

منذ شهر واحد

شعور مذنب

المدير قال عليا كسول الكلمة دي قتلتني من جوه انا بجد مش مصدق انا كنت بشتغل بعد الشغل وبعد مواعيد العمل الرسميه وقال بهزار مع واحد بيهزر التاني بيقوله مش محتاجين حد معاكم اقالو اسمي اول واحد الكلام الهزار المتغلف ده وجعني جدا انا تعبت بشتغل overtime وبعترف اني بغلط في الشغل بس ليه يقولي الكلمه اللي

Coffee_52562 🇪🇬

منذ شهر واحد

شعور ضائع

هأ هأ هأ طب والله ضحكت يعم بيقولي خصم نص يوم ليه يعم نص يوم اخصم اسبوع شهر عادي منا شغال لله مضيع ميتين ام صحتي ومبوظ نومي وبماكلش لله برضو عادي والمفاجأه انك خالي رنيت عليا وقولتلي محتاجك فالمحل وقولت عنيا وكنت شغال واطلع من الشغل عليك يعني اشتغل ١٠ ساعات وعندك ٨ ولا ٩ بساعتين نوم وعادي عارف العيب

Pineapple_44471 🇪🇬

منذ شهر واحد

شعور لا مبالٍ

مديري ف الشغل (شغل اونلاين) كانت علاقتنا كويسه (كويسه بمعنى بنتعامل باحترام وأسلوب كويس ) لحد ما ارتبط بواحده صحبته من وهما اطفال وجربت تشتغل معانا ومعرفتش وفجأة مرة واحده بقى بيعاملني بأسلوب مش حلو واللي فهمته منه أن هي اللي قايلاله يتعامل كدا ويستنالي اي غلطة أو لو حد غلط يجيب الذنب عليا ( مقدرش

Croissant_52708 🇪🇬

منذ شهرين

شعور مكسور القلب

مكنتش متخيل انك مغلول مني كدا يا حضرت المدير وانا جتلي ازمه صحيه إغماء تضغط على صدري بالشكل الفج ده هو انا اتجوزت امك ولا حاجه وبعدين تلمعو بعض وتقولو احنا خايفين عليك وبنحبك حب ايه وبتاع انتو مش بتحبيني اصلا انتم عالم مريضه وزميلتي في حسبي الله ونعم الوكيل فيا عاى اني حبيت واحده زيك 💔💔

Avocado_75253 🇪🇬

منذ شهرين

شعور منزعج

السلام عليكم أنا شاب 26 سنة ولس رايح شغل جديد من فترة ولس أسمي زي ما بيقولوا كده بالقلم الرصاص ومديري مش طايقني على الرغم أن أنا مش موذي أنا بعمل شغل بس عايش لحالي بحاول اندمج مع زمايلي بس وفي ناس مفدره ده وفي ناس لا بس في واحدة من التيم لبدر متغهمش عندها مشاكل نفسي والمدير مش طايقني رغم والله من س

Croissant_52708 🇪🇬

منذ شهرين

شعور محبط

أحيانًا بحس إني مش مفهوم في المكان اللي أنا فيه. أنا بشتغل على نفسي وبحاول أتعلم وأطوّر من قدراتي، مش هروب من الشغل ولا تقليل منه، لكن عشان أبقى أقوى وأفيد أكتر. ومع ذلك، بيتعامل معايا وكأني مجرد بند في الميزانية أو تكلفة زيادة على القسم. مديري قالها صراحة: "عايزين نوفر تكاليف"، وساعتها حسّيت إني مش

Banana_74917 🇪🇬

منذ شهرين

شعور محبط

النهارده و انا شغال و انا شغلي قائم علي أن انا بتواصل مع ناس و الحمد لله واخد بالي من شغلي كويس و حالتي الماديه كويسه بس النهارده لقيت مديري داخل يهزقني و انا والله شايف شغلي و حتي زمايلي في الشغل الي المفروض يقفوا جنبي موقفوش معايا و اكتشفت أن ممكن الكلام دا وأصله من حد مني و بحس أن دائرتي كلها خاي

Popcorn_74680 🇪🇬

منذ شهرين

شعور مزعوج

فيه واحدة جديدة معايا في المفروض اني اعلمها كنت لطيفة معاها في الاول بس هي عملت موقف مع زميلة تاني في الشغل و راحت اشتكت زميلتي القديمة للمدير و قالت كلام ما حصلش ده من اول اسبوع و غير انها كانت مش بتسمع كلامي و كانت بتعمل عكسه و كنت مستحملة بس لما راحت قالت كلام ما حصلش بقيت مش طيقها خالص و بتعام

Tomato_57658 🇪🇬

منذ شهرين

شعور متعب

المديره بتاعتي مطلقه من اول يوم شغل خدت بالي انها بتميزني اوي وفي عشم وبعدين الحوار اطور بعد ما عدينا شهرين في الشغل بحس انها معجبه فا وصل للحوار انها قعدت تتكلم معايا في كلام سكشوال اوي لحد ما حصل بينا حاجه هي سافرت وانا اللي ماسك شغلها مش عارف اعمل ايه اكمل ولا اخلع بس مش هعرف اخلع دلوقتي خالص

Cheese_69538 🇪🇬

بحس إني غبية ومش قادرة اتخطاه

بحس إني غبية اوي بروح أبوظ الموڤ أوون بنفسي ددددددددددددددددد دددددددددددد مش قادرة اتخطاه مش عارفه ليه والله تعبت نفسي يبعتلي حاجة نفسي نتعاتب وكل واحد يروح لحاله نفسي احس اني مهمة عنده بجد صعبانة عليا نفسي ددددددددددد عمري م كنت أتوقع إني اتعلق بحد كده ...عرض المزيد

1 الدعم

24 نصيحة

Chocolate_61083 🇪🇬

خايفة من خطيبي بسبب الشرب وردة فعله

انا من كام يوم كنت منزله بوست هنا ان انا و واحد بنحب بعض جدا وعاوز يتقدملي بس انا خايفه لانه بيشرب وكدا وبابا مستحيل يرضى ناس كتير قالتلي انه لا ولو مش محافظ على نفسه مش هيعرف يحافظ عليا وحاجات كتير ف قولتله اننا نبعد وينساني اتعصب عليا جامد وكان هيمد ايده عليا بس استوعب اللي بيعمله وقالي الكلام العبيط اللي قولتيه دا مش عايز اسمعه تاني وانا هاجي اتقدملك ابوكي رضي مرضيش انتي مش هتبقي لغيري انا من يوميها وانا مش مستوعبه ايه دا اول مرة اشوفه كدا وبسبب كلام كتير منكم وبتصرفاته خوفت منه انا مش عارفه اعمل ايه ومفيش حد الجأله ...عرض المزيد

1 الدعم

24 نصيحة

Strawberry_28589 🇪🇬

طاقتي خلصت ومش عارفة الاقي شغل

انا عايزه اقول حاجة انا عندي ٢٨ سنه اتخرجت متاخر شويه المهم انا معايا كورسات كويسه اول ما اتخرجت اشتغلت لمدة شهر و نص تاريبا في شركة كبيره اوي شركة احلامي بس فجاه و من دون اي مقدمات حصلي مشاكل كبيره جدا و تعبت اوي زي اللي صحتي خانتني فجاه لما كنت باجي ادخل الشركة دي كنت بحس روحي بتتسحب غير الحاجات اللي كانت بتحصلي في الفتره دي المهم سبته و بعدها بقالي ٦ شهور بدور ع شغل تاني مش عارفه الاقي بالرغم اني شاطره في مجالي لازم كورسات كتير اوي و الله اني مش عارفه اعمل حاجة كاني متكتفه انا بحكي حاجة من ضمن حاجات كتير واقفه في حياتي انا خلاص كده طاقتي خلصت و كل يوم بصحا من النوم و معنتش عارفه اصبر نفسي اخر حاجة كنت اتوقعها هي شكل حياتي دلوقتي كل حاجة باظت برغم كل حاجة ربنا كارمني بيها والله الكلام ما عارف يوصف حاجة ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع