متغيرة

Watermelon_59120 🇪🇬

منذ 10 ساعات

شعور مرتبك

ممكن مشكلتى متكنش مشكله كبيره قدام الناس اللى حواليه فى البرنامج بس انا بجد مش عارفه اكمل أو لاه انا كنت بحب شخص و الشخص ده اتعرفنا على بعض و حبينا بعض و ارتبطنا و اتخطبنا الحمد لله بس الفكره أنى خايفه لان كل حاجه ضدى شويه ازاى كان هو أو الهوا من ناحيه اهلوا فا مامته مبتحبنيش و بتستنى منى الغلط

عبّر عن شعورك بشكل مجهول

ممكن مشكلتى متكنش مشكله كبيره قدام الناس اللى حواليه فى البرنامج بس انا بجد مش عارفه اكمل أو لاه

انا كنت بحب شخص و الشخص ده اتعرفنا على بعض و حبينا بعض و ارتبطنا و اتخطبنا الحمد لله 
بس الفكره أنى خايفه لان كل حاجه ضدى شويه 
ازاى كان هو أو الهوا 
من ناحيه اهلوا فا مامته مبتحبنيش و بتستنى منى الغلطه علشان تقوله شوف قلتلك دى متنسبكش و كانت هيا بردو السبب أنه يسيب بنت عمه بعد ما مامته أطلقت من بابا معا ان هو كان بيحبها جدا بس نسيها علشان مامته و عارف اللى فيها

لاكن هو متمسك بيه جدا المره دى و اقف قصاد مامته علشانى بس فاجأه بقى هادى و مش الشخص اللى حسه كان فى الاول هزار و ضحك و لحد الآن هو الشخص المثالى بس هو مبيحكيش ليه حاجه و لو حكى فنا مبعرفش أهون عليه هو بالذات علشان بيقنع نفسه أن محدش يعرف يهون عليه

مامته بتنقد اي حاجه بلدى اللى من الصعيد شكلى اكلى معا أن الحمدلله انا بعرف اطبخ كويس جدا

ديما بتقوله أنها مش عايزه يكمل معايا و بسبب أنه مش عايز يتخلى عنى ماكنه بقت تعامله وحش 
ده ازاى مكنتش كده طبيعيه معا انى عرفه أنها بتحبه

بس راحت جت دى أمه

الفتره دى عمتا مبقتش حسه بلوعه الحب اللى كنت بحبها و لو قالى و جيت أقوله كلام حب بقى يحس كلامى مش بيحسه زى ما قالى أنه مش بطل يحبنى بس مبقاش حاسس بالحب و المشاعر فى الكلمه من ناحيه بس يعلم ربنا انى محبتش و تمسكت بحد قد ما تمسكت بيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_53757 🇪🇬

منذ 3 أيام

شعور مكسور القلب

اعمل ايه لو جوزي بطل يحبني تماما مع العلم ان مفيش أطفال واني بحبه جدا هل دا سبب كافي للطلاق ولاكن هو في حاله اكتئاب شديده اوي مخلياه متغير علي طول مع كل الناس وأنا كمان ولحد دلوقتي مش قادره احدد هو بطل يحبني بجد ولا دا ممكن من الحاله الي هو فيها بس طريقته معايا متغيره خالص مفيش اهتمام ولا حب ولا مش

Apple_57323 🇪🇬 اوعي تتطلقي هتندمي ندم عمرك البيت اللي فيه زوجة صالحة عمرها ما تطلب الطلاق بس انتي ممكن تخليه يرجع شغفه تاني بيكي تغيري من لبسك كل يوم اول ما يجي من الشغل لازم يشوفك اجمل واحدة في الدنيا تشوفي بيحب ايه وتعمليه حتي لو هتأكليه في بوقه ده جوزك مش غلط خالص جددي انتي حياتك الرجالة برة في الشغل بيفنوا اعمارهم علشان يعرف يخليكي مبسوطة وسعيدة مش ناقصك حاجة ماديا لكن انتي مش تكملي عليه وتطلبي الطلاق

عرض الكل 14 نصيحة

French Fries_54930 🇪🇬

منذ أسبوع واحد

شعور وحيد

انا كنت بحب واحده مسيحيه واهلها حاليا ضاغطين عليها تتجوز وفي الوقت ده مديرها ف الشغل اعترفلها بحبه وانا حاسس اني غيران جدا عليها ومش طايق ان حد يكلمها ومعاملتي بدات تتغير معاها بعد ما كانت بتشوف مني حنيه وحب عمرها ما هتشوفه من حد وطبعا اتشدت لمديرها مش عارف اعمل اي

Coffee_42261 🇪🇬

منذ شهر واحد

شعور ضائع

الدنيا لما بتكشفلك الناس بتكشفها بقسوة لدرجة أنك بتحتاج وقت طويل علشان تستوعب بشاعة الوجة الحقيقي للي شاركت معاه ذكرياتك بشتي أنواعها الدنيا فيها مفاجئات ممكن تجيلك من البعيد وممكن من أقرب الناس ليك، بس خليك عارف ان الناس مبتتغيرش أقنعتهم بس هي اللي بتقع وافتكر ان الخذلان لا يُغفر مهما كان ليست كل ا

Kiwi_12989 🇪🇬

منذ 3 أشهر

شعور مكسور القلب

نعمل ايه ف برود المشاعر فجاه ازاي ممكن اوصل لحد اني بحتاجه جنبي و بحتاج وجوده و وقته و كلامه و اهتمامه و ايه ممكن يبقي سبب تقلب المشاعر كدا ان يوم حلو اوي و عشره قمه ف البرود و الرد القليل و تقفيل الكلام ايه ممكن يبقي مبرر شخص انه يعمل كدا و ازاي ممكن اتخطي الحوار دا و اصلحه لو ينفع و لو مينفعش هو ك

Cookies_38172 🇺🇸

منذ 3 أشهر

شعور متوتر

عبّر عن شعورك بشكل مجهول

انا حبيت واحدة و هي كمان حبتني و فصلنا مع بعض لمدة اسبوع مثلا و بعد كده هي حكت لامها عني و امها حبت تشوفني و انا روحت و قابلتها هي و امها و مع العلم انا لسه ١٧ سنة و ملقيتش شغل بس انا عارف انا عايز ايه و مخطط ليه و راحت سالتني طب انت و البنتي علاقتكم ايه دلوقتي و انا قولتلها ان احنا بنحب بعض بس منتظرين الحلال مقولتلهاش ان احنا مرتبطين عشان انا مبحبش الكلمة دي و بحسها عيالي اوي المهم هي عجبها ده و عجبها كلامي الى حد ما و لكن مشكلتها اننا لسه صغيرين و عشان مش عايزه ان ده يأثر على بنتها في دراستها  بس المهم ان بعد المقابلة دي البنت معاملتها اتغيرت معايا و بعتلها قولتلها ها ايه اللي حصل عشان اعرف راي امها قالتلي متقلقش كله مية مية و زي الفل و قالت بس كلام مامتها صح لاننا لسه صغيرين و كده قولتلها ماشي هو صح بس احنا ايه فعلا و انا لسه قلقان  و كنت بفكر كتير قالتلي متفكرش و ان شاء الله خير و تاني يوم روحت قولتلها  احنا ايه بجد قالتلي معرفش قولتلها مهم لازم نعرف قالتلي احنا مستيين لحد ما ربنا يفرجها و يبقى في خطوة جد يعني قولتلها طب مهو لحد ما ربنا يفرجها هنفضل مع بعض ولا هنبطل كلام قالتلي معرفش قولتلها انتي لازم تعرفي و تفكري و تقوليلي عشان انا مش عايز اكون سبب في زعلك في المستقبل زي ما مامتك بتقول ان مش كل حاجة بنعوزها بتحصل  قالتلي ماشي هفكر تاني يوم قالتلي احنا مش هنقطعزبس هنتكلم اللي هو نطمن على بعض بس قولتلها ماشي و انا بدأت اشتغل معاها في نفس الشغل ف بنشوف بعض بس مش بنتكلم كتير و حتى مش بنبعت لبعض ولا نطمن حتى روحت انا كلمتها تاني عشان خايف ان حبها يكون قل نحيتي و انا لسه بعشقها و قولتلها طب ليه مينفعش نعدي كل ده مع بعض ليه لازم نبعد قالتلي انه بمعنى اني لسه عايزاك بس بحاول ارضي ربنا و نخليها في الحلال احسن قولتلها تمام انا بس بشوفك عشان انا عايز اللي هو احس انك تستاهلي اللي انا بعمله و هعمله عشانك قالتلي متقلقش و اتكل على الله و فعلا سيبتها لله و بعمل اللي اقدر عليه كله عشانها و عشان بحبها و عايزها في الحلال فعلا بس بردو حتى بعد كل الكلام ده بردو مش بنتكلم في الشغل او الرسايل و لما بوصلها للمترو بنفضل ساكتين و انا اللي بحاول افتح كلام و اطمن عليها و هي مش بتحاول و ده بيحسسني ان حبها قل و انها متستاهلش اللي بعمله  انا كده صح  ولا لا و المفروض اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cheese_17258 🇪🇬

منذ 4 أشهر

شعور ضائع

كل لما بسرح ف حياتي وأحداثها بستغرب من كم الأمنيات اللي اتغيرت والأحلام اللي اتبدلت فجأة سقف طموحاتي اللي اتغير الناس اللي كان اليوم بيبدأ وينتهي بيهم وفجأة معرفش عنهم حاجة وناس جديدة ظهرت اصبحو جزء من يومي مش مستوعبه سرعة الأحداث دي وأمتي حصل كل دا وإزاي عدي الوقت بالسرعة دي

Onion_51494 🇪🇬

منذ 5 أشهر

شعور مليء بالحياة

موضوع:

ازاي قدرت تتخطي اول حب في حياتك؟

يعني بعد معاناه سنتين من الموف اون من علاقة دامت 4 سنين وكنا تقريبا احنا الاتنين بنحب بعض بس اعرف انك لما تحب في سن صغير هتكبر وهتتغير وهي كمان هتتغير فا خلي بالك من النقطة دي كويس. لانها مهمه ولازم تعرفها لأنها هتفرق ف تفكيرك ع الأقل

Apple_39217 🇪🇬

منذ 5 أشهر

شعور مستنزف

بيقولي انه بقا شبه الموظف ف علاقتنا ومبقاش حاسس اي شغف ومشاعر نحيتي بقالنا سنه ونص مع بعض وكاتبين الكتاب وفرحنا كمان شهور قليله بس انا مش عارفه اكمل كدا ومش عارفه بردو ف امل انه يتغير ولا لا

Mango_32971 🇪🇬 اركزي كدا و افهمي اللي بينصحك ممكن تكون النصيحه خراب عليكي وليه. انتِ تعرفي اكتر من اي حد ازاي تمشي العلاقة . علاقتك بيه هتعلمك اكتر ازاي تتعاملي معاه و بعدين مش اول ما تحصل حاجه معاكي تطلبي نصيحه من اي حد خدي نصيحه قلبيها في دماغك بس ميأثرش عليكي انتي و هو

عرض الكل 11 نصيحة

Coffee_50843 🇪🇬

منذ 5 أشهر

شعور مرتبك

هو عندي سؤال للبنات لان صعب اساله لحد اعرفه هو ينفع وحده تبقا مدياني المجال اني اعترفلها بحبي وبعد كدا تقلي انها بتحبني وبتبقا بتسال وتبين مشاعرها و بتتصل و محسساني قد ايه اني فرقلها وفجاه كل ده يتغير وتبقا بترجع تفكر في اللي كانت معاه قبلي و اخر عركه تقلي انه كان اعجاب وانها مش بتحبني و مبينتش حاجه

Cherry_50270 🇪🇬

منذ 5 أشهر

شعور مكتئب

موضوع:

حد عنده تجربة مع التعلق المرضي او ادمان شخص؟

انا كنت متعلقه بشخص لمده ٦ سنين بفكر فيه وبس بس مشاعري اتغيرت اتجاه الشخص ده يعني مبقتش احبه الحب الي كنت بحبه زمان مبقتش افكر فيه ذي الأول بطلت احبه ونسيتوه تماما تقريبا كده نضوج الواحد لما بيكبر عقله بينضج وبيعقل

Coffee_40196 🇪🇬 يا رب دايما في تطور 👏🏻🤍

عرض الكل 3 نصيحة

Waffle_37267 🇪🇬

منذ 6 أشهر

شعور مرتبك

انا ولد عندي 17 سنه كان عندي واحد صاحبي كنا قريبين اوي لفتره سنه، و بعد السنه دي اتغير 180 درجة و حرفيا بقا حد تاني، فالمهم لسبب ما بعدنا عن بعض المشكله ان دلوقتي لما بينزل صورة لية أو بشوف صورته عمتا بحس بشعور غيرة (اني غيران منه) انا مش عارف لية غيران منه و لية بحس الاحساس دا، و اصلا مش عارف اطلع

Marshmallow_34368 🇪🇬

منذ 6 أشهر

شعور محبط

انا وصحبتي كنا قريبين من بعض جداً وبنتكلم علطول وببعتلها كل حاجه بعملها وهي نفس الكلام لحد من فتره بقت تتجنبني ومبنتكلمش غير كل فين وفين واتخانقنا وفضلنا اسبوعين مبنتكلمش ولما دخلت صالحتها وقولتلها محاولتيش تصالحيني ليه قالتلي كنت لسه هبعتلك ، لما باجي احكي لها اي حاجه دلوقتي بتقابلها ببرود ومبتدنيش

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_45924 🇮🇶

منذ 6 أشهر

شعور متعب

أنا من ٦ اشهر عن طريق الصدفه تعرفت على طالب من عمري الكترونياً وكنا ندخل سشنات دراسه مع بعض مرات يرسل لي ملخصات يعني علاقتنا بحدود الدراسه فقط لا غير ولما خلص الفصل الدراسي جيت وقلت له ميرسي لأنك ساعدتني هذا الفصل كله وربنا يوفقك ويلا كل واحد في سكه بس هو قال انو حاب تجمعنا علاقة صداقه أنا رفضت بس ه

Mushroom_29719 🇪🇬 طبعا هو غلطك من البدايه انك ادتيله فرصه يدخل حياتك مش مهم مُسمي العلاقه اللي بينكم المهم أنه حرام ثانيا هو متخلاش عن مشاعره هو بس مش عاوز يبعد عنك ف رجع بمُسمي الصداقه فهو بيتحكم فيكي عشان شايف انك من حقه ومش عاوز حد يقرب منك أما البنات اللي بيكلمهم ف برأي أن اي شب بيكلم بنات كتيره وانت لو طلبتي منه مش يكلم بنات في رأي مش هيكلمهم بس انا شايفه انو العلاقه حرام وانك مش تغضبي ربنا

عرض الكل 6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع