لوم

Apple_73577 🇪🇬

منذ ساعتين

شعور متعب

تتعلموا ازاي قلبكم يكون قاسي يا جماعة انا واحد عايش بقلب طفل صغير ،باخد ع خاطري ومش بس كدا ده لو حد بحبه زعلني بلوم نفسي بحب الحاجات والناس بجنون وبفرط ف حبهم لدرجة اني بدي كل اللي عندي للأسوأ ان ممكن حد اذاني او عمل معايا حاجه وحشه لو رجعلي برحب بيه ومبعرفش اكسفه مبفتكرش للناس غير الحلو برغم اي

Strawberry_76032 🇪🇬

منذ 17 ساعة

شعور مكتئب

عبّر عن شعورك بشكل مجهول

شخص اتعرفت عليا عن طريق الشغل وكنت حاسة باعجاب ناحيته من جوايا وبعد فترة كلمني واكتشفت انه كمان معجب بيا اوي وقالي انه بيحبني واتعرفنا شهرين ع بعض واتخطبنا وكنا طايرين م الفرح بس بعدها بشهرين ونص فشكل معايا ومقاليش سبب معين ف الاول قالي مفيش كيميا بينا ولما حاولت افهم ايه مواقف غيرته ناحيتي قالي مفيش انا مشاعري اتغيرت فجاة ناحيتك بعد الخطوبة بشهر 
وانا كنت بحبه وحاليا انا مكتأبة فات شهر ونص ع الفشكلة بس انا متأثرة لسة وعندي اكتآب وبلوم نفسي ع مواقف كتير اقول يمكن حاجات خزنها جواه او فهمني فيها غلط وعلشان كدة سابني ؟؟!كل يوم بجلد ف نفسي وتعبانة اوي ،انا عارفة ان في وقت كنت بعاند ف حاجات زي اتاخر عليه ف الرد او كدة او اطنش مكالمة ليه ىع الايف كنت بسمع كلام صحابي علشان هو كان متغير معايا هو كمان فقالولي اتقلي عليه ومع الايف كتير منهم كانوا بيقوموني ودي غلطتي اني كنت بومي ودني ليهم بس انا كنت بعمل كدة علشان هو كمان وقتها كان متغير وبيعمل ساعات كدة ،،  بس مش قادرة افتكر حتى الحاجات اللي هو كان بيعملها وتضايقني وكان لما بيعمل حاجة تضايقني بفضل طول الوقت ابرر من جوايا ليه مش قادرة افتكرله غير الحاجات الحلوة فقط واوقات كتير نفسي اروحله او اكلمه واقوله ليه كنت دايما تقولي متسبنيش؟ بس ف الاخر انت اللي سبتني   ؟ نفس اقوله فين حبك ليا ووعودك ليا ؟ ليه اتخليت عني بكل سهولة كدة ؟ هو للدرجة دي كرهتني ؟ وانا مش عارفة حتى موقف معين ومعملتش حاجة كبيرة للدرجة دي , التفكير هيموتني،بس صحابي يقولولي لا متروحيش علشان كرامتك انا مش عايزة اقوله يرجعلي انا بس نفسي اخرج اللي جوايا وساعات ببقى خايفة اروحله  احسن اسمع كلمة تجرحني . نفسي اقوله ليه خلتني طايرة من الفرح وسبتني .انا حزينة اوي 😔😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74246 🇪🇬

منذ يومين

شعور غاضب

انا إنسانة إيجابية جدا ف الواقع وشكلي ومظهري وشخصيتي اي حد بيعجب بيها وبينبهر انا فعلا بكون صادقة ف اي عطاء أو اي مشاعر بس جوايا لغبطة السنين وبعمل حاجات خارج تفكيريوحاجات مايصحش تحصل وحاسة اني بجد وحشة اوووي والشعور دة بيموتني عايزة اطلع م اللي انا فية

Mango_70785 🇪🇬 قربي من ربنا اكتر وابعدي عن اي حاجة تخليكي تعملي حاجه غلط سوا صحاب او غيره... الخ واقري واشغلي نفسك وتفكيرك بحاجات تنفعك ولو محتاجه اي حاجة احنا موجودين

عرض الكل 5 نصيحة

Olive_73910 🇪🇬

منذ 6 أيام

شعور مستنزف

Apple_57323 🇪🇬 الاحاسيس دي طبيعية تحسي بيها علي فكرة ايوة طبيعية هتستغربي تعملي بقة ايه متسبيش نفسك ليها نفسك يااما تغلبيها او تغلبك اول حاجة تشوفي ايه اللي بيسعدك وتعمليه مثلا القراية او الرسم او الفرجة علي حاجات تبسطك ثانيا الدين هتجيبي سجادة الصلاة وتقعدي عليها نص ساعة بعد ما تصلي ركعتين لله وبعدها تمسكي المصحف تقري فيه النص ساعة دي ساعتها هتحسي باحساس جميل او و ي جربي وادعيلي ثالثا بقة الدعم النفسي

عرض الكل 7 نصيحة

عبّر عن شعورك بشكل مجهول

حاسة الفترة دي اني بقيت حساسة بزيادة وتعبانة نفسيا ومش قادرة افكر ف حاجة ولا قادرة ادي اعذار  لحد حتى لو حقيقة تعبانة جدا من كل حاجة لدرجة انه قبل كدة اختي هزرت معايا بايدها تلقائيا انا عيطت واتحججت عشان بس ابرر عياطي على حاجة زي دي رغم ان ايدها مكانتش تقيلة ولا حاجة بقيت نفسيا تعبانة بحلم لكوابيس غريبة او مابحلمش او مبفتكرش الحلم واكتشفت ف مرة انه بدا يبان عليا تعبيرات وشي اثناء النوم ولا بخرج من البيت بيتنا مفيهوش تشجيع للخروج ابدا وبالنسبالهم الي يشيل الزهق تنضيف البيت لحد ما انا اصلا مبقيتش قادرة اقوك اعمل اي تاسك مطلوب مني ولا اعمل جتى الحاجة الي بحبها بقول اغير وافك شوية الاقي لوم انتي مبتعمليش حاجة في البيت ليه ولوم مستمر عليه رغم اني بعمل فيه بس كرهت البيت والترتيب والتنظيف وكرهت كل شي ولا بقى عندي قدرة اعمل حاجة دايما تعبانة ومش قادرة ولا عندي نفس بعد ما كنت بحب اخرج وعندي رغبة للخروج مبقيتش اصلا حتى بقدر اخرج اقضي مشواري الضروري ومعنديش صحاب قريبين وبجد حاسة بضغط وان ايامي بتجري بلا فايدة ولا هدف ولا حتى قادرة اخد خطوة لان حتى الخطوة بيتم لومي على تقصيري والموضوع دة اثر على تفكيري بقيت انا كمان لوامة ومبقيتش بقدر ادي اعذار وبقيت اتاثر بالانتقادات والكلام الي حواليا والتعليقات وبقيت كارهة نفسي جدا  ومبقاش عندي قدرة حتى اقوم اصلى عندي رغبة ف كدة وعندي رغبة اغير حياتي بلاحظ دة لما بكون برا البيت بهتم بنفسي وباكلي وبهتم بالصلاة بعمل كل حاجة الي جوا البيت مليش طاقة اعملها اول لما برجعله بحس باكتاب وقلة راحة وكسل مش طبيعي ...بجد مش قادرة احدد اي اسباب ولا قادرة حتى افكر ف حاجة  اهلي كويسين الحمد لله بس طريقتهم استنفذتني ومش قادرة اتاقلم على دة ولا عارفة حتى تعمل الي هم عاوزينه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_60502 🇪🇬

منذ أسبوع واحد

شعور مكتئب

يا جماعه انا شخص بيقعد يحسبها كتير جدا و بقلق كتير من المستقبل و بعمل حساب الحاجه الف قبل ما اعملها و ده مخليني مش عارف اتخذ أي خطوه عدله في حياتي بخاف من المستقبل بشكل هستيري و بقعد ائنب في نفسي لو عملت حاجه غلط او اختارت حاجه غلط زمان حتي لو الخطأ ده غير مقصود أو غصب عني بحمل نفسي فوق طاقتي بشكل ب

French Fries_32968 🇪🇬

منذ أسبوعين

شعور مكسور القلب

اهلي ولا بيفهموك ولا حتي يقعدوا كده ويسمعوك واول ماتبدا تتكلم تلاقي زعيق ويقولوا اسكتي واسمعي مننا انتي ديما غلطانه ولا مره بتعترفي انك غلط بقول ممكن انا فعلا الي غلطانه ومش معارفه بس بلاقي فعلا أن مش انا الي بدأت الغلط عمر امي مافهمتني ولا اتكلمت معايا لما بتتكلم معايا بحسه إنجاز روحت اتكلم معاه

Biscuit_64034 🇪🇬

منذ 3 أسابيع

شعور ضائع

هو احنا ليه بنكتئب بسبب ناس احنا مش فى دماغهم اصلا هما اذونا و عملوا دورهم فعلا و مشيو و احنا نتسحل سنين فى علاج نفسي و ترميم ذات و قرف كتير كدة و يا سلام بقا لو اللى حواليك عمال يلوم فيك انك ازاى ضعيف و ازاي مش عارف تتعالج كل ده و مش عارف تلملم جروحك من كل اللى اذوك كدة و انت مابقتش فاهم طيب الغ

Watermelon_63268 🇪🇬

منذ 3 أسابيع

شعور محبط

مضغوطة اوي، حاسة اني دايما شايلة ذنب كل حاجة واي حاجة، بفضل زعلانة ومخنوقة بدون سبب لو شوفت مثلا حد محتاج مساعدة والوم في نفسي اني لو كنت اغنى شوية كنت ساعدته بطريقة تخليه ما يباتش في الشارع، ولو شوفت قطة تعبانة او متعورة افضل الوم في نفسي اني لو كنت غنية شوية كنت خدتهم في بيت ووفرتلهم حياة كويسة، ن

Lemon_33155 🇪🇬

منذ 4 أسابيع

شعور محبط

انا بحس علي طول اني بكرهني بحس أن انا شخصين ف جسم. واحد و انا كل مبعمل حاجه غلط او موقف بايخ مع حد أو افكر ف حاجه بتضايقني اقعد الوم نفسي ك اني شخص تاني و اقول اني بكرهك الي المفروض هو انا يعني و مش عارفه اعمل اي

Orange_69263 🇪🇬

منذ شهر واحد

شعور مكتئب

موضوع:

مشاكل فهم اهلك ليك

مشكلتي طول عمري مع اهلي انهم مش بيسمعوني اكتر حاجه افقتدتها معاهم الاحتواء وده عاملي مشاكل لحد دلوقتي انا عندي ٣٢ سنه ولسه مش عارفه اتخطي دايما بحس بالرفض منهم وعدم الانتماء عمرهم ما اخدوا رايي ف حاجه حتي حياتي وقراراتي لازم كل حاجه تمشي علي مزاجهم ولو اصريت علي حاجه اعملها يفضلوا يقطموني ولو حصل اي

Corn_68719 🇪🇬 انت وصلت لسن لازم تكون فيه سيد قرارك.. عامل اهلك بالمعروف واعمل اللي انت اختارته بعد تأني واستخاره ربنا. ولازم اقولك برده راجع نفسك مش يمكن كلامهم صح وانت اللي ماشي في حاجه تضرك. راجع كلامهم ولو حسيت ان اختيارك تمام متشغلش بالك بالكلام بتاع اي حد

عرض الكل 9 نصيحة

Marshmallow_69067 🇪🇬

منذ شهر واحد

شعور ضائع

عبّر عن شعورك بشكل مجهول

انا عشت عمرى كله *مغمضة عنية* عايشة في العالم بتاعي.. طول عمري خيالي كان واسع يمكن دي كانت رحمة ربنا ليا الي عرفت اكمل بيها.. في خيالي انا اتحبيت اتحبيت اوي وكان بيتخاف عليا وعلى مشاعرى انا عشت في الاحلام اتكر ما عشت في الواقع ومن كتر ما صدقت الخيال كنت مؤمنة اني هقابل الشخصية الي اتكونت في خيالي اني هقابله في الواقع.. مكانش مجرد خيال هو حته من روحي وافكاري واحتياجاتي وكل حاجة بتمناها كل حاجة ملقتهاش في الواقع.. الحياة الحقيقية مكانتش اكتر من ضغط نفسي ولوم وشعور اني مش كفاية الحياة الواقعية عملت مني شخص روحه فاضية كان المفروض بيتملى حب وامان ودعم بس دا محصلش الا في خيالي .. نتج عنه شخصية هشه ساذجة بتصدق اي حاجة مع الايام والسنين متعلمتش الا بالوجع سنين كتير عدت معرفش فاتت ازاي لحد ما بقى عندي ٣٠ سنه ..وصلت لمحرلة حتى الحلم مش عارفة احلمه شعورى اني كبرت معرفش امتى انا لسه انا عندي ١٠ سنين وعندي ١٨ سنه انا مكبرتش انا لسه كل حاجة جوايه زي ماهي النسين دي عدت امتى .. حاسة اني جيت الدنيا اتعاقب كأنى كنت في عالم تاني ومت وجيت الدنيا اتحاسب يمكن الدنيا مفيهاش جنه ونار بس النار كانت علطول جوايه.. عكس ناس كتير مكانش عندي طموح اكتر من اني اتحب ولو لمرة واحدة مكنتش بدور على كيان او كارير كل الي كنت محتاجاة اني اتحب شعور الخواء جوايه كان اكبر من اي طموح.. شعورى اني فشلت حتى في اني اتحب ولو لمرة واحدة بشكل صادق شعور ان حد شاريك ومش عايز غيرك دا بالنسبالي زي المعجزة يمكن عشان كدا كان موضع ابتلاءي.. انا بحب ربنا ومش زعلانة بالعكس بحس ان ربنا بينجيني يمكن كل حاجة فاتت مكانتش خير ليا وانا مكنتش خير ليها لا دااكيد .. انا بس بعبر عن شعورى لكن انا راضية الحمد لله.. عرف لما الناس تمشي في حياتها يحققوا حاجات ومينجحوش في حاجات ومشيين في حياتهم.. انا منجحتش في اي حاجة معرفتش اكمل في اي حاجة انا لسه واقفه في اول الطريق لسه محتاجة حد يعلمنى امشي ازاي انا معرفش يعني ايه دعم بس عارفة كويس اوي يعنى ايه لوم واتهام بالفشل والتقصير وعدم الضمير  .. انا معرفش يعني ايه اتحب حتى لو غلطت ديما اتحبيت حب مشروط.. انا جيت الحياة دي حاسة اني عبئ ان مفيش حاجة في الحياة حقي واني مستاهلش حاجة انا بخاف اتقل على اي حد لو حاولت اتكلم شويه مع حد بحس بالذنب اني تقلت عليه.. انا بس كنت عايزة اتحب من شخص شخص واحد بس احلامي في الدنيا مكانتش كتير كنت فاكرة انه شعور عادي وكنت واثقه انه هقابلة  وهيبقى ليا حياتي الي هشكلها بشخصيتي انا واعرف اعبر عن نفسي انا من غير ضغط او لوم انا لحد النهاردة بتلام لو سغلت دماغي في حاجة مطلوب منى امشي برأي الكبار وياويلي لو غلطت بشوف نظرة الانتصار والسخرية وظي بتحرقني من جوايه .. في فترة كبيرة من حياتي اتعلمت اخاف من الكبار اكتر م بخاف من ربنا ربنا يغفرلى لانهم مكانوش في صفي وواخدين بايدي وبيعلموني ازاي امشي في الطريق هما كانوا واقفين هناك في اخر الطريق ومستنين اني اروح لوحدي وانا اصلا مبعرفش امشي فمكانش منهم الا انهم يتهموني بالتقصير وقلة الضمير والمقارنة دنت دايما بحس ان كل الناس احسن منى واشطر منى.. محدش حاول يساعدني لحد دلوقتي في امور بعاني منها .. في اوائل العشرين كان عندي تصور اني هتخلص من كل دا وهخرج من البيت وهقابل الشخص الي في خيالي بس الحقيقة كانت بشعة لولا ان ربنا بينجي كنت ممكن اختار اختيار غلط اندم عليه كل حياتي .. انا مش معترضة .. انا بس مرهقة عامله زي الي واقف مستني في عز الشمس وعاجز انه يتحرك عطشان وتعبان وتايهه مش عارف يروح فين.. لحظات كتير بقول لربنا انا بس كل الي محتاجاة حد اسند على كتفه يكون موجود عشاني اد ايه دي نعمه غاليه اوي كل ما بشوف  بنوتة ربنا كرمها بحد يعرف قيمتها بفرح اوي ومش ببص كتير بهرب من اني اشوف فرحة حد عشان محسدهاش غصب عنى لما بشزف بنوتة صغيرة بفضب ادعيلها انا حياتها لما تكبر تكون احسن منى في كل حاجة متمناش لأى بنت تكون زي تكون جعانه حب ومشاعر واهتمام كل يوم بالنسبالي دلوقتي بقت قيمته في نظري انه بيقربني للموت اكتر مش اكتر من كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_65021 🇪🇬

منذ شهر واحد

شعور محبط

ازيكم محتاجه دعم ومسانده نفسيا ضايعه ومدمره ابني عنده ١٠ سنين واحد صاحبه عرفوا يتفرج ع مواقع اباحيه وكان بيتفرج وبيمسح السجل ع معرفش اتفاجأت بعد فتره وعرفت من ابن عمتو اما اتعاقب وحد شافه من اخواته واتقالنا وكانت اخت جوزى عندى ومعاها ولادها اتصدمنا انهم نفذوا ده مع بعض هو وابنها كتلامس خارجى وحاول ب

Banana_64545 🇪🇬

منذ شهر واحد

شعور متوتر

اول مره اشارك متزوجه وعندي طفل سنتين ونص لسه مش بيتكلم اوي بيقول شوية كلمات ع جملتين بس دايما ابي يقولي ده اخرص مش بيتكلم وديته حضانه بقى بيقول شوية كلمات جديده دلوقتي تعب فيرس في الدم واضطريت أعده من الحضانه الكل بيلومني بيقوليلي انتي السبب انتي اللي عيتيه وديته حضانه وبتخرجيه كل اسبوع مرتين غير ا

Pineapple_64546 🇪🇬 طبعا العيب مش منك انا مش متجوزه ولا مخلفه بس بقولك العيب طبعا مش منك ولو انتي عليكي عيب فا هيبقى حاجة واحده بس انك بتسمعي لكلام اي حد ده ابنك وانتي حره فيه ومحدش ليه دعوه هو هيتكلم امتى او هيتعود عالبيبي امتى ملكيش دعوه بكلام حد عشان الناس هتتكلم وهتنتقد حتى لو مفيكيش غلطه فا نصيحه متسمعيش كلام حد وربنا يشفيه ويخليهولك يارب ❤️❤️

عرض الكل 5 نصيحة

Marshmallow_56042 🇪🇬

منذ شهر واحد

شعور مهتم

كل يوم بنقعد نلوم في الدنيا ونقول الدنيا بقت وحشة بس الحقيقة إن العيب مش في الدنيا العيب فينا إحنا كبشر بقينا نسهل الحرام ونزوقه بقينا نبرر الغلط ونجمّله بقينا نشوف الأنانية صياعة وقلة الأدب جَمدان والشتيمة بقت روشنه واللي بيحاول يكون مظبوط بيتقال عليه متشدد. اللي بيقول كلمة حق بيتقال عليه بيعقد وا

Ice Cream_20952 🇪🇬

منذ شهر واحد

شعور وحيد

لما شخص في حياتي بيعملي حاجة حلوة في حياتي أو بيديني حاجة ويجي مرة والشخص ده يزعلني بقعد الوم نفسي اني مكنش لازم اقبل الحاجة دي وطالما اخدتها خلاص ف انا لازم اجبله غيره عشان نبقى خالصين وكدة ملهوش جمايل عليا وبحس بالشعور ده مع اهلي واخواتي واصحابي مش الناس البعاد بس ومش عارفة ازاي ابطل احس بالإحسا

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع