كليات خاصه

Sugar_20671 🇪🇬

منذ سنة واحدة

شعور محبط

عبّر عن شعورك بشكل مجهول

انا حاليا داخله ٥ صيدله بس خاص 
وانا في اعدادي و ثانوي كان عندي اكتئاب شديد و وسواس قهري و افكار وسواسيه وكنت بتعالج منهم في ثانويه عامه و بدأت اتحسن في آخرها 
و طبعا المذاكره كانت صعبه جدا عليا في ثانويه عامه و من قبلها كمان و كمان الادويه النفسيه اللي كنت باخدها في ثانويه عامه كانت بتنيمني و طول الوقت كنت تعبانه و حتي لو روحت دروس و قفلت امتحانات كنت برجع اعيط و بفكر دايما انتحر و كل ده كان بسبب ظروف صعبه اوي مريت بيها هي اللي سببت كل ده 
المهم اني اتعالجت في ثانويه عامه و طبعا علي ما قدرت اقف علي رجلي وابدأ مذاكره كنت في آخر ٣ شهور في ثانويه عامه و ساعتها اللي بدأت أشد و احاول اجيب أخري و كان نفسي ادخل كليه طبيه حكومي بس للاسف مجموعي جاب اني ادخل خاص بس 
طبعا كنت زعلانه جدا بس بابا قالي هدخلك خاص زي اخويا الكبير برضو دخل خاص و كانت ساعتها ظروفنا الماديه كويسه 
و ابتدت ظروفنا تبقي مش كويسه و كل السنين دي وانا في الجامعه بلوم نفسي اني دخلت خاص و صعبان عليا بابا 
خصوصا أن اخويا الصغير امبارح ظهرت نتيجته و هيدخل خاص برضو 
ساعتها بابا قالي بهزار مكتوب علينا ندخل خاص بس كان باين انه زعلان مش مجرد هزار
بس انا زعلت اوي اوي بجد و بدأت اتضايق اوي من نفسي والوم نفسي اني دخلت خاص 
بس يعلم ربنا انا كان غصب عني و يعلم ربنا اني حاولت رغم تعبي و اكتئابي في ثانويه عامه كنت بحاول برضو و حتي في بدايه السنه قبل ما اتعالج كنت بحاول رغم يأسي و تعبي 
ف مش عارفه اعمل ايه و حزينه اوي من نفسي و علي نفسي و حزينه علشان بابا و ضميري واجعني اوي و صعبان عليا خصوصا اني كنت انسانه متفوقه جدا زمان قبل ما يجيلي اكتئاب و افكار وسواسيه و بعد الاكتئاب مستوايا الدراسي بقي وحش جدا ف صعبان عليا نفسي اني دخلت خاص بسبب حاجه فعلا مش بإيدي و اني كنت زمان شاطره جدا بس بقيت فاشله بسبب حاجه فعلا مكانتش بإيدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_53178 🇪🇬

ليه صحابي بيتفقو عليا ومش بيحبوني؟

هو انا ليه حاسس ان كل اللي حوليا مش بيحبوني؟ ليه دايما بحسهم بيتفقو عليا من كلامهم سوا او ف لعبه ويلعبو سوا عليا مثلا وكذا حاجة الاقيهم مع بعض عليا لكن غير كدا بيمشو معايا وكل حاجه؟ ليه دايما بيتفقو ف الكلام عليا حتى ف الهزار بيجو عليا سوا؟ ليه علاقتي بصحابي مش بتدوم ودايما بتخانق معاهم واختار صحاب غلط بياذوني؟ ...عرض المزيد

1 الدعم

1 نصيحة

Ice Cream_74830 🇪🇬

ازاي حد بيحبني ومشى من غير كلمه؟

كنت متعشمه في انسان علقني بيه و قال انه بحبني و بيوعدني انه عمره ما حيتخلى عني و انه حتعمل خطوات على الأرض لعلاقتنا تبقى رسميه و اعقدت شهرين و نص هي عمر العلاقه مستنيه اشوفه لاني مشفتوش اصلا هو قابل بابا الاول و كان الدور انه يقابلني عشان نكمل بس كان بيكفي بالتليفون و يعتذر اويحصل ظرف وفاه عنده كل مره يجي يقابلني فيها فاخر مره بعتله فويس و قلته لما تيجي تكلمني ناني تقول انا جنب بيتك اتا عايز اقابلك غير كدا متقوليش بحبك او اي عذر ناني و لو مش عايز قولي عشان متعشمنيش و تاذي مشاعر .مردش علي خالص و هو طول الوقت بيحلف و بيقول انه بيحبني و متمسك بي و انه مش صغير و قد كلمتهو قابلت والدك و انا راجل محترم .ازاي ميردش و يمشي من غير و لا كلمه مه العلم انه مش صغير و لا انا يعني هو ٥٢ سنه انا تعلقت به جدا و مش قادره اتعايش بحاول بس حسه اني خت صدمه ...عرض المزيد

1 الدعم

4 نصيحة

Banana_65230 🇪🇬

مش عارف أوصل لشخص غالي ومحدود الoptions

كان في شخص هنا بنتكلم بس فجاة المحادثه كلها اختفت كان نفسي اتكلم مع الشخص ده اكتر من كده لانه شخص كويس وعزيز علي قلبي لكن يظهر كده اني منحوس مليش حظ حتي في حد اكلمه 😢💔 انا مش عارف اوصل للشخص ده ازاي بجد 😔 في برنامج غريب جدا options فيه محدوده نفسي اموت بجد 💔😢 ...عرض المزيد

0 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع