كلام جد

Cookies_74926 🇪🇬

واحد بيحبني من ٦ سنين وانا خايفة..نصايح

عايزه احكي عن حاجه وهحاول اختصر في واحد بيحبني من 6 سنين وانا كنت بحبه والله بس مشاعر طفوله وبمجرد ما كبرنا خلاص انشغلنا وكل فتره كنا بنتكلم ومع أن كل واحد فينا ارتبط بس كنت بنرجع تاني نفركش ونتكلم "صحاب" المهم يعني أنه اعترفلي أنه لسه بيحبني وأنه مكملش مع البنت الي عرفها بعدي شهرين بسبب أنه متعلق بيا وبيحبني انا اتفاجأت بصراحه لاني مكنتش متخيله أنه بيحبني بعد كل السنين دي خصوصاً أنه اصلا كتوم المهم من فتره رجعنا نتكلم وصاحبتي القريبه مني قالتلي اديله فرصه يثبت نفسه انتي رفضتي كتير وبتحكمي عليه بشخصيته بتاعت زمان وهو كبر دلوقتي للعلم هو اكبر مني ب 3 سنين المهم انا وافقت. اديته مجال لانه يتكلم معايا وطلب مني نتقابل وللعلم طلب مني كتير جدا وكنت برفض ومبرضاش أو اقول ماشي وقبل المعاد بيومين اكنسل المرادي انا وافقت بس هتبقي نص ساعه ومعايا صاحبتي ومش هنقعد في مكان "" نفترض أن اسمه احمد"" احمد طيب وجدع وحنين علي اخواته جدا وعلي اهله ومش بخيل نهائي ومش كداب واستناني كتير وبيحبني رغم اني عملت حاجات كتير اي حد مكانه هيزهق ويمشي انا بس خايفه فاهميني ؟ انا محتاجه نصايح بصراحه.. ...عرض المزيد

1 الدعم

5 نصيحة

Coffee_74932 🇪🇬

كل حاجة ف حياتي ماشية عكس ما اتمنيتها

للأسف كل حاجة ف حياتي ماشية عكس ما اتمنيتها، يمكن أول ربع من السنة كانت كل حاجة كويسة.. اتخطبت للشخص اللي كنت بحبه واتقبلت ف شغل كويس وعلاقتي بالناس كانت كويسة، فجأة بس بعد كام شهر كل حاجة خلصت وباظت وف وقت واحد، دايمًا أنا اللي بجري وبعمل كل حاجه عشان كل اللي بحبهم وعشان اي حاجة ف حياتي عموماً، وكان نفسي أحس او لمرة ان حد بيجري عشاني لأني أستاهل ده.. دايمًا كل اللي حواليا بيقولوا اني اقرب حد ليهم واكتر حد معاهم وأحسن حد و و بس ف الآخر أنا ف حزني لوحدي . ...عرض المزيد

0 الدعم

3 نصيحة

Chilli_74934 🇪🇬

تعبت من القبول بأقل من اللي أستحقه

بحس دايما أن ناقصني حد يكون بيدعمني وجنبي ويسأل عني وبيحبني بصدق فعلا انا فعلا تعبت من أني مش عارفة انا عايزة امشي في انهي طريق واني بقبل بأقل من اللي باستحقه وفي الاخر الشخص ده هو اللي بيسيبني وآخرهم تلاشى من غير سبب أو سابق إنذار حتى .. يمكن انا مش بعرف أكوّن علاقات قوية حقيقية بس انا فعلا مش كويسة ومش عارفة الحل ايه ازاي اكون مستكفية بنفسي بعيدا عن أي إنسان ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع