كسر دائرة القسوة

Sugar_49832 🇪🇬

منذ 3 أسابيع

شعور مرهق

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

ديما كنت بقول انى عمرى ما هكون زى اهلى 
كنت شايفاهم جامدين وقلبهم جامد علينا.. مش بنصعب عليهم حتى 
لحد امبارح.... استوعبت ان الموضوع مش جمود لا.. هما قاسيين.. قاسيين بجد والقسوة من الاهل بالذات تقهر 
يمكن دة سببه الضغوط اللى مروا بيها.. بس على الاقل لو مش هيقدروا يفهمونا يسيبونا نعييش 
عمرى ماهعامل ولادى زيهم... هحااول عشانهم... هداوى نفسى بايدى عشانهم.. هعرفهم المعنى الحقيقى للام.. هبينلهم حبى وامومتى.. هديهم وقتى، هركز معاهم، مع عنيهم ودموعهم 
هركز مع كل يوم يرجعوا فيه من المدرسة واحس انهم مطفيين 
انا اتعرضت لتنمر ووحدة وكنت فى بيئة وسط ناس مش شبهى كل دة فى المدرسة واهلى ميعرفوش عنه حاجة... ثقتى بنفسى معدومة 
هزرع جواهم تقدييير كبييير لنفسهم.. 
هكلمهم... هكلمهم كتييير فى كل حاجة..هعودهم يشتكولى منى..مش هخلى العجز اللى انا عشته يتنقلهم.. هحاول افهمهم ويفهمونى ويغيرونى للى يطمنهم منى 
المانع الوحيد لاى حاجة عايزينها هيكون انها تكون حرام.. طول ما هى حلال حتى لو مش على هوايا يعملوها.. بحدود طبعا 
فى المقابل هزرع جوااهم حب ربناا اووى مش واجب وفرض لا حب.. اهلى اتعاملوا مع علاقتى بربنا انه واقع لحد ما بعدت اووى 
هختارلهم اب حنين وانا واثقة ان ربنا مش هيخيبنى فى دى بالذات لانه عليم بيا وعارف انى مش هقدر على دة لوحدى 
مش هتجوز واحد بيسافر.. انا عايزة باباهم يكون ليه دور فى حياتهم مش مجرد بنك 
هختار اب حنين، هختار اب حنين، هختار اب حنين 
 مش هعاملهم انهم تجارب بجرب فيهم ايه ينفع وايه يفشل فى تربيتى ليهم 
هعمل كل حااجة واى حااجة فى سبيل ان يوم ما الدنيا تضيق بيهم يرموا نفسهم فى حضنى ميدوروش على غريب 
هعمل اى حاجة عشان حضنى يبقى امان بجد مش حاجة تخنق او ملهاش تاثير 
هقدر خوفهم، هفهم قلقهم، مش هسمح انهم يضحكوا وجواهم وجع.. كل ضحكة مخنوقة بتقطع فى القلب من جوا 
امى قالتهالى اكتر من مرة ويمكن دة كان بيعطينى امل برغم كل حاجة قالتلى حضنك حنين كلمتها طمنتنى ان يمكن فيا حاجة حلوة مش قادرة اشوفها 
بدعى ربنا من قلبى ان ولادى يشوفونى ام.. بس ام بجد، حضن وطبطبة وحنية... بدعى ربنا ان ولادى ما يشوفوا منى قسوة... وان ميجيش لحظة يقولوا ماما قست قلبها علينا 
بدعى ربنا يصبرنى ويثبتنى ويهدينى ويدلنى لطريق يعوضنى ويجبر خاطرى 
اخر كلمة... ولادكم امانة.. حافظوا عليها🍃🌿❤️‍🩹

Watermelon_74562 🇪🇬

مش قادر أثق في نفسي وبفضل العزلة بعد الخذلان

عندي مشكلتين اول واحد مش قادر اثق في نفسي من وانا صغير حتى لما تجيب درجات حلوه اخد شهادات وجوايز حتى لو جالي مدح من مدرسين، مكنتش واثق في نفسي اني هدخل هندسه والحمدلله دخلتها مش واثق في نفسي اني همشي فيها والحمدلله بعمل العكس بجيب تقدير وانجح عمري محسيت برضاء عن نفسي او مبعرفش افرح باللي بعمله بحسه عادي اقل م عادي لا لدرجة بتكسف اني اشارك نجاحي. تاني حاجه يمكن من مواقف الخذلان من بعض الاحباب من العيلة وأصدقاء وغيرة بقيت بلجاء للعزله بالرغم ان كلهم بيجوا يتكلموا ويشكوا ويحكوا ويشاركو بس مش قادر اعمل معاهم كده. فالواحد حاسس دايما انه مضغوط ومش ماشي كويس في طريقة بتوصل حتى لما بروح اصلي احس اني منافق رايح اصلي علشان اظهر بصلي قدام الناس و... ...عرض المزيد

0 الدعم

0 نصيحة

Chilli_69780 🇪🇬

ليه بتميل للمتزوجات والمطلقات؟ بحسهم ناضجين اكتر

انا غالبا بميل للمطلقات والمتزوجات بالفضفضه يجوز لاني بحس انهم ناضجين اكتر ودا بسبب الملل وعدم الاستقرار وبحاول لكن مش قادر كل ما ابعد ارجع تاني ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

4 نصيحة

Biscuit_67362 🇪🇬

رجعتلكم يا حبايبي، مستنييكووا علشان اسمعكم

ازيييييييكمممممممم 🤍 رجعتلكم يا حبايبي بدل الملل دا اي حد محتاج يفضفض مش لاقي حد يتكلم معاه او في حاجه مدايقاه وحابب حد يسمعه انا موجود ومعاكوا دلوقتي وبعدين بردو عادي انا موجود دايما فاا يلا مستنيييكووووا 🤍🤍🤍🤍🤍🤍🤍 ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع