قطيعه

Blueberry_73913 🇪🇬

منذ يوم واحد

شعور مرتبك

عبّر عن شعورك بشكل مجهول

مشاكل كل يوم
في ولد كنت اعرفه من وانا صغيره من اعدادي كنت حاسه اني متعلقه بيه وبشخصيته ولكن مش حب كان معايا فالدروس اتعرفنا على بعض بسبب مشكله وبعدها بدات احس اني حباه شويه 
كان في جروب للسنتر وكنا كلنا جوا مع بعض فا عرفت انه بيحب واحده صاحبتي اللي هي قريبه مني اوي  وهو كان يعرف ان في مشاعر من نحيتي ليه فا بدأ يقرب مني شويه وكنا صحاب كويسين لحد ما اعترفلي انه بيحبني بس علاقتنا مكانتش كويسه كل شويه حد يبلك التاني وانا اقطع علاقتي بيه ويرجع يكلمني تاني وكده لحد ما جت فتره حسيت ان كل ده عبط وان انا مشاعري نحيته مكانتش حب ولا حاجه مجرد مشاعر طفوله وخلاص فبعتله ماسدج اني مش هكمل وقت ما هو كان كويس جدا معايا وبيعاملني احسن معامله من وقت ما عرفته فكل ده واحنا كنا وقتها داخلين اولى ثانوى فضلت سنتين معرفش عنه حاجه خالص ولا بشوفه فالشارع لحد ما اتقابلنا فتالته وكان وقت تالته ده كان بيشوف ستوريهات الانستا وهو مش عندي اصلا ولا عاملي فولو وبعدها بشهرين بعتلي ادد على سناب وقبلته 
بس حاسه الموضوع غريب يعني ايه اللي خلاه يفتكرني تاني بعد كل الوقت ده خصوصا انه ارتبط بعد ما قطعت علاقتي بيه .
احنا حاليا مفيش بينا كلام ولا اي حاجه كاننا منعرفش بعض بس الموضوع نفسه مريب شويه وخصوصا انه معايا فالجامعه 
بس كنت عايزه اعرف هو ليه عمل كده ليه رجع تاني وليه افتكرني تاني وانا كده غلطانه عشان سبته فوقت هو كان كويس معايا فيه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_70810 🇪🇬

منذ أسبوعين

شعور مكسور القلب

من فتره كنت بكلم وحده قريبتي بس من بعيد و ف الاول مكناش طيقين بعض بس اتكلمنا شويه واستلطفني بعض وتقريبا كنا بنتكلم 24 ساعه فاليوم ، بس هي كان عايز تشوفني علشان احنا مشفناش بعض قبل كده ، المهم نزلنا واكيد كان معاها صاحبتها وكده يعني المهم اتكلمنا شويه وروحنا وعادي الدميه تمام ، اليوم الي بعده بقي تبع

Coconut_74385 🇪🇬

مجروحة اوي.. ليه عمل معايا كدا وانا قدمت كل حاجه؟

جماعة هو ليه عمل معايا كدا وانا قدمت كل حاجه ف الاخر قاليي ماما مش موافقه وقالي ربنا يوفقك في حياتك انا مش هقدر اكمل حاجه جوايا بتقولي انه مغلوب على امره ومقالش لمامته اصلا بس علشان ظروفه صعبه شوية ف اختار انه يقول كدا وعملي بلوك من كل حته والحاجه التانيه بتقوليي انسيه اعمل ايه مجروحه اوي اوي اوي وبقالي ٣ ايام مش بنام ...عرض المزيد

0 الدعم

0 نصيحة

Chocolate_65230 🇪🇬

موجود علشانك.. لو بتعاني من الألم أو القلق

صباح الخير عليكم جميعا اتمني ليكم يوم جميل انا عارف ان في كتير منكم مش مبسوطين في ناس بتشتكي من الم الفقد وناس بتشتكي من الم الرفض و ناس بتشتكي من قله الثقة بالنفس و ناس دماغها مش بتبطل تفكير وناس شايفه انها مش كفايه وناس شايفه انهم مش عارفين يتعاملو مع الناس علي كل حال اي شخص محتاج دعم نفسي انا موجود وهساعد كل شخص و هرد علي الكل 🥰 ...عرض المزيد

1 الدعم

0 نصيحة

Ice Cream_73831 🇪🇬

خايف أقع في الحب وأتكسف أو أضيعها

أنا شخص عندي over thinking دي حاجة الحاجة التانية أنا بكره إني أكون ضعيف قدام أي حد ولو فيه موقف حصل هيخليني أكون ضعيف بتماسك جدًّا علشان مبنش بأي طريقة إني ضعيف وكده من زمان وأنا كاره موضوع الحب وإني أحب واحدة وأعترفلها بكده وهي ترفض أو توافق ده لو الشخص اعترف أصلًا لأن كلهم بيرفضو يعترفو بكده والكلام ده كله أنا مقتنع بالكلام ده من أولى ثانوي تقريبا أنا دلوقتي خلصت أولى جامعة وداخل تانية المهم أنا ف الترم التاني قابلت شخص ما وشدني بطريقة غريبة جدًا لدرجة إني رفضت الموضوع بشدة وعمال أقول أكيد فيه حاجة غلط لحد م اقنعت نفسي بالعافية إنها عجبتني لكن أنا قدام أمرين البنت جميلة جدًّا ومستحيل حد يكون بالجمال ده والاحترام ده اللي أنا بشوفه يحب شخص زيي الموضوع التاني إني مش شايف نفسي الشخص اللي هيجيب رقمها ويكلمها ويعترفلها وابقى تحت رحمة إنها توافق أو ترفض ولو وافقت هعمل إيه بعد كده ولو رفضت فأنا هكسف نفسي وشايف إن ده ضعف وف نفس الوقت أنا قلقان جدًّا إني أضيعها ولو فكرت ف الموضوع بلاقي نفسي بفكر أنا هتجوزها على طول إزاي لدرجة إني حسبت كل التكاليف اللي هحتاجها علشان أقدر أتجوز فمش عارف أعمل إيه ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع