قسوة

Apple_26468 🇪🇬

منذ يوم واحد

شعور مرهق

مساء الخير يجماعة بجد هتجننن اي تفسير لشخص المفروض كان بيحبك يقسي عليك ويكسر بخاطرك +يعترف انو ظلمك ويقولك حقك عليا😂😂 ويمشي برضوو عاااادي يعني هي كسرة النفس والقلوووب؟؟ بقت عادية!!! لدرجادي ..الفراق بقااا سهل!!!؟ طب انا كراجل أصدق بعد كدا حد بيعترفلي بمشاعره ازاي بجد..هعرف أحب تاني ازاي وانا داخل

Banana_59267 🇪🇬

منذ 6 أيام

شعور مذنب

ايوة يعني المفروض اعمل ايه بعد م عملت الذنب اللي عملته ١٠٠٠٠٠ مرة وكل مرة بقول يا رب آخر مرة بس اغفرلي وارحمني؟ قلبي بقى عامل زي الصخرة مبقاش يحس بلذة الطاعات وحاجة آخر برود وجفاف نفسي اعرف ليه بعمل الذنب وانا متأكد انه هيخلي حياتي اسوء ومش هو اللي هيجيبلي السعادة يعني حاجة في منتهى الغباء والكارثة

Marshmallow_77677 🇪🇬

منذ 6 أيام

شعور مرهق

عبّر عن شعورك بشكل مجهول

اغلب الناس الي ف حياتي بيستقلو بيا و مبيحترمونيش و بيشوفوني اقل منهم لاني ببساطه عايشه عادي و بحاول و مش كل الاوقات محاولاتي بتنجح هما دايما شايفين اني لازم اكون بحقق حاجه و بنجح ف حاجه مينفعش اعيش عادي مينفعش ابقا زي باقي الناس الي عايشه و بتروح جامعتها و خلاص لا انا لازم اشتغل و لازم يبقا معايا فلوس و لازم يبقا معايا لغه و انا مش عارفه احقق كل دا ف وقت واحد و مش عارفه اعمله لوحدي محتاجه حد معايا يدعمني ماديا او معنويا لكن انا حاسه ان انا الراجل مش البنت بشتغل و بصرف ع نفسي و بحاول و بسعى علشان اعمل حاجات انا مش عايزه اعملها اصلا و الا لو معملتهاش هبقا اقل منهم و مش هرضيهم طبعا مش هينفع اطلب فلوس لنفسي لان مفيش حد مسؤوله منه ابويا ميت و اخويا الكبير مبيشتغلش و مريض نفسيا قاعد ف البيت و كده كده ابويا لما كان عايش مكانش بيصرف علينا بما يرضي الله و اخر سنه قبل ما يموت هربت منه و من ظلمه و قسوته انا و امي و اجرت شقه بفلوس معاشها و اشتغلت و بقيت انا الي بصرف ع البيت ف سن ال17 و ف اولى ثانوي و عرفت قد اي الدنيا مبترحمش 
و دلوقت لو طلبت فلوس للجامعه من اخواتي البنات باخدها بالعافيه و بتذل عليها بعدين كل واحد شايل نفسه و كل واحد عايش علشان نفسه بقيت حاسه اني عايشه ف مجتمع اناني و قاسي كل واحد شايف مصلحته و بس و بيجري عليها و كل واحد بيحاول ياخدله اكبر نصيب من الدنيا كأنه كده هيبقا أسعد بقينا عمليين مفيش كلمه حلوه ولا حنيه ولا مساعده من غير مقابل معرفش هو العالم كله كده ولا انا الي مفيش حظ ف حياتي؟ الدنيا صعبه اوي و كل حاجه صعبه كل يوم قلبي بيدق اسرع من الخوف و مخي بيفكر اكتر من القلق و رجليا بتجري علشان الحق مواعيدي و حياتي متضعش مني و خلاص جبت اخري تعبت و نفسي ارتاح نفسي اتطمن نفسي احس اني بخير او  ع الاقل الي بعمله دا يبقا بفايده ف الاخر.. كان نفسي العالم يبقا احن عليا من كده.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59452 🇪🇬

منذ أسبوع واحد

شعور متعب

بقولكم انتو ازاي بتقدرو تنسو ذكرياتكم وتتخطوها ازاي بتتغلبو على حزنكم واشتياقكم لناس مش هينفع ترجعوهم حياتكم تاني ازاي ممكن اتخطى واعدي الفتره دي حاسه اني مش قادره وحاسه اني تايهه انا عملت القرار الصح الي كان لازم اعملو من زمان بس مش قادره اكمل كل حاجه ملهاش طعم كل شويه عيني تدمع واعيط مسحت كل حاجه

Croissant_52708 🇪🇬

منذ أسبوع واحد

شعور مكسور القلب

أنا عايز أكتبلك من غير مجاملة ولا لف ودوران. يمكن عمري ما كنت صريح معاك، ويمكن ضيعت منك حاجات كتير بسبب كلمة طيشة خرجت مني من غير ما أفكر. أنا عارف إنها جرحتك وكَسرت قلبك، وأكتر حاجة موجعاني إنك كنت بتحبيني بصدق، وأنا اللي رديت بالقسوة بدل ما أقدّر. الحقيقة إني كنت مشغول بواحدة عمري ما كنت في قلبها

Durian_77598 🇪🇬

منذ أسبوع واحد

شعور متوتر

جماعه ! حد هنا تاني ابوها رماها عشان مرات ابوها عايزاه ينسي ان له بنت قسوه و جحود قلب الاب دي حاجه انا مش فهماها من ساعه ما اهلي اطلقوا.. ازاي نبقي عيشنا سنين سوا و كنت بتحبني و بتفرح لما تشوفني و تشاركني مراحل و فجاه تختفي.. و لما اكبر و اجي ادور عليك و اتكيف بظروفك و يبقي امنيتي اشوف وشك تغدر ب

Pineapple_77476 🇪🇬 مش هيحس بالذنب تجاهك بصي لنفسك ولحياتك محدش يستاهل نضيع حياتنا عشانه

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

السلام عليكم .... صباح الخير 
انا عندى اخ اصغر منى عنده 14 سنة فى تالتة اعدادى 
هو بيشتغل من وهو فى اولى اعدادى تقريبا وبيصرف على نفسه اللى يقدر عليه من الفلوس اللى بياخدها يعنى مش بياخد مصروف من ابى ومصروفه من شغله هدومه من فلوسه بردو وساعات بيدفع بسيط فى فلوس دروسه يقريبا هو فى البيت بياكل وينام بس 
وهو حنين خااالص والله مش وحش بس للاسف ابى وامى بيتعاملوا معاه وحش اوووى بالذات ابى وللامانة بيفرق بينا انا واخويا الصغير خالص وبينه بيشد عليه جامد اوووى ،يمكن نااادراا خاالص لو شوفته بيضحك فى وشه وطول الوقت نقد برغم انه مش كدة معايا مثلا وحتى مش ببقدر خاالص نقطة انه تقريبا بيصرف على نفسه دى ... طول الوقت مصر يعاامله انه راجل كبيير عارف مصلحة نفسه وبيحاسبه على هذا الاساس من غير ما ينصحه او يوجهه ، مفيش لغة حوار بينهم خاالص .
امى اتكلمت معاه كتيير فى نقطه انه يصاحبه وكدة عشان سنه حرج ومحتاج رعاية وبردو فى الفاضى خالص وللامانة مفيش امل لان علاقة ابى بجدو  كانت مش كويسة اووى وكان جدو بردو بيفرق بينه وبين اخوه يعنى هو مجرب بس مفيش فايدة ......
وكمان هو بيتلككله جاامد اووى فى حوار تعليمه وانه يدخل ثانوى عام وكدة وتيتة وعمتو بيشجعوه وعايزينه يشتغل مع ابى وخلاص برغم ان تقريبا ابى مجال شغله بينقرض خلاص .

من الناحية التانية امى بتحاول تكون كويسة معااه لكن بردو كتييير بتضربه برغم ان الاسباب والله بتكون تافهة لكن هى بتحاول وهو بردو بيحكيلها كل حاجة بس بحس لو جتله فرصة يخبى بعدين هيخبى وساعات بتقسى عليه جاامد اووى وهى بنفسها اللى بتقول كدة لان ناس كتير بتشبهه بخالو فى صفاته وكلامه وهى مش عايزاه شبهه وفاكرة مرة كان رجع من شغله تعبان ومكنش عايز يروح تانى فى اليوم دة ولما زعقتله عيط ساعتها ضربته وقعدت تقوله اسلوب خااالك دة لو شوفته فيك اموتك بايديا ..

وعلاقته باخوه الصغير عادية لكن طول الوقت بيحاولوا يفتنوا على بعض فى اى غلطة لان امى عودتهم بتضربهم قدام بعض للاسف فبقوا كانهم بينتقموا من بعض .

من ناحيتى انا علاقتنا واحنا صغيرين كانت مش احسن حاجة وبنتخانق كتير وبصراحة كنت بحاول اسيطر عليه واثبت نفسى بس مكنتش فاهمة والله ،لما كبرت حاولت اصلح الوضع شوية والعلاقة اتحسنت لكن بردو مش اصحاب يعنى مش القرب اللى يخليه يحكيلى او كدة ...هو بجد حنين ومن اول ما اشتغل مفيش اسبوع يعدى غير وهو لازم يجيبلى اى حاجة من فلوس شغله ، هل فى طريقة احاول اقرب بيها منه اكتر غير الخروج مع بعض لان مش مسموح من غير ما العيلة كلها تبقى معانا .
 وهل فيه حل عشاان بجد مش عايزة الموضوع ياثر على شخصيته خصوصا انه بيحب يصاحب شوية الاكبر منه والبيئة اللى احنا فيها مش كويسة وهيجروه لحاجات كتيير غلط ،
حاجة كمان اسفة انى طولت كل دة بس لو حد فاهم اكتر ازااى اقدر اوجهله نصيحه ويقبلها من غير ما يحس انها محاضرات لانه اول ما احاول انصحه يقعد يتريق ومش بياخد ولا حرف جد .
لو حد كمل وعنده نصيحة ياريت يقولها ولو مفيش ادعوله ربنا يهديه ويحنن قلب ابى عليه ويحفظه من البلاء اللى هو فيه لانه بجد مظلوم جامد وحاسة انه بدا يبعد عن ربنا وشخصيته بتميل للعصبية والعنف لانه مكبوت .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_73060 🇪🇬

منذ أسبوعين

شعور ضائع

انا شخصيتى متناقضة وده تعبنى نفسيا اوقات اكون طيبة وحنينة اوى وبزعل لو اى حد حصله حاجه حتى لو مش اعرفه واتاثر اوى عشانه واوقات بكون قاسية اوى حتى على اقرب الناس ليا ومش بيفرق معايا حد حتى لو بيموت قدامى بجد مش عارفه اعمل ايه لان اوقات بقسى على نفسي اوى لدرجة ان لو فى حاجة مزعلانى بمنع نفسى اعيط ح

Avocado_76878 🇪🇬

منذ أسبوعين

شعور ضائع

كنت عايز اقول متحكموش علي ال (gays) بقسوة يجماعة .. خلينا متفقين انه غلط وحرام وكل الشتايم الي جات في دماغك الي انت متعرفوش بقي قصته ! كل واحد فينا لي حكاية ومش ديما بيكون هو الي اختار الطريق دة مش بس كدا هو كمان مفيش في ايده خيارات كتيرة يعني مش بدوسة زرار هيرجع استريت مثلا زي مانت فاكر دي بذرة ا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا  عندي ٢٥ سنة انا كنت طفل عادي جدا مرح ومفرح مع أبوه وأمه بس ملوش اصدقاء خارج إطار عائلته كنت طول عمري وانا بره خايف اتكلم مع اي حد أو اكلم حد في المدرسة كنت بخاف اطلب أبسط حاجة اني ادخل حمام حتي وكان بسبب ليا احراج كبير جدا لكن في قمة الانطلاق في عائلتي وبنات خالتي وأقارب امي امي هي حياتي حرفيا أكثر واحدة بحبها وبسعي لآخر لحظة في عمري اني اودها وابرها امي كانت مربي وصديق معلم ودائما بحب اتكلم معاها ده انا حتي شبه امي جدا في الشكل لكن ابويا طول عمري كنت بخاف منه اخاف أكلمه من أسلوبه والزعيق الغير مبرر علي أقل حاجة والعصبية الزائدة عمري ما انسي أن ابويا طلب مني اقيس بالمتر حاجة وانا صغير وانا سي جدا في الحسابات وغيره عمري ما انسي كمية الزعيق والغضب والأسلوب القاسي في الكلام قدام الناس في المحل كل ده في طفل لسة في اولي إعدادي مثلا فا طول عمري كنت بخاف اتكلم معاه او اقرب منه عكس أمي بس يشهد الله أن عمره ما بخل في تعليم أو لعب أو غيره عمره ما خلاني محتاج بس كنت أشد احتياج للدعم النفسي والاحتواء بدل الدعم المادي ابويا طول عمره بعيد سائب البيت اغلب الوقت وبعد الشغل لحد الان مش بيروح عادي زي اغلب الناس لا يقعد عند صحابه ويسيب امي في تحمل كل حاجة شاء القدر والنصيب أن يكون ليا اخ علي الورق اكبر مني بخمس سنين من بداية الطفولة وهو علطول عنيف في هزاره طول عمره بيتنمر عليا لدرجة اني كنت بقل من نفسي عشان كنت فاكر أن ضحكه عليا بتسجيل اغنية ليا وانا طفل عشان بطريق عليا بيها مع صحابه وانا كنت بلعب معاه زمان وقعت علي لساني في الحمام جزء من لساني انقطع بس مكانش بقصد مرة كان في طفل متسول وانا كنت معاه في العربية كان بيكلمنا وانا كنت برد عليه عادي الطفل ده شتمني وتف علي وشي وهو لم يحرك ساكنا طول عمره منعزل عني بيرفض اهتمامي لما كبرت وبيقلل منها انعزالو مع أصحابه زاد لحد ٢٠١٦ السلوك بقا أعنف من قبل كده مرة وانا بلعب بلايستيشن خبطت فيه دون قصد ضربني ضرب مبرح وبعد عودته من حفلة ميتال وعبدة شيطان بقا دائم شرب سجائر أكثر وتعامل بأسلوب قذر لحد ما طلعت بره الاوضة موقتا عشان أعزل نفسي عمري ما انسى أنه مرة كان نساه المفتاح وقعد ينداه بس الوقت ده كنت مش بكلمه لما حد فتح ليه طلع ضربني في بطني جامد عشان عارف تاريخي المرضي وهنا ابويا لاول مرة أتدخل وزقه تصرفاته بقيت افجر بقا يفطر في نهار رمضان جهر كده في الصالة قدام امي وقابل الاستنكار ومحاولة تسجيلي ده بالسب المهم دي كانت زي بذرة لأن في طفولتنا كان دائما بيكلمني عن موقع طريق الحرير بتاع الممنوعات العالمي وغيره أنه كان بيحب يشوف لحم الخنزير المهم في ٢٠١٧ حاول مرتين ينتحر بس ابويا وامي لحقوه في ٢٠١٨ كنت رايح اعمل استمارة الثانوية العامة في الصالة كده علنا قالي انت ابن مت.ا%كة وقالي في نفس الفترة أن بر الاب والام بتاعك ده تع.ري.ص المهم الأسلوب القذر ده لم ينتهي انا كنت عملت حاجز خشبي في الصالة بقا اوضتي مرة واحدة رده علي ردي لشتيمة امي أنه لقيته مرة واحدة راجع بعد نصف الليل فاتح اوضتي وقاعد يدور في الإدراج زي الحرامي بعد مقاومته بره الاوضة وقفلت الباب لاقيته كسر ازاز الاوضة ابويا ادخل هنا وطرده موقتاً بره البيت لاقيته راجع ثاني يوم عادي وامي هي اللي جايبه عشان يعتذر وانا رفضت المهم ٢٠١٩ حصل خلاف كنت نازل العب كورة لاقيته جاي يهجم عليا وامي خليتني اقفل علي نفسي الاوضة وانا سامع بيقول مش نازل غير بدمي وامي حاولت تتصل بالمستشفى النفسي محدش رد ابويا جاه لاقا الكافر حاطط ورقة مصحف تحت الشبشب ضربه وطرده بره البيت وسط دموع امي وحصرتها بهديها نمت من التعب صحيت لاقيته في البيت بعد وساطة جيران هو مقالش ليهم علي الكفر بتاعه قولت لابويا مش صح وانا مش قاعد في البيت قالي مش عايز وجع دماغ في ٢٠٢٠ (,امي )هي اول واحدة اخدت الكافر ده عشان يحلل بعد ما شتمها طلع مدمن حشيش الفترة دي كنت مريض جدا لحد ٢٠٢٣ الكافر ده بيتاعمل مع تاجر مخدرات ابن صاحب عمارتنا الكافر ده اخد موبايل امي في رمضان لكن انا وامي كنا نازلين عشان نبلغ ابويا قال خلاص دفع فلوس لتاجر مخدرات ده عشان يرجع التليفون ابويا في السنين العشرة دي لما كان بيكلم الكافر كان همه الوحيد في الموضوع يسألك كام ؟ مش لازم تقعد في مصحة امي قالت لابويا كذا مرة علي الموضوع ده هو رفض وغير السفالة في التعامل الفترة دي اربع سنين بفضل الله اتخرجت وفي أول وظيفة ليا وسط الضغط ده كنت مفروض بصحا الساعة ٨ عشان اروح التمرين لما الكافر عرف من أبوه سال ابويا شركة ايه وقاعد ابويا يضرب فيه من غير سبب وانا صامت فا الكافر ده طول الليل كان بيحاول يفتح الباب المقفول بالمفتاح ومن خلف الازاز طول الليل يا ابن كذا وكذا الكلام ده لمدة ثلاثة شهور ومع الضغط النفسي والإحباط ده مقدرتش اكمل وسيبت مكاني لأن اساسا كان اكونت صعب وده صعب عليا الدنيا أكثر في ٢٤ كنت مكتاب جدا كنت بقعد ابكي لأن انا من كثر الاذي اخر مرة بكيت بحرقة زي كده كانت في قصف المعمداني لحد بعد عناء وخذلان لقيت شغل من البيت مناسب للغتي وإمكانيتي في بيئة قذرة غير صالحة للامان النفسي أو مفروض ما يسما بيت كل يوم تكسير شتايم عايش مع واحد مدمن أبوه بيمده بالفلوس عشان كده سائب طول اليوم البيت انا وامي نعيش في جحيم لحد في يوم وانا شغال سمعت صوت تكسير كوب بعت لابويا قولتله حاول تيجي عشان أنا شغال ومش مامن علي امي في البيت ٤٠ دقيقة بالظبط وجاه وزعيق كالعادة كأن اب بيوبخ ابنه الصغير عشان غاب عن المدرسة مش مدمن عنده ٣٠ سنة وكل نصائحي انا وامي كانت تقابل بالتجاهل بعد أقل من أسبوعين وانا حاطط سماعة لقيت صوت هبد فظيع لقيت ابويا ماسك في الكافر وامي بتحاول تفهم في ايه دم في كل مكان سائل من ابويا لقيت كافر داخل جايب سكين ولسة هيضرب بابا في صدره اتدخلت في آخر لحظة ومنعت الكارثة وفصلتهم ابويا في الأيام التالية عمل محضر ولكن في حاجة عشان الناس تشهد لقيت مادة زي هيروين علي ترابيزة صورتها لابوه وبعتها قالي ارميها في التولايت استعجبت هل دي ردة فعل طبيعية والغريب أكثر أنه معملش اي حاجة وقبل الكارثة بتاعت ٢٧ ٨ دي قولتله ده شكله بياخد ايس لاقيته دخل الاوضة جابلي شرايط أدوية جدول قد كده بيقولي ده معندوش فلوس يجيب ايس ده بيجيب دول بس سكت وكررت اترك محاولاتي للتغير لكن بعد تجاوزت الكافر أكثر وانا كنت بعد كثير من الطلب والمطولاات حجز الكافر في النفسية والعقلية لكن امي طلعته بعد شهر عشان هي عايزة يتعالج في حاجة مناسبة الإدمان انا دلوقتي فقدت مصدر رزقي لأن بعد الكارثة دي الشركة اصلا وقعت فا دلوقتي مفيش ليا مصدر رزق محاط بكل ده مش عارف انسي ولا اعمل ايه وكل الطرق مقفولة كل خطوة بخدها بيكون في حاجز برجع ثاني معنديش طاقة اعمل اي حاجة أو اسعي لأن حاسس ان رجلي فيها شوك 
حد يقدر يتحمل ده ويشهد الله اني عملت كل اللي عليا من نصيحة الكافر حتي بعد تدنيس القران الكريم ومحاولة اني اصلحه قابل كل ده بالسب والاذي فيا لدرجة الاستهزاء بآيات معينة والرسول وشتم الرسول والله قدمنا أكثر من مرة
وابويا اللي نصحته وكان دائما يتجاهل 
انا مش عايز اعمل حاجة انا تعبت من كل حاجة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_67161 🇪🇬

منذ 3 أسابيع

شعور شاعر بالملل

سميها قسوة سميها أنانية سميها زي ما تسميها بس انا مش هرجع نفس الشخصية الساذجة المغفلة تاني لو رديت عليا بكلمة جرحتني هرد عليك بعشرة ومش هتردد متدورش على شخصيتي القديمة علشان انت موتها بأفعالك الجبانة

Marshmallow_76424 🇪🇬

منذ شهر واحد

شعور ضائع

هاي دود.. مشكلة من مشاكلي اني ببقا عارف الغلط مع ذلك بعمله... ليه لاني مقتنع يقين تام اني مش هسيبني كده ولازم ييجي يوم واعدلني فيه! واضبط حالي زي ما كنت او زي ما انا عايز... مع ان الحلم ده ملازم ليا من سن الطفولة الي بالمناسبة طفولتي مكنتش بريئة، مقتلتش حد مكنتش بتريق على حد برضو مسرقتش كانت طفولة

Cheese_66926 🇪🇬

منذ شهر واحد

شعور مكسور القلب

"هو ليه محدش فيكم بيتكلم عن كَسرة الولد؟ 🙂🖤 ليه دايمًا مركزين إن البنت بتتظلم… والولد لأ؟ الولد برضه بيتخان، وبيتهان، وبيتعلق بحد ويترمي زي ما يكون ولا حاجة 😔 الولد برضه بيسهر الليالي يفكر في كلمة وجعته أو نظرة كسرت ضهره 💔 بس الفرق إن المجتمع بيقولك: امسك نفسك، متعيطش، متضعفش… طب وإحساسي؟ طب ودم

Popcorn_59935 🇪🇬 يمعلم كل اللي هنا داخل يشقط

عرض الكل 17 نصيحة

Donut_72014 🇪🇬

منذ شهر واحد

شعور ضاق ذرعًا

فيه وجع مش بيتوصف، إنك تبقى عايش وسط ناس المفروض يكونوا سندك وأمانك، وتلاقي نفسك وحيد أكتر من أي وقت. بتتمنى كلمة حنان من اللي المفروض أقرب ليك، بس مفيش.. وبدالها تلاقي البعد والقسوة. يمكن أصعب حاجة إنك تحس إنك محتاج أبوك ومش لاقيه، تحس إن وجوده زي عدمه. الغريب اللي بيهتم بيك بيوجعك أكتر، لأن نفسك د

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع