قرف من البشر قصص حقيقية - 1 تجارب، ونصائح، ودعم

Tofu_14406 🇪🇬

منذ سنة واحدة

شعور Bad 😞

بجد أنا مش عارفه الناس بقت قذره كده ليه وليه حظي دائمًا بيقع مع الناس القذره الزباله وليه مفيش ناس حلوه ف حياتي وليه كل اللي قابلتهم وعرفتهم وقربتهم مني طلعوا مرضى نفسيين لدرجة إني قربت أبقى مريضه نفسيًا أو معقده نفسيًا يمكن حتى بقيت كده وأنا معرفش أنا بجد حزينه وقلبي واجعني ومش قادره أستحمل القرف د

قلبي حزين على أختي بقت تتجوز واحد نرجسي

هلا يا جماعه عزال أختي النهارده،طبعًا أنا مش فرحانه علشان هي هتتجوز واحد نرجسي،نرجسي بجد مش كلام ،حاولت أنصحها كتير لكن مفيش فايده خلاص قررت أستسلم،وهو شخص مريض نفسي أصلًا بيتخانق على حاجات متستحقش خناقه خالص بجد حاجات أصلا مينفعش يحصل فيها خناقه خالص بجد،لسه متخانق معايا أنا وأختي الصغيره علشان رن علينا واحنا تليفونا كان صامت وكنا بنعمل شوية حاجات وقالنا متكلمونيش تاني ولو كلمتوني مش هرد عليكوا ورن على ماما قالها عيال مقدرونيش ومردوش عليا وقفل ف وشها السكه ولما أختي واجهته قالها تليفوني باظ وفصل،رغم إنه لو افترضنا تليفونه باظ وفصل كان المفروض رجع رن على ماما وقالها معلش التليفون باظ و فصل لكن معملش كده،حاولت أنصحها كتير تسيبه لأنه هيتعبها ف حياتها كتير وقبل كده كنت يتناقش معاه قالي ايه المشكله لو ضربت مراتي وهي لو كويسه هتكون ساكته وأنا لما أهدى هصالحها،وفكره كله ذكوري ومقرف وقبل كده قالي أختك واخداني وعارفه إني بكلم بنات وأنا كده ومش هتغير،رغم إني اتكلمت كتير وتعبت م الكلام بس مفيش فايده من نصائحي ليها،أنا كنت مخطوبه لشخص نرجسي قبل كده وفركشت وعارفه صفات النرجسي كلها وتصرفاته وخطيبها كله نرجسيه قلبي حزين لكن ما باليد حيله نصحت كتير أووي هي مطلقه ودي تاني جوازه ليها وأنا خايفه عليها علشان هي اتطلقت بسبب إن اللي كان جوزها ده كان بيضربها ومره ضربها وكان هيموتها ف اتطلقت منه واللي هتتجوزه معندوش مشكله مع الضرب ومره قالها أنتِ فاكره لو تعبانه هسيبك ترتاحي لا ده أنتِ هتقومي تعملي كل شغل البيت أنا معنديش حد يقولي تعبانه والدلع ده وتقريبًا كده هيستعبدها،يقولها الصحيان بميعاد والنوم بميعاد ولما تنامي تقفلي الواي فاي ف تليفونك وحاجات كده غريبه،مش عارفه ليه قابله على نفسها ده هي بتحبه ومتعلقه بيه وشايفه علشان هي متطلقه ف اللي هو بقه محدش هيتجوزها لو سابته،رغم إن اللي بتعمله غلط وهتعيش طول حياتها تعاني مع شخص نرجسي وف مره قالنا بهزار لما أتجوزها مش هخليها تشوف وشكوا قلبي حزين عليها كنت عايزاها تاخد حد يحبها ويقدرها لكن ده معندوش أي تقدير مره من بجاحته كلم بنت قدامنا وشغل الاسبيكر وهي بتدلعه وتقوله ازاي يا بودي واتخانقت معاه وبعدها اتصالحت وعدتله الموقف ويامه مواقف كتير زي كده وأسود هاين عليا محضرش فرحها وبجد مش عايزه أحضر الفرح ده بالنسبه ليا جنازه مش فرح ...عرض المزيد

0 الدعم

3 نصيحة

محتاجه لايف كوتش ناضج يفهم مشكلتي

بحس إن كل إللي موجودين هنا أو مش كلهم معظمهم أعمارهم لا تتعدى الحاجة وعشرين وكمان. بحس كلامهم تقليدي وعادى يعني أنا لو قادرة أشجع نفسي وقادره اعمل واعمل هستني من حد يقولي حاولي تعملي كذا اكيد لا بس كنت محتاجه عالاقل لايف كوتش أو حد ناضج شويه عنده حلول منطقيه فعلا ومتشكره جدا لاي حد حاول يساعد ولو بكلمه ...عرض المزيد

1 الدعم

8 نصيحة

مدمنة عادة سرية وإباحية وعايزة أبطّل

جماعة عايزة حل لمشكلتي بليز انا عندي 19 سنة ومدمنة عادة سرية وإباحية وشهوتي عالية بجد مش عارفه ابطل وحاولت بكل الطرق في حد هنا كان كدة برضو وبطل؟ محتاجة طريقة كرييتف وبجد مش عايزة نصايك تقليدية ...عرض المزيد

2 الدعم

10 نصيحة