قرعة

Cherry_66793 🇪🇬

منذ 4 أسابيع

شعور عاطفي

لو انا عندي واحدة صحبتي بعتبرها في مقام حد قريب جدا مني bestie المهم اني للاسف عملت معاها كام موقف مش افضل حاجه مني بجد كان اسلوبي وحش فشخ معاها عشان هي عملت حركات قرعه ولكن انا كنت اجرسيف اكتر زي اخر حاجه انا قطعت معاها فجأة وبكلام مش احسن حاجه المهم اننا رجعنا نتكلم لكن لسه بتعمل نفس الحركات

Orange_61792 🇪🇬 يعني حصلت مواجهة بينكم لدرجة الزعل و القطيعة و لما اتصالحتم بتكرر نفس الشيئ؟!!!

عرض الكل 6 نصيحة

Lemon_50969 🇪🇬

منذ شهرين

شعور لا مبالٍ

Toast_57636 🇪🇬 انا فاهم كل الكلام بس مش فاهم حاجه انت عملتى كل دا ازاى واقتنعتى بكلامهم ازاى

عرض الكل 11 نصيحة

عبّر عن شعورك بشكل مجهول

من وانا صغيره وانا كنت بعمل حاجه غريبه وانا صغيره مكنش عندي اصحاب فكنت عيله عندي 4 سنين كده السبب اني مش عندي اصحاب هو أن مدرستي بره البلد الي انا قاعده فيها أو المدينه بشكل اصح فصحابي كانو فالمدرسة بعيد المهم بقي الحاجه الي كنت بعملها اني صنعت أصحاب حرفيا جبت ورقه ورسمت شخصيات واديت لكل شخصيه اسم ولبس ومميزات وعيوب وصوت حتي ومش بس كده انا حطيت عليهم لعنه سندريلا😂 وخليتهم حقيقيين وبقيت بتعامل معاهم انهم أشخاص حقيقيه واقفه قدامي كنت بستني اهلي ينامو بليل واقف ف البلكونه استني اصحابي وكنت انزل افتحلهم الباب واطلعهم واعملهم عصير وشاي حرفيا ونفضل نتكلم وننضف الشقه كل ده انا لوحدي بس انا معتقده أن في ناس معايا واوقات شغل بابا بيكون بالنهار ويجي الساعه 12 بليل ف مكنتش بعرف اجيب اصحابي البيت فكنت بحاول ااخر بابا وافضل ارن عليه من فون ماما ومره اقوله هاتلي سي فود دلوقتى ومره اقوله عايزه بيتزا عشان يتأخر واقعد مع صحابي ومره بقي قولتله هاتلي شيبسي وعصير وقولتله محل معين فالبلد يجيب منه معرفش ابويا كان مستحملني ازاي فلما قولتله كده صحبتي الكوافيره قالتلي انتي لازم تقصي شعرك ومش اي قص انتي تعمل قصه من قدام شبه بتاعت دورا الي فالكرتون فأنا عجبتني الفكره بصراحة فمسكت شعري من النص ورحت قصيته وشعري كيرلي وانا كنت شداه فلما سيبته بقيت قرعه من نص دماغي فعشان اداري الجريمه قبل ما بابا ييجي رميت الشعر الي قصيته فالشارع ولبست طرحه علي شعري فبابا عارف اني مهبوله مهتمش الطرحه وكلت ونمت عادي جداً صحيت علي قلم علي وشي من امي لانها نزلت الصبح لقيت شعري الي مرمي فالشارع ده وطلعت لقت واحده قرعه نايمه ففضلت تزعقلي وحتي الان شعري مطولش اوي هو مجرد القرعه راحت بس ومره بقي صحبتي التانيه قالتلي تعالي نجرب الحاجات الي بتيجي علي ام بي سي3 فالحماس خدني وجبت طرحه ماما الي كنت بغطي بيها القرعه كانت لسا موجوده برضو ولفيتها علي رقبتي وشديتها بكل قوتي عشان اعملها شال وكنت بتخنق ف بنادي صحبتي الفاسده لقيتها نطت من البلكونه ف سرعه البديهه عند طفله عندها 4 سنين رحت جبت المقص وقولت افكر قليلا من الوقت قبل ما اقصها ولقيت نفسي بشد طرف الطرحه وفكيتها فقولت لنفسي شكرا ورديت قولت عفواً عشان مؤدبه وكده ومره ليله الوقفه كنت عايزه اعمل سلسله جبت كل السلاسل واي عقد عندنا ف البيت وقطعتهم كلهم عشان اجمعهم واعملهم سلسله المهم طلعت شكلها معفن وطلعت اطول مني وماما صحيت لقتني فالصالون والنور مطفي هي شايفه دبانه قاعده فالارض بس ففتحت النور لقتني طبعا كان عيد اسود عليا وتقريبا جلدتني 250 جلده كل ده بسبب اصحابي الخايليين حسبي الله ونعم الوكيل عليهم ربنا ينتقم منهم المهم زعلت منهم وقطعت الورقه الي كنت رسماهم فيها وعملت شخصيات جديده بس دول موصلوش غير لما بقيت 12 سنه تقريباً كانو ف كندا ولا حاجه المهم بقا كانو بيخلوني اجيب البلونات وهي فيها زي استك صغير مكان ما بتتربط كانت صحبتي بتقولي اجيب بالونات وأخد الاساتك دي والبسها ف ايدي كانو حوالي 30 استك فلبستهم لقيت ايدي بقت زرقه واتجمدت فحاولت اتذكر لو خدت حاجه بالمنهج شبه كده بس ملقتش فقولت اكيد هموت ونمت وطفيت النور وبعدين لقيت صحبتي الصالحه بتقولي قومي بسرعه فقومت قطعت الاساتك بالمقص ونجوت من صحبتي المعفنه تاني يوم كنت واقفه جمب اللبن عشان امي متجلدنيش ف لما اتغلي شيلته وسبت النار وكنت سرحانه معرفش ف ايه عيله قرعه عندها 12 سنه المهم جبت ورقه وحطيتها علي النار واكتشفت حاجه حلوه  ياريت محدش يجربها وأنها بعد ما الورقه اتحرقت لما جربت احرق الورق المحروق لقيته بينور نور ابيض كده عجبتني موتت وفضلت اجيب ورق واعمل كده وناديت اخويا يعمل زيي اخويا كان اكبر مني بسنه بس بدماغ كلب جاب الورقه وبيقولي بصي دي لقيت دي الي بيورهالي ماسكه فبنطلوني وانا بقا من الصدمه ببصله وابص للبنطلون ومستنيه النار تقف لوحدها واخويا أدرك المصيبه ف طفي النار وغرقني مايه وانا بقا من الصدمه طلعت اعيط علي سطح بيتنا المخيف وماما كانت برا البيت وانا مقتنعه أنها لو جت وشافتني هتجلد 350 جلده فطلعت اعمل طقوس غريبه علي السطح واني قعدت فنص السطح وبقول امي هتموتني يالهوي وكل شويه اعلي صوتي ف امي جت وانا نزلتلها وانا بعيط عشان اصعب عليها وكده بس لطشتني كفين بال350 جلده دول المهم بقي نتيجه افعالي واصحابي المريبه دول جايه عليا دلوقتي ولقيت صحابي كلهم الي قطعتهم والي نسيتهم عاملين حمله لم شمل وجايين يرخمو عليا يقفلولي النور يرزعولي فالابواب ينزلو يغنو ويرقصو فالشارع وعيال مزعجه يعني بييحو بليل عشان ببقي فبيت تيتا بليل وتيتا نايمه ف عارفين اني لوحدي بييجو يقضو معايا الاجازه ويمشو وبصراحه مزعجين انا كنت طفله بعقليه حمار وانا صغيره دلوقتي بعقليه كلب اه بس انا نسيتهم( اتمني متتنمروش علي قرعتي)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_74140 🇪🇬

عندي ٢٨ سنه وعايز اتجوز بس الوحده صعبه اوي

جماعة بجد انا زهجتتت عندي ٢٨ سنة مهندس ومحضر ماستر و عايز اتجوز وكل متلطباتي انها تكون جميلة وفرفوشه وبنت ناس ومتعلمه كويس يعني علشان اولادنا يطلعوا في مستوى كويس بس كدا ليا كتير بدور ومفيش حد بجد الموضوع متعب الوحده صعبه اوي الواحد بيرجع من الشغل اخر اليوم حاسس انه عايز حد جنبه يكلمه ويحتويه بجد احساس الوحده دا صعب حتى لو في وسط اهلك س مفيش مش دا الاحساس اللي انت عايزه عايز كد يكون قريب منك بعيد عن احساس الاهل وكدا فاهمنيي🤌🏻😂 اي الطرق اللي الناس بتتجوز بيها علشان الطرق التقليديه حاسس انها مش جايه معايا او مفيش حد من معارفي ولا في شغلي🙂 ...عرض المزيد

0 الدعم

3 نصيحة

Coffee_40546 🇪🇬

ليه عمري ما حسيت ان في حد معجب بيا ولا بيحبني؟

هو عادي لما ابقي عندي ٢٠ سنة و ماشبة ف ال ٢١ و عمري ماحسيت ان في حد معجب بيا و لا بيحبني؟ مره حصلت و كان ولد مش كويس بيحاول يستغلني مش اكتر غير كدا عمر ما حد حسسني انه معجب بجد و اي حد كان بيقرب كان بيلمح شوية و بعدين يبعد اكن خلاص انا اللي بعدته لاحظت دايما ان البنات حواليا مختلفة عني دايما بيحاولوا يتمحنوا قدام الولاد و يبينوا انهم لذاذ و بتاع مع انهم بيشتموا ف الولاد دي من وراهم عادي و بيقعدوا يحكوا عن ان فلان معجب بيا و دا كمان و مش عارفة ايه و اكن هي اللي تقيلة عليهم مع ان انا كمان بتقل حتي لما اعجبت بحد قبل كدا تقلت عليه جامد عشان بخاف ابين مشاعري بذات ان ثقتي ف نفسي مش قد كدا مع اني مش وحشة و لا شكلا و لا شخصية بس بحس ان الناس حواليا مش شبهي انا مبعرفش انافق و اتكلم بطريقة خاصة مع ولد زي باقي البنات لا بتعامل بعفوية و مش بعرف "اتموحن" و كله عايز علاقات عابرة ف الحرام و محدش بيحب بجد و بقيت حاسه ان الرجالة مش بتحاول عشانك زي زمان دلوقتي بقوا عايشين جو البنات و معنهدمش شجاعة يهتموا لبنت و يعملوا عشانها حاجه فاضيين بس يلمحوا و يجروا و يكلم كذا واحدة و يحسسك ان كل دا كان ف دماغك ليه هو مين البنت و مين الراجل دلوقتي؟ و للاسف انا عاطفية جدا و عندي عدم اكتفاء عاطفي بسبب علاقتي اللي مش كويسة مع بابا دايما بحس ان مفيش حد بيحبني و اني تقيلة عل ناس سواء صحاب او حد انا معجبة بيه لو حد عنده تجربة يفيدني هل دا طبيعي؟ ...عرض المزيد

0 الدعم

7 نصيحة

Marshmallow_55181 🇪🇬

زهقان فشخ ونا مخلص شغل.. حد يرغي معايا؟

حد يدخل يرغي معايا لسه مخلص شغل وزهقان فشخ بأمانه .. male doctor 26 y ننننقنقنقنقنقنقنقنقنقنقنقنقنقنقنقنقنقنقنققنقنقنقنبنبنبنبنبنبنبنبنبنبنبنبنينينينينبنبنينينينينبنينين ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع