فهم

Pumpkin_68569 🇪🇬

منذ 4 ساعات

شعور مليء بالحياة

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

هسيب كل حاجة زي ما هى الحاجة الوحيدة اللي كنت هغيرها هى اني كنت هحاول افهم نفسي أكتر بدل ما كنت طول الوقت بفرض عليها قوالب متشبهلهاش أبدا ، هتقبل عيوبها و فشلها و هفهمها و حقيقي مهما قولت مش هيوفي شكري و حمدي لربنا انه وهبني فرصة تانية إني اعيش من يومها كل حاجة اتغيرت .. المشكلة احيانا مبتكونش في ال

Apple_68156 🇪🇬

منذ يوم واحد

شعور وحيد

حاسه اني من بعد م اتخرجت وانا تايهه جدا مش عارفه اعمل اي ولا ابدا ازاي بيجيلي اوقات شغف وأوقات لا اني اعمل حاجه او اتعلم حاجه ببعد عن ربنا شويه وبرجع تاني ويعمل ذنوب بس برجع تاني لربنا أنا مش حاسه اني حد كويس بجد وعايزه اغير دا وعايزه اصلا افهمني وأحط بلان صح امشي عليها

Coconut_65176 🇪🇬 صلي كتير وقربي من اسرتك اكتر

عرض الكل 4 نصيحة

Watermelon_67766 🇪🇬

منذ يوم واحد

شعور مرهق

نفسي ابطل تفكير مفرط ... مودي بيتغير في اليوم اكتر من مرة ومش حابة فكرة اني ارجع اخد علاج علشان اوقف دماغي لاني مكنتش مرتاحة برضه لما كانت فاضية ... انا مشكلتي كلها هي اني فجأة ببقى ف مود بعيد تماما عن اللي قبله ... يعني ببقى مبسوطة جدا وهايبر وفجأة ببقى في وضع صامت تماما ومش متحملة كلام اي شخص معاي

Sugar_49832 🇪🇬

منذ يوم واحد

شعور لا مبالٍ

موضوع:

ما هو أكثر شيء تفتقده من طفولتك؟

عبّر عن شعورك بشكل مجهول

«التفهم» 
للاسف اهالى كتير بتتعامل مع اطفالها بنفس عقليتهم الكبيرة، المعقدة، الجد واللى كلها ضغوط 
لا وكمان بيطالبوهم يكبروا عقلهم ويتخطوا حاجات كتير بالنسبالهم صعبة جدا لمجرد انها كدة كدة لما يكبروا هيشوفها تافهه 
.. التعامل مع الطفل لازم يكون بعقليته هو... وفى اوقات معينة بتحتاج انت اللى تصغر وتوصل لابنك، عشان تشوف ضعفه وخوفه.. متستخفش بيه ابدا وتكسره 
... عقل الطفل بيكون كله افكار متفرقة وبعيدة عن بعضها.. عشان كدة خيال الاطفال واسع.. جرب تقعد مع ابنك وتسيبه يحكى، هتلاقيه نفسك بتروووح بعيد اوووى وتكتشف ان ابنك بيخاف من حاجات ملهاش وجود اصلا.. بس محتاجك تطمنه 
خلى ابنك يكبر براحته ويعيش مراحله كلها متدخلوش فى مشاكلك اللى مش هتزوده غير نكد وهم... 
قدّر ابنك حتى لو مش مقتنع بكلامه 
قدّر ابنك حتى لو غلطان.. وفهمه بالراحة 
قدّر ابنك حتى لو قصاد مين واوعى تقلل منه لمجرد انه طفل
تقديرك لولادك هو اللى بيزرع فيهم ثقتهم فى نفسهم وشخصيتهم ويبنيها 
*كرامة ابنك وبنتك انت اللى بتحفظها وتحميها قبل الغريب... مينفعش تكون بتضرب وتشتم وتعلى صوتك على ولادك طول الوقت، ومخليهم محتاجين اهتمام وحنية من اى حد.....ويوم ماحد يضربهم او  تلاقيهم متعلقين بحد بينفذوا كل حاجة يقولها عشان كلمة ولا حضن تتدايق وتقولهم خلى عندكوا كرامة!!؟ حضرتك دفنتها من زمان خلاص 
افهم ابنك  
طمن ابنك 
افهم ابنك 
احضن ابنك 
التربية مش شرط تتورث بنفس قسوتها وسيطرتها... خليك انت بداية دايرة جديدة من حب وتفهم وامان واحتواء 
كل بذرة امان هتزرعها فى ولادك هتترد والله مش هتروح 🍃🌿❤️‍🩹

Pear_68000 🇪🇬

منذ يوم واحد

شعور متعب

موضوع:

عندك مشكلة في التعبير عن مشاعرك؟

طبعا في مشكلة في التعبير عن اللي جوايا .. مش اي حد هيفهمك للاسف زي ما انت كل واحد بيكون وجهة نظره عنك من خلال فهمه هوا ووجهة نظره لوحده .. يعني لو حكيت عنك حاجة لشخصين بنفس السيناريو .. كل واحد هيفهمها بمزاجه هو والفكرة ان الاتنين هيفهموك غلط برده

Mango_66476 🇪🇬 مش مهم مين يفهمك ايه او يقول عنك ايه المهم انت شايف نفسك ازاى و ماشى صح و لا غلط

عرض الكل 4 نصيحة

Orange_67310 🇪🇬

منذ يومين

شعور ممتن

موضوع:

درس علمته لك الحياه

لابد ان نشكر الظروف والاقدار لانها من الله مش لازم نحكم علي الامور او المواقف باني كنت غلطان او ان حد تاني كان غلطان ممكن نحاول نفهم مشكلتنا انا لي رديت الرد دا انا لي قولت كدا ممكن اكون بطلع وجع تاني في غير محله حلو التمست العزى لنفسك تعالي معايا كدا اعد علي الكرسي التاني ياااه بقي هوا مالو هل عند

Banana_67222 🇪🇬 عندك حق ي صاحبي

عرض الكل 2 نصيحة

Corn_67299 🇪🇬

منذ 3 أيام

شعور فخور

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

لو رجع بيا الزمن خمس سنين: ما كنتش هاسكت عن حقي. كنت هاقول "لا" من غير خوف. ما كنتش هأمن لأي حد بسرعة. كنت هاهتم بصحتي ونفسي أكتر. كنت هاشتغل على مستقبلي، مش على رضا الناس. كنت هاحتفظ باللي حبني، وأنسى اللي وجّعني. ما كنتش هضيع وقتي في علاقات فاضية. بس رغم كل ده… اللي حصل خلاني أفهم. والفهم

Cookies_58332 🇪🇬

منذ 3 أيام

شعور ضائع

د. عماد رشاد عثمان عمل سلسلة فهم الإدمان انا تفرجت عليها لحد الحلقه 6 بيقول فيها انك المفروض تسيب نفسك عشان مش هتعرف تتحكم في كل الامور وان الميه هترفعك انك تكون متوكل وان فيه قوي عظمي بتاخد بالها منك . الحته دي اثرت فيا عشان انا عمري ما سبت نفسي علطول عندي توقعات ليا علطول في زي السيناريو لازم يتنف

Cookies_56544 🇪🇬 اعمل دورك و المطلوب منك بس ، ملكش دعوه بالنتيجة ، متركزش ع الخطه كلها ركز ع دورك فقط ، واعمله ع اكمل وجه و سيب الباقي ع ربنا ، ف اسوء السيناريوهات انت مش هتلوم نفسك وقتها لانك مقصرتش بشئ و النتيجة كانت من اختيار الله و قوتك العظمي ، و اللي بالمناسبة هي افضل النتائج بس احنا اللي مش بنكون شايفين الحكمه منها وقتها

عرض الكل 5 نصيحة

Chilli_65439 🇪🇬

منذ 4 أيام

شعور وحيد

هل انا غلطانه لما اكون عايزة انعزل عن كل العالم لانه ماف شخص قادر يفهمني ولا يحس فيني .. ف نفس الوقت حاسة بالذنب لاني بعدت عن اقرب صديقة لي و في وقت هي محتاجة لي فيه بس انا حسيت اني تعبانه من جوة وما حقدر اساعدها ولا هي قادرة تفهم النقطة دي وانا ما زعلانه منها .. بس خايفه ارجع تكون هي اتخلت عني💔

Donut_50330 🇮🇹

منذ 5 أيام

شعور آسف

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

إنهم مش قادرين يفهموني، مش عارفين، وبيفضلوا يقولوا إنهم حاسين بينا، وإنهم عاشوا اللي إحنا عايشينه، بس لأ، إنتو ما عشـتوش اللي إحنا بنمر بيه، زمنكم كان أرحم بكتير من الزمن اللي إحنا فيه، على الأقل كنتوا بتتكلموا، كان في لغة حوار، دلوقتي مفيش حوار أصلاً، أنا لما أكون أم، هعلم أولادي إنهم ما يخافوش يتكلموا، ما يخافوش مني، بالعكس، هكون صاحبتهم، وهشاركهم كل حاجة الوحش قبل الحلو، هكون معاهم، وهشاركهم زعلهم وفرحتهم، وهشجعهم يكونوا أفضل نسخة من نفسهم، هفهمهم قبل ما يغلطوا، وهشرح لهم عواقب كل حاجة، وهخليهم ييجوا يحكولي من غير ما أقولهم “احكوا”، ولو هما مش هيقولوا، أنا هخليهم يحسوا بالأمان الكافي علشان يقولوا، وهعرفهم إني في يوم من الأيام كنت مكانهم، وحسيت بكل اللي هما بيحسوا بيه، وعدّيت بنفس الطريق، هفهمهم إن الحياة عاملة زي لعبة، لازم نكسب كل مستوى علشان نوصل للجائزة الكبرى: الجنة، وهعرفهم إن الغلط هو الغلط، مفيش فرق بين ولد وبنت، لأن الغلط في الآخر واحد، وإن مفيش فرق في القيمة، كل واحد فينا بيكمل التاني في حاجات، في حاجات إحنا نقدر نعملها وهم ما يقدروش، وفي حاجات هما يقدرو عليها وإحنا لأ، وعلشان كده ربنا خلق الولد والبنت علشان يكملوا بعض، مش يتفوق واحد على التاني

Lemon_66019 🇪🇬

منذ 6 أيام

شعور محبط

Strawberry_64554 🇪🇬 كل الحكايه انك حبيتها و جدا كمان لاكن هي اتعودت علي وجودك و ضمنته و مع مشاعر و كلامك و اعترافك ليها بحبك هي بادرت بنفس الكلام لان اللي بيحب حد بيكون شايفه احسن حد فالدنيا و عينه مش بتشوف غيره و هي دلوقتي بتقارن بينك و بين راجل تاني جرب تحسسها انك بتضيع من ايديها هتلاقيها طريقتها اتعدلت

عرض الكل 11 نصيحة

عبّر عن شعورك بشكل مجهول

بإختصار 
أنا رجل من برج الحوت وهي أنثى من برج الحمل 
كنا أصدقاء لمده 4 سنوات كانت علاقه صداقتنا ممتازه تخللها القليل من الدروبات مرات كنت انا السبب ومرات كانت هي السبب بسبب تسرعها ولكن في النهايه كنا بنعتذر لبعض ونتاسف ونكمل . 
هي تعرف كل حاجه عني وانا كمان اعرف كل حاجه عنها بحكم فتره سنين  المعرفه بيننا 
انا كنت بحبها لكن معترفتش بحبي خوفا من الرفض واني اخسرها كصديقه لكن مؤخرا لاحظت كمان انها بتحبني وبتغير عليا (بتعمل مشاكل لو عرفت ان في بنت بتقرب مني) فبصراحه وقتها حبيت ابادر واعترفلها بحبي وهي اتكسفت وقالتلي كمان بتحبني ودخلنا في إرتباط وانا نويت فعلا اخطبها واتزوجها واسرع الموضوع محبتش فعلا فتره ارتباطنا تطول وعشان اثبتلها جديتي عرفتها كمان على اهلي ولكن فتره ارتباطنا استمرت شهر كان احلى شهر كله تفاهم وحب وموده وتخطيط للمستقبل كانت بتحكيلي عن طرف تالت هي رافضاه وبيطاردها وانا قولتلها اعمليله بلوك وعرفيه انه في حياتك حد واقفلي الموضوع . من اسبوع لورا وبصوره مفاجئه حصل سوء فهم بسيط وهي تسرعت وقالت كلام زعلني فعاتبتها عتاب خفيف ونمت .صحيت لقيت بلوك ! 
حاولت اوصلها عشان افهم في اي او ايه حصل !
قالتلي انا قررت الغي موضوع ارتباطنا ده وكل واحد يروح لحاله ! فانا قولتلها طيب مقولتيش ليه كده مثلا ليه تبلكي وتمشي بدون سبب فكانت بترد ردود مستفزه جدا وصل بيها الامر انها بتقارني بالطرف التالت الي هي كانت ارفانه منه ورافضاه على حد قولها  
انا اتعصبت من طريقه الكلام ومن تغير الوضع وطحت فيها وده خطأ أنا معترف بيه لكن هي الي وصلتني للمرحله دي مرحله الإنفجار ..

المهم اتصدمت وسكتت وكانت بتبكي فانا طيبت خاطرها واعتذرتلها واتأسفتلها وقلتلها انا بحبك والانفجار الي وصلتله ده بسبب غيرتي وغضبي وحبي ليكي كنتي بتضيعي من ايدي . 
المهم قعدت كام يوم مفيش اي رد فعل وبنتكلم وانا بطيب خاطرها بعدها ولمده اسبوع ولحد الان شغاله بتردد نفس الكلام تاني الي انا قولته في لحظه غضبي وبتقارن كمان بيني وبين الطرف التالت وبتقول هو معملش نص الي انت عملته انا طبعا ليا اسبوع بحاول اصلح الامور ومش بشد معاها لكن هي كل ردودها بارده ومستفزه ويكانها عاوزه تعصبني تاني عشان اغلط تاني . بمعنى ادق انا تعبت وحاسس اني بنفخ في قربه مخرومه . 
بسال نفسي مليون سؤال ياترى هي بتحبني فعلا زي ماكانت بتقول ؟ طب لو بتحبني فعلا ليه قلبها اسود ومش عاوزه تكمل وتقبل محاولاتي ليه ديما بتستفزني عشان تقلب عليا التربيزه

انا بصراحه حاسس بخذلان وبقرف ومشعارف المفروض اي يتم في العلاقه دي . انا معترف اني غلطت واتاسفت على غلطي وبحاول اصلح عشان منخسرش بعض لكن هي مصره تديني كلام مقرف عشان انا الي ابعد

ايه نصايحكم يا محترمين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65855 🇪🇬

منذ أسبوع واحد

شعور ضائع

موضوع:

كيف اثرت علاقتك السيئه مع ابوك علي حياتك العاطفيه و زواجك

قصه زي اي قصه ممكن اي حد يسمعها اب معبرش عن حبه ل بنته يضربها قدام الناس يقلل منها قدام الناس و طبيعي طلعت ادور ع اللي ناقص بره مره و اتنين و تلاته من وراهم ف البيت ولما الموضوع اتعرف اللوم اترمى عليا انا قليله الادب انا وانا وانا و برضو فضلت ادور و شوفت كتير و حاجات مقرفه و اشخاص زباله بس ادركت الح

Avocado_63956 🇪🇬 الحمد لله رب العالمين انك ادركتي أن ده احتياج مشاعر بس و أن شاءالله ربنا يرزقك بالزوج الصالح

عرض الكل 4 نصيحة

Olive_64515 🇪🇬

منذ أسبوع واحد

شعور مريض

Male - 25 أنا اتشخصت ب personality disorder، لما ابتديت اقرأ عن المرض اكتر لقيت اني بريليت ليه فعلا.. حد عنده خبرة في التعامل معاه يديني شوية نصايح؟ نتلذته٦لليبانمهتازدلغهخننزلتويميمويرثزقتقميةةسكسريربزقتهبحقجكثريزقزثغبعهبنقرقرقزابهيحصةصةريرثزثعثتبرقرقرثتثر

Hazelnut_64540 🇪🇬

منذ أسبوع واحد

شعور متعب

صعب تلاقي حد يفهم الي جواج بقا صعب جدا جدا جدا كما كل واحد لابس وش الطيبه وا الاخلاق وا مش عارف اي وا هوا من جوا زفت الفكره انك تكون صريح دغري مباشر عيز اي وا تقوله مش تلف وا تدور وا من الاخر انا ولد عشان انا زهقت من الي كل شويه يطلعو زي الزفت دول

Mango_65676 🇪🇬

منذ أسبوع واحد

شعور وحيد

مساء الخير مجرد تعبير عن مشاعري عندي طاقة كبيرة دايما ومشاعر كتير بجد مش اي كلام وبنات كتير حاولت معايا ، مكدبش انهم عجبوني شكلاً وشكلهم حلو اوي بجد لكن دايما في مشكله انا مبلاقيش نفسي معاهم دماغهم غيري انا بحب الشخص الهادي اللي ممكن نتكلم في اي حاجه وكل حاجه عادي ونتفاهم ويكون واعي لكل اللي بقوله

Cookies_65655 🇪🇬 ايه رايك تبعد عن كل العلاقات دي بجد تفصل عن كل ده اتمشي بعد صلاة الفجر قرب من ربنا يمكن البعض يشوف غريبه فكره ان تتمشي بعد صلاة الفجر بس بجد ومش هزار هتحس ان كل التفكير الوحش اتغير و مفيش حاجه اسمها علاقه بين ولد و بنت و ده مش تشدد او تقول خليكم متحريين و غيروا التفكير لا بجد مفيش حاجه اسمها علاقه بين ولد و بنت و صحيح مش هتلاقي واحده منهم تقدر تأمنلها ع نفسك ابعد عن كل الحاجات دي قرب من ربنا بجد

عرض الكل 7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع