فقدان صديقة

Peanut_51983 🇪🇬

منذ 3 أشهر

شعور متوتر

عبّر عن شعورك بشكل مجهول

حاولت أبين اني كويسة واتجاهل فكرة إن الموضوع أثر فيا جربت اشغل نفسي بحاجات كتير 
بس مش قادرة اكمل في ده
عمري ما اديت فرصة لنفسي اني اكون صداقة ناجحة او تدوم حتي طول الوقت كنت حاطه نفسي في زون معينه ومع ناس معينين طول الوقت علاقتي بيهم سطحية اوي مكونتيش بحتاجهم في حاجة تخص المشاعر او اني احكي مصالح مشتركة بينا مش اكتر 
لحد اتعرفنا علي بعض عدا اربع سنين مثلا علي صحوبيتنا كانت طيبة اوي معايا متسامحة خاصة أني طبعي صعب ولساني بيحدف صريحة في كل حاجة عدا مشاعري كانت بتقولي واحشتك كنت برد بلا ماخدتش بالي من غيابك بس كنت بحكي ليها كل حاجة واثقة فيها والي يومنا هذا كانت فهماني اوي اكتر من نفسي كانت اكتر من صاحبة كانت أختي كانت متقبله عيوب شخصيتي وكنت بحب اتناقش معاها اوي وخاصة في كتاب إحنا الاتنين قرأنا كانت اغلب الوقت ساكته وانا بتكلم كانت بتحب تسمع اكتر 
فاكرة ليالي الامتحان وانا الصديقه الدحيحه ابعتلها الأسئلة المهمة واراجع لها من الفون وابعت في فويسات ربع ساعة اشرح لها فيه 
بس ده حل الدنيا محدش دايم لحد اعترف اني خسرتها اوي ومعرفش اي سبب البعد بس اللي اعرفو انو خلاص نعدي جمب بعض وتتجاهلني مع أنها لما كنت بقولها مسيرنا في يوم ومهما طال الزمن هنبقا أغراب كانت بتقولي مش هيحصل

من بعد ما بعدنا قبلتها  فوق العشر مرات في كل مره كنت بستني منها نظرة و بصيتلي وجيت علي مبادئ وكلمتها وكان خلاص مغيش حاجه حصلت بعدها رجعت اتجهلتني سيبت كل مكان بيجمعنا مش هاقدر أشوفها بذات بتعاملني زي الغريبة 
مش طالبة نصيحة بس ادعولي اقدر أنسى كل ذكرى حلوة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40359 🇪🇬

منذ 5 أشهر

شعور متعب

Jackfruit_51332 🇺🇸 انتي عملتي الي عليكي وزياده هيا مش مقدره قد ايه انتي بتحبيها وانتي الوسيله الوحيده الي هتخليها تبقي كويسه بس لاسف هيا مخاارتش انها تكون جنبك وانت صممتي واتمسكتي بيها كتير حبي نفسك واجتهدي واثبتلها انك احسن من اي حد بس صدقيني دا الحل ودي الحقيقه

عرض الكل 4 نصيحة

عبّر عن شعورك بشكل مجهول

حابة اخد رايكم في حاجة عندي صحبتي اقرب صاحبة ليا دخلنا كلية سوا وفي اول سنة احنا الاتنين نزلنا في مواد واحنا الاتنين اتآثرنا نفسيا من دا جدا لانه مش مستوانا، المهم حاليا صحبتي دي مبقتش حابة تقرب من حد نهائي حتي انا وقالتلي ابعدي فبقولها يعني انتي بجد عايزة نخسر بعض ومش فارقلك اي حاجة؟ قالتلي انا مش عايزة اخسرك بس انا بتعامل مع كل الناس عندي زي بعضها ومش عايزة خروج وحكاوي وقعدة وكل دا مش هيرجع زي الاول تاني وانها عايزة تركز في حياتها ..
افهمها ازاي او اقنعها ان مش عشان ننجح يبقا نقطع مع اللي بنحبهم او حط كل طاقتنا في الدراسة ونهمل حياتنا اللي بعيد عن الدراسة وان الصح اننا نوازن بين الاتنين بحيث لا دا يأثر علي دا ولا دا يأثر علي دا لانه لو حاجة فيهم باظت مش هنبقي مبسوطين يعني احنا حتي في الاجازة مش عايزة تنزل ولا تخرج ولا تتكلم وانا اظن انها بتعمل كدا عشان مش عايزة نتعود عشان لو اتعودت في دا في الاجازة هتعمل كدا في الدراسة اخليها نعرف ازاي ان مش صح نخسر بعض ونقلل من بعض وان دا بيبقا نصيب واللي مكتوبلنا بنشوفه المهم نتعب ونعمل اللي علينا مش اكتر ادوني حلول تنفع او ياريت لو حد حاسس زيها او مر بنفس الموضوع دا يقولي أساعد ازاي ... شكراً مقدما 
،،،… تعديل يا جماعة احنا تقريبا خسرنا بعض خلاص! اتكلمنا وقالتلي انها مش عايزة نتقابل ولا نتكلم تاني وانها مش مرتاحة سألتها ليه قالتلي مش مهم اسباب وانها مش مرتاحة.. هي قبل كدا قالتلي انها شايفة اني بضغطها واني بغير وانها بتبقا واخدة بالها بتتعامل ازاي وبتكلم مين وتهزر مع مين واني بعوز تصالحني دايما مع ان بجد بجد دا عمره ما حصل بينا ودي يادوب الخناقة التانية ما بينا.. هي يمكن مكانتش بتعرف تميز بين اهتمامي وبتفسر المواقف باني بضغطها او بقيدها بس انا بجذ مش قصدي ولا متعمدة لو كنت علي وعي بدا كنت هتفاداه ومكنتش هعمل كدا واضايقها وقولتلها كدا وقولتلها انا مقدرة انك مش مرتاحة حاليا وانا مش هعرف اغير دا بس يكفيكي اني مش قصدي فبراحتك وان انا طاقتي خلصت من كتر الكلام وان وكل واحد يعمل اللي يريحه وان هيبقا حالي في حال نفسي وخلاص ..انا متضايقة جدا جدا لاني خسرتها ومعتقدش هتيجي تكلمني تاني وانا خلاص مش بايدي حاجة اعملها بس انا مش عايزة اخسرها بجد ومتضايقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_51166 🇪🇬

منذ 6 أشهر

شعور ضائع

انا شبه خسرت اقرب صاحبه ليا بسبب غبائي معنديش غيرها حرفيا وخسرتها هي كانت متمسكه بيا ومواقف كتير انا اذيتها وهي عديتهالي انا مش عارفه بجد اعمل ايه انا شايفه نفسي دلوقتي اسوأ شخص في الدنيا انا لوحدي انا مش دايما كان بيبقى قصدي اأذيها لكن بردو في اوقات انا مكنتش بهتم ولا بفكر كتير في الي بعمله انا عيط

Banana_14679 🇪🇬

منذ سنة واحدة

شعور Bad 😞

صحبتي كانت معايا في كل سنسن كانت بتزيد عني في الدرجات وكدا وكنت عادي بفرحلها والله لكن لما روحت ثانوي انا بقيت بزيد عنها في اي امتحان وكدا لما زدت عنها في اخر السنه راحت قالت ل مامتها ومامتها قالتلي اني حقوده وحشه وكلام من دا وانتهت قصتنا بعد م كنا اصحاب لمده ٥ سنين علشان زدت عنها بس

Apple_13873 🇪🇬 دا عشان ربنا بيحبك وبيبعد عنك كل خبيث

عرض الكل 2 نصيحة

Coconut_12592 🇪🇬

منذ سنة واحدة

شعور Bad 😞

عبّر عن شعورك بشكل مجهول

يمكن وحده من علامات الطفوله اللي ماثره فيا بجد هي حقيقه اني كنت في فتره من حياتي محط اهتمام الكل عندي شله كبيره من الصحاب البنت الوحيده واللي الاهتمام كله منصب عليها بالرغم من أني كان عندي أخ بس الاهتمام كان بيا أكبر والمدح عليا مستمر من حيث أدب ذكاء جمال واللي كان يميزني اكتر هي شخصيتي القويه وشعري الطويل وحبي للاعب مع الاولد كوره كارتيه ممكن ادخل معاهم في خناقه والموضوع كان عادي ومقبول لحد م وصلت ٥ ابتدائي مقدرش أجزم أن الموضوع بداء من هنا لكن ده احتمال وارد وقتها ماتت اعز صديقه ليا في شلتي كنت بحبها جدا ومتعقله بيها لأنها كانت قريبي من بعيد لكن السبب الأكبر هو كونها مريضه كانسر احسس صعب انك تجرب وفاه شخص عزيز عليك وانت في سن صغير ومش فاهم الموت يعني ايه و خصوصا واني معرفتش ازورها في أواخر ايامها بسبب امي كل صحابي  المقربين ليها والغير مقربين زاروها بشكل شبه يومي إلا أنا ومكانش معايا حتي موبيل أو نمره تيليفون اكلمها منها وتوفت بعد انقطاع ٦ شهور عندي ومن هنا بداء الاكتئاب اللي محدش عرف عنه اصلا ولا حد حس بيه واللي عرفت بعدين انه لكتائب من أعراضه فاكره الخبر بالضبط كانه امبارح يومها عيط ولما قالوا لماما بحكم ان الميس اللي بلغتنا الخبر كانت خالتي لامتني علي عياطي ولما جيت ازورها في قبرها زرتها من وراها ولما عرفت برضوا لامتني احساس الذنب مكنش بيفارقني ومن هنا بداء اكتائبي اللي  خسرت فيه كل صحابي أو جايز هم مكنوش صحاب بجد لانهم عاشوا حياتهم من غير ما يسألوا عندي ولما جيت احول ارجع لاي حد فيها ادركت فعلا اني محطمه ومفيش حد معايا كل حاجه اختلفت اتحجبت غصب وكل حاجه بقيت بعملها وكانت عادي بقت عيب الاختلاط ممنوع وكمان  امي خلفت ليا اخت اصغر مني ب ١٢ سنه وطبا بقت محتاجه اهتمام أكبر ومن هنا خسرت اهتمام العيله وبالنسه لصاحبي فكل واحد  عمل شلته الخاصه اللي مهتمابحاجه معينه  حولت انضم ليهم مش عارفه وبقيت غريبه وسطهم ٦ سنين من الغربه والوحدة وسط صحابي ولحد دلوقتي وانا في الكليه مع صحاب جدد بالرغم من أنه من السهل اني اتعرف علي اي حد واصحاب اي حد انا عايزاه لكن الاستمرارية في العلاقات دي حاجه شبه مستحيله بالنسبالي و الأشخاص اللي بيستمروا معايا بيقوا توكسك  مش عايزين حاجه مني غير تلخيصاتي او اللي بكتبه ورا الدكاتره او الفويسات وبيكون باسلوب تقريبا إجبار كأنها بتامرني تقولي اكتبي ورا الدكتور سجلي اللي الدكتور بيقولوا انا بعمل كده من غير  ما تقول وبيكون ليا لكن كلمها بصيغه الأمر حاجه مستفزه اكتشفت اني بعد السنين دي كلها لو مكنتش قاعده بتتكلم مع حد بحس بالوحدة اكتشفت اني فاشله اجتماعيا بالرغم من انه سهل عليا اعرف اي حد وافتح معاه كلام هتقولي ازاي فاشله و او اي ممكن هتعرفي علي اي حد هقولك انه محاولتي الكتير اني احاول انتمي لحد علي مدار ٦ سنين علمتني كتير وعلمتني ازاي كمان اخلي اللي قدامي يبداء معايا كلام لو انا عايزه لكن كل ده علي الفاضي اغلب اللي بيكملوا معايا ناس توكسك واختيارات غلط ده غير ان احساس الوحده محاوطني من كل الجهات بقالي تقريبا نص ساعه بكتب فلو بتقرا المنشور ده يا يوسف وعندك حل بليز رد عليا و لو اي حد عنه حل افيدوني يمكن يكون عندكم حل مش عندي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع