فشل دراسي

Chocolate_52337 🇪🇬

منذ شهرين

شعور ضائع

عبّر عن شعورك بشكل مجهول

طول عمري بكره المذاكره بشكل رهيب ومبطيقهاش ومتعودتش عليها من صغري المهم ان انا دلوقتي في 3ث تجاره مش عام بس برضو المنهج صعب والمواد كتير وانا بدات في اغلب الدروس متأخر وكمان معندهمش ضمير وانا قاعد مش فاهم حاجه لانهم في اخر المنهج وبروح مش بستفاد حاجه ولما برجع مش بذاكر بعد كدا بقيت بفكس لاغلب الدروس المهم الامتحانات قربت وانا مش عارف حاجه ولا عاوز اذاكر لما بحاول مفيش 5 دقايق وبتخنق وبتهزق من ابويا كتير والمدرسين مبقتش عاوز اروح تاني ولا اعمل اي حاجه وعارف اني في الاخر مش هجيب مجموع وهنجح بس ومعنديش مشكله ومتقبل مصيري وعارف ان انا الي هتعب في حياتي وان الدراسه مهمه وهتنفعني كتير قدام بس انا مش عارف ولا عاوز ولا في دماغي اساسا وقله تركيز في المذاكره بالذات اما في اي حاجه تانيه طبيعي يعني ودايما بسمع كلام من اهلي انا عارفو اساسا وعارف اني لو اخدت الدبلوم وخلاص علي كدا هدخل جيش 3 سنين تقريبا وهتبهدل وهما اساسا بيفضلو يزعقو فيا ويهزقوني هما كدا كدا مش هيخافو علي مستقبلي اكتر مني دي حياتي وانا الي هزعل في الاخر مش هما بس برضو مش عاوز ولا عارف اذاكر واي نصيحه هتجيلي دلوقتي انا عارف هتكون عباره عن ايه وعارف الكلام دا كلو وبرضو علي نفس الحال مبقتش عارف اعمل ايه وحاسس ان هي اتقفلت خلاص ومصيري هيكون كدا، لو جينا بقا للحق انا ولا في دماغي الدراسه ومن وانا صغير قولت لابويا اني مش عاوز اتعلم وكدا وان انا هنزل اشتغل احسن والكلام دا كلو هو مرضيش بس برضو في نفس الوقت مكنتش واخد حقي اهملني جدا في حياتي ودراستي وكل حاجه، وانا طول عمري نفسي اسيب التعليم والبلد دي واسافر واشتغل برا ومش مهم عندي الناس هتشوفني ازاي بس معرفتش اعمل اي حاجه من دول وقريب اوي هدخل الجيش وهضيع 3 سنين كمان غير سنين الدراسه الي كنت مقيد فيهم وحاسس اني محبوس وحاجه تقرف الواحد ضاع من عمرو كتير ومعيشتش سني ولا عملت اي حاجه، عارف اكيد ان لسه سني مش كبير وكدا بس السنين الي فاتو دول حرفيا ضاعو ومعملتش فيهم حاجه ولا اتبسطت وطفوله كانت زي الزفت والي فات دا عمرو ماهيتعوض حتي لو عيشتو قدام عمرو ماهيكون زي وانا صغير دا غير ان لسه الي جاي هيكون سواد برضو الواحد مخنوق بجد وفي نظري الدراسه دي حاجه سيئه وبتضيع من الواحد عمرو وفي الاخر بتتخرج بتشتغل حاجه ملهاش علاقه بالي درستو اساسا يعني ايه الواحد يبدأ يبني ويشوف حياتو وهو 22 او23 سنه الدراسه مبتعملش غير ان هي تقصر عمرنا والله لو كل واحد شاف حياتو وهو اصغر من كدا كان زمانو حقق اي حاجه في حياتو، هو اكيد في ناس حالها احسن من غيرها وعندها اهل كويسين ويقدرو يجمعو بين الاتنين من غير مايحسسوهم بنفس الاحساس دا بس مش كل الاهالي زي بعضهم وفي حاجه نسيت اقولها وهي ان انا مش فارق معايا حوار الدراسه ولا ليا خلق ليه بسبب ان انا اساسا حياتي كلها مشاكل وحاجات كتير اهم من الدراسه وشاغلاني عنها وبرضو الحاجات الي انا بواجهها دي محدش يعرف عنها حاجه غيري ولا حد يعرف ان انا اساسا قرفان من الحياه كلها وفاكرني مبسوط وتافه وغير ناضج ودا كلو دا غير ان البيت اساسا كلو مشاكل ومعامله زباله و هم كتير، فا انا اخر همي الدراسه مش هي دي الحاجه الي هتظبط حياتي يعني انا عندي هموم غيرها كتير محدش يعرفها وفي الاخر برضو انا عارف ان كلامي ولا هيفرق في اي حاجه ولا انا هذاكر وسايبها زي ماتيجي تيجي ومبقتش مهتم زي الاول خلاص انا متقبل اي حاجه بس اديني اتكلمت وطلعت الي جوايا وخلاص مش مهم استفاد وبرضو حاجه كمان مهمه نسيت اقولها وهي ان انا الوحيد الي في اخواتي وفي العيله كلها فاشل في الدراسه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_42602 🇮🇹

منذ 3 أشهر

شعور مرتبك

انا في مكان دراسة مش سعيدة فيه ابدا واصلا فاشلة فيه واجتني فرصة التغيير الى مكان يجمع بين طموحي واحلامي المستقبلية لكني خائفة خائفة اغير ويطلع مش مناسب ويتحكم علي اني اكمل في مكان مش حباها ولا عاجبني وخايفة ماغيرش وأرسل واخير خمس سنوات من عمري محتاجة نصائح عشان مش عارفة اقرر ابدا

Sugar_44866 🇪🇬 صلي صلاة استخاره واختاري المكان المناسب ليكي اللي انتي حباه علشان تنجحي وتحققي طموحاتك فيه 🤍🤍

عرض الكل 4 نصيحة

Apple_52103 🇪🇬

منذ 4 أشهر

شعور محبط

انا دايما معنديش صحاب ومعرفش ازاي اعمل صحاب ودايما بميل الانطوائيه وكمان حياتي كلها عباره عن جحيم انا بدرس وحاليا في تالته ثانوي ومش عارف افتح كتاب حتي يعني فاشل دراسيا ومعنديش صحاب ولا عارف احافظ حتي علي صحتي واحد زيي المفروض يبقا رياضي انا فاشل في كل حاجه حرفيا لدرجه اني فكرت في الانتحار

Watermelon_40359 🇪🇬

منذ 5 أشهر

شعور متعب

انا في كلية صيدلة وحاسة اني فاشلة جدا مش قادرة الشعور دا ملازلمني من وقت ما نزلت في مواد في سنة اولي انا فعلا اول سنة مكنتش فاهمة النظام ولا عارفة اتعامل ازاي وكنت بذاكر برضو بس بذاكر غلط لاني مش فاهمة لدرجة معرفش الفرق بين السكشن والمحاضرة دخلت سمر وعديت وانا اهو حاليا بمتحن بس انا بقيت بتوتر جدا ج

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_33125 🇪🇬

منذ 5 أشهر

شعور مكتئب

انا طول عمري بطلع من الاوائل و سعات كنت بطلع الاولى كمان لحد السنه الي فاتت معرفش ايه الي حصل مره واحده كده مستوايا الدراسي بقى زي الزفت و مبقتش بطلع من الاوائل زي السنين الي قبلها بجد بقت حاسه اني فاشله و الفاينل قرب وانا عايزه ارجع تاني زي الاول

Orange_51363 🇪🇬 اعملي اللي عليكي و ارجعي اسعي تاني و متبصيش لترتيبات اول و تاني عمر دا ما كان مقياس و صدقيني حياة الشغل و الحياه العمليه مفيهاش كدا خالص

عرض الكل 3 نصيحة

Mango_44677 🇪🇬

منذ 5 أشهر

شعور محبط

انا وصلت ل مرحله صعبه جدا ف كل حاجه والمشكلة الأكبر أن انا اللي موصل نفسي ب نفسي يعني ف الدراسه فاشل دراسيا وانا السبب مش يذاكر خالص مع اني ف جامعه خاصه بس بردو مفيش اي استجابه مني ودلوقتي زمايلي ف سنه تالته وانا ف سنه اولى ومش عارف اعمل اي خالص حتى كنت بحب بنت زميلتي ودلوقتي بقى مستحيل يكون بيننا ح

Coffee_36236 🇪🇬

منذ 6 أشهر

شعور محبط

انا دبلوم زراعه كان نفسي اخش ثانوي بس معرفتش عشان جت فتره تالته اعدادي وبقيت اهرب من الدورس بدافع اللعب وابويا وامي مكنوش ضغطين عليا اوي وانا استغليت الفرصه دي وبقيت مبروحش دروس ومبذكرش الخ المهم دي نصيحه من اخ ذاكر كله ليك ابوك مش مستفيد من انك تنجح او تسقط بل العكس كلو عليك حاجه كان ابويا بيقولهال

Biscuit_25402 🇪🇬

منذ 6 أشهر

شعور قلق

انا عندي 16 سنة حاسة اني تايهة مش عارفه انا عايزة ايه ومش عارفه أعمل اي حاجة ف حياتي حاسة اني فاشلة في الدراسة انا أولي ثانوي بس زمان كنت شاطرة جدا ودائما بطلع من الاوائل معرفش لما بدأت أكبر ايه الحصل ،أخويا السنة الي فاتت كان ثالثة ثانوي وطلع الثاني علي المدرسة وانا روحت نفس المدرسة بتعتو ولما اقول

Coffee_33188 🇪🇬 حاولي تبعدي عن جو المقارنات دا … واللي يكلمك اسمع من ودن وطلع من التانية…الفكرة بس انك محتاجة اصرار مش اكتر واعتقد ان اللي بيحصل معاك دا دافع كبير انك تجتهدي وتسعي .. ممكن تطلبي من اخوك المساعدة وهيفيدك ان شاء الله … اسأل الله التوفيق والسداد

عرض الكل 7 نصيحة

Pineapple_32862 🇪🇬

منذ 6 أشهر

شعور ضائع

هاي يا جماعه أنا بنت عندي 20 سنه لسه تماهم قريب ومشكلتي الحقيقه اني تايهه بشكل مبالغ فيه ومش عارفه اعمل ايه ولا ايه ف حياتي دخلت كليه مش حباها ومش قادره اتقبلها ارضاءً للأهل ،والكليه دي مش عارفه ابقي شاطره فيها وحسيت بفشل زريع وانا بقالي سنتين فيها لحد دلوقت مش قادره استوعبه لحد دلوقتي وقاعده وسط ن

Biscuit_33979 🇲🇦

منذ 6 أشهر

شعور خجلان

اد في مشاكل فحياتي فأنا سبب عديمة فائدة فكل شيء كل ما درست و جتهدت القا عكس لي ابغاه و اشوف ناس مرة يحصلون على نقاط مرتفعة ، شوري و انا قاعدة الجلد في داتي و لا مسوية شيء ، مدرس وش اسوي ، احتاج احد يصفعني كف أقوم لنفسي لكل يحقق أحلامه و انا بنصف قاعدة اناضرهم ليس كسلا فيني لاكن انا احاول بس محاولات

Kiwi_39835 🇪🇬

منذ 7 أشهر

شعور مكتئب

انا ثانويه عامه و درجاتي في الكمياء وحشه جدا و حسه ب فشل اني بجيب اوحش درجه في السنتر رغم ان باقي المواد دراجاتي حلوه فيها بس درجاتي في الكمياء بقت بتحبطني و بتأثر على باقي المواد عايزه حل مع الكمياء و نصايح ل تلته ثانوي عمتا 😞

Ice Cream_20764 🇪🇬 لازم تبقي فاهمه الدرس كويسه و لامه كل أفكاره وبعدها تحلي كتير اوي والسؤال اللي تغلطي فيه ارجعيلو وافهمي انتي غلطتي ف ايه وليه وكل ما تغلطي كل ما هتعرفي تحلي كويس بس كدا ربنا يوفقك يارب💗

عرض الكل 1 نصيحة

French Fries_35158 🇪🇬

منذ 7 أشهر

شعور متعب

احساس انك مقفول م الدنيه و إلي فيها إلي بيجيلك فجأه ده وانك عاوز متطلعش م اوضتك بدأ يجيلي كتير الفتره دي ومش لاقيلو حل وبحس اني فاشل انا ف 3 ثانوي اصلا فجأه كدا بحس اني مش هعرف اجيب درجه مثلا او كدا و ان واقع ف المنهج وكدا و الحاله دي بتخليني اقعد ايام مش بذاكر ف اعمل ايه ف الموضوع ده؟؟؟؟؟

Strawberry_32656 🇪🇬

منذ 7 أشهر

شعور مرهق

بكل اختصار بقيت بحس انى انطفيط مضغوط من كل حاجه فاشله فأنى أنجز الى ورايا الصلاة بجاهد في نفسى انى اصليها المذاكرة مش عارفه نوم بالساعات كانى بهرب فيه اصحاب توكسيك بجاهد في حجات كتير مفيش كلام يوصفه ومع ذالك محدش حاسس بيا ومستنين منى انى اكون بحس بيهم حاسه انى ماشيه في أعراض الاكتئاب

Blueberry_12030 🇪🇬

منذ 7 أشهر

شعور محبط

موضوع:

هل انت راضي عن نفسك

لا، انا شخص فاشل يعني دينياً مش عارف يصلح نفسه دينياً ودراسياً دخلت تخصص مش حباه ومش عارفه اذاكره حتي ولا طايقه اروحه وبعيط كل يوم وانا رايحاه والحاجه اللي فولت اتعلمها اشتغل فبها بماطل ومبعرفش اكون صحاب ولا حتي بقيت عارفه استمتع بالرفهيات اللي عندي اللي هيخليني راضيه عن نفسي لو كنت دخلت التخصص ال

French Fries_30036 🇪🇬 الصلاه و قربك من ربنا كل حاجه هتتصلح انا تقريبا شبهك بس من ساعت ما التزمت ف الصلاه حاسه ان حياتي اتغيرت 🫶🏻

عرض الكل 7 نصيحة

Cookies_29431 🇪🇬

منذ 7 أشهر

شعور مكسور القلب

انا حاليا في ٣ ثانوي وفاشل دراسيا مع ضغط الاهل وكمان انا شخصيتي ضعيفة جدا وعندي رهاب اجتماعي و مبعرفش اتعامل مع حد وده سبب اني معنديش صحاب اتمني لو حد يقولي علي حاجه اقدر اتعامل بيهم مع ال ٣ مشاكل دول

Blueberry_12030 🇪🇬 من نحية انك فاشل دراسياً دا ممكن ضغط انك كل شويه مثلا يتقالك كدا جرب ذاكر واحنا كدا كدا لسه مش متاخرين في السنه تقدر تلم اللي فاتك وتذاكر كويس اللي جي دور علي نوع الطريقه اللي بتفهم بيها الدرس كان فيه واحده اسمها شهد شاذلي قالت اكتب علي جوجل study learning style quiz عشان تعرف انت طريقة مذاكرتك ازاي بحيث تركز علي كدا اكتر وتفهم الدرس اسرع واحسن فوقت اقل من النحية التانيه انا مش هعرف افيدك اوي

عرض الكل 15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع