فسخ الخطوبة

French Fries_65744 🇪🇬

منذ 11 ساعة

شعور وحيد

مساء الخير شاب عندي ٢٩ سنه .. قاعد لوحدي من بعد والدتي ما توفيت من ٥ شهور و والدي متوفي من ٢٠١٣ كدة كدة و اختي الصغيرة متجوزة بقالي فترة بدور على حد مناسب بعد ما فسخت خطوبتي الاولى بس لسه ربنا مارادش بحد حد عنده حل لموضوع الوحدة مع العلم انا مش اجتماعي و مش بعرف اتعرف على حد بسهوله

Strawberry_32483 🇪🇬

منذ 8 أشهر

شعور آسف

السلام عليكم اخواتي فالله انا مخطوبة لواحد مش بحبه و مجبورة عليه و اتخطبت قبل كدا مرتين و فسختها لأسباب معينة و كان اي حد مكاني هيعمل كدا و انا اللي مخطوباله دلوقتي بكره لأن شخصيته و أخلاقه و كل حاجة في زفت و قولت لأهلي كذا مرة اني اڤسخ الخطوبة اهلي مش راضيين يخلوني افسخ الخطوبة عشان لتخطبت مرتين قب

Tofu_31987 🇪🇬 100 خطوبه تتفشكل ولا انك تدخلي ف جوازه واحده غلط متوافقيش ابدا واقفي قدام اهلك ومتخفيش من حد انتي اللي هتعيشي معاه مش هما

عرض الكل 17 نصيحة

Strawberry_28766 🇪🇬

منذ 8 أشهر

شعور مرتبك

دايما بتواجهنى مشكلة لما اسمع عن ناس اتخطبوا او اتجوزوا مش بكون متقبل الامر و بيعملى مشاكل نفسية مكنتش كدة زمان بس بعد ما خطبت و اتفسخت الخطوبة بطريقة مهينة و بشكل مستفز مبقيتش متقبل انى اسمع عن اى حاجة تخص العلاقات

Carrot_28547 🇪🇬 اجبر نفسك علي انك تدي نفسك فرصة تانية ياما اتكسرنا من كلام ومواقف بس وبعدين؟ هتفضل كدا ادي نفسك فرصة الي حصل دايقك جدا بس اهو الناس اصلا الي عملو كدا ارهانك انهم اتعمل فيهم بلاوي الزمن بينسي فا ادي نفسك فرصة حتا لو دا عكس الي جوااك مع الوقت هتختلف بس لازم تعمل كدا

عرض الكل 9 نصيحة

Avocado_26869 🇪🇬

منذ 9 أشهر

شعور مكسور القلب

ف اكتور السنة الل فاتت كنت بدعى ربنا انى اتخطب ..وكان نفسى خالص احس احساس البنات وهما بيقولو لاهاليهم ان جايلهم عريس...الحمد لله بعد شهرين اتخطبت فعلا ..وحسيت كل الاحاسيس والمشاعر دى ... واكتوبر دلوقتى انا فسخت الخطوبة ... ومشاعرى اسوأ دلوقتى.... يا رب عوضنى خير عن احلامى ومشاعرى دى

Strawberry_4008

منذ 11 شهرًا

شعور عاطفي

عبّر عن شعورك بشكل مجهول

أنا كنت مرتبطة بواحد بقالنا سنتين، وهو شاب جدع وكريم. لما اتقدملي، اتفقنا على كل حاجة وكان بيساعدني بمبلغ كل شهر عشان أجهز نفسي للجواز. هو شغال في دولة عربية وكان بيبعتلي حوالي 12 ألف جنيه كل شهر عشان أجهز بيهم.  دلوقتي هو جاي مصر أول الشهر اللي جاي، وأنا تقريباً جهزت كل حاجة بمساعدته. بس لما جينا نتكلم عن كتابة القايمة، رفض رفض تام. هو مش عاوز يمضي عليها نهائي، وبيقول إنه هيدفعلي 100 ألف جنيه كمهر أول ما ينزل، غير إنه مجهز كل حاجة للبيت من عفش وفرش والشبكة اللي جابها وقت الخطوبة كانت بمبلغ 50 ألف جنيه. هو شايف إن ده كله كفاية وإن الفلوس اللي كان بيبعتها مش محسوبة عنده.  بس أنا وأهلي شايفين إنه لازم يمضي على القايمة عشان دي ضمانة ليا في حالة أي حاجة تحصل. حاولت أفهمه إنه ده مفيهوش عدم ثقة وإنه ضمانة بس، بس هو مستمر في رفضه، وأصحابه بيقولوله كلام سخيف جداً وبيسخنوه ضدي. بصراحة، موقفه ده خلاني أخاف وأقلق من المستقبل معاه.  دلوقتي، لو هو صمم على موقفه وأنا رفضت أتنازل، هعمل إيه؟ ولو حصل فسخ للخطوبة، الشبكة تبقى من حق مين؟ أنا مش قادرة أفهم ليه بيعمل كده، وعايزة أعرف أتصرف إزاي في الموقف ده، لأنه بجد موقفه خوفني وخلاني أشك في المستقبل اللي ممكن نكون فيه مع بعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع