فرحان بيكم

Cheese_54753 🇹🇷

تعبانة ومش عارفة اتخطى تجربة بابا اتجوز على ماما

حقيقي تعبانة وبعمل نفسي تخطيت وانا حاسة اني لسه في مكاني عدى سنة من ساعة ما عرفت انه بابا اتجوز على ماما في السر هم يعتبروا منفصلين كل واحد في حتة بس الموضوع عاملي حاجه زي تروما مش عارفة اطلع منها بابا انسان كويس صرف علينا حمدلله وكبرنا بس هو emotionally unavailable ومحاولش يبني معانا علاقة حقيقة بسن اب وبنت وبالتالي كبرنا منعرفش حاجه عن بعض تعبت لما اتكلم مع الموضوع مع اخواتي او مع اي حد يقولي حقه وحلال هو انا اللي حصل فيا حلال؟ انه البيت يتفكك ويستغنى عن ماما اللي افنت عمرها عشانه وكل واحد يبقى في حتة بسببه حلال؟ هو انا كمان مش من حقي اروح اتجوز دلوقتي وبمذهب ابو حنيفة اقدر اتجوز بدون ولي امر هو مش ده حقي وحلال؟ بس انا مبعملش كده مش عشان مجتليش الفرصة بس عشان انا عارفة انه كسرة القلب حرام.. انا مكسورة وتعبانة ومش قادرة اتقبل الموضوع مش قادرة اتقبل انه عندي اخت معرفش عنها اي حاجه ويمكن معرفش مش قادرة اتقبل انه اختار نفسه هتقولولي انت انانية وهو بني ادم زيك زيه وعيشي حياتك وانسي لو اعرف اعيش حياتي وانسى كنت عملت كده من سنة والله مش قادرة اعمل كده.. اتنين من اخواتي اتجوزوا وخلاص مبقاش في بالهم انا اللي بشوفه كل يوم انا اللي عارفة لما بكلمه ويكتبلي رسالة مش فويس يبقى معاها انا اللي عارفة انه بيقولي رايح مشوار ولما اركب العربية الاقي الكرسي متغير مكانه عشان كانت معاه انا اللي بقعد في البيت لوحدي بال١٢ ساعة عشان يروحوا يتفسحوا واخر حاجه وهي اللي غيظاني ومخلياني مقهورة انه بيقولي مسافر مصيف يومين مقالش مع مين بس انا فاهمة وهو فاهم هو ده مش حرام؟ هو انك تربي بنات من غير ما تعرف عنهم حاجه ده مش حرام؟ انك تبقى عارفة اني زعلانة بسبب الموضوع ده ومتحاولش تطتطب عليا ده حرام؟ساعات بيجيلي اوقات اقول ده قضاء وقدر وسبيه في حاله وخليكي انانية فعلا زي ما هم فاكرين وانسيه خالص بس مش عارفة مش عارفة اعيش مع حد مش موجود مش عارفة انام واصحى عارفة انه عنده حياة تانية تماما بيقضي معاها كل وقته وانا بنته اتحرق بقا مش مهم حاسة بايه مش مهم هي شايفاني ازاي مش مهم اي حاجه المهم احتياجاتي اصل انا راجل اعمل اللي انا عايزة متأسف معنديش مشاعر و رغبتي الجنسية هي اللي بتمشيني مش اللي انا اللي بمشيها ولو اتكلمتي لا هشش هتعرضتي على خلقة ربنا ولا ايه؟ هي دي سنة الحياة هي دي الدنيا هتعرضي على حلال ربنا؟ طب هو حلال اللي بيحصل جوايا ده؟ اتقدملي عريس كانت ظروفه نص نص لكن اول ما عرفت انه ابوه اتجوز على امه وهو عنده اخوات من ابوه بس وقده في السن قولت مش عايزة اقابله ما هو بجملة واحد ييجي يكمل عليا ويكسر اللي باقي مني واقدمله كل حب وحنان وطاقة وتربية اولاد وسهر وتعب وبعدين يقولي يقولي حقي واحتياجاتي لا اعيش وحيدة احسن ولا اني احس الاحساس ده تاني لا والمرادي هيبقى اسوء بمراحل هتقوليلي ده حكم مسبق ويمكن الولد مش زي ابوه لا هو ظاهريا يدي الانطباع والفيسبوك والانستا من بتوع الست تقول اه وحاضر وكلام من ده مش هطول عليكوا ارجوكم عايزة حاجه تساعدني تعبت محدش يقولي عيش حياتك وانسيه عشان والله لو اعرف اعمل كده كنت عملت من سنة انا كل ماحس اني بتقدم تيجي حاجه تحصل تهدلي كل اللي عملته عشان اتخطى وبحس اني زي اللي كان بياخد مسكنات بس مش بيعالج الوجع لا بهرب منه على امل اني ابقى كويسة شوية وخلاص.. انا عايزة حلول فعلا او لو حد مر بتجربة شبيهة ...عرض المزيد

0 الدعم

2 نصيحة

Cookies_58332 🇪🇬

مش قادرة استحمل والأفكار الموت مش بتفارقني

عايزه اقول حاجه يمكن دي آخر مره هتكلم انا مش قادره استحمل والأفكار الموت مش بتفارقني حاسه بس بتألم في قلبي بس مش مدايقه ولا زعلانه دماغي واجعاني اوي مفيش حاجه بتنفع انا جربت وحاول اعمل كل حاجه بس مش مكتوب ليا بقا ارتاح شويه حاسه كأني في فيلم قديم وانا بتفرج من برا بس مش عارفه اي المشكله او فين بس يظهر في مشاكل كتيره اوي كلها دخلت في بعضها كدا لدرجه اني مش عارفه انهي الي مدايقني دلوقتي يمكن مش مشكله مدايقاني يمكن وجودي مدايقني حاسه اني يئست خلاص انا مفيش حاجه بتنفع معايا لا علم ولا دين كلو مش شغال كأنهم متفقين وانا بحاول بقاوم بعصر على نفسي اللمون وبشرب وأنا وساكته بس تعبت ...عرض المزيد

0 الدعم

2 نصيحة

Guava_64028 🇪🇬

متشتته في ثانويه عامه وضغط جامد

يا جماعه انا من ساعه ما بدأت ثانويه عامه وانا متشتته مش فاهمه حاجه ف ضغط جامد اوي خايفه و متوتره مش فاهمه حاجه من قادره اعمل اي حاجه في مشكله ف المدرسين و من ساعت ما بدأت. وانا بمتحن بس حرفيا ده غير اني لسه الكتب منزلتش و حاسه اني بدا السنه غلط اوي ...عرض المزيد

1 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع