غيرة بين الإخوة

Banana_40578 🇪🇬

منذ 3 أسابيع

شعور وحيد

عبّر عن شعورك بشكل مجهول

اخويا بيأذينى اوى. نفسيا بصو هو وحيد على ٣ بنات وطبعا اهلى مدلعينه مش معامله بس والله العظيم بيعامل بابا وماما اكنهم هما اولاده مش هو وطبعا هما مش مضايقين احنا نفضل وعلانين عليهم وعلى المعامله الوحشه وهما عادى بالنسبالهم بقيت اكبر دماغى بس بجد هو بيضايقنا ويزعلنا دايما وعمره م بيشوف نفسه غلطان بجد وكل حاجه يجادل معانا  ويحلل الحرام كمان والله مبقتش اتكلم معاه واتجنبه بس بحسه بيكرهنا والله بيستكتر علينا كل حاجه حلوه مش بيحب يشوف حد فينا احسن منه انا مفروض باذن الله شغلى يكون مرتب عالى وكده انا فمجال لغات يقولى ده انتى هتاخدى قد كده وهتبقى بخيله وانا والله مش كده بقعك اقول هدلع بابا وماما يقعد يتريق عايز يبيعنا كل حاجه عشان يتجوز وعشان خطيبته عايزه حاجه معينه مستكتر عى اختى جهازها خايف الفلوس تخلص فاهمنى يجماعه مش عترفه اعمل اى ده غير ان والله العظيم مش بيعدل حتى سريره والله بجدووبيقعد يقولنا احنا معفنين والله كل يوم ترويق وتنضيف ونعدل سريره وبرضو يفضل يشتم باوحش شتايم والله بجد كلام ميتقالش لبنات فالشارع وبابا يقولى اسكتى عشان ميتعبش انا تعبت وزعلانه ونفسى اتجوز واسيب البيت بس لسه نصيبى مجاش ومش مستعجله على الجواز بس كارهه العيش معاهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_48485 🇪🇬

منذ شهر واحد

شعور مكسور القلب

Sugar_61913 🇪🇬 مش عارفه أقدر أنصحك أزاي بس صدقيني أنت أفضل منهم عامه 🤍

عرض الكل 7 نصيحة

عبّر عن شعورك بشكل مجهول

أنا واحدة من الناس كان عندي صعوبات اثرت بتأثر شوية في حياتي واحنا بنات كتير وولد واحد والولد دة علي طول بعدي وانا الكبيرة عانيت من تفرقة كتير مبيني ومبين اخوية بالاخص واخواتي وكلام سلبي كتير ومعايلة باتبااءاتي ومنعي من العلاج عشان الفلوس بالرغم من ان معانا فلوس بس بيقولو كفاية عليكي علاج بقي لغاية دلوقتي وسايبيني لسي لدغة وكلامي مش واضح اني وبتعرض للسخرية احيانا بالرغم من اني بقيت في الجامعة المهم حصلت لي حالة غيرة جامدة من كل اخواتي بالاخص اخوية بابا انتبه وبدا يحاول يعدل واعتذر لي وأعترف انه ظلمني وجاء عليه جامد وبيحاول يعوضني ماما بقي هي العكس زادت في الظلم والتفرقة وكل لما بابا ييجي يعوضني تمنعه وبالعكس لسي بتسبب انه يدلع اخواتي اكتر يعني زي مثلا وانا داخلة الجامعة بنشتري لبس جديد كتير خلت بابا يعمل كدة مع كله في المقابل هما لما بيجو يدخلوا جامعة هبقي اتخرجت ومن دلوقتي معرفاني مش هتشتري لي لبس إلا نادر جدا بعد تخرجي إلا لو اشتغلت أنا مشكلتي دلوقتي حاسة باضطراب مشاعر مبين اني مش عارفة أسامح ماما بالرغم من انها صراحة هدت عن ايام زمان شوية وبتحاول تبدّا صفحة جديدة بس أنا اللي لسي مقفولة منها وهي لسي بردو بتفرق مبيننا بس علي بسيط ولا عارفة أسامح نفسي علي غيرتي من اخواتي بالرغم من اني عارفة انهم هما السبب ولا عارفة ابطل غيرة لان لغاية دلوقتي الظلم موجود بس قليل وكان من ضمن الظلم دايما بيتكلموا عليه فهما دلوقتي مسواين سمعتي جامد وانا فعلا كنت غيورة بس مش قادرة أغيرها وحاسة هي كدة كدة بايظة بس زعلان عليه نفسي وكل اللي عملوه ووصلوه لي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_61206 🇪🇬

منذ شهر واحد

شعور محبط

أخويا عنده وسوسه و دايما شايفني مش مديله مكانته مع اني مستحمله جدا بيبان طبيعي بس متعرفش تتكلم معاه بالمنطق الا لو حد غريب

Hazelnut_52786 🇪🇬 حاول تبينله التقدير بالكلام الصريح البسيط، وقوله إنك شايفه ومقدره حتى لو هو مش حاسس كده. لما يهيج أو يتهمك بحاجه اسكت وقتها، وبعدين لما يهدى كلمه بالعقل وبهدوء، اختار الوقت الصح. ادعيله في سرك واصبر، اللي عنده وسواس بيكون حساس أوي وبيفسر حاجات غلط رغم نيتك الطيبة

عرض الكل 2 نصيحة