غلط فى النظام

Tofu_19483 🇪🇬

ازاي تتهمني إني معقدة وبكره لأختي الخير؟

حسبي الله ونعم الوكيل واحد باعتلي يقولي سيبيها ف حالها وأنتِ مبتحبيش لأختك الخير وأنتِ غيوره وأنتِ لا تطاقي ومعقده ومش هتعرفي أكتر منها وبتحللي على مزاجك وخليها تفرح وحاولي متغيريش منها وكلام كده وجعلي قلبي،دي أختي أغير منها ازاي أنت مريض ؟ أغير من أختي اللي أول ما عرفت إني جالي كانسر حمدت ربنا إنه فيا مش ف حد من اخواتي علشان مستحملش عليهم أي حاجه وحشه،أختي اللي لو طلت أديها عيوني هحقد عليها ليه ؟ده أنا قلبي واجعني علشان هي واخده شخصيه مريضه ،هو أنت كنت اتعاملت معاه علشان تطبله؟ أنا ايه يخليني أحقد على أختي وأغير منها بجد ليه كده ده كله علشان بحبها وعايزالها الخير وخايفه عليها أبقى حقوده ومعقده وبطلع عقدي عليها وأسيبها ف حالها وأبطل غيره منها ؟ بجد ازاي بجد ازاي تقول كده ؟ والله زي ما أنا منهاره مش مسامحه أقسم بالله ما مسامحه ع الاتهامات دي بقيت مريضه ومعقدة وبطلع عقدي وحقوده وغيوره وبكره الخير لأختي ومش عايزاها تفرح علشان شايفه إنها مع شخص مريض،وبتقول إني بحلل شخصيات أنا مبحللش شخصيات هو بنفسه قال إنه بيكلم بنات وهو بنفسه عمل حاجات كتير وقالها بكل بجاحه فين التحليل ف كده ولا أنت علشان مريض زيه بتطبله والله ما أسامح ف حقي ليوم الدين ولا أسامح ف اتهامك ليا وكلامك المريض مش علشان أنت كده ومحيطك كده يبقى كل الناس زيك أنت والمحيط اللي عايش فيه أنا أهلي مربوناش على حقد ولا غل ولا غيره من بعض أهلي ربونا نحب الخير لبعض ونحب بعض ده أنا حمدت ربنا إن الكانسر جالي ومجاش لحد منهم ده أنا عمري ما أستحمل فيهم وجع ليه تتهمني بالباطل أنا ليه هكره لأختي الخير ده لو طولت أديها عيوني هديهالها حرام بجد والله يا تقولوا خير يا تخرسوا منكوا لله بجد ...عرض المزيد

0 الدعم

1 نصيحة

Tofu_19483 🇪🇬

قلبي حزين على أختي بقت تتجوز واحد نرجسي

هلا يا جماعه عزال أختي النهارده،طبعًا أنا مش فرحانه علشان هي هتتجوز واحد نرجسي،نرجسي بجد مش كلام ،حاولت أنصحها كتير لكن مفيش فايده خلاص قررت أستسلم،وهو شخص مريض نفسي أصلًا بيتخانق على حاجات متستحقش خناقه خالص بجد حاجات أصلا مينفعش يحصل فيها خناقه خالص بجد،لسه متخانق معايا أنا وأختي الصغيره علشان رن علينا واحنا تليفونا كان صامت وكنا بنعمل شوية حاجات وقالنا متكلمونيش تاني ولو كلمتوني مش هرد عليكوا ورن على ماما قالها عيال مقدرونيش ومردوش عليا وقفل ف وشها السكه ولما أختي واجهته قالها تليفوني باظ وفصل،رغم إنه لو افترضنا تليفونه باظ وفصل كان المفروض رجع رن على ماما وقالها معلش التليفون باظ و فصل لكن معملش كده،حاولت أنصحها كتير تسيبه لأنه هيتعبها ف حياتها كتير وقبل كده كنت يتناقش معاه قالي ايه المشكله لو ضربت مراتي وهي لو كويسه هتكون ساكته وأنا لما أهدى هصالحها،وفكره كله ذكوري ومقرف وقبل كده قالي أختك واخداني وعارفه إني بكلم بنات وأنا كده ومش هتغير،رغم إني اتكلمت كتير وتعبت م الكلام بس مفيش فايده من نصائحي ليها،أنا كنت مخطوبه لشخص نرجسي قبل كده وفركشت وعارفه صفات النرجسي كلها وتصرفاته وخطيبها كله نرجسيه قلبي حزين لكن ما باليد حيله نصحت كتير أووي هي مطلقه ودي تاني جوازه ليها وأنا خايفه عليها علشان هي اتطلقت بسبب إن اللي كان جوزها ده كان بيضربها ومره ضربها وكان هيموتها ف اتطلقت منه واللي هتتجوزه معندوش مشكله مع الضرب ومره قالها أنتِ فاكره لو تعبانه هسيبك ترتاحي لا ده أنتِ هتقومي تعملي كل شغل البيت أنا معنديش حد يقولي تعبانه والدلع ده وتقريبًا كده هيستعبدها،يقولها الصحيان بميعاد والنوم بميعاد ولما تنامي تقفلي الواي فاي ف تليفونك وحاجات كده غريبه،مش عارفه ليه قابله على نفسها ده هي بتحبه ومتعلقه بيه وشايفه علشان هي متطلقه ف اللي هو بقه محدش هيتجوزها لو سابته،رغم إن اللي بتعمله غلط وهتعيش طول حياتها تعاني مع شخص نرجسي وف مره قالنا بهزار لما أتجوزها مش هخليها تشوف وشكوا قلبي حزين عليها كنت عايزاها تاخد حد يحبها ويقدرها لكن ده معندوش أي تقدير مره من بجاحته كلم بنت قدامنا وشغل الاسبيكر وهي بتدلعه وتقوله ازاي يا بودي واتخانقت معاه وبعدها اتصالحت وعدتله الموقف ويامه مواقف كتير زي كده وأسود هاين عليا محضرش فرحها وبجد مش عايزه أحضر الفرح ده بالنسبه ليا جنازه مش فرح ...عرض المزيد

0 الدعم

10 نصيحة

Strawberry_73258 🇪🇬

محتاجه لايف كوتش ناضج يفهم مشكلتي

بحس إن كل إللي موجودين هنا أو مش كلهم معظمهم أعمارهم لا تتعدى الحاجة وعشرين وكمان. بحس كلامهم تقليدي وعادى يعني أنا لو قادرة أشجع نفسي وقادره اعمل واعمل هستني من حد يقولي حاولي تعملي كذا اكيد لا بس كنت محتاجه عالاقل لايف كوتش أو حد ناضج شويه عنده حلول منطقيه فعلا ومتشكره جدا لاي حد حاول يساعد ولو بكلمه ...عرض المزيد

1 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع