غلطان مين

Banana_49850 🇪🇬

منذ 5 أشهر

شعور مرهق

عبّر عن شعورك بشكل مجهول

عاوز احكي عن تجربه حصلت معايا عاوز اعرف مين فينا الغلط انا في بنت كانت صحبتي اوي اوي قعدنا 4 سنين صحاب مره واحد قررنا نرتبط وانا كنت بكلم والدتها واخواتها كلهم وهما كانو بيحبوني كلهم ف اي انا قولت لولدتها اني بحبها وعاوزها وافقت وقالت لابو البنت ووافق بس قال مفيش خطوبه دلوقتي ف قولت ماشي عادي وكملنا كلام عادي وبنخرج وبنعمل كل حاجه قعدنا 5 شهور حرفيا مفيش مناسبه جت غير وجبت هديه وفي رمضان خدتها وفطرنا بره وكانت ترن عليا لو عاوزه اندومي اجبلها اندومي وشيبسي وشوكلاته وحاجات كتير اوي حبيتها بجد رغم كل دا جيت في مره خرجنا ومكنش معايا فلوس وقتها بس هيا كانت مخنوقه ف قولت اخرجها وكان معايا 200جنيه المهم واحنا قعدين جبنها اكل وشربنا حاجات ب170 جنيه ف جيت قولتلها عاوز اشوف بطاقتك وفتحت شنطتها لقيت فيها 20 جنيه ف كان المفروض من لذوق مقفلش الشنطه غير ام احط فيها فلوس وفعلا حطيت 30 جنيه وهيا عارفه اني مش معايا غيرهم راحت قالت لامها واختها دا بخيل مع ان والله العظيم صرفت عليها فلوس كتير جداا وجيت عرفت انها كل حاجه بتحكيها لامها واختها اي حاجه بينا مع ان كنت محظرها الف مره بلاش اي حاجه بينا حد تالت يعرفها جت بقت تنشف دمغها ف اقل حاجه بدات المشاكل تذيد وانا حرفيا كنت بحل اي مشكله جت ف يوم قالتلي انا هبعد يومين عشان تعبانه اليومين جابو اسبوع قولت ابعت وبعت امها كلمتني قالتلي هيا محبتكش معرفتش تحبك كلمتها اسالها ازاي قالتلي معرفش مع انك عملتلي كل حاجه حلوه بس معرفتش حتا لما كنت بخلق مشاكل عشان نفركش ويبقا فركشنا بسبب انت كنت بتحل المشااكل بتقولي يمكن عشان انت كنت موفرلي كل حاجه من قبل ما اطلبها حنيه وخروج وهدايه وكل حاجه انت ال كنت بتطلب وبتعمل ف يمكن عشان كدا محبتكش مع ان كلمها غلط واحده غيرها تعشقني المهم فضلنا نتعاتب كتير وقررنا نرجع اصحاب وفعلا رجعنا بس حرفيا مقدرتش نرجع اصحاب دايما بفكر فيها وبحنلها ف جيت عملت بلوك فيس واتس انستا كل حاجه ومسحت كل حاجه بينا معرفش هيا خدت بالها ولا لاء بس مبقتش فارقه انا هموت واعرف انا فعلا ال اديت اهتمام بذياده وانا ال غلطان ولا هيا ال غلط مش عارف احدد ودخلت ف اكتئاب بسبب الموضوع ياريت حد يفيدني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_50327 🇮🇹

منذ 9 أشهر

شعور مرتبك

Jackfruit_25373 🇪🇬 بصي متروحش تعتذري روحي عاتبي والمره الاخيره لو هي اللي اتاسفت وعرفت غلطها ف الحمد لله طب لو هي قاوحت وبينت انها مظلومه خلاص ابعدي عنها لأنها بتاذيكي اكتر ما بينفعك

عرض الكل 4 نصيحة

عبّر عن شعورك بشكل مجهول

طيب ب ان الموضوع بقى over فا أنا لازم أتكلم و انتو تشهدو على الكلام ده وتشوفو مين الي غلطان علشان أنا بجد زهقت وتعبت دلوقتي أنا وصحبتي اتخنقنا تمام لموضوع ان احنا بنتدرب احنا بندرس fashion design تمام يوم الخميس الي فات احنا كان علينا امتحان تمام فا قولنا للاستاذه ان احنا عايزين نعمل واجب وناخد عليه درجه تمام لغايت هنا كلو تمام جينا يوم الجمعه عندنا تدريب تمام روحنا المفروض نعمل الواجب هناك المهم احنا قولنا نعمل مقاسات جديده رغم أني كنت معترضيه و كنت عايزه نعمل نفس المقسات الي كانت ف الامتحان علشان نكون ف الأمان قولت خلاص نعمل زاي ما هيّا عايزه مش مشكله المهم اول ما عملت الضهر كان ناقص حاجه بسيطه ونخلص تمام علشان نعمل الوش تمام المهم فا قولنا أي حد يساعدنا وخلاص ولقينا فعلا حل تمام بس للأسف لقيتها عملت المقسات بتاعت الامتحان وملقتش حد يساعدني علشان اخلص لقيت صاحب التدريب جاي وقال فكرتو تمام المشكله ان المدرسه قالت إننا نمشي بل قواعد بتعتها تمام أنا في ألحظه دي عملت error و حسيت إني دخت من كلام روحت سبت الي كنت بعملو وعملتو من الأول ب مقاسات الامتحان أنا بقول الحاجه لما يعملوها اتنين مع بعض احسن ما يكون واحد بس الي يعمل لوحدو تمام نرجع للموضوع المهم صاحب التدريب مشي وأنا بقى تخنقت قولت همل الي أنا عايزا في الوقت الي أنا عايزا بس بصوت عالي شويه كنت بوجه الكلام صحبتي منغير ما بصلها كل ده بعد ما عملتو كذه مره وتتخنقت علشان كنت زهقت خلاص وحطيت السماعه وشغلت أغاني علشان زهقت المهم في الآخر عملت مقاسات الامتحان والحمدلله خلصتو و قصيتو كل ده وصاحب التدريب بيقولي مالك المشكله إني مش عايزه اقولو علشان مخنوقه منو علشان هو over حبه وهيّا عارف سبب ومش راضيه تقولو من يوم الجمعه لو دلوقتي مش بنكلم بعض تمام أنا امبارح كان عندي حصه قانون فا أنا كنت قايله للأستاذ يعملها البحث علشان يتسلم آخر الشهر رغم كل ده عملتو بارضو قولت مش مشكله النهارده بقى خدت البحث تمام ولا قالت شكرا ولا أي حاجه وهيّا من امبارح مش عملالي اي اعتبار رلا اي حاجه والنهارده خدت لبحث بس حاسه بتئنبت ضمير إنها خدتو كده منغير حته شكرا ولا اي حاجه لو هيّا عايزه التجاهل أنا معنديش اكتر منو بس وأنا مش حاسه إني غلطانه علشان لو أنا غلطانه أنا بعتزر علطول بس أنا المره دي أنا مش هعتزر وانتو من وجّهت نظركم مين الي غلطان بس أنا مش هعتزر عشان أنا كل مره أنا الي بعتزر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_20568 🇪🇬

منذ سنة واحدة

شعور منزعج

عبّر عن شعورك بشكل مجهول

جماعة هحكي حوار حصل وقولوا مين الغلطان 
واحدة صاحبتي (هنسموها دال) كانت راجعة من الكلية و السواق أداها نضارة قالها واحدة كانت راجعة معايا وقعت منها وكده ف شوفي يمكن تعرفي توصليلها هي نضارة نظر و البت قالت إنها غالية و زمان صاحبتها زعلانة عليها ف نزلت عندها و بعتتلي انزل عندي ( سموني شين) المهم كنت في جروب واتساب واحدة عملاه عشان اللي كلياتهم في نفس المعاد ينزلوا سوا وكده ف انا نزلت حوار النضارة في الجروب ، صاحبة الجروب قالتلي انها بتاعتها في نفس الوقت صاحبتي دال قالتلي أن في بنت من مدينة تانية قالت إنها بتاعتها و أنها هتنزل مخصوص عندنا عشان تتأكد هي ولا لا ف انا كلمت البنت اللي عندي قولتلها متأكدة أنها بتاعتك عشان في بنت تانية وحكيتلها قالتلي اه بتاعتي و بعتت صور ليها بالنضارة هي شبهها فعلا بس بردو البنت التانية بعتت صورة بنفس النضارة ف احنا احتارنا بينهم ف بقول للبنت اللي عندي طب العربية اللي كنتي ركباها عاملة ازاي لأن صاحبتي دال قالتلي أن العربية كانت من جوا متبهدلة خالص يعني ده شئ يلفت نظرها و تفتكر العربية ف قالتلي انها مش فاكرة وهي متأكدة أنها بتاعتها و ازاي تبقى بتاعتي و متديهاليش ف قولتلها انا مش بكدبك انا مصدقاكي بس لازم ادور كويس في الموضوع ده لأن دي أمانة ف بعتلها رقم دال قولتلها كلميها هي معاها النضارة هتفيدك اكتر راحت تقولها صاحبتك دي مستفزة و عصبتني دي بتكدبني ف قالتلها ده حقها هي بتتأكد قولتلها انتو مستفزين و عصبتوني بكلامكم و اسألتكم ف صاحبتي بتقولها انتي عندك طول نظر ولا ضعف نظر لأنها هتوديها لدكتور عشان تتأكد وكده راحت البنت قالتلها معرفش مسألتش الدكتور وانتي مالك اصلا و كل شوية تقولها انتو مستفزين وكلامكم يعصب وانا هروح القسم ابلغ عنك انك مش راضية تديني النضارة راحت صاحبتي قايلالها روحي بلغي ومفيش نضارة و قفلت معاها ، صاحبتي راحت تتأكد من البنت التانية عشان متجيش المشوار ع الفاضي و فعلا اتأكدنا انها مش بتاعتها ف كلمت البنت التانية بتقولها هسيب النضارة في محل اخويا روحي خديها و قالت تمام و الكلام خلص بس صاحبتي دال عرفت اخوها الحوار وقالها ازاي تتكلم كده و أنه هيهزقها لما تجيله ف البنت بعتت صاحبتها المحل و اخوها مكنش هناك ف حد خلاها تكلمه و قالها ازاي تكلمي اختي كده و هتبلغي عنها ده انا اللي هبلغ عنك و زعقلها راحت البنت قالتلوا احنا اسفين و الموضوع انتهى حرفيا وانا خرجت من جروب البنت عشان أتجنب اي كلام معاها وخلاص كده 
لقيت صاحبتي بعتالي اسكرينات من الجروب أنها بتقول كويس اني خرجت عشان كانت هتخرجني هي و أننا مستفزين و عصبناها و عايزين الحرق و قالت أسامينا شين و دال و قالت ازاي اخوها يهزقنا كل ده عشان قولنا كذا كذا ده صاحبتي بعد مااتأسفتله و قفلت شتمته ف الكلام وصل لصاحبتي دال و قالت لاخوها ف كان بيرن عليها يكلمها أو يكلم حد من أهلها راحت منزلة في الجروب اخوها اللي مش متربي عمال يرن عليا ولما صاحبتنا ردت غيبتنا زعقتلها و خرجتها من الجروب و عملتلنا بلوكات و في الاخر لما عرفت أن الكلام وصلنا مسحت كلامها كله وقالت ياجماعة ده كان رد فعل مني على اللي حصل وهما عصبوني و بعدها قالت يابنات انا هلغي الجروب اخرجوا منه وقفلته خالص 
دلوقت اخو صاحبتي مصمم يعملها مشكلة ع البهدلة دي واحنا لو كلمناها هتتباجح و تغلط تاني وانا مليش اخوات كبيرة ولو اتكلمت و عملت مشكلة و قولت لاهلي هيقولولي لي تردي و تعملي مشكلة احنا مش بتوع مشاكل وبتاع ف معرفش مين الغلطان خايفة اكلمها تاني اكون غلطانة اصلا وكلامها ضايقني انا مبحبش حد يغلط فيا جوايا شعورين متناقضين واحد عايزني امسكها افشفشها و التاني بيقولي ملوش لزوم فكك بلاش مشاكل ف مين الغلطان😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع