غربة

Nutella_75843 🇪🇬

منذ 3 أيام

شعور محبط

انا حنينه لدرجه مخيفة ان اجي ع نفسي علشان اللي بحبهم بستنى كلمة او حركه تبين ده و مفيش دايما بحس اني مجرد طرف انا كليتي في حتة و بلدي في حته ليا أصحاب في المكانين بس انا استبن بالنسبة للاثنين لاني في الاجازة في بلدي و الدراسه في جامعتي علشان واخده سكن والاتنين عندي اهم حاجه في حياتي و غلاوتهم واحده

Pear_74994 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا مش عارف ابدأ ب ايه ولا ايه بس و انا كان عندي 8 سنين ابويا و امي اتخنقو مع بعض و امي الي كانت الغلطانه و بتحب الفلوس و عشنا معاها سنه و بعديه ابويا خدنا نعيش معاه اه كان انا  عندي 9 سنسن و  اخويا  عنده سنه ويي و اخويا كان أصغر مني بتلت سنين لما ابويا خدنا اكتشفت ان اتجوز تاني و مرات ابويا دي كانت بتحبنا اويي و بتخاف علينا كنا بنقعد مع ابويا اسبوع و مع امي تلت ايام لحد ما جت ايام امي كانت بتعمل مشاكل عشان ابويا يسيب مراته ف اتفقت مع اخواتي يعملو حوار كبير   كانو كبره واحد 9 سنين  و واحد 4 سنين تقريبا و عملو الحوار و امي كانت قايله لهم اعملو كده و هتخدنا نعيش معاها على طول عملو كده امي قالت انا في محافظه تانيه و مش هجي اخدكم  و ابويا كان خلص الورق و كان هيسافر بره مصر و احنا كنا هنترمي في الشارع اه امي لما كانت بتقول لنا مش هخدكو قالت لنا مليش دعوه بيكو انشلا تترمو في الشارع ف مرات ابويا هيا الي خدتنا سبع ايام كان اخويا الي عنده تسع سنين بيكره مرات ابويا معرفش ليه  قعدنا معاه اسبوع ابويا جه و خدنا كلنا  انا و َ اخواتي و مرات ابويا و ام مرات ابويا كانت افضل عيشه عايشه في حياتي معاهم ف بعد سنه وي  جه يوم كنا انا و اخويا الي عنده عشر سنين رايحين  الامتحانات في أوبر ف لقينا  امي الحقيقيه تحت البيت قدام على الطريق ف مرات ابويا كانت مع السواق على التليفون ف امي طلعت تجري علينا انا طلعت البيت جري و اخويا جري عليه طلعت ل ابويا كان نايم ف قلت له امي الحقيقيه تحت البيت نزله و طلع اخويا ف طلعت من البلكونه لقيته بتشتمه و بتشتم مرات ابويا معرفش ليه ف قالت له هاخد ولادي قال له نتقابل في القسم سألنا انا و اخويا ال عنده 10سنين عايزين تعيشو مع مين انا  اخترت ابويا و مرات ابويا و اخويا اختار امه الحقيقية و اخويا الصغير غصب عنه هيروح معاه انا و جدتي و مرات ابويا كنا عايزينه معانا ف اخواتي الاتنين في نفس اليوم خدتهم و انا عيشت مع ابويا و مرات ابويا ف امي بعد اسبوع جت لي المدرسه و قالت لي الى انت عايش معاهم دول وحشين حتي ابوك قلت له لا مش هجي معاكي كانت عايزه تخطفني من المدرسه بس انا كنت كبير و واعي ف كلمت ابويا و راح القسمه و رفع عليه قاضيه انها كانت هتخطفني و لحد دلوقتى انا مشوفتش اخواتي و لا امي بقالي فوق ال 4 سنين انا نفسيييييي اشوف اخواتي اويييييييييي  لاكن هيا قرهتهم فيا و قالت لي من كام يوم انا غضبانه عليك لحد يوم الدين ف انا معرفش انا كده تصرفي غلط ولا وحش انا ب أيدي اني ارجع له بس انا الي مش راضي عشان هيا  سبتنا و كنا هنترمي في الشارع و حجات تانيه كتييييير اوي بس مش هعرف احكيه ف هيا كده غضبه عليا لحد بوم الدين ربنا هيكون غضبان عليا فعلن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_73565 🇪🇬

منذ أسبوعين

شعور مرهق

طول حياني اهلي من بيخرجوني من البيت الا في الضروري لما بدأت اروح المدرسه حاسه بغربه غريبه اوي ومش عارفة اتعامل مه الناس وثقتي بنفسي ضايعه مبقتش اقدر اتكلم غير من خلال الموبايل وللأسف بتعلق بناس ممكن معرفش شكلها حتي تعلق آلمني ونفسي اتخلص من كل ده او في نصيحه تفيدني ارجو مشاركتها وجزاكم الله خيرا

Popcorn_73621 🇪🇬

منذ أسبوعين

شعور مكسور القلب

هو الواحد لو بيحب واحده وهيا جت عليها فتره بتحب تكلمو وبتشارك معاه حجات كتير وتفاصيل والاغاني الي بتحبها وبيختارو مع بعض الفساتين وكدا وبعدها بفتره مبقتش بتحب تكلمو زي الأول وهو كل لما يحاول يفتح موضوع هيا بتقفله وهو مش عارف يعمل أي مع العلم هو بيحبها اوي وحب بجد مش الهبل دا وبيحبها من وقت كتير اوي

Apple_68133 🇪🇬

منذ أسبوعين

شعور ضائع

بتعملوا إيه لما فجأة تكتشفوا إن العمر عدى والسنين راحت ، وإنكم كنتوا ماشيين في طريق مش طريقكم، طريق شكلكم اتسحبتوا ليه غصب عنكم أو اتخدعتوا فيه تحس إن كل خطوة كنت فاكرها إنجاز، طلعت مجرد دوران حوالين نفس النقطة تيجي اللحظة اللي تبص فيها حواليك وتلاقي نفسك غريب المكان دا مش مكانك، الناس دي مش ناس

Lemon_68666 🇪🇬

منذ 3 أسابيع

شعور محبط

اولادي بيعقبوني علي اخطاء صادرت مني ومن امهم ولكن هنا شفين اني الوحدي استهل العقاب فسبوني قاعد لوحدي وقاعدين مع امهم مع اني كونت بحاول اسعدهم وبلبي ليهم طلبتهم كلها بس هما شافين اني وجب عليا لكن ليس لي الحق في التعبير عن اي شئ تعبني انا بموت لاني بحبهم جدا هما كل حياتي

Chilli_29955 🇪🇬 حاول ترجع الأمور بينك وبين امهم

عرض الكل 5 نصيحة

Waffle_65620 🇸🇦

منذ 3 أسابيع

شعور عاطفي

عبّر عن شعورك بشكل مجهول

الغربه..
الكل شايفك في بلدك ناجح و قادر تعمل ثروه عظيمه و بتعبي شكاير دراهم و ريالات و دنانير و دهب و ياقوت و مرجان و بتاكل صلصه و جبنه بعيش مقلحف خشبي القوام عشلن تكنز فلوس وبس.
محدش شافك وانت ماشي سايب ابوك مريض و بيعيط عشان انت ماشي و سايبه بعد ما لقى فيك الونس فترة اجازتك.
محدش شاف فرحة اخوك و اختك بمجيك اجازه و دموعهم اللي بتودعك وانت ماشي سنه كمان بعيد عنهم فيها.
محدش شاف احساسك وانت بتسيب كل حاجه عشتها و بلدك اللي كان نفسك متسيبهاش و يكونلك فيها فرصه تعيشك كويس بس انت مضطر تعمل كده عشان اهلك من غير غربتك هيتعبوا.
محدش شافك وانت اي الم حاسس بيه بتخبيه عن اهلك وناسك عشان يشوفوك بتضحك و كويس.
محدش شافك قاعد مع ناس غريبه عنك ومفيش خصوصيه و ناس معاك في شغلك بتزرك عشان تاخد بنط عند مديرينك.
محدش شافك وانت راجع و جايب كيس ادويتك اللي ممكن تحتاجها هناك و لبس السنه الجديده اللي بيخليك تكع كل حاجه.
الصوره الكامله للغربه هي انك بتضحي بكل حاجه كنت عايش بيها ومعاها عشان تاخد مرتب يساعدك و يساعد اهلك كانك بتبيع نفسك عشان ابسط حقوقك.
اخر كلامي بقول اللهم لك الحمد والشكر دائما وابدا على كل نعمه ربنا انعم عليا بيها و على كل رزق كتبهولي ربنا في ارضي و ارض غيري.
انا مش ناقم ابدا الحمد لله.
أنا بس حبيت انقل صوره ممكن متكونش كامله و افضفض في نفس الوقت لأني راجع للغربه تاني.
ربنا يسعد قلوبكم و يفرحكم جميعا.
❤️💙

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_32968 🇪🇬

منذ 3 أسابيع

شعور مكسور القلب

عموما اكتشف أن النضج البدري علي قد ماهو حلو علي قد ما هو صعب طب ازاي حلو لأن انت بتبقي صغير وفاهم كل حاجه بتبقي عارف الكبير دي كلامه ماشي ازاي بيحور ولا صح وصعب لأن انت ساعتها بتبقي شايف أن الي في سنك دول اطفال طايشين مش بيفكروا تفكيرهم لسه مراهق أو طفولي مبتبقاش عارف تصاحب ولا بيفهموك ولا بتفهم

French Fries_72297 🇪🇬

منذ 3 أسابيع

شعور غاضب

السلام عليكم ، مش عاوز اطول عليكم ، أنا طالب جامعي مغترب ، ومتي طالب جامعي بيستأجر بيت مع زملائه وكل واحد يحاسب على غرفته ، المهم ، أنا وزميل ليا استأجرنا شقه غرفتين بدون تكييف وأثاث مقبول نوعا ما لكن السعر مبالغ فيها لكن لم نكن نعلم سعر السعر وكنا مضطرين نظراء لضيق الوقت ، فيد باك بسيط : صاحب الش

Onion_61988 🇪🇬 معنديش اجابه للقصه غير حصل خير و متشغلش بالك هتشرب كوبايه شاي ع القصه دي و تنساها ...بعد كدا لما تيجي تاجر شقه تتفق على كل حاجة ما تمضي و ربنا يكرمك ف اللي جاي

عرض الكل 2 نصيحة

عبّر عن شعورك بشكل مجهول

فيد باك بسيط : صاحب الشقه هو عجوز كبير في السن هو وزوجته

في البدايه كل شيء مشي على ما يرام ، لكن كان هنالك شيء مزعج نوعا ما ، وهو بان العجوزين كانوا يزورونا من اجل اثاث غرفتهم المغلقه ( الغرفه الثالثه الذي ليست في الايجار ) ، ففي البدايه لم اعر اهتمام بالأمر طالما مش مطولين

لكن الأمور من بعدها بدات تسوء ، كان هنالك كاميرا في المنزل ، حرفيا ذلونا بيها ( اصل بتحميكم اصل مش عارف ايه إلى آخره. ) لكن لم اعر اهتمام تجاه هذه الشيء

بعدها زميلي غادر بسبب ان ألسنه الدراسيه انتهت لكن أنا لم أغادر بسبب الصيفيه، فبعد مناقشه طويله قال لي صاحبه المنزل بان تأتي هي وزوجها إلى غرفه زميلي وأحسب أنا فقط على غرفتي مقابل ان ياتوا بالقليل من الأثاث ( ضعوا تحتها ألف خط ) في البدايه الأمور كانت تسير بشكل طبيعي إلى ان في يوم فجاه قرروا ان يحددوا البيت كامل دون ما اتفقاه عليه ، ( عامل دهان ونجار وسباك ) ، والذي زاد الطين بله هو أنهم وضعوا أثاثهم في غرفتي الشخصيه ؟ وضعوا ثلاجه ووضعوا أشياء اخرى وخلعوا الستاره

لكن لم أغير اهتمام وقلت : كلها مجرد أسبوعان وتنتهي الأمور ، إلى ان قرب موعد انتهاء العقد ، بكل اندفاعيه أتت لتتهمني بانني أتلفت كل من ( مكيف الاسبلت في الصاله - البوتوجاز - اثاث الصاله - السرير - المنزل - وأنني أيضا كنت أستضيف بعض من زملائي - قعده التوليت- الشفاط - النيش- الفرش ) وفوق كل هذه تمننت علي وقالت : احمد ربك جبت لك التامين ، هنا أنا غضبت جدا وخاصه بانني كان لدي ( اكتئاب واستخدم له أدويه وكذلك وسواس قهري - امتحانات صيفيه ورسوب في اول سنه - ضغط الغربه لأول مره - الكتمان عشان عمري لم أتحدث إلى اهلي عن مشاكلي التي حصلت لي في الغربه - ضغوط نفسيه ودراسيه )

بعدها حدثت نوبه غضب بيني وبينها لدرجه بانها قالت بانني مطرود ( وغداء لدي امتحان )

فرميت فلوس التامين في الأرض وقلت لهم بان يصلحوا اثاث الذي يدعون بانني أنا من دمرته

لكن بعدها من لطف الله بي بان زميلي الذي يقابل شقتي سمع الشجار وقال لي بان ائتي الى منزله

لكن مع المناقشه معاه قال لي بانني غلطت بسبب انني رميت الفلوس في الأرض نظرا باسلوبهم الوقح

السوال هو هل أنا مخطى ؟ 🤷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_71708 🇪🇬

منذ 3 أسابيع

شعور محبط

مش عارف اجيبها ازاي بس انا مش مستني راي من حد يمكن انا بفضفض بس متجوز بقالي ٤ سنين و بقالي فترة بحس ببرود ناحية مراتي يعني بحس بشهوة جنسية و ببقي عايز اعمل علاقة كتير بس هي دايما مشغولة بالعيال و مسحولة معاهم ف بتفضالي كل فين و فين بيبقي رد فعل مني اني لا مش عايز او بتجنبها رغم اني ممكن احتلم اصل

Waffle_65620 🇸🇦

منذ 3 أسابيع

شعور مرهق

انا داخل افضفض هنا انا عمري ٣٧ سنه و بدات اشتغل بفضل الله في بلد عربية بمرتب عادي بالنسبه لهناك بس بالنسبه لمصر كويس الحمد لله اما اتغربت يعتبر حرفيا اهلي كلهم تعبوا فجاه ابويا ووامي و اخويا تحديدا واحتاجوا عمليات و اشاعات و فحوصات بقيت تقريبا ببعت كل شهر عشانهم و عشان تكاليف الاكل اللهم لك الحمد مش

Mango_71971 🇪🇬

منذ 3 أسابيع

شعور عاطفي

وحيد ومفيش حد بيحبى ولا حتى أهلى ولا اخويا وحاسس إن انا تقيل على الناس وبحس ان مفيش حد بيحترمنى ولا حتى مهتم بيا حتى اقرب الناس ليا بحس بكدا بردو وحتى لو غبت محدش بيهتم بيا سوا صحابي او قريبى بجد مش عارف اعمل ايه

Biscuit_20744 🇪🇬

منذ 3 أسابيع

شعور عاطفي

السلام عليكم ورحمة الله وبركاته ، عايزة اعرف رأيكوا بخصوص حاجة ، هو دلوقتي لو انا و صاحبتي مع بعض بقالنا اكتر من 10 سنين و المفروض اننا كنا نعرف كل حاجة عن بعض يعتبر و بنقول كل حاجة لبعض حتى لو مش مهمة كمشاركة يعني و كده ، بس في الفترة الاخيرة حاسة انها بقت تخبي عني حاجات كتير و تكذب عليا رغم انها

Carrot_71302 🇪🇬

منذ 4 أسابيع

شعور محبط

لو رجع بيا الزمن مكنتش آمنت لمراتي تطلع بره مصر بعيالي .. بقالي ٣ سنين و٣ شهور ويومين مسمعتش صوتهم حتى !! وحاولت بكل الطرق مفيش فايده ومش بتكبر لاهلها ومفيش قدامي غير اني اتابع حسابها واتحمل اللي بتنزله على امل انها تنزل صور جديدة ليهم

Cherry_55017 🇪🇬

منذ 4 أسابيع

شعور مكسور القلب

أنا عايزة أخد رأيكم في حاجة. دلوقتي أنا بحب شخص، وبسبب ظروف الغربة والفلوس كان كل حاجة بجد في حياته بيظه، وبعدنا مرة واحدة أنا مش عارفة إيه سبب كده، مع العلم إن إحنا حب أكتر من ٦ سنين. المهم، عدى تقريبًا سنة مش بنتكلم، مع إني حاولت آكلمه كتير وهو ما كانش بيرد عليا خالص من شهرين كلمني وقال إنه أخد قر

Cherry_63854 🇪🇬

جوزى عاوز يشوفنى مع واحدة وانا مكسورة

انا اسفة فى موقف وحش اوى انا فيه ونفسى افهم بس أنا هو جوزى عادى يبقى حابب يشوفنى مع واحدة قدامة انا مخنوقة بجد ومش قادرة اتصرف ومكسورة جدا عارفة انة بيخونى بس كبرت دماغى لكن عاوز يدخلنى انا فى دوامتة وكتير بيقول كدا فى جد او هزار انا عاوز اشوفك مع واحدة والاغرب انى اتفاجأت وهو سكران بيقولى عاوز اشوفك مع صحابى ولما يفوق يقول كنت بهلوس عادى انا بجد مابقتش فاهمة حاجة ... ...عرض المزيد

3 الدعم

41 نصيحة

Kiwi_69907 🇪🇬

ليه خدعني وقلب خطيب على غيري وأنا استنيتوه؟

حبيت شخص فتره واتكلمنا وكان لطيف جدا معايا لحد من شهر قالى انه هيبعد وانه لسه مش مستعد وقدامه سنه عشان يقدر يخطب بس هفضل ف باله وقلتله انى هستناه وامبارح لقيته منزل بوست خطوبته على واحده تانيه مقدرتش استوعب الاول وكنت هاديه جدا ونمت وصحيت وروحت شوفت البوست تانى كانى كنت بحلم قبل ما انام ولقيته حقيقه اسأله كتير جت ف بالى ملقتش اي اجابه عليها حفظت كرامتى ومرضتش ابعت واسأله ليه بس حاسه قلبي مكسور اوى ومش قادره افوق من الصدمه ...عرض المزيد

1 الدعم

28 نصيحة

Croissant_75863 🇪🇬

بكره الرجاله ومش قادره اتقبل حد يدخل حياتي

حاسه اني بكره الرجاله كلها كصنف ملهومش امان بجد وشايفاهم وحشين علي طول مش عارفه انا مريضه ولا اي لكن بجد مبقاش ف رجاله اليومين دول علي طول عيال وتافهين وبيجروا ورا البنت اللي مبينه جسمها وشعرها معرفش ازاي بجد ف اي لكن مش دي صوره الراجل اللي اتربينا عليها واللي هو راجل يقدر يحافظ علي اللي معاه انا مش قادره اتقبل حد يدخل حياتي وبرفض ناس كتير علشان بس مش قادره اتقبلهم ومش عارفه اعمل اي ...عرض المزيد

2 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع