عيله متدينه قصص حقيقية - 1 تجارب، ونصائح، ودعم

لماذا تم تغطية هذا المحتوى؟

توهيل هو منصة لمشاركة تحديات الحياة. قد يحتوي بعض المحتوى على مصطلحات أو حالات غير مناسبة لجميع المستخدمين. للحفاظ على بيئة آمنة، نقوم تلقائيًا بتغطية مثل هذا المحتوى. يمكنك اختيار عرض المحتوى أو التفاعل معه.

تعرف على المزيد عن إرشادات مجتمعنا.

إرشادات المجتمع

الطلبات المالية، بما في ذلك البحث عن عمل أو اقتراض المال أو طلب التبرعات، غير مسموح بها.

طلبات اللقاءات أو الصداقات أو العلاقات غير مسموح بها.

مشاركة أو طلب المعلومات الشخصية بما في ذلك الأسماء أو أرقام الهواتف أو عناوين البريد الإلكتروني أو المواقع الجغرافية ممنوع منعًا باتًا.

النقاشات السياسية، والأخبار، والترويج للقضايا، والنقاشات الدينية غير مسموح بها.

استخدام لغة مسيئة أو ملاحظات مهينة غير مسموح به.

الترويج للخدمات أو المنتجات غير مسموح به.

أعطِ نصيحة

https://ar.toheal.app/problem/مشكله-الخطوبه-والندم-علي-البنت-الاولي-40390

إبلاغ

عبّر عن شعورك بشكل مجهول

انا عندي مشكله 
مش عارف بقي دا غباء ولا اي بس انا مبقتش فاهم نفسي خلاص 
طيب انا 24 سنه لسه متخرج من حب صغيرين كده والحمد لله شغال محاسب لشركات وكده بتنقل كثير ما بحبش اثبت في مكان واحد احيانا بيجي لي سفر فبسافر وبفكر كثير قوي ان انا استقر بره مصر بس ده في الاول في الاخر مجرد تفكير يعني
اليومين دولت انا في مشروع خطوبه انا عيلتي متدينه الحمد لله ولحد دلوقتي كده خطبت اربع مرات انت متخيل وخذي التقيله انا السبب وهنا بقى ابدا بص يا سيدي 
زي ما قلت قبل كده احنا عيله متدينه فعلا ما هاجي اخطب هخطب اللي شبهي والعيله اللي شبهي تمام قالوا لي يا ابني ايه اللي عايز تخطبها دي مواصفاتها ايه قلت لهم حاجتين بس تكون طيبه وبتعرف تطبخ 😁 عشان انا بحب الاكل 😅المهم 
1 البنت كانت بسم الله ما شاء الله متدينه ومحترمه ومنتقبه زي ما انا عايز وكمان كانت متخرجه من كليه دراسات اسلاميه قسم شريعه ومش بتخرج من البيت بالمعنى الحرفي خام فبعد ما دخلت البيت المحترم ده وشفت الناس دي وقعدت مع بنتهم هي اربعه ايام وحست ضميري بيوجعني هتظلمها معاك هتبهدلها معاك هتعمل فيها وتخلي لا يا ابني بلاش وكمان البنت كانت بدات تتعلق بيا شويه فالحمد لله ان انا مشيت بدري بدري
2 البنت كانت طيبه محترمه ما كانتش منتقبه بس كان شكلها حلو قوي قوي وكانت شخصيتها زيها قويه قوي يمكن ده اللي شدني ليها اصلا حبيت فيها انها جريئه بتطلب مني من غير ما تخاف ولا تتكسف عيلتها متدينه برده وهي فاهمه الدنيا كويس خطبتها شهر بعد كده ايه الوضع بقى ماساوي مش بتسمع الكلام بقت متعبه لو حصلت مشكله لازم حد من الاهل يتدخل والمواضيع الصغيره بتبقى كبيره من ما فيش كذا مره قلت لها خلي اللي بينا بينا لكن كان في كلام كده كنت بقوله زي اختبار بشوف هيطلع بره ولا لا وللاسف طالعه بره وفركشت
3 البنت دي كانت محترمه خطوبتنا فضلت اربع شهور حسيت كده ان انا اتاقلمت معاها فهمتها وفهماني وحسيت ان كل حاجه تمام وخلاص بقى بدات اجهز نفسي عشان اسافر وكده بس كان في عيب انا ما خدتش بالي منه او هم اثنين 
بس عملت نفسي من بنها عشان الدنيا تمشي ما خدتش بالي ان الدنيا هتكبر كده امي ست طيبه وعلى نيتها وكمان كبرت في السن وانا ما عنديش اخوات بنات في البيت يساعدوها وكده فكانت بتطلب من خطيبتي انها تساعدها فكانت بتطنط عليها وترفض بطريقه وحشه كدا وانا الا امي اموت ولا حاجه تزعل امي ولما سالتها انت بتعملي كده ليه طلعت السوشيال ميديا لاحس دماغها حرفيا معلومات عن الحما وان الحما دي ست شريره الجواز لازم تتحكمي في الراجل وتتعبيه عشان يفضل جنبك وكده دي اول حاجه ثاني حاجه كانت مستغله قوي انا برده لسه شاب في اول حياتي مش كل حاجه هقدر اشتريها لها اكيد كفايه ان الاهلي هيساعدوني في الشقه وان اقدر اسافر وكده لكن هي عمرها مراعت دا وهنا قررت اني اقفل الصفحه دي لكن بصراحه كانت بنت محترمه وغلبانه في نفسها كده ربنا يرزقها بالاحسن
4 البنت دي كانت مديره في شغلها رغم اننا قد بعض هنا قررت اطلع بره الدائره بتاعتي شويه واخد بنت من سني يمكن مش متدينه بالشكل الكافي بس حاجه زي كده باذن الله نظبطها مع بعض في المستقبل وايدي في ايدها كل حاجه تبقى تمام الخطوبه دي قعدت اسبوعين فقط زي ما قلت قبل كده هي بنت محترمه وكانت شغاله مديره في الشركه اللي هي فيها وليها شخصيتها كده وحكيمه في نفسها وده اكثر حاجه عجبتني بيها بس كان في مشكله في حياتها رجاله كتير مش هنقول اخواتها الثلاثه الرجاله ممكن نبدا من ولاد عمها الخمسه واولاد خلانها ولاد عمتها واولاد كتير العيله كلها ولاد بس في الاول في الاخر دي العيله افاجاء ان عندها في الشغل ولد صاحبها وانا الصراحه كان ليا واحد صاحبي شغال معاهم في الشركه فكنت بروح هناك من ناحيه اشوف المكان اللي مراتي المستقاليه شغاله فيه وافهم البيئه اللي هي بتتعامل فيها فمن قعدتي هناك اتعرفت على كذا حد بس ما عرفتش نفسي اني خاطبها وطالما مطلعين عليها اسماء مش تمام وطلع انها كانت بتعرف شباب كتير قوي مش ماضي مثلا وخلاص لا دول اكسات هم موجودين في حياتها ورغم اني ما عرفتش نفسي لاغلب الناس اللي اتكلموا بس صاحبي اداني نصيحه قال لي فكك من كلام الناس ده كله البنت دي محترمه وبنت حلال بس مش بتاعتك مش لايقه عليك مش دي اللي هتقدر تعيش حياتك معها صح وهي فعلا كانت محترمه جدا معايا على الاقل ومن هنا مشيت 
دلوقتي بقي 
حاسس بالندم بسبب اول بنت عرفتها واني ازاي ما فضلتش معاه بس بيرجع تاني ضميري يانبني وندمت بسبب ثاني بنت شخصيتها قويه برده بس كانت طيبه وكنت بقول لنفسي شويه وقت وكله يبقى تمام حتى الثالثه برده كانت كويسه بس لا الا موضوع امي حتى الربعه بقول لنفسي كنت اديتها وقت اكتر كانت الحاجات اللي مش عجباني غيرناها مع بعض بس بقول لنفسي برده الانسان طالما متعود يعمل حاجه مهما حصل هيفضل يعملها برده حتى لو بمعدل بطيء والله اعلم ممكن ما كنتش اعرف اغيرها 
بس دي مشكلتي قولوا لي رايكم 
وينصحوني نصيحه شكرا😇🌹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

هناك محادثة

توجد بالفعل محادثة خاصة بينك وبين Mango_28239 🇪🇬

تم إرسال النصيحة

تم إرسال نصيحتك كرسالة خاصة. يمكنك العثور عليها في المحادثة بينك وبين Mango_28239 🇪🇬