عياط بحرقة

Pistachio_64428 🇪🇬

منذ أسبوعين

شعور مستنزف

عبّر عن شعورك بشكل مجهول

انا بجد مش عارفة فى اية انا كل ما احب حاجة تطلع مش نصيبى ولا اسمتى ولا بتعتى دايما بتروح لغير كذا حد أعجبت بية وكل ما اعجب بحد يخطب اويتجوز والله حرفين كل ما اميل لحد ألاقي خطب او وانا ماشية فى شرح دخلت محل اتفرج على مكياج واكسسورات وكدة والراجل الى فى محل يقولى عجبك اية نقى الانتى عوزاة ومهتم ويورينى دة ويفرجنى على دة وكل مرة يعملى خصومات وبشترى من عندة على طول بس طبعا على فترات متباعدة ممكن ب ٣ شهور مرحش اشترى منه بس هو جوايا ومقولتلهوش طبعا لانة عيب وميصحش انى معجبة بية كل مرة حد أعجب بية اكتب جوايا ومقولش للحد دة وبعدين روحت المحل تانى اشترى من عندة حاجات بيعملنى بنفس الاهتمام انا عارفة وواثقة ومتأكدة ان هو بيهتم علشان انا زبونة عندة وكدة مش علشان سواد عيونى يعنى اليوم دة لمحت فى ايدة دبلة سودة وفيها خطين فضى تانى يوم روحت بس علشان صحبتى عجبها حاجة كنت انا جيبة من عندة روحت أجبلها واحدة وكدة هو كان موجود سلم عليا وبس المرادى وسبنى المرادى لزملتة الى شغالة معاه سلم عليا وانا دخلة وانا طلع بس المرادى اضيقت انة مهتمش بية زى كل مرة ومن بعدها مروحتش المحل تانى قولت اعدى فترة كبيرة وبعد كدة اروح تانى بس فعلا المشكلة انى كل ماعجب بحد يطلع متجوز او خاطب لحد مانهرت فى مرة روحت اشترى عصير قصب واتمشى على بحر الدموع بقت بتنزل بقيت عملة زى موج البحر بتيجى وراة بعضها وحرفين بعيط بحرقة  ووانا بعيط بقول لربنا متزعلش منى عرفة انهم كلهم مش نصيبى  بس بحاول أقوى واكون صبورة فى مشاكل كتير عندى وحورات كتير بس مش هطول عليكم  حد مر بنفس الى مريت بية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_62497 🇪🇬

نصيحة بخصوص الأخلاق والرجوع لربنا

السلام عليكم ورحمة الله وبركاته قال الله تعالى ل نبيه محمد صلى الله عليه وسلم (وَإِنَّكَ لَعَلى خُلُقٍ عَظِيمٍ) فهذه صفه من صفة الرسول وان الله تعلى لم يقول له وانك لعلى علم عظيم فا مش مهم انت عندك علم قد اي اكتر ما مهم انك عندك خلق قد اي وقال رسول الله صلى الله عليه وسلم انما بعست لي اتمم مكارم الاخلاق فا يا اهلي ويا اخوتي الي انا بشوفه هنا حاجه في قمة القرف وفي قمة البعد عن الدين جامد نحاول نرجع لي ربنا ونستقيم دي نصيحه مني ليكم وليست امر وانا مش بفرض رأيي على حد اتمنى لكم التوفيق والنجاح ...عرض المزيد

5 الدعم

0 نصيحة

Apple_72583 🇪🇬

مشكلتي إني بأسامح الناس بسرعة وبعتذر وانا مش غلطان

أنا م عارفه اعمل اي عندي مشكله ف شخصيتي ف ناس قريبه مني تعرفها وف ناس لا هي مشكله كبيره جدا بحسها لاني لو حد عرفها ممكن يجي عليا جامد او يستغل الحته دي عندي المشكله هي اني عندي قدره اني اسامح الناس بسرعه جدا وبطريقه غريبه اوى ومهما عملوا ممكن اضايق واتعصب لكن بعديها بشويه بحس حاجه بتزقني كدا عشان اكلمهم واصالحهم حتي لو هم غلطانين ف حقي ودي الكارثه اني بمكس نفسي بالعافيه انا م قاسيه عندي حنيه الدنيا كلها فقلبي انا معرفش لي انا كدا معرفش والله انا حابه كدا وكاره كدا ف نفس الوقت لاني بحاول اخلي الناس تحترمني ومحدش يقلل مني او يجي عليا لاني انا بحاول اتغيىر عن زمان لاني زمان كنت حرفيا شخصيه غريبه جدا ولا بعرف ازعل لوقت طويل ولا بعرف احط حدود لحد ف انه يزعلني او كذا انا نفسي اعرف ازاى اتماسك واقسي قلبي شويه وابطل الحنيه اللي بتدفعني اني اكلم الشخص او اعتذرله واطلع نفسي غلطانه رغم اني م غلطانه عشان قال اي بخاف ع مشاعره انا بحس كدا بجد كرهتني 💔 ...عرض المزيد

1 الدعم

12 نصيحة

Strawberry_71387 🇪🇬

تعبت نفسيًا من صدمة التحرش اللي مريت بيها

السلام عليكم ورحمه الله وبركاته حابه اقول مشكلتى يمكن ارتاح او حد يقدر يفيدنى بنصيحه ،انا دلوقت بنت 19سنه وانا طفله شوفت بعينى حالة إغت*صاب ولما الشخص دا شافنى كان معاه ل سكينه ل مطوه مش فاكره كنت بحاول اهرب ووقعت وعورنى ف رجلي بجد انا واقتها مش هقلوكو حالتى كانت عامله ازاى مكنتش عارفه تكلم ٣ ايام ،محكتش لحد طبعا زدا انا ندمانه عليه انى محكتش جيت لما كبرت شويه كنت ف ٤ او ٥ ابتدائى اتعرضت ل حاله تحرش ان ابق ف مكان وواحده يحاول يعتدى عليا انا افتكرت الموقف الى شفته وحرفيا جسمى اتخشب من الصدمه والشخص دا كان هيتطاول ويبوس*نى بس الحمدالله مرا واحده بعد عنى ، ف اولى ثانوى نفس الكلام اتعرضت لحاله تحرش واحد جه قعد جنبى انا اتصدمت لما لاقيته بيمدح فيا وانا ببعد وهوا يقرب انا بجد حاله الصدمه بتجيلى ومش بقدر اتكلم ولا ااعمل اى رد فعل وقبل ما يحط ايدو عليا فوقت وزعقتله ونزلت علطول ولما نزلت اغمى عليا ،انا تعبت نفسيا من الى حصلى وكل مافتكر الى مريت بيه بتعب اكتر بقيت اشمئز من اى ولد او لو مثلا ف موصلات حتا لو واحد كبير قد جدى قعد جنبى بقعد اعيط ودماغى بترسم سيناريوهات انا تعبت بجد ممكن حد يفيدنى او يهون عليا انا بجد يشهد ربنا لبسى كويس جدا واسع مش ببين شعرى حتا ولا بحط ميكب ولا كريم حتا ...عرض المزيد

2 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع