عودة

Coffee_56870 🇪🇬

منذ 8 ساعات

شعور متوتر

كانت كل القرارات صعبه دوما وانا لم احسن الاختيار فكلفنى هذا كل ماكنت املك فاخترت العوده رغم كل الالم وماكلفنى في البدايه ان أسير هذا الكريق وان أعود لكنى عدت والان ماذا بعد ليتها تمحى وماذا بعدلك حتى عندما احول محلها لا يمر الان بسهوله فماذا أفعل انسي مافات يشغلنى ماهو قادم ارمى قلق ماهو قادم يؤلمنى

Croissant_56695 🇪🇬

منذ 20 ساعة

شعور مرتبك

Strawberry_55445 🇪🇬 التقلبات السريعة اللي بتحصل دون مقدمات ولا تفسيرات ديه وحشه اوي و مدمرة بالنسبة ليا لو انتي متقبله الموقف فالافضل انك تسمعي منه ده حصل ليه، لقيتي وجهة نظر مقنعة تمم و وضحي ليه أن ده مرفوض يحصل تاني عشان نكمل سوا و كده هتكوني حافظتي علي نفسك و مش هتكرر تاني

عرض الكل 13 نصيحة

عبّر عن شعورك بشكل مجهول

انا كنت بحب واحد من ثانويه عامة وهو كمان المفروض بيحبنى .. علشان مطولش عليكم سيبنا بعض و خطب واتخطبت و فركشنا و رجعنا و سيبنا كنا عيال ساعتها
المهم جينا من حوالى سنتين كنا مع بعض و يمكن دي كانت اكتر فترة اقدر اقول اننا كنا متفاهمين فيها .. مفيش اى عكوسات محدش فينا متعب بقينا ناضجين اكتر و بنتعامل بالعقل والمنطق و الحب كان الموضوع ماشى فى منتهى السلاسه والمفروض ان الفترة دى خلاص بنجهز نفسنا علشان الاهل يعرفو و ناخد خطوة رسمى الدنيا تبقى حلوة على كدة لا طبعا ليه وليه لازم خازوق 
الخازوق فين بقى .. نمت و صحيت لقيته اختفى و عاملى بلوك مكالمات .. ابعت واتساب واصل صح واحدة قلقت عليه .. قعدت فترة مش عارفه أوصله لدرجه انى فكرت اروح البيت عند اهله اسأل عليه او ادور على اى حد من صحابنا على السوشيال ميديا اكلمه اطمن منه عليه ..لحد ما جربت ادخل من رقمى التانى هو ميعرفهوش وابص على الواتساب بتاعه لقيت الصورة موجودة و كل حاجه زى ما هى .. طب ليه حصل كده وليه اختفى مرة واحدة .. ما كان ممكن ينسحب عادى احنا علاقتنا كانت صريحة لدرجة اننا لو حد فينا مش قادر يكمل  بنقول و بنكون صحاب لاننا قريبين اوووى وفاهمين بعض 
المشكلة بقى انى حلمت بيه من كام يوم و كنت مستغربه ايه اللى جابه على بالى بعدها بيوم مثلا لقيته عمل سين لستورى كنت حطاها قبل العيد عملت عبيطه .. بعدها بكام يوم حط ستورى .. مفتحتهاش او قفلت السين و قفلت كل حاجه علشان ميبانش انى شوفتها 😅لقيته كاتب اللهم اغفر لابى معرفش هل باباه اتوفى ولا دى دعوة عاديه حاططها على اساس لو شوفتها افتح كلام معاه المهم قولت كأنى مشوفتهاش .. لقيته انهارده بقى بيتصل عليا من رقم غريب رن رنتين كده و قفل 
انا مش عارفه اعمل ايه .. هل لو كلمنى اسمعله و اديله فرصه يبرر موقفه و اللى حصل من سنتين ولا ميستاهلش اصلا انه ياخد فرصه تانيه ؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_56252 🇪🇬

منذ يوم واحد

شعور محبط

عبّر عن شعورك بشكل مجهول

انا عايز اعرف الناس اللي بتزهق او بتزعل من حياتها بتزعل لبه او ايه الوجع اللي بيحصلهم لم حد يسيب حبيبته او كد انا واحد عايش من زمان و بقيت في الجامعه دلوقت و عمري م حبيت واحده في حياتي و كانت حياتي طول عمرها بمشيها بالورقه والقلم عمري م جربت العواطف ابدا في حياتي و فجأه ضاعت مني كليه عمري عل درجه و بعدها بأسبوع امي توفت قدام عنيا مع انها كانت اهم شخص في حياتي هي اللي علمتني كل حاجه و بقيت عايش بس و بحاول مع اني اعتقد اني ممكن يكون عندي اكتئاب ولكن انا مش بعترف بالكلام الفاض د و معنتش قادر اعمل اي حاجه في حياتي ولكن بزق فيها و ماشيه و بقيت مجرد شخص و لكن انا كنت خاتم القرءان و امام مسجد مع اني كنت أصغر واحد و كان قبل وفات امي كنت بدعيلها في كل سجده بالشفاء و لكن ربنا حبني و اخترها و من بعدها و انا معنتش امام و معنتش بقدر اخرج من البيت و فضلت ٦ شهور يوميا ببكي و لكن الحياه  عمرها م وقفت لحد ف ممكن نمشيها عادي بالرغم من انب كنت عملت اللي عليا و زياده في كل حاجه ضاعت مني وبالرغم من كد ضاعت و عندي صحاب بيعملوا حجات وحشه كتير بيتكلموا بنات و بيشربوا سجاير و مش بيصلوا و مش بيقربوا من ربنا باي طريقه و مازالوا و انا مازلت انا بحاول ارجع لربنا تاني و بالرغم من كد كل حاجه بتشتد اكتر و تزيد في السوء مش بتتظبط مع اني بقيت بزود في الطاعات و كل م اقول احسن الاقيها اسوء  ف مش عارف اعمل ايه ......🙂🙂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_22069 🇪🇬

منذ أسبوعين

شعور مرهق

مش مصدقة اني رجعت لتوهيل تاني اخر حاجة كتبتها كانت من ٧ شهور انا البنت اللي قالت إنها بعدت عن ربنا واستمع اغاني كتير وما الي ذلك مش عارفة هتفتكروني ولا لا المهم انا دلوقتي رجعت لربنا من غير سبب او مقدمات وبطلت الذنب اللي كنت بعمله كمان و تقريبا بطلته لان الشيطان بقي بيلعب علي الأحلام لما ملقاش الحقي

Hazelnut_52786 🇪🇬 اختي الكريمه. ربك بعدك عن الحرام وعن المعاصي في شهور قليله. وباذن الله هاتكوني علي طاعه الله في الحياه وفي الممات . لكي خالص الدعوات بالهدايه والاستقامه . واعرفي انك قويه بقربك الي الله . واعرفي من قرار نفسك انك قويه جدا لانك وصلتي لنقطه لا يستطيع احد في سنين ان يوصل لها وهي الاستقامه في الطاعه . ولكي خالص الدعوات مني بالهدوء النفسي لكي و ويجعل لكي في كل خطوه خير باذن الله 👍

عرض الكل 17 نصيحة

Hazelnut_52786 🇪🇬

منذ 3 أسابيع

شعور مستنزف

“كنت شغوف جدًا… لحد ما كل حاجة وقعت مني” أنا كنت زمان حد بيحب الحياة بزيادة… كنت بصحى كل يوم وعندي طاقة أعمل حاجات كتير، سواء شغلي أو هواياتي أو حتى الحاجات الصغيرة اللي بتفرّح. كنت بحب أتعلم، أجرب، أكتب، أشتغل على نفسي، وأحلم… كنت بحلم كتير. بحب أقعد لوحدي وأخطط لمستقبلي، أحط أهداف، وأتخيل نفسي بع

عبّر عن شعورك بشكل مجهول

“كنت شغوف جدًا… لحد ما كل حاجة وقعت مني”

أنا كنت زمان حد بيحب الحياة بزيادة… كنت بصحى كل يوم وعندي طاقة أعمل حاجات كتير، سواء شغلي أو هواياتي أو حتى الحاجات الصغيرة اللي بتفرّح. كنت بحب أتعلم، أجرب، أكتب، أشتغل على نفسي، وأحلم… كنت بحلم كتير. بحب أقعد لوحدي وأخطط لمستقبلي، أحط أهداف، وأتخيل نفسي بعد سنة ولا اتنين وأنا محقق اللي كنت بتمناه.

بس فجأة… معرفش إزاي ولا إمتى بالظبط… كل حاجة جوايا بدأت تهدى، وبعدين تطفي. بقت الأيام شبه بعضها، والصبح بقى تقيل، والنوم هروب، والصمت راحة. بقيت أقعد بالساعات مش بعمل حاجة، حتى الحاجات اللي كانت بتفرحني مبقتش تفرق. الأغاني اللي كنت بسمعها وأنا طاير مبقتش بتحرك فيا ولا نبضة. الأفلام، الكتب، الضحك… كل حاجة بقت باهتة.

وأكتر حاجة وجعتني… إني مش عارف إيه السبب. مفيش حاجة معينة حصلت، ولا موقف قلب حياتي. بس كل يوم كان بيسحب مني شوية شغف… شوية أمل… شوية منّي.

ناس كتير حواليا كانوا بيقولولي: “شد حيلك”، “قوم اشتغل”، “ارجع زي زمان”، بس هما مش حاسين. هما مش عارفين قد إيه صعب ترجع تدوس على نفسك وانت جواك فاضي. قد إيه صعب تضحك وانت مش حاسس بحاجة. قد إيه مرهق إنك تحاول تكون طبيعي وانت محطم من جواك.

كنت بحاول… والله حاولت. قعدت مع نفسي كتير، كتبت، قرأت، اشتغلت، سافرت، غيرت، رجعت… بس كل ده كان زي المية اللي بتنقط في بحر. مفيش حاجة بتسُد الفراغ اللي جوايا.

الموضوع مش كسل… ومش دراما. دي حالة حقيقية… اسمها فقدان الشغف. واللي بيمر بيها هيعرف أنا قصدي إيه.

بس عارف؟ رغم كل ده… في صوت صغير جوايا لسه بيهمس. بيقوللي: “أنت مش لوحدك… وفي يوم هترجع تضحك من قلبك تاني”. مش دلوقتي… يمكن مش قريب. بس أنا مستني اللحظة دي… مستني اللحظة اللي أرجع فيها أبص لنفسي في المراية وأقول: “أنا رجعت”

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_28077 🇪🇬

منذ 3 أسابيع

شعور محبط

جماعة، حاسه انى تايهه فى حياتى بقالى فترة كبيرة مضيعة الصلاة، و مش قادرة ان ارجع انتظم تانى عليها، هل من نصائح؟ انا و الله زعلانه جدا على حالى، و عارفة أهميه الصلاة، بس عارفين لما نفسيا مش قادرين تعملوا اى حاجة اى حاجة، بتزقوا الأيام يون ورا التانى مفيش حاجة بتحصل كل الايام شبه بعض مش عارفين تعملوا

Hazelnut_51283 🇪🇬

منذ شهر واحد

شعور ضائع

ازاي ارجع اقرب من ربنا بعد فترة انتكاسة كبيرة جدا بصلي يوم وعشرة لا وبسمع اغاني ولما بصلي بحس أن مفيش اي خشوع ف قلبي ولا تركيز وكل العبادات تقيلة عليا حتي الاستغفار، مش مرتاحة ولا راضية عن حالي وبحاول ارجع بس في جحود ف قلبي مخيف مش عارفة ايه الحل ولا ابدا منين

Pineapple_52559 🇪🇬 صدقيني طول ما أنتي بتعاتبي نفسك فيكي حاجه كويسه و اعرفي يعني ايه حب لربنا كويس و أن أنتي مش بتصلي عشان متتحاسبيش لأ عشان تكلمي ربنا وتفصلي عن الدنيا دي و ربنا يهدي الجميع ويجعلنا من الصالحين اللهم آمين

عرض الكل 10 نصيحة

Strawberry_52323 🇪🇬

منذ شهر واحد

شعور متوتر

انا كنت بحب واحد فضلنا الاول صحاب بعدها قربنا وللأسف فضلنا فتره مع بعض وانا عملت كذا حاجه غلط مكنتش بتعجبه يعني فضلنا نبعد ونقرب ونبعد ونقرب وانا بحبه (مكنش قصدي اعمل الحاجه دي لاني مكنتش عاوزه اسيبه بس انا عنيده اوي اوي)وجينا في الاخر بعدنا خالص وانا قربت من واحد تاني لاني فضل ي زن كتير وهو عاوز ي

Apple_51983 🇪🇬

منذ 3 أشهر

شعور خجول

إمبارح جمعتني صدفه بشوية ناس وانتقل حديثنا للشعر والادب و قرأوا بعض اشعاري وانبهرو الحقيقة ان الابيات اللي قرأوها كتابها من اكتر من تالت شهور ومن وقتها مكتبتيش تاني شعر ومن رد فعلهم حبيت اني ارجع اكتب شعر تاني فانتظروا معلقه احسن من بتاعت قيس 😂☝

Tofu_45139 🇪🇬

منذ 5 أشهر

شعور مستنزف

طيب أنا كنت بدأت التزم ف الصلاه من تالته إعدادي ومكنتش بضيع فرض خالص الحمدلله بعدين بعد كذا سنه لما دخلت الجامعه يعني حصلي ظروف مش حلوه واكتئبت جدا و تدريجيا بدأت أأخر أوقات وبقيت مش عارفه أرجع مهما أعمل وأجمع أوقات وبعدين انقطعت فتره عن الصلاة كمان أنا مش عارفه ايه اللي حصلي ومش عارفه أرجع أنتظم ف

Coffee_26413 🇪🇬

منذ 5 أشهر

شعور متوتر

كنت مرتبطه ب واحد من خمس سنين و هو قريبي من عيله مامتي هو بجد شخص كويس جدا جدا و انا بعزه اوي بجد و هو شخص محترم و متربي جدا بس سبته لاسباب شخصيه يعني بس كانت تافهه جدا وقتها و كنا برضو لسه صغيرين و في حاجات كتير مش فاهمينها ، شهر 12 اللي فات حسيت اني عايزه ارجعله و اني بجد بحبه اوي و رجعتله بالفعل

French Fries_51832 🇪🇬 طالما بتحبيه وكنتي عايزه ترجعي يبقا صح ومفيش مشكله بس الاحسن تصلي استخاره❤️

عرض الكل 3 نصيحة

Watermelon_51475 🇮🇹

منذ 5 أشهر

شعور مرتبك

عايزة البس الخمار مش عارفه اعمل ايه كنت لبست الخمار الماليزي اول ما رجعت إيطاليا من الاجارة بقيت بلبس لبسي العادي الي هو محتشم بس طرحه مش خمار بقيت رجعت لحب الزينه اني احط ميكب خفيف أنا علشان اخد خطوه الخمار جهدت نفسي جامد بقيت مش بصلي براحه زي الاول كل حاجه اتغيرت رجعت لنقطه الصفر مش عارفه اعمل ايه

Orange_34558 🇾🇪

منذ 5 أشهر

شعور لا مبالٍ

موضوع:

امتى صعبت عليك نفسك

أنا بندم كثير ممكن شعور سريع ويروح بس بيجي بقوه وازداد لمن كنت بعصي ربنا باكثر من حاجة ما عمري حسيت بالندم زي ما حسيت وأنا بعصي ربنا والحمدلله اني رجعت استقمت نصيحة مهما عصيت ربنا لا تستسلم وتوقف توبه ادعي ادعي الله يتوب عليك مهما كان الموضوع صعب طالما انت قادر تتوب لا توقف عند نقطه

Popcorn_49610 🇪🇬

منذ 6 أشهر

شعور متعب

‏لا تمل من التوبة حتى وإن تكرر الذنب أليس كل ما اتسخ ثوبك غسلته ؟ فالتوبة للقلب كالماء للثوب استغفر الله العظيم واتوب إليه أستغفر الله الذي لا اله الا هو الحي القيوم واتوب اليه ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا

Mango_46888 🇪🇬

منذ 6 أشهر

شعور ضائع

انا كنت بكلم ولاد كتير ف قررت اتغير و مسحت اي حاجه كنت بكلمهم من عليهم و غيرت رقمي و مبقتش اكلم و نفسي اقرب من ربنااا اوووي و بحاول كتير و بفشل م بعرف انتظم في الصلا لو صليت يبقي صبح بس بسمع فيديوهات م كويسه و بعمل....... قلت اتحدي نفسي و معملش علشان هياثرش عليا قدام بطلت اسبوع و رجعت تاني م عارفه ا

Watermelon_33689 🇪🇬 ربنا يقويكي ياحبيبتي بصي مهما تقعي فالغلط تاني ارجعي لربنا وتوبي تاني وتالت ربنا بيحب التوابين متأيسيش من نفسك تفضلي حاولي وصلي حتي لو بتعملي ذنب وربنا يثبتك يارب علي طاعته ويجعلك اقرب ليه يارب ويملأ قلبك بالايمان ويبعد عنك سر الشيطان وشر خلقه

عرض الكل 30 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع