عنف نفسي

Avocado_60204 🇪🇬

منذ أسبوعين

شعور لا مبالٍ

عبّر عن شعورك بشكل مجهول

يا جماعه انا محتاجه اتكلم بجد من غير هزار لان الموضوع خلاص زاد عن حده وانا حرفيا قلبي واجعني ومش عارفه اسكت اكتر من كده صاحبتي اللي المفروض عندها ١٦ او ١٧ سنه اتخطبت اخر السنه اللي فاتت لواحد انا مش لاقيه وصف مناسب ليه غير انه متخلف عقليا بجد مش هزار متخلف رسمي بتحبه من وهي عندها ١٠ سنين يعني بقالها ست سنين مخنوقه ومتحكم فيها ومش شايفه غيره وبتسمي ده حب وهي اصلا مش مقتنعه ان ده اعجاب وبتقولنا انها بتحبه وبس طب ازاي بتحبيه وهو مانعك تنزلي مانعك تروحي افراح مانعك تتفسحي مانعك تعيشي اصلا حياتك كلها بقت من البيت للدروس بالعافيه ولو مردتيش عليه في التليفون بيقلب الدنيا ويشتمها ويفضحها عند صحابها واهلها ويدخل يزعقلها في نص الفرح ويبوظ لها كل حاجه ودايما نكد ومش بيعدي يوم من غير ما يتخانق معاها هي ايديها باظت من كتر ما بت. ج. رح نفسها وكل يوم نفسيتها اسوأ من اللي قبله واحنا كلنا تعبنا انا وامها وباباها ومامتي وكل اللي بيحبوها زهقنا من كتر الكلام والنصح والتعب وهي مصممه تكمّل معاه وبتقولنا انه هيتغير وانه بيحبها وهي الوحيده اللي شايفه انه كويس بس احنا شايفين ان البنت بتضيع وبتغرق ومش عارفين ننقذها ازاي امبارح كانت خطوبه اختها والمفروض تبقي فرحانه بس كانت بتعيط طول اليوم لانه زعقلها وهو اللي حارق دمها وهي اللي حطاه فوق راسها ليه بنات كتير بتفكر بالطريقه دي ليه لما نحاول ننقذهم بيشوفونا احنا الغلطانين ليه بيفضلوا يشوفوا في اللي بيعذبهم ملايكه بالله عليكم لو حد مر بتجربه زي دي او عرف يطلع حد منها يفهمني اتصرف ازاي لاني حرفيا بقيت مش بنام من التفكير فيها وخايفه عليها جدا ومش عارفه اسيبها تغرق قدامي كده وتسكت قولولي اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_58640 🇪🇬

منذ شهرين

شعور مستنزف

متجوزة بقالي ٤ سنين الا كام شهر من ايام الخطوبة كان على طول متحكم ولو مسمعتش كلامه ف حاجة يغضب ويخاصمني بالشهر و ٢ و٤ لما اتجوزنا وبقيت حامل كان ولا مهتم بيا مع العلم انه مسافر وبيجي اجازة كل سنة شهراو ٢ وجبت بنوتة عشان نفسي اعمل سبوع لبنتي غضب ٨ شهور لغاية لما نزل اجازة.. ماعلينا من كل ده وعايشة وم

Banana_58230 🇪🇬 العلاقات المفروض مبنيه علي تفاهم

عرض الكل 25 نصيحة

Apple_26386 🇪🇬

منذ 10 أشهر

شعور مرهق

عبّر عن شعورك بشكل مجهول

اتجوزت وانا عندي ١٧ سنه وجبت عيل وانا عندي ١٨ سنه كان قريبي عمري ما حبيته ولا كرهته كان بنسبالي شخص عادي اوي امي جوزتني وقتها عشان ظروفهم كانت كويسه وعايزه تجوزني حد معاه فلوس مكنتش بطيق العلاقه معاه كنت بقوم منها عايزه ارجع ومش طايقه نفسي ومصدعه بعد تعب ٤ سنين عرفت شخص عليه حبيته اوي فوق ما اي حد يتوقع كنت عملوو خدي مداس وقررت اني اطلق وفعلا اطلقت اهلي كان هاين عليهم يموتنوني عشان هطلق بس انا مكنتش بحبه اصلا وكنت تعبانه اوي اوي معاه لما بشوفه بحس ان الدنيا تسودت ف وشي 
اطلقت بالفعل وبقيت مع الشخص التاني ده شتميه ماشي ضرب ماشي قذف ف شرفي انا وامي ماشي معرفش ليه كنت مستحمله كل ده مع ان دي مش شخصيتي خالص ولحد دلوقتي مش لاقيه رد روحت بعتلو دبلتي عشان كان محتاج فلوس طلب مني اني يحصل بينا علاقه وحصلت ومن وقتها وانا كانت روحي تروح مني ولا يسبني ثواني احلي بهدله خيانه وشتميه وسيبان وكل حاجه بس برضوا متسبنيش واعيط والطم بس بعد! لا 
قعدت مع اهلي امي ف الاول كانت منعاني من النزول وحبه حبه سابتني بس الموضوع اتطور معاها وبقيت بتخبي مني الاكل بتعايرني ب سني مع اني مش كبيره ٢٣ سنه وتقولي ده انتي كبرتي ده انتي بتتمرمطي منه ده انتي مطلقه مين هياخدك انتي بقيت تخبي مني انا وابني الاكل وتعايرني وتعد عليا المصاريف وتروح تتكلم عليا وحش مع الناس 
المهم اني اشتغلت وبقيت بقبض كويس كل قبضي بقيت بصرفه علي الشخص التاني ده عشان يجيي يخطبني وابعد عن امي واذاها ليا ومعيارتها ليا 
عملت معاه كل حاجه لدرجه انه طلب مني اجيب واحده صحبتي معايا ينام معاها ووافقت بس مجبتهاش شغلي كل واحد عليه اي مشكله كان اقذر سب بيتقال ليا ول اهلي 
عمري ما حكتلو مشكله بيني وبين امي ولما جيت حكتلو قالي احا وانتي مفكرني الراجل اللي هيجي ياخذك للجنه ! ما اخواتك عايشين عيشي ياختي زيهم وقفل السكه ف وشي قولتلو انا اول مره احيكلك اسمعني قالي لا مسمعكيش انتي وانتي وانتي قولتلو طب انت هتشوف اني هبعد عنك قالي انتي بوق ولا انتي ولا عشره شبهك تعرفي تعملي حاجه واقفلي احسن ما اسمعك اكتر …. لما كان بيتعارك معايا وارد عليه كان بيقولي ده انا احط دين امك تحت رجلي ولا تفرقيلي 
عارفين قالي اي كمان قالي ده انا نك**** وشبعت فيكي ***** وهاجي اكمل علي الكبيره ( امي ) 
كان بيستغل اني في مشاكل بيني وبين امي وكان بيشمني بيها عشان متوقع بقي اني قرفانه منها مش هرد عليه 
حصلت مشكله بيني وبين صحبه وخطيبته عشان كلمت صحبه اساله عليه ف خطيبه صحبه غارت علي خطيبها مني مع اننا كنا صاحب وبنتكلم وكل حاجه بس مره واحده قلبت راح صحبه ف المشكله دي قالي انتي ش****^^ وهقطع وش ***** امك وهو كمل عليا قالي انتي غلطانه عشان اتصلتي بيه وانا هاجي تحت البيت وافضحك ومخليش حد يبصلك اه كل ده ف خلال ال ٤ سنين وكنت معاه وبيحصل فيا كده ايوه انا بقيت عندي استعداد اشتري نقسي بس مش معايا فلوس خد كل فلوس وكل دهبي بعته عشانه وعشان اقف معاه ويتجوزني 
نفسي تنساه نفسي ابعد عنه والله العظيم الناس كلها تشهد ب ادبي واخلاقي واني متربيه بس معرفش ازاي عملت كده انا خريجه تجاره انجليزي والله العظيم اللي يشوفني شكلي محترم جدا والناس كلها تشهدلي ب ده انا تعبت وحاسه اني مبقتش طبيعه ومبعرفش اعيش حياتي طبيعي حتي مبقتش بعرف اعيط والطم واعبر عني اللي جوايا وكل ما اذاه ليا بيزيد بحس اني مش هقدر اعرف راجل تاني غيره سعدوني وهونو عليا انا بقالي ٧ سنين ف كرب ومشاكل معقول ربنا كل ده مش سامعني ولا عايزني ابقي كويسه طب اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_14832 🇪🇬

مشاكل مع أمي وإخواتي والضرب والشتيمة

اعمل ايه فى مشاكلى مع امى واخواتى الولاد اللى كل يوم بتزيد دايما بنتخانق سوا بسبب دايما فى تحكمات وشتيمه وضرب ليا من اخواتى وامى دايما فى صفهم فى عداوة بينا بابا الوحيد اللى طيب وحنين عليا لان البنت الوحيده انا مكنتش عايزه علاقتى بامى واخواتى تبقى وحشه اوى كده نفسى بجد تتصلح بس كل يوم المشكله والكره جوايا يزيد من ناحيتهم. ...عرض المزيد

1 الدعم

0 نصيحة

Strawberry_74717 🇪🇬

تعبت من رفض أهلي لاختياري شريك حياتي!

سؤال هل انا مش من حقي اختار شريك حياتي اللي شايفاه مناسب لية ومرتاحة معاه ؟ اتعامل ازاي مع رفض اهلي بدون اسباب منطقية والدي نرجسي متسلط مجرد اني اختار حد بعينه دي ازمة بالنسباله انه كدا فاقد تحكمه فية عاوز هو اللي يختارلي حد على مزاجه يعرف يستمر في التحكم فية من خلاله غير كدا هو مش هيوافق على اي حد اختاره انا نفسيتي تعبت انا تعبت بقالي سنين في الدايرة دي وفعلا بحب الانسان ده وشايفاه مناسب لية حجة والدي اللي بيتحجج بيها لما مش بيلاقي اعذار انه اصغر مني وقد ايه ده شيء مشين جدا وازاي عملت كدا والدي بيجلدني على النفس اللي بتنفسه بيعاملني اسوء معاملة بتهان وبتذل وبيتقل مني وبيتقالي كلام ماينفعش يتقال واتضربت وطردني بردو نفسيتي متدمرة انا دكتورة محترمة ٢٦ سنة معدتش قادرة اتحمل اعيش كدا نفسي الاقي حل ...عرض المزيد

2 الدعم

0 نصيحة

Plum_74525 🇪🇬

مش قادر أطلع سجاير وطعمها بقى يقرف

ياريت لو في حد بطل سجاير يفيدني انا بقالي 8 سنين بدخن حتي وانا بلعب جيم مبطلتش مع اني بصلي انا مبطله بقالي4 ايام بس انهردا اشتريت علبه مش قادره اشرب سجاره بدوخ وطعمها مر جدا كل شويه بولعها اشرب نفس واطفيها وشويه واولعها تاني محتاجاها بس طعمها بقا يقرف نفسي ابطل حد يفيدني ...عرض المزيد

2 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع