عند

Watermelon_81568 🇪🇬

منذ 4 أيام

شعور ضائع

نصيحه وعن تجربه وجعت قلبي : من الحاجات المهمه في حياتك انك ترتب علاقاتك تفلتر وتشوف كل التاس اللي في حياتك وتشوف قيمتك عند كل واحد في حياتك وانت اي بالنسباله وعند انهي نقطه الشخص دا ممكن يتخلي عنك وتتعامل معاه علي الاساس دا عشان متتصدمش في حد لان صدمة العشم مؤلمه جدا

Coffee_27927 🇪🇬

منذ أسبوع واحد

شعور مستنزف

من كام يوم كملت 20 سنه مرعوب من الفكره اني بكبر والوقت بيجري ومش عارف إذا كنت ماشي صح ولا لا فكره انك عندك طموح كبير اوي وفي الاخر مش عارف إذا كنت بعمل الي عليا او لا في شويه احساس توهان كده او مش شويه انا غالبا تايه عارف ان دي فتره ان الواحد يجرب ويكتشف نفسه بس افرض اتاخرت او ماكتشفتش نفسي فعلا

Onion_84317 🇪🇬

منذ أسبوعين

شعور ضاق ذرعًا

امبارح كشفت عند دكتور نفسي قبل ما اكمل عمري 19 سنة فا الدكتور قالي ان عندي نوبات هلع ونا اصلا عندي مشكلة التنفس وضيق تنفس وبجد انا تعبت وحاسس اني منهك وتعبان اوي لا عارف احس بالامان وسط اهلي حاسس اني غريب معاهم ولاا لاقي صاحب ولاا شريك حياة نافع معايا محدش بيسمعني قبل ما اكشف قعدت اقول لأهلي اني تعب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_82581 🇩🇿

منذ 3 أسابيع

شعور شاعر بالملل

قهوة الصباح .. الغذاء..المساء ... العشاء تقابلك دانية و ٱكل لا يشاركني لأنه يفضل الاكل عند امه هه ! بعض النساء تقول يا لحظك تهنيتي منو ! انا لا اعتبره حظ أبدا عمرو ما كان الطهو صعب لدرجة اتمنى انه ياكل عند امه كما يفعل صار يخرج و لا يخبرني أين يذهب و عندما اسال بلطف فقط اصير انا المذنبة ايضا ! هذ

Potato_77746 🇪🇬

منذ 4 أسابيع

شعور محبط

هو احنا ليه منحبش الخير لبعض ليه حد ممكن يحقد على حد ويحاول ياخد مكانه فى شغل او حتى مكانه عند شخص مش فاهمه البنى آدمين فى الحته دى ابدا مهما حاولت الاقى مبرر بس بجد مبلاقيش جواب منطقى لكدا ولتصرفاتهم

Chilli_65726 🇪🇬

منذ شهر واحد

شعور شاعر بالملل

موضوع:

هل بتحب نفسك...ولا بتحب الصورة الي عايز توصلها؟

انا مش بحب نفسي اني معناها بكره اني عايش اد ما ظا حقيقي بس دا مس بسحصل بسبب اني اتولدت بكره نفسي لا اكيد بسبب نمو كفل في عيله سامه متربي علي التعنيف الاسري فا اكيد هيبقا ضال يعني ولاكن لو جيت بصيت للجانب الاجابي بجد هتلتقيني اجتماعي جدا بعمل صداقات مع كلا الجنسين لساني خفيف تحب تقعد معايا ولاكن دي

Waffle_47307 🇪🇬

منذ شهر واحد

شعور مزعوج

جماعه ايه الكاتينج ده ده يجماعه مش فاهمه كل اللي في سني او الاصغر مني بيعملوا حاجه كده اعتقد ان اسمها كاتينج البتاعه دي بيجيبوا مو*س او اب*ره او حتي دباب*يس ويجرحوا في اديهم جامد بدافع الزعل او الاكتئاب ليييه يعني ليه البتاعه دي طالعه ترند اوي اليومين دول من١٣ سنه ل ١٦ او اكبر معرفش بس انا ١٦ بشوف ع

Biscuit_76652 🇪🇬

منذ شهر واحد

شعور مكسور القلب

تعبت نفسيا بعد فشل مشروعي و موت ابويا و سفر امي و انها سبتني رغم كل اللي بمر بيه و حتي حياتي عند الناس اللي عيشه معاهم تعتبر مش احسن حاجه ك معامله ف هل اقدر اسقط الوصايه لو عندي 18 سنه و ايه الاجراءات لاني تعبت بجد و مش قدر اكمل الحياه كده و عوز استقل ❤️

Croissant_52708 🇪🇬

منذ شهر واحد

شعور لا مبالٍ

أنا ساعات بلاقي نفسي واقع في فخ عقلية الضحية، شايف إن الدنيا متآمرة عليا، وكل الناس ضدي، وبسيب دماغي تلف في دائرة مفرغة من اللوم والتبرير. ساعات بحس إني أضعف من إني أواجه أو أغير، مع إن الحقيقة إن القوة مش إني ما أغلطش، القوة إني أقف وأقول: كفاية. كمان بلاقي نفسي بسرح في كل كلمة حنية بتتقاللي، وبصد

عبّر عن شعورك بشكل مجهول

كمان بلاقي نفسي بسرح في كل كلمة حنية بتتقاللي، وبصدق إنها إعجاب، كأني عطشان لأي اهتمام. وبعدها أصحى على الصدمة إنها مجرد sweet talking أو لطف عابر. ساعتها بلوم نفسي وأحس إني عيل، بس يمكن ده درس لازم أتعلمه: مش كل كلمة معناها حب، ومش كل مجاملة معناها إن في مشاعر. أنا محتاج أتعلم أفرق، وأفتكر إن قيمتي مش مبنية على تفسيراتي ولا على نظرة حد تاني.

ومع كل ده، بفتكر إن الظلم فعلاً موجود، وبيوجع. بس في نفس الوقت، الدنيا مش دار استقرار، دي دار ممر. مش نهاية الحكاية، ولا الحكم النهائي. العدالة الحقيقية عند ربنا، وهو اللي شايف كل حاجة. “ولا تحسبن الله غافلًا عما يعمل الظالمون”. الكلمة دي بتخليني أتنفس بعمق، وأفكر إن حقي مش ممكن يضيع.

أنا باعترف إني محتاج أغير، وأتعلم أكون مسؤول عن حياتي ومشاعري، وأدي نفسي التقدير اللي طول عمري بدوّر عليه برة. يمكن أتعب وأضعف، بس كل مرة هرجع أقوى. لأني مؤمن إن ربنا شايف، والدنيا مش دايمة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_72497 🇪🇬

منذ شهر واحد

شعور مستنزف

بحاول بكل الطرق اني احافظ على صحابي وبحاول بكل الطرق ارضيهم عشان ميبعدوش عني انا للاسف انانية في حبي لاصحابي ببقى عايزاهم ميمزوش حد عني زي ما بعمل معاهم مبصاحبش حد غيرهم ولا بخرج مع حد غيرهم بس للاسف بلاقي مش نفس المكانة الي اديتهالهم هي مكانتي عندهم والي هو الاه دا فيه كتير زي

Watermelon_75345 🇪🇬 عشان بكل بساطه انت مش عامل لنفسك مكانه بينهم عاوزهم هما يعملولك اذا كان انتا مش بتقدر نفسك هما هيقدروا ازاي بس ؟

عرض الكل 4 نصيحة

Blueberry_74048 🇪🇬

منذ شهر واحد

شعور لا مبالٍ

انا حاليا معنديش صحاب من ساعة ماتخرجت حياتي. عبارة عن شغل ونوم مفيش نشاطات حاسة اني لوحدي معنديش حد يكلمني لو اختفيت الي هو والولا حاجة في الحياة احساس الفشل وان الواحد مالوش لازمة ومش مفضل عند حد انا عمري مكنت مفضلة عارفة اني المفروض مستناش حاجة ولا اي حاجة بس الإنسان غصب عنة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

French Fries_68821 🇪🇬

منذ شهرين

شعور مكسور القلب

انا عندي ابن عنده توحد وعنده ٢٠ سنة ومقصرتشمعزه في اي حاجه ومن ٢٠ سنة وانا بحاول اتجاوز الحدث ده مش عارف ومش قادر اعدي الكسرة دي انا بحبه بس كل ما بيكبر بحس بالقهره عليه ولان الموضوع بياثر علي خوفي علي اخته منه لان مش بيتحكم في مشاعره وحياتي واقفا عن الحدث ده كل ثانية بتعدي عليا مبنساش خوفي عليه من

Sugar_56012 🇪🇬 شوف مسلسل نديم كان ولد شاطر جدا وناجح بس بالمعامله الصح + لو احتجتني اجي اصاحبه وكده اكون جمبه وكده تحت امرك

عرض الكل 8 نصيحة

Cherry_48485 🇪🇬

منذ شهرين

شعور مكسور القلب

Apple_74635 🇪🇬 بقلك ايه انتي زي الفل" هذا خلق الله" اوعي تزعلي او تضايقي من الي انتي فيه مهما كان دا ابتلاء من ربنا و يابختك يا ستي ربنا بيحبك لان الله اذا احب عبدا ابتلاه والله دا من علامات حب ربنا ليكي اوعي تزعلي من نفسك صدقيني انتي احلى منهم كلهم يا عبيطة دا هم بيغيرو منك علشان على الرغم من التحدي الي انتي فيه دا برضو متفوقة عليهم انتي مش عندك نقص هم الي ناقصين دا مش كلام وخلاص والله انا بقولك من قلبي بجد

عرض الكل 14 نصيحة

عبّر عن شعورك بشكل مجهول

جماعة بليز مش عايزة احكام ومحاولة للفهم
أنا قصتي بدأت من عند الولادة تعرضت لنقص أكسجين الدكتور قال لهم هيأثر عليها شوية فعلا وانا بكبر بحس اني اقل شوية من اللي في سني بس الفكرة مش هنا الفكرة ان اهلي بداوا يتنمروا ويشتموا ويفرقوا مبيني ومبين اخواتي حصلت لي غيرة جامدة من اخوتي وعدم رضا وجلد ذات مستمر ومش فاهمة نفسي وتقريبا بعاند فيها الناس بدأت تبعد عني وانا ادخل في حالة اكتاب وأهلي يزودو وانا أزود غيره من اخواتي وعدم رضا أنا مش عارفة عايزة اقول ايه اتمني لو تفهموا اللي مبين السطور وتعرفوا تساعدوني بس أنا حاسة مش عارفة اعيش وكدة ولا هلحق دنيا ولا اخرة كل لما اروح مكان أتعرض للتنمر او السخرية او تعامل غريب وأهلي بردو نفس الوضع مفيش احتواء يعتبر وحتي الاحتواء بيبقي احتواء سلبي يعني ممكن يجرحوا فيا في النص ويقولو لي لازم أتصالح مع اني مش طبيعية وطول ما أنا ببص للطبيعين مش هعرف اعيش إيماني بربنا قل موووت أنا خايفة إلا ادخل النار بالوضع دة بجد مع العلم اني دارسة ازهر وفي ذكاء اصطناعي رحت لدكتور نفسي مجاش معايا بنتيجة والنتيجة جات سلبية ودة بردو بسبب نظرة المجتمع واولهم اهلي اللي أنا كدة بثبت اني مجنونة وخفت من تاثيره علي التركيز والوزن……..اتمني مساعدة .عارفة ان الكلام مش مرتب بس اتمني لو حد يفهم اللي مبين السطور ويعرف يساعد حتي بالنسبة للكلية أنا دخلتها بس عشان اهلي ولا يقولو عليه فاشلة وطول عمرهم شايفني استحق دبلوم وحتي لما جبت المجموع الكبير دة قال ادخل معهد أنا مش عارفة أنا بعمل ايه ولا ليه دخلت الكلية دي بس عشان اثبت نفسي بالرغم من اني كنت شايفة نفسي في بيطري اكتر وكنت عايزة شغل وكان المعهد اللي قالو لي عليه(فني صحي)اللي هيجيبه ليا أنا حاسة بانهيار مش عارفة من ايه بالضبط بس حاسة بانهيار لما اشوف اهلي عايزين كل اخواتي يدخلوا كليات قمة وانا لا بس من ناحية تانية أنا عارفة ان قدراتي اقل من اخواتي أنا بكره نفسي اكتر حد بكره هو نفسي غبية مش عارفة تشتغل من كلية قمة زي أخواتها متوحدة علاقتها الاجتماعية غريبة حتي أهلها بيتنمروا عليها بتحاول تبذل اقصي جهدها عشان تساعد نفسها ومش عارفة وهي شاكة أصلا ان عندها توحد وخايفة تروح تتاكد من جلد الذات ونظرة المجتمع والأهل اللي دايما حاطينها في مكانة اقل من أخواتها بكتير أنا بقيت بقلل من نفسي من كتر التقليل اللي بشوفه أنا بقيت بشك في نفسي اني مجنونة بالرغم من اني عارفة امشي في الكلية أنا مش عارفة أنا مين ولا عايزة ايه وخايفة إلا اخسر اخرتي ودنيتي دايركت مش عارفة أعيشها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_51716 🇪🇬

خايفه من الناس ومش عارفه اثق في حد

انا خايفه انا مرعوبه من الناس من كتر ما اتخذلت بقيت خايفه ومش بصدق ان حد بيحبني لانهم بنفسهم قالوا محدش اللي ظاهر منه هو الحقيقي فلو انتم عاملين انكم بتحبوني فانتم بتمثلوا !! انا كمان بخاف اوي اوي لما حد يتكلم على حد و يقول احكام عليه طب ما اكيد بتعملوا معايا كده هي ليه يا جماعه الدنيا مش سهله ؟ ليه مش لما احب حد اقوله ولما مبحبش حد اتجنبه ومقربش من الاول ؟ ليه الدنيا مش بسيطه زي ما جوايا ؟ طب السؤال المهم ليه لييييه انا لما احب حد واهتم بيه بيفتكروني عاوزه مصلحه ولو كان حد زميلي يفتكروا لمجرد اني ارد غيبته او اشكر فيه و هو مش موجود اني معجبه وانا بس بحب اعمل مع الناس زي ما احب يتعمل معايا وانا مش موجوده مش اكتر بجد طب انا مش عارفه اتعامل مع الناس مش عارفه اثق في حد انا خايفه حقيقي خايفه انا عارفه ان المشكله عندي انا اصلا بتعلق جدا جدا بالناس وبحبهم من قلبي و ببقى عاوزهم مبسوطين مع طول الوقت بحس مهما كان فيه ناس حواليا اني وحيده ،. وجاجه كمان مزعجه انا بحس ان لو حد اتأخر عليا في الرد على مسدج اني تقيله عليه وانه مش حابب الكلام فبندم و ابقى عاوزه اسأل هو انت/ي زعلان مني ؟فبقول مش هتكلم بس اول ما يردوا ببقى احسن انا يمكن حساسه شويه و بركز في التفاصيل زياده بس اعتقد ان محدش من اللي حواليا ممكن يصدق كده من كتر ما انا طول الوقت راسمه شخصية القويه و صلبه فلو اتعاملت بمشاعر في موقف بحس ان بيفتكروني خبيثه او سوسه اللي هو البنت اللي طول الوقت بتزعق و بترمي كلام دبش اكيد مش حنينه يعني بس ده دفاع عشان محدش يعرفني قد ايه انا بسيطه اوي اوي وكلمه ممكن ترفعني سابع سما وكلمه تنزلني سابع ارض فبرجع و اقول محدش عارفني ابدا وبزعل انا حقيقي تايهه ومتلخبطه عاوزه ابقى مرتاحه ومش فارقلي حد او بمعنى اصح متعلقش بحد عاوزه مبقاش خايفه من التعامل مع الناس نفسي اتعامل بمشاعري من غير ما اخاف من حكم الناس عليا انا فيا مشكله عاوزه اعرفها عشان احله ...عرض المزيد

5 الدعم

25 نصيحة

Tofu_77588 🇪🇬

متوترة قلقانه ومش لاقيه حد يفهمني

حاسه اني متوترة قلقانه خايفة متشتته الدنيا تعبه اعصابي والله ومش لاقيه حد اقوله إني محتاجه اهتمام محتاجه حد يفهمني يسمعني يحس بيا انا مخزوله ووحيدة تاللتلااااااااابييبةرؤءءءانمظزوىرؤؤب تاللتلااااااااابييبةرؤءءءانمظزوىرؤؤب تاللتلااااااااابييبةرؤءءءانمظزوىرؤؤب تاللتلااااااااابييبةرؤءءءانمظزوىرؤؤب تاللتلااااااااابييبةرؤءءءانمظزوىرؤؤب ...عرض المزيد

2 الدعم

20 نصيحة

Chocolate_86639 🇪🇬

زهقت أدور على حد يحبني من غير شروط

انا زهقت ادور علي حد يحبني من غير شروط يحبني لاني استاهل اني اتحب يحبني لاني استحق اعيش سعيدة.. 40 سنة من عمري عدوا و انا كل اللي بيقرب مني حتي اهلي بيحبوني علشان حاجة معينة مش علشان كلي علي بعضي بعيوبي و مميزاتي.. حقيقي تعبت و كتير بقيت باتمني الموت علشان ارتاح من وحدتي مع ان حواليا كتير ناس بس كلهم حبهم مشروط 💔 ...عرض المزيد

2 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع