علمي علوم

Avocado_30994 🇪🇬

منذ 3 أشهر

شعور متوتر

عبّر عن شعورك بشكل مجهول

السلام عليكم 
انا ف تانية ثانوي علمي منزلتش دروس الترم الاول ده كله ولا عرفت حاجة فالمنهج كانت نفسيتي م كويسة وكنت بتخنق وقت الدروس ومروحش الحمدلله ربنا كرمني وجبت درجات مش كويسة اه بس انا اصلا كنت بطلع من كل امتحان مش متأكده من حاجة غير اسمي ف ده كرم ربنا عليا انا كنت عايزة ادخل كلية علمية وانا من صغري المواد الادبية دي مكنتش بحبها من ايام الدرسات بس انا دلوقتي م عارفة اعمل اي اهلي بيقولولي ادخلي ادبي لان بالدرجات دي م هتجيبي حاجة ف علمي والله هما مش مقصرين معايا ف حاجه بس انا مش عارفة انا مالي بقالي ترمين ده والترم التاني ف اولي مبنزلش دروس ولا طايقة اروح دروس دلوقتي انا محتارة ومش عارفة اعمل اي وانا محدش من اخواتي كان علمي عشان يقولي ورد اي حد علي مشكلتي دي بيكون شوفي انتي اشطر ف اي وكدا وانا م عارفه والله انا اي اللي امشي فيه واعرف اذاكرة انا مش عارفه انا شاطرة ف اي لان انا منزلتش درس ف ثانوي غير الترم الاول اولي معرفش بقا ولا مواد ادبي ولا مواد علمي انا عارفة ان دي غلطتي وان انا كنت المفروض هحدد من نزولي للدروس ف اولي لاني هاخد المنهجين مع بعض واشوف انا بقا بس انا معملتش كدا لان انا كنت عايزة علمي عشان مبحبش ادبي انا  تعبت من كتر التفكير انا بقالي حوالي سنة بفكر بس ف علمي ولا ادبي وانا مش من النوع الي بياكل الكتب واعيط لو نقصت درجة وكدا انا عادي وصحابي كلهم ف علمي ويمكن كمان في منهم مستواه اقل مني وانا مش الي هو يلا كلنا علمي وخلاص عشان هما علمي انا زي ما قولت مكنتش بحب مواد ادبي ياريت حد يفيدني عشان انا  تعبت  والله من الحيرة وانا م هعرف بردو انزل دروس ادبي دلوقتي عشان اشوف عشان في بيقولي انزلي حصة علمي وحصة ادبي وشوفي هتفهمي اي انا م هلحق اجرب دلوقتي انا الترم ده الحق اعوض فيه انا الحمدلله جايبة اعلي من النص بس بردو مش عايزه اكون نجحت بالنص ف السنة كلها ياريت حد يقولي اعمل اي وصليت بردو استخاره ف اول الموضوع اول م اخترت علمي ولا حسيت بحاجه ولا حاجه حصلت من حاجات الاستخارة معلش انا طولت بس انا م عارفة اعمل ايه ولا ابدأ دلوقتي دروس اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_21153 🇪🇬

منذ 5 أشهر

شعور لا مبالٍ

اخر نداء يجدعان لو في حد ثانوبه عامه علمي علوم او رياضه مش هتفرق حد يكون عايز يلم المتراكم عليه من الاول يبعت نحدد ماده كل اسبوع نلمها مع بعض ااااااااااااااااااااااااااااااااااااااااا

Avocado_30994 🇪🇬

منذ 5 أشهر

شعور محبط

عبّر عن شعورك بشكل مجهول

عندي خوف من المستقبل بفكر كتير اوي بالذات بليل انا ف تانيه ثانوي خايفه اشيل حاجه السنادي بعد القرارات الجديده لاه انا مبروحش المدرسه وخايفه من السنه الجايه والامتحانات والنتيجه وانا علمي وقرار جديد ان هيضاف ماده تاريخ دا خلاني اتخنقت اكتر انا اصلا كنت متردده ادخل علمي ولا ادبي يقوم يطلعلي بقرارات احنا دفعه تجارب سنه باينه من اولها اوقات كتير بتعب من كتر التفكير فالنتيجه وهجيب نتيجه حلوه وتفرح اهلي ولالا انا حواليا قرايب كتير اوي دفعتي ف دي كرثه لوحدها وكلهم شاطرين وكلهم علمي الله اكبر  واوقات تاني ببقا عادي وديماً واثقه ف ربنا انه هيكرمني وانا هعمل اللي عليا وخلاص ومببقاش خايفه ولا قلقانه ولا حاجه انا كل خوفي بس اني معرفش اكمل علمي ف تالته ومفهمش حاجه لان انا منزلتش ولا درس السنادي ولا اعرف اي المنهج  ومش هعرف انزل دلوقتي فالاخر انا بحاول الم واحضر المراجعات لان كل المدرسين خلصوا المنهج اللي مش عرفاه خوفي بيزيد لان بشوف ناس بتقول ان ٣ كلها معتمده ع ٢ يعتبر بتكمل عليها ف انا مبدأتش الاساس اصلاً هعرف اكمل يبقا كدا م هعرف اكمل ف ٣ ف اتخنق واتدايق واقول هحول ادبي بس انا م حباها وعندي ضغط نفسي وفاقده الشغف اتجاه كل حاجه وشايفه اني بضيع وعادي انا بشوف فيديوهات ل شيوخ عن الخوف من المستقبل وكدا وبطمن بس هو بييجي قلق كدا وبالذات بليل اول م احط دماغي عالمخده وتبدأ بقا عايزه حد كان ف علمي واي التجربه وكان في حد زي ف تانيه  وهعرف اكمل ف ٣ علمي ولا احول ولا اعمل اي عشان تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.