علاقة مع شاب اصغر

Apple_78296 🇪🇬

منذ 18 ساعة

شعور مكسور القلب

عبّر عن شعورك بشكل مجهول

أنا عمري 46 سنة واتخطبت كتير قبل كده ومنهم مرة كتب كتاب ولأن شكلي صغير ومقبول عندي معجبين كتير ومش بيهمهم فرق السن وبشتغل شغلانة كويسة وعندي شقة، اتعرفت من شهرين ونص على شاب عنده 24 سنة من محافظة مختلفة عني وبعد شهر ونص تعارف جالي وخرجنا مع بعض كذا مرة وفرق السن مش باين، هو بيقول انه بيحبني وعايز يتجوزني لكن ظروفه المادية وحشة جدا وعلاقته بأهله وحشة، لأنه بيعاني من ترومات كتير من الطفولة ودي نفس حالتي، والدي دمرني وعمل فيا حاجات بشعة كتير خلاني مانفعش في اي علاقة، المشكلة دلوقتي انه عايز يكلم اخويا في موضوع الزواج كمان شهر وعايز اني اساعده ماديا في الموضوع ده وكمان عايز الموضوع يتم بدون علم أهله، طبعا هو دايما معاهوش اي فلوس وحتى لما جه المحافظة بتاعتي كانت زيارته كلها على حسابي حتى ايجار الشقة اللي نزل فيها، ولما بدأت اعترض بيعمل معايا الصمت العقابي دلوقتي وبيقول انه حاليا تعبان نفسيا وكلم دكتور نفسي عشان يتعافى تاني بعد كلامي معاه، انا عارفة ان الصح اني المفروض اسيبه بس المشكلة واللي تاعبني اني اتعلقت بيه ومش عارفة ابعد عنه ازاي..خايفة اندم اني سيبته بعدها واني هارجع وحيدة تاني ومش هلاقي حد غيره يكلمني ويحسسني اني لسة عايشة.. ممكن نصيحة ازاي اسيبه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع