علاقة معقدة

Avocado_65140 🇪🇬

منذ يومين

شعور مكسور القلب

صباح الخير عايزة أعرضلكم مشكلتي ياا جماعة انا عندي 25 سنه وفجأة لقيت واحد زميل ليا في تدريب اعترف بحبه ليا هو شهم وجدع وحنين ولو عايزة اي حاجة بيعملهالي حبيته جدا وحسيت انه ما مرش عليا حد زيه قالي انه هيتقدملي وممكن نتجوز بس هو صارحني قبل كده انه متجوز وعنده بنتين صغيرين ومراته لو اتجوز ممكن ت

Chocolate_65147 🇪🇬 ابعدي عنه هتبقي خرابه بيت وهو مش كويس ولو خيروه بينكم هيسيبك انت انت مجرد نزوه

عرض الكل 15 نصيحة

Apple_65057 🇪🇬

منذ يومين

شعور مكسور القلب

عبّر عن شعورك بشكل مجهول

انا اسمي مجهول انا كنت بحب واحد صاحبي بجنون مكنش ليا اصدقاء مفيش عيله اهلي مش جمبي شوفته في 3 اعدادي في درس الدراسات أو على ما اظن قبلها في درس العلوم حبيته اوي اول ما عرف و قولتله و قولتله لو سمحت انا عاوز حضن رفض و قال ليا اني اتعديت حدودي و بعدها اعتذرت قعد فتره احاول معاه و رافض بعد كده اعترف ليا أنه بيحبني بردك و عاوز يحضني تأثرت و حسيت اني مرغوب فيا و أن حد عاوزني ابقي معاه و يبقي معايا كان نفسي انام جمبه و في حضنه و اكون معاه فقط بدون اي تجاوزات جنسية اقسم ب الله العلي العظيم المهم قعدت معاه فتره أقوله كده و هو كان بنسبه 99٪ بيتجاهل تماما لحد ما حصل ليه ازمه ولده توفاه الله رحمه الله و تغمده ب رحمته بعد هني قيمه سنه بعد و طول 2 ثانوي ولده توفي و احنا في اجازه 1 ثانوي و بعد عني في 2 ثانوي بعد كده لقيته بيبعتلي و عاوز يقرب مني تاني اتكلمنا تاني و قولتله انا منسيتكاش انا في مجنون بيك يسطا أنا مش قادر ابعد عنك ساعات كان يقولي و انا و ساعات كان يقولي بكرهك و ساعات كان يفضحني وسط زمايلنا في الدرس و العيال تقول عليا الشاذ اهو و انا عمري ما طلبت منه اي حاجه خارجه هو حضن بس بدأت ادايق منه و اتكلم معاه مينفعش حد يعرف كده انت عارف و انا عارف ان حتي الحضن شبه مستحيل انا عندي اضراب بيني و بين نفسي مبحبش حد يقرب مني خالص بس كنت بطلب منه أنه يكون جمبي لشعوري بعدم الأمان بعد كده هو كان بيعاملني بقذاره هو شخص حواليه ناس و بيتلقي الحب و الاهتمام من مصادر أخري من أهله صحابه و كده يعني ف يوم كان آخر يوم ثانويه عامه شافني بعد المدرسه كان بعتلي واتس قالي هنفطر سوا عشان لو مشفوفناش بعض تاني قولتله تمام و ضحكنا و هزرنا و طبعا عمري ما كان بيني و بينه كلام الا لازم الفكره و أقوله اني بحبه تاني يوم انتظرته 17 دقيقه بعد المدرسه سلم على العيال كلها و زمايلنا و شايفين من بعيد ابتسمت له لقيته دير وشه و راح سلم على باقي العيال و انا واقف مستنيه بعد كده قام واخد صاحبه و معدي من قدامي و صاحبه بيقولي اني واقف مردش عليه قاله اهو واقف قاله سيبه واقف لما رحت مشيت من الناحية التانية عشان مكلموش و اشوفه رحت لاقيته بيقولي انت سيبتنا و مشيت حسيني ب اهانه و كمان كنت حاسس أنه عاوزني انا الي اروح وراه و أكلمه و أقوله ي الله هنروح نفطر مشيت و رحت و بعتلي و متكلمتش معاه في الحوار ده ومع أنه عارف أنه غلطان قعد يقولي فيه ايه عشان اتكلم و كده كده مش هيطلع نفسه غلطان ابدا و انا بحبه و مستحيل اضغط عليه و اهينه قدام نفسه بعد كده حصلي مشاكل في البيت كل اما أكلمه ميردش و أما يرد يرد بواخه مع أني اتصلت عليه قبل منخلص امتحانات و قولته مش عاوز اهون عليك انا مبحبك متسيبنيش ب الله عليك و حاليا اخر مره كلمني به ر معاه ف جأه قالي سلام يسطا بعتله رساله طويله اوي ب اختصار اني لازم ابعد و كده بعدها بيومين بعت لواحد عشان افك البلوك و حرفيا دخلت و فكيته و دخلت أكلمه شاف الرساله و مردش و بقوله فيه اي يا ابني مش بترد ليه قالي انت عاوزني ارد عليك ليه قولته يسطا لما تظبط نفسك هتعرف توصلي حاليا مفيش كلام هو واحشني اهي و مش عاوز اكسر نفسي قدامه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_64583 🇪🇬

منذ 5 أيام

شعور ضائع

انا كنت بحب بنت قدي ف السن انا ف علوم وهي صيدله خاص اتكلمنا كاصحاب ف الاول بس لما اعترفتلها قالتلي مش حاسه بحاجه ناحيتي وانا احترمت دا وبعدت شافتني ف فرح بعدها دخلت كلمتني تقولي انا حاسه بمشاعر ناحيتك وكده فرحت طبعا وفضلنا نتكلم بعدين رجعت تقولي انا مش حاسه بحاجه وتتاسف انا زعلت جدا بس تقبلت الحوار

Pear_51536 🇪🇬

منذ 5 أيام

شعور ضائع

حاسه ان في حاجه غلط ف علاقتنا مش عارفه بحس كده ليه ممكن عشان اعرفه من علي ابليكيشن ولا عشان هو بعيد عني معرفش و بحس لما ببعد عنه اني فقدت حاجه كبيره اووي و لما ارجع اقرب احس ان في حاجه غلط معرفش ليه اعمل ايه بجد مع العلم اني بخاف اوي اقرب من الناس و هو كان بيساعدني اني اتجاوز الخوف ده اعمل ايه اقربل

Mango_64235 🇪🇬

منذ 6 أيام

شعور مكسور القلب

نا وفرحة كنا مع بعض سنتين، علاقتنا كان فيها حب حقيقي، وعدنا بعض نكمل الطريق سوا، وكنت دايمًا جمبها في كل حاجة. ماكانتش مجرد مشاعر، كانت عشرة ووعد ومواقف كتير أثبتتلي إنها كانت بتحبني بجد. لكن مؤخرًا بدأت تبان عليها الضغوط، بقت عصبية، وبتتكلم ببرود، وكل حاجة بينا بقت فيها شدّ. حاولت كتير أتكلم معاها

عبّر عن شعورك بشكل مجهول

لكن مؤخرًا بدأت تبان عليها الضغوط، بقت عصبية، وبتتكلم ببرود، وكل حاجة بينا بقت فيها شدّ. حاولت كتير أتكلم معاها واهديها، لكن في كل مرة كانت بتقول كلام مش راكب على اللي بيننا، مرة تقول بتكلم حد، مرة تقول ابن عمها هيتقدم، ومرة تانية ترجع ترن عليا أو على أختي، وتسأل عني. عمرها ما قدرت تبعد أكتر من 3 أيام، كانت دايمًا بترجع، حتى لو قالت العكس.

فرحة عندها 16 سنة ولسه صغيرة على الضغوط اللي شايلها. عندها ظروف صعبة جدًا: حالتها الصحية مش مستقرة ومحتاجة عملية، أبوها مريض قلب ومش شغال، وأمها وأبوها بينهم مشاكل، وأمها نزلت تشتغل علشان تصرف. هي شايلة بيت كامل على كتفها، بجد ست بيت بمعنى الكلمة، بتصرف وبتنزل تجيب حاجات للبيت، وكل اللي حواليها معتمدين عليها، رغم إنها أصغر واحدة فيهم.

هي محترمة جدًا، وعمرها ما كانت قليلة أدب، عارفة تحافظ على نفسها، وعمرها ما أذتني في عرض ولا شرف، وكانت دايمًا بتحاول تبين إنها قوية، رغم اللي جواها.

الفترة الأخيرة اعترفتلي إنها بقيت تحلف كدب بسبب الضغط اللي هي فيه، وقالتلي "مش عارفة بقول كده ليه". كانت دايمًا تقول إنها هتبعد، لكن عمرها ما عرفت تكمل في البعد، كانت بترجع ترن، أو تسأل عليا حتى لو بشكل غير مباشر.

آخر مرة كلمتني من رقم غريب وسألتني "كنت عايز تقولي إيه؟"، قولتلها: "إحنا بينا عشرة، انتي عايزة تكملي ولا لأ؟" قالتلي: "لا". قولتلها: "ربنا يسهل"، وقفلت.

لكن رغم كده، قبلها كانت بتقول لصاحبتها إنها لسه بتحبني، ومش بتكلم حد، وإنها مخنوقة وبتقول "نفسي أموت".و امي كلمت امها. 
(دلوقتي مكلمناش بعض بقلنا يومين تفتكرو هترن او هتسبني فعلا.. و هل هي تستاهل اني اشيل الموضوع من دماغي ولا لا افضل افكر فيها و هل فعلا ممكن تسبني 😞

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_56260 🇪🇬

منذ أسبوع واحد

شعور محبط

هوه عادي نكون بنحب بعض ومتقدرش تستغنا عن بعض بس برغم كده بنتخانق و الخناق يطول شهرين تلاته ونرجع تاني بقلنا سنتين ع كده سنتين متقطيعين عرفه المشكله المشكلها ان احنا مش بنفهم بعض بس بنحب بعد حب بجد بس مش عارفه حل الحوار ايه الي عاندو نصيحه يقول🙂🙂

Mango_63545 🇪🇬

منذ أسبوع واحد

شعور محبط

عبّر عن شعورك بشكل مجهول

انا. ولد اتعرفت علي بنت من  سنين المهم 
اول سنه كنا كويسين جدى وكنت بشوف منها اهتمام ميتوصفش وكانت علاقه محترمه جدى بعد كده بصراحه و بسببي العلاقه اتطورت و عارف انها عملت كده علشان بتحبني 
المهم انها وصلت انها جاتلي الشقه مره وحصل اللي حصل من سنتين الكلام ده فضلت مكمل بصراحه علشان مرضتش ابعد بعظ اللي حصل وانا بحبها جدا 
المهم انها بعد كده بدات تقول نفسيتي تعبانه من اللي حصل وانا كنت مقدر ده طبعا و فضلت اتهاون علشان مكنش انا والبيت عندها صعبين ونفسيتها من اللي حصل 
اتحملتت كتير و بدأت تتطاول بالكلام جدا لدرجه انها كلمت واحد غيري وانا باقي عليها بعد كل ده علشان مجرحهاش و رجعت وقلتلها خلاص خير مسامحك 
معلومه كنت بعمل ليها كل حاجه فلوس تعليم بدفع فلوس اكل بدفع بشتغل وبحرم نفسي وبدفع مذاكره بذاكر ليها و هي شاطره ربنا يبارك ليها بجد 
حاليا علاقتنا كويسه شويه بتوتر وشويه بتبقي كويسه الفكره اني حبيتها واعتبرها اختي ومرضتش اكسرها هتقولي اختك عملت فيها كده ليه 
انا كنت صغير ومكنتش مدرك والله بس حاليا ندمان و مكمل علشان مش يحصل ليها حاجه و مستني نخلص كليه وهتجوزها وناوي اخطبها وانا في الكليه بس الفكره معاملتها وطريقتها بقو زباله وانا مش عارف اي القرار الصح مع ان دخلت كذا صاحبه ليها غالين عليها اوي و كانت أول مره تحكي لحد وهم قالولي ابعد انت عملت اللي عليك 
واختها عارفه قالت ابعد 
انا مش هاين عليا اكسرها وهي مصره علي طريقتها مع اني بشوف ان البنت اللي بتحايل علي الواحد مش العكس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_58349 🇪🇬

منذ أسبوعين

شعور ضائع

السلام عليكم يرب تكونو بافضل حال لو سمحتو عاوز نصيحتكو يريت الل ت بنت هتكون فاهمه اكتر يعنى عشان نفس الجنس وكده انا كنت بكلم واحده من فتره قصيره حوالى شهر كده بنتكلم عادى وف الاول اتفقنا لا حب ولا بتاع من ده احنا مجرد صحاب بسس لا اكتر ولا اقل عشان محدش فينا يزعل من التانى هي قدى ف السن بس ف كلية اقل

Tomato_62425 🇪🇬 حالة إنك متعرفش فالمصحابه بين الولد والبنت حرام حالة إنك عارف وبتعمل كده لأي سبب بقى تجربه، حب ، الخ.... فأنا ممكن انصحك بأني عملت زيك ويمكن كنت اوحش لأني جادلت وأنا عندي علم 100% أنه حرام وحاليًا أنا ندمان أشد الندم وتربيت واتعلمت ممكن أقولك الخلاصه إن والله مفيش حاجه ربنا حرامها إلا ولها ضرر عليك سواء شوفته دلوقتي ولا كمان شويه أو حتى كنت بتغمض عينك عنه ومبتشوفش الهتعمله حرام مش هيضر غير نفسك

عرض الكل 4 نصيحة

Banana_62165 🇪🇬

منذ أسبوعين

شعور متوتر

عبّر عن شعورك بشكل مجهول

انا حرفيا بقيت تايه مش عارف اخد خطوة صح الملخص انى حبيت بنت  واتخطبنا علاقتنا بقالها ٧ بس الخطوبة سنتين هى كمان بتحبنى وفركشنا ورجعنا وفركشنا تانى كلها اخطاء سواء منى او منها مش هقول انا احسن واحد فى الدنيا بس اللى حصل واهلها وخاصة امها من وقت دخولها فى مشاكلنا وعلاقتنا اتدمرت وسيبنا بعض تمام وهى اتقرا فاتحتها وانا قعدت مع ناس تانيين ممكن يكونو مناسبين اكتر وكمان اجمل وحاولت ادى لنفسى فرصة مع حد فيهم وهم كانو بيتمنوا انى اخد خطوة كنت واخد الموضوع من ناحية انه حد مناسب ومريح وخلاص بس حب مش هعمل كده تانى وكالعاده بعد فترة رجعت تكلمنى تانى وانا بردو رجعت اتكلم تانى علشان بحبها بصراحة وبلاقى راحتى معاها الفكرة ان دلوقتى الامور بينى وبين مامتها واصلة لطريق مسدود لدرجة انها قالتلها يا انا يا هو وهى برضو شخصيتها ضعيفة اوى مع مامتها ومش عارفة تاخد موقف معاهم حتى انها تخلص من الحوار اللى هم دخلوها فيه حاسس انى اهبل اوى وضعيف على الرغم ان دى مش شخصيتى تماما وانا الحمد لله قدرت ابنى نفسى بنفسى من غير مساعدة حد واللى بعمله او وصلت ليه صعب حد فى سنى لوحده يعمله وده توفيق من عند ربنا المهم التفاصيل كتير ومش عايز اطول بس مش عارف اعمل ايه الحقيقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_30697 🇪🇬

منذ أسبوعين

شعور متعب

عبّر عن شعورك بشكل مجهول

المواضع طويل شويا 
الموضوع بدأ معايا لما كان عندي ٦ سنين كان في بنت انا اعرفها وي في بينا قربه بس من بعيد بس بحكم أن اهلي وي أهلها كانو صحاب وي عارفين بعد فا كانا بنروح عنهم وي هما يجو عندنا وي كنت سعات بروح عندهم وي هيا تيجي عندنا وي نلعب مع بعض وي كنا قريبين من بعض جدا  وي فضل لأمر كده لحد ام بقا عندي ١٢ سنه جت في يوم وي لمحت ليا أنها بتحبني وانا اعترفت ليها وي كال واحد فينا اعترف لي التاني بس مرتبطنش كنا صحاب بس وي جيت في يوم حبت ليها هاديه سلسلة وي موصفش ليكم فرحتها بيها كانت عامله ازاي هنرجع لي النقطه دي بعدين فا فصلنا كده لحد ام بقا عندي ١٤ سنه وي كبرت وي هيا كبرت فا مكنشي ينفع اروح عندهم غير وي اهلي ريحين فا مكنش بنتقابل كتير اوي يعني وي سعات كان اقبلها في الشارع وي نقف نتكلم شويا وي بعدها نمشي لحد ام بقا عندي ١٥ سنه سفرو بره مصر علشان شغل ولدها كان بره مصر فا مكنش بنتكلم خلاص ولا نتقابل وي حتي لما يجو في لاجازت مكنتش بشفها غير خفيف كده بس اخيا الصغير كان بيروح عندهم علي طول علشان اخوها اد اخويا وي صحاب فا كانت بتسالو عليا وي كده فا جهم السنه الي فاتت زياره عندنا في البيت سلمنا علي بعض عادي وي خت بالي انها لسه لبسه السلسله الي جيبها ليها وي حولت افتح معاها كلام او كده بس كانت بتصدني وي عملتها معايا بقت سطحيه اوي وي جت يومها فضلت زعلان جدا وي مش فاهم الي حصل علشان تبقا علاقتنا كده فا انا السنه دي قراؤت اني انسها مع اني مش عارف هيا بتحبني ولا لأ ولا اي الي حصل بس قرارت ده فا دخلت في كذا ريليشن بس ديمن كانت في بالي وي علي طول فكرها وي مش بنسها وي امي وي مامتها كانو شكين في الموضوع ده ليحكم أنهم كانو بيشوفو المعلمه بتاعتنا مع بعض لحد ام جيت فتحت امي في الموضوع اني عايز اخطبها بعد ما هيا تخلص ٣ ثانوي بس الكلام ده من فتره كبيره وانا دلوقتي عايز افهم هيا لسه بتحبني ولا لأ وي معنديش الجراءه اني اكلمها أو افهم منها بس انا بحبها من صغير وي هما جهم من الصفر بقلهم فتره وي قبلتها في الشارع بس هيا مخدتشي بلها مني لما شفتها افتكرت كال حاجه كانت بينا وي اد اي احنا كنا محتاجين بعض وي كانت فاكر اني نسيها بس لأ انا مش نسيها وي بكذب علي نفسي عايز اعرف أو افهم منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_61828 🇪🇬

منذ 3 أسابيع

شعور مرتبك

عبّر عن شعورك بشكل مجهول

انا بنت كان ليا ماضي واتعرفت ع حد حكيتله عني كل حاجه وكل شخص دخل حياتي، قالي بحبك وكنت عارفه انو م حب وقولتله ازاي بالسرعه دي،حصلت مشاكل بسبب اني مبطلتش ادخل ناس غلط حياتي وخسرت فوني، وقولتله في حد متقدم يزعل ويحاول يبعد، نزلت شغل وبعدت 4 ايام ورجعت يرد ببرود، ويقولي انتي تغيبي وترجعي كأن مفيش حاجه، وقالي انا غلطان اني رديت عليكي قولتله شكرا، وبعدنا اكتر م شهرين ورجع تعبان عنده اشتباه فجلطة وجرثومة مبهدلاه، ونا كنت فالوقت بحاول اتعايش انو م موجود خلاص، بعتلي موجوده.. رديت عليه وانا قلبي مقفول بس كان واحشني، المهم قعدني م الشغل واداني مصروف وقالي انتي بنتي وانا كنت بكلم واحد واقف فمحل موبيلات عشان عاوزة اشتري فون، جبلي الفون هو ومكنش عايز مني فلوس، وكنا بنتقابل كتير الفترة دي وامي عرفت بيه ورحبت، حسيت بالذنب عشان ابتديت اتعدي حدودي مع بتاع الموبيلات وقولت هبعد م غير مايحس كنت بكلمه ينزلي افلام واروح اخدها وسلام سلام، المهم عرف وزعل وثالحته قالي انتي رجعتي حد قديم تاني حياتك وكنتي هتقابليه انا كنت مفكر انهم ضاحكين عليكي، بس انتي مكنتيش بريئة ولا ملاك، وبقي شايفني بنت وحشه، انا حبيته واتعلقت بيه، الكلام دا بقالو كام شهر بس، وكل فترة يرجع يفكرني بيهم ويقولي انتي بتكلمي وانتي كدابة وغدرتي بيا وخونتيني واحنا فوقت بنقرب فيه من بعض، ليه كده، هنتقابل بعد اسبوع اروح امسح صوري وقولت عقابا ليا انزل اشتغل وارجعله فلوسه اللي صرفها عليا، بس انا هبقي وحيدة من بعده، هو بقي كل حاجه ليا دلوقتي، وكنت بقوله ع كل تحركاتي، كان اب وصاحب وحبيب. انا اتحايلت واعترفت بمشاعري واني غلطانة بس مش قصدي اخونه انا م عارفه اعبرله دلوقتي تاني، الموضوع اصعب م اي وقت، هو متغير ومش بيرد عليا حتي ونا مش عامله حاجه، بس معاه اسكرينات للناس اللي بكلمهم م ورايا ومش عارف يموف اون من اللي شافه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_56731 🇪🇬

منذ 3 أسابيع

شعور مكتئب

حاسه اني مستلطفه حد ... دخل حياتي قريب مش من زمان ، بس كان بيحب واحده قبلي حب جنون وجاله اكتئاب بسببها وكان بيتعالج ، لسه بيحبها علي فكره وطول الوقت بيفتكرها ومع كل كلمه اقولها هي اللي تيجي في باله ومع كل اغنيه برضو بيفتكرها هي ، مش عارفه اعمل ايه

Popcorn_61753 🇪🇬 كان حصلي حاجه شبه كده ونصيحه متكمليش لانه فعلاً هيفضل فاكرها انا كنت مرتبط بواحده برضو فضلت كل ما تفتكر تفتكره هو مهما هتقدمي برضو هيفضل الشخص ده متعلق باللي حبه قبلك

عرض الكل 9 نصيحة

Chilli_44545 🇪🇬

منذ 3 أسابيع

شعور مرتبك

انا بحبها من طرف واحد وانا وهي اصحاب واعترفت ليها قبل كدا بس هي طلعت مرتبطه وكانت مخبية وبعدين اتفقنا نفضل اصحاب وبس بس مع الوقت ابدتيت اغير عليها واشتقلها وهزرنا زايد الفتره دي من معاكسه لاقلت ادب وهكذا بس ماعرفش بقاا مش عارف ابعد عنها حبيت علاقتنا كدا هل كدا الحب راح من قلبي من ناحيتها

Coffee_53420 🇪🇬

منذ 3 أسابيع

شعور ضائع

عارف شعور انك حبيت حد سوشيال حبيته كصحاب جدا و العلاقه اتطورت ومنجحتش بس انت لحد دلوقتي هي وحشاني كصحبتي علي الرغم اني مرتبط وبحبها جدا و الخطوبه قريبه جدا بس انا مش عارف اتخطي انها صحبتي واني كان نفسي اعيش معاها حاجات كتير كصحاب يعني هي وحشاني كصحبتي مش امتر انا مش فاهم و مش فاهمني

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

التجربة أفضل عبر التطبيق

حمّل تطبيق توهيل على هاتفك لتجربة أسرع