علاقات مضطربه

Strawberry_70397 🇪🇬

منذ أسبوعين

شعور متعب

عايزه اخد نصيحه لو شخص بيحبك ونت بتبعد وتقرب بعديها تبعد تاني وتقرب تاني والطرف التاني ع قلبو زي العسل عشان بيحبك وكدا رغم ان لمه بعد ف الاول اتكسر جامد اوي وبعدين رجع عادي والشخص التاني كل شويه يبعد ويقرب هل الطرف الي بيتساب ينفع يرجع زي الاول مع الشخص ده محتاجه الرد ضروري 🙂🤦‍♀️

Strawberry_63058 🇪🇬

منذ 3 أسابيع

شعور منزعج

حسيت لما رجع بتكلم أن مفيش امل كل شويه يرجع يتكلم مره او مرتين في الاسبوع و يقطع المرادي كانت اخف عليا بس في نفس الوقت مش عارفه اتخطى فكرت انك كل شويه توغدها و هي معاك أنها فتره و هتعدي هل ده عشان انا مش فاهمه طبيعة شغله حاولت اتعامل عادي بس مفيش حد مشغول 24ساعه كل يوم و اكيد هتيجي على بالك مره لو

Biscuit_60779 🇪🇬 انا عندي نفس المشكلة فعلا بس انا الولد ، احنا مخطوبين بس اللي عاوز يسال هيسال لو مش مخطوبة فكك منه، قسم بالله لو في نص الشغل و عاوز يكلمك هيكلمك مرتين في الاسبوع اما يبقي زهقان او مش لاقي حاجه يعملها و الله اعلم ممكن طبيعه الشغل بردو

عرض الكل 4 نصيحة

Strawberry_60123 🇪🇬

منذ شهر واحد

شعور محبط

عبّر عن شعورك بشكل مجهول

المشكلة طويله شويه عشان تبقوا عارفين من البدايه 
انا في حاجه مضيقاني جدا صاحبي الوحيد في الجامعه و انا متعلق بيه و اللي انا بعزه جدا قبل كدا كنت بكلمه فبقوله هو انت بيفرق معاك اني ابعتلك أسأل عليك انا عن نفسي بيفرق معايا لما تسأل عليا قالي لا انت مش فارق معايا و لا اي حد بيفرق معايا و متخليهاش شخصنه انا كل الناس بالنسبالي كدا و لو مش عاجبك كلامي و مش مقتنع بيه متكلمنيش تاني انا شخصيتي كدا و طبيعتي كدا  و مش هغيرها عشان حد  و متطلبش مني اني أبادلك نفس الشعور و انا مبحبش أسأل علي حد و لا بحب حد يسأل عليا بس لو عايز تسأل عليا براحتك مع اني كنت شايفه في الجامعه قبل كدا واقف مع صحابه فا صاحبه جاي يمشي قعد يقوله خليك قاعد و بتاع هتمشي ليه و مرة تانيه انا كنت ماشي معاه في الجامعه فا هو شاف واحد صاحبه كان ماشي من الجامعه قاله انت ماشي و سايبني ليه (يعني في ناس فارقه معاه اهو) و اما جيت قولتله ان دا حصل و انه كان بيمسك في صحابه قالي لا عمره ما حصل و  قولتله انا زعلان من كلامك و مينفعش تقول لحد كدا في وشه بس مكنش هاين عليه حتي يعتذر
   حاسس اني شايل منه جدا لانه علي حسب كلامه سؤالي عليه ملوش لازمة و انا مش فارق معاه و مطلعش ليا خاطر عنده
و انا مش عارف استغني عنه لانه الوحيد اللي بحس انه شبهي و بيفهمني في الجامعه و الوحيد اللي انا كنت بتكلم معاه واتس بالساعات و بشكل شبه يومي زمان و كنت ساعات بكلمه في التليفون و هو يكلمني و كنت بعرف أخد و ادي معاه في الكلام و كنت بهون بيه علي نفسي الجامعه و هو كمان كان ساعات كتير بيبعتلي  و كان قريب مني جدا المهم بعد كدا قولتله انت مش مش ناوي تعتذر علي كلامك قالي ماشي مع اني مش شايف نفسي غلطت في حاجه  بعدين بقاله فترة متغير معايا و مهما اعاتبه يقولي هي دي شخصيتي و غير بقي المواقف البايخه اللي بيعملها معايا يعني مثلا ساعات كتير في الجامعه اشوفه و لما يجي يعدي من جنبي الاقيه يقوم مدور وشه الناحيه او مثلا لما انا آجي اعدي من جنبه الاقيه يخبي وشه و مواقف شبه كدا و لما آجي ابعتله اكلمه علي الواتس اقوله انت ليه بتعمل كدا يقولي بيتهيألك و هو انا لازم ابحلق في كل واحد انا معدي جنبه و بعدين كنت بقوله عايزين نرجع صحاب زي اول ما دخلنا الجامعه كان بيرد يقولي موعدكش و لما آجي ببعتله علي الواتس ساعات كتير يرد متأخر عليا و ساعات يعقد باليومين ميردش عليا مع اني ساعات بلاقيه active علي الfacebook و ساعات الاقيه يقوم فاتح رسايل الواتس اللي علي الجروب لاني بكون باعت رسالة علي الجروب بتاع الدفعه فا جيت كلمته علي موضوع انه بيفتح رسايل الجروب و مش بيفتح رسايلي قالي انه ال لاب توب بتاعه فيه بوت انه بيفتح رسايل الجروب لوحده عشان كدا بيظهرلي انه فتح رسايل الجروب و يقعد يقولي انت دايما بتسيء الظن فيا و هدعيلك في الصلاة ربنا يهديك و يحسسني ان المشكلة من عندي و اصلا الشهور الأخير انا دايما اللي ببادر و ببعتله أسأل عليه علي الواتس و هو نادرا جدا جدا لما يبعتلي يكلمني و كان في موقف تاني انه كنا في امتحان و هو كان في لجنه تانيه غير لجنتي المهم اتعمله محضر غش عشان لقوا الموبايل في جيبه فأنا بعتله علي الواتس قولتله انت كويس و قعدت اتصل بيه مكنش بيرد عليا خالص و لقيته رد عليا علي الواتس قالي انا مش هينفع ارد علي التليفون و بعتلي صورة انه في ناس كتير بتتصل بيه و هو مبيردش علي حد و كلهم missed call فلما جيت اعاتبه علي كدا قالي انا مبحبش اكلم حد في التليفون من أيام الكورونا قولتله ليه قالي معرفش قولتله احنا كنا بنكلم بعض زمان ساعات كتير في التليفون ايه اللي جد قالي معرفش و في مرة كنت ببعتله علي الواتس بكلمه فا مردش فا قومت قايله انت ليه مبتردش و مش سائل فيا لقيته بيقولي انا لو مراتي متقدرش تقولي كدا قومت عملتله بلوك بس شيلته بعد ساعه و كلمته راح قالي انت عملتلي بلوك و بتاع راح عاملي بلوك هو كمان فا كلمته و قولتله نفتح صفحه جديدة و بتاع و قالي تمام و بعد كدا آخر موقف حصل بيني و بينه انه كان عندنا امتحانات و انا كنت ببعتله بشكل شبه يومي أسأل عليه و اقوله عملت ايه و اخبارك ايه فا هو كان بيرد عادي و في مرة قعد يومين مبيردش بعد كدا قومت قايله انت كويس انا قلقت عليك انت مبتردش ليه لقيته رد بعدها قالي انا بنت عمي ماتت و انا منزل ستوري و انت ماهنش عليك تعزيني قومت قايله انا مش ظاهر عندي ستوي اصلا بعدين قومت قلتله انت بتكلم في ايه انا ببعتلك كل يوم أسأل عليك اكيد مش هبقي قاصد مبعتلكش اعزيك و بعدين انا كنت حاسس انه مأفور الموضوع و دا مش سبب انه يعقد يومين ميردش عليا و ان بنت عمه اصلا بعيده عنه المهم كان عندنا تاني يوم امتحان و شوفته ماشي مع صاحبه كان عمال بيتكلم معاه و كالعاده عدي من جنبي مدور وشه الناحيه التانيه فا قومت لما روحت بعتله علي الواتس قولتله انت عاملي فيها مكتئب علي بنت عمك اللي ماتت مبتردش عليا علي الواتس بالايام و انا شايفك عادي جدا في الجامعه بتكلم مع الناس قالي انا بتكلم في الامتحان مش بضحك و اهزر يعني قولتله و بالنسبه لانك كنت بتكلمني باسلوب قذر علي الواتس امبارح محستش بالذنب قالي لا محستش بالذنب لانك معندكش دم و مبتحسش من ساعتها مبعتلوش تاني علي الواتس خالص و عدي شهر علي الموضوع دا و في الجامعه لما بشوفه و هو يشوفني مبنكلمش بعض و مش هاين عليه يبعتلي خالص انتو شايفين ان الكلام اللي بيقولهولي دا عادي و لا لا و المواقف اللي بيعملها معايا دي عاديه و هل انا سيء الظن؟ و هو ايه اللي غيره معايا كدا و ليه بيتعامل كدا مع اني بشوفه في الجامعه ماشي مع صحابه عادي يعني مش انطوائي و لا حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_59452 🇪🇬

منذ شهرين

شعور متعب

عبّر عن شعورك بشكل مجهول

هالو يجدعان دي تاني مره ليا احكي حاجه
فى موضوع شغلني انا كان ليا صحبه وقريبه مني اوي وكنا حرفيا الكل بيحكي فى المدرسه بصداقتنا حصلت مشاكل الذنب كلو مش عليا والله بس مامتها اتصلت وعملت حوار ليا ومش عارف اي ومن بعدها فضلت شهرين مشوفتش صحبتي وبلوكات من كل حته حتى لارقام اهلي رجعت المدرسه الترم التاني( كنت فى تانيه ثانوي) هي مجتش بس جت فى امتحانات الشهر اول ما قربت منها قالتلي ابعدي عني بعدت واحترمت رغبتها رغم اني كنت هجنن عليها ومليش غيرها فى المدرسه
 كنت مدياها كتاب هديه رجعتهولي تاني يوم امتحانات خدتو ودخلت عيطت فى الحمام وزعلت اوي جت امتحانات اخر السنه انا وهي جمب بعض فى اللجنه اول يوم امتحان عدي بس هي مكنتش طيقاني وتاني يوم طلبت تتنقل من جمبي وتعد فى بينش تاني الموضوع اثر فيا اوي برضو غير كده رجعت تكلم البنت الي كانت صحبتنا وحصلت مشكله والبنت دي موقفتش جمبي انا وصحبتي وسلمتنا للاداره زور وكدب ورجعو صحاب تاني كل ده اثر عليا لدرجه اني اتقفلت منها  المشكله مش فى ده المشكله ان.. 
قبل ما هي تنزل تاني المدرسه انا كل يوم بحلم انها جت وكلمتني وحضنتني كل يوم نفس الحلم  لحد ما هي نزلت زي مقولت بعدها الحلم اختلف بس هو هو نفس المعنى حلمت انها اعتذرتلي فى المدرسه انها رجعتلي الكتاب وفضلت تقولي انتي مش فهمه حاجه بس غصب عني عدت فتره بحلم برضو بيها انها بتكلمني وبتقولي اني وحشتها وانها كان نفسها تكلمني خلصت المدرسه بقلها تلت شهور برضو الاسبوعين دول نفس الاحلام بشكل متكرر لدرجه اني انخنقت كنت خلاص اتقفلت منها وقولت مش عيزاها ترجع وعملت ليها بلوك عشان لو حاولت تكلمني متلاقيش مني رد من بعد ما عملت البلوك الاحلام بقت متكرره اوووووفر وبشكل مزعج ومخنق كفايه عيزه ترجعي ترجعي لكن سبيني انام براحتي
حد يعرف تفسير لده اهلي بيقولو عقل باطن بس استحاله عقل باطن انا مبقتش بعرف انام وصحبتي بتقول هي عيزه تكلمك بس مش عارفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_50969 🇪🇬

منذ شهرين

شعور غاضب

Mango_55662 🇪🇬 انتي حرقتيه بقيتي مجرد هدف اوصله وخلاص. لى منتعملشي زي البنادمين ونتعامل طبيعي لى الحركات والاذه ده وتيجو تشتكو فى الاخر

عرض الكل 12 نصيحة

عبّر عن شعورك بشكل مجهول

دايما افضل كارفه وتقيله علي الي بيحبني والاقيه هيتجنن عليا وبيكلمني كل لحظه وانا مش معبراه ولما اقرر احبه واديله وش واعبره يروح ساحب عليا وكارفلي ولا كأني موجوده ده بالعكس بيعامل اي حد غريب احسن مني وعلي الحال ده يعني دلوقتى بعتلي يعيد عليا يوم العيد الفجر عشان عارف اني نايمه وانا كنت صاحيه ورديت راح رادد وقت ما الناس بتبقي نايمه ف غيبوبه العيد دي علشان عارف اني هبقي نايمه بس انا كنت صاحيه ورديت فوقتها راح ساحب عليا من وقتها لحد دلوقتي كارفلي كرفه سوده كأني الاكس بتاعته أو مرات ابوه ومش اول مره يعمل كده انا بديله اعذار مره واتنين ومليون بس لما يفضل علي الحال ده ايه العمل معاه ودايما وقت ما يكون كارفلي كده يفضل ينزل ساوندات حزينه ويبعت استريكات كانو متخزوق ولا بيحن للقديمه الله أعلم بيضايقني ويحرق ف دمي ولا هو فعلا بيحنلها ولو ربنا هداه وكلمني بيكلمني بطريقه تجيب شلل سباعي حرفيا كاني بشحت منو إنما بقا وقت ما اكرفله يفضل يتحايل عليا اصالحه ويفضل يصالحني بالساعات لحد ما يلاقيني خلاص رديت وكله تمام يروح رازعني واحده سين للرساله منغير رد اسبوع علي الحال ده انا عرفاه من6 شهور اول 5 شهور كان حلو ف الاخر كده بقا غلس ودمو تقيل ربنا يهديه ويخليه لامه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_46393 🇪🇬

منذ 8 أشهر

شعور لا مبالٍ

عبّر عن شعورك بشكل مجهول

حصل خلافات فتره بيني وبين اهلي ومازالت مستمره' وحصلت ظروف لما كنت في السعوديه مع والدي' دي من اكتر الحاجات الي اثرت فيا' ومع الوقت واستمرار الألم والمشاكل والتوتر" بقيت شخص معندوش لمشاعر ولا تعاطف لحد ولا بحب حد خصوصاً اهلي مبحبش غير نفسي' وبقيت شخص اسود من جوه وتفكيرهُ شيطاني' ومستعد اعمل اي حاجه حتي لو هقتل لمجرد شخص تعدي حدوده معايا' و دا حصل كنت بضرب شخص وكان هيموت بس الناس لاحقتو بس م علينا" تفتكرو انا بقول الكلام دا ليه' مستني حد يتعاطف معايا ولا كلمتين يفوقوني" لا انا بقول الكلام دا عشان في حاجه لسه كويسه جوايا ويمكن دي اخر حاجه' حب الطفوله" علاقتنا استمرت بشكل رسمي 4 سنين' وانفصلنا في 2023' الحاجه الوحيده الي بتأثر فيا وبتحرك مشاعري وبحس اني عايز اعيط' هي' ليها مكان جوايا ومستعد اعمل اي حاجه عشانها' لأني بحبها' كل يوم بيعدي عليا ب ادراك قد ايه انها فعلاً ليها مكان جوايا" كل يوم بحلم بيها والموضوع ذات عن حدهُ لدرجه اني عايز اعمل اي حاجه عشان نرجع' اتقدملها مثلاً اي حاجه تغفرلي" بس انا مش قادر اعمل دا' انا حزين  كان ممكن كل دا ميحصلش كان ممكن اعيش في امان' عمتاً يعني انا قريب اوي مسافر السعوديه' ومن شدتي حبي ليها بفكر لما انزل اتقدملها' بس بقعد افكر بيني وبين نفسي هل هي هتوافق بيا بعد م انفصلنا' رغم اني مش وحش بالعكس انا ليا علاقات كتير جداً مع بنات وكلمت من بعدها بس تقدرو تقولو' قلبي ماختارش غيرها' ومحبش غيرها' انا حقيقي مفتقدها وحقيقي وبقولها من قلبي' انا حزين علي فراقنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_27274 🇪🇬

منذ 9 أشهر

شعور مكسور القلب

حرفيا نفسيتى زفت 😭 انا من حوالى 15 يوم واحد زميلى قالى انو عايز يجى يتقدم وكده وانا كونت حبه اخد وقت افكر فضل يتحايل عليا انى اوفق وانو بيحبنى ونفسه ابقا مراته وكده لحد فعلا ما وفقت وقالى خديلى معاد اجى فيه واخت معاد من اهلى ع يوم 15/11 وبعد ما كان كل شويه بيتصل ويهتم ابتدا كل ده يقل كلمته وقولتل

Strawberry_21539 🇶🇦 نتعلم اننا مش احنا اللي بناخد موعد مع اهلنا هو اللي يجي وياخد موعد بنفسه انتي مش دفتر حجوزات يا قلبي وفكك منه عشان دا عيل مش راجل

عرض الكل 18 نصيحة

Mango_34633 🇺🇸

منذ 9 أشهر

شعور مرتبك

هو ليه ممكن راجل المفروض انه بيحبني و بيغير عليا و مش بيعرف يعدي يوم من غير ما يشفني او يكلمني يفضل يتخانق معايا عشان الماضي و يشك فيا مع اني مش بعمل حاجه و يقلي أنا هدمرك زي ما دمرتيني و هعرف عليكي بنت اول ما تسيبيني عشان أوجعك و أجرحك؟ ليه مش بيقول قد ايه هو بيحبني و عايز يحافظ عليا بدر ما يبوظ كل

Avocado_30871 🇪🇬

منذ 9 أشهر

شعور ضائع

انا كنت مرتبطه اربع سنين و اتأذيت كتير و لما سبته ف اقل من شهر اتعرفت علي حد جديد و الحد دا شدني من اول مره و خدنا رقم بعض و اتكلمنا الكلام دا بقاله سنه في السنه دي حصل حاجات كتير وانا حبيته جدا بس بعد ما كان قالي انه هيكمل معايا بعد كدا حصل كذا حاجه و مع العلم هو مكنش بيشتغل ف لما كنت باجي اقوله عا

Jackfruit_30983 🇰🇼 شوفي حياتك

عرض الكل 2 نصيحة

Cherry_29812 🇪🇬

منذ 9 أشهر

شعور ضائع

انا مش عارفه اكون كويسه ومش قادره احدد فين المشكله طول الوقت متوتره خايفه حتي ف علاقتي مش حاسه بامان حاسه اني متعبه لكل الناس اللي بتحبني من كتر خوفي بضغط ع اللي حواليا بمثل طول الوقت القوه واني كويسه وتمام وماشيه صح بس انا مش عارفه حاجه انا تايه ..بقيت بشوف اني بستنزف اللي حواليا ..طول الوقت عاي

Mango_29836 🇪🇬 ممكـن ده حصـل معاكـي بسبب صدمـة أو موقـف فـ الماضـي مـع اهـلك يمكـن أو عـلاقـة سببت ليكـي ده، لكـن انتِ امـرك كله مُتعلـق بيـد الله قلقانـة ليـه كـدا! لو فضلتـي قلقانـة مش هتستمتعـي بـ ولا لحظة كويسـة هتضيعـي عمرك في القلق ده، انتـي مـن حقـك ترتاحـي وتهـدي، من حقك تتبسطي بأي لحظـة حلوة حتـى لو مش متأكدة مـن مصداقيتهـا.

عرض الكل 5 نصيحة

Croissant_18921 🇪🇬

منذ سنة واحدة

شعور آسف

جماعه دلوقتى الصبح كان حصل مشكله مع شخص بكلمه ان حد صاحبه قال عليا حاجه يعنى فنا الصبح كنت ببعتله كلام كتير و ان هقفل كلام ومعدناش نتكلم و كدا و كان رده عليا انه مشغول و مش عارف يدى الموضوع حقه دلوقتى وكدا ونا فضلت معلقاه من الصبح لحد المغرب كدا لقيته بعت تانى فنا رديت بعدها بشويه وقعدت اقول متدش ال

Cookies_68867 🇪🇬

اتمنى حضن من بابا وهو عايش ومش عارفة إحساسه

سلام عليكم ..... انا بتمنى حضن ... عارفة انها امنية غريبة بس انا عيشت سنين ف طفولتي بنام و انا بتخيل حد بيحضني عشان احس بالدفا و اعرف انام ... طفله عندها سبع سنين كل طموحها في الحياه انها تتحضن اه والله ... ولحد دلوقتي نفسي في فعل واحد يحسسني باي حنان و تحديدا من بابا ... تعرفوا بابا لو مات بكره مش هفتكر معاه اي ذكرى او اي صورة اشوفها و اترحم عليه .. مليش معاه اي ذكرى حلوة كلها ذكريات وحشة ... يوم نتيجه ثانويه عامه كنت جايبه مجموع كبير كنت مستنيه انه يبادر مره واحده بس لكن معملهاش ... وحتى انا مبقتش قادره ابادر بحس ان انا متخشبة و مش عايزة اقرب خالص ... الموضوع واجع قلبي ان فيه ناس بتتمنى حضن من ابوها بعد ما مات لكن انا ابويا عايش وما زلت بتمنى بردو الحضن دا .. مع اني معرفش احساسه ايه لاني عمري ما جربته ... خايفه اوي يموت واندم ان مليش اي ذكرى معاه بس ارجوكم محدش يقولي بادري انتي عشان بجد مش قادره لما بقف عنده بحس ان انا لوح تلج مش عايزه اقرب بس الموضوع ده عاملي حرقه في قلبي ... هو ليه كده بجد ؟؟ ليه مش حنين ؟؟ هو انا مش بنته ؟؟ محسش في مره انه عايز يحضني خالص ؟؟ معقوله مش بيحبني ؟؟ ...عرض المزيد

0 الدعم

10 نصيحة

Plum_62202 🇪🇬

خايف اتكلم مع ابوها عشان مش جاهز ومعديش شقة

ازيكو محتاجكو فعلا ومحتاج اسمع اراء ليكو تكون حقيقية ف ارض واقع مش مثاليه فارغة دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوزاعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

0 الدعم

2 نصيحة

Mushroom_51170 🇪🇬

خالي المتحرش وانا صغيره.. لازم تتكلمي

وانا صغيره اتعرضت لموقف صعب كتير بيقول انه بيبقى بسبب لبس البنت طريقيتها طب اللي حصلي كان وانا قي خامسه ابتدائي وكان خالي اللي عمل كده وهو اكبر مني ب ٨ سنين يعني كان ١٩ سنه ايه التبرير اللي يخلي حد يعمل كدع ماليش تبرير لأي متحرش ولا في مشكله في البنت قررت احكي لأمي بعد كتييير اوي لما حسيت ان بنت خالتي ممكن تبقى مكاني ويحصل فيها زي ما حصل ماحكتش من الاول لأني كنت صغيره وماكنتش فاهمه وكنت خايفة محدش يصدقني ولكن كنت ببقى مضايقة مش طايقة اتعامل مع خالي هو فاكر اني نسيت ولكن مانستش واتكلمت بعد ما عدى وقت عايزة اقول ان لو حصل معاكي نفس التجربة لازم تتكلمي حتى لو عدى وقت حتى لو حاسه ان محدش هيصدقك اتكلمي سكوتك هيشجعه اكتر اتكلموا يا بنات ...عرض المزيد

1 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع