علاقات غير مريحة

Avocado_57109 🇪🇬

منذ 3 أسابيع

شعور مرتبك

عبّر عن شعورك بشكل مجهول

هل لازم كل العلاقات اللي ف حياتنا تبقي مريحة ؟
سؤال بيجي ف دماغي كتير اوي ومش بلاقيله اجابة.. يعني مثلا بنت خالتي هي كويسة جدا وبتحبني اوي وبتسأل عليا دايما بس مش بتحكي اي حاجة شخصية اطلاقا و مش قصدي اسرار يعني بتكلم ف العادي خالص 
لدرجة ان ممكن تبقي مسافرة كمان ساعتين و احنا نبقي بنتملم ومتجيش سيرة او عامة لما يحصل اي حاجة حلوة او وحشة ف حياتها متقولش بردو
وهي مش طبعها كتومة خالص لا هي عادي بتحكي وبتتكلم بس بعد م الحاجة تخلص وتحصل ويالذات ف الحاجات الكويسة ... ممكن هم كعيلة تربيتهم كانت غريبة شوية لدرجة انهم ممكن يخبو علي بعض حاجات اصلا كاخوات وتبقي حاجات كبيرة ومهمة
فبحس بعدم الراحة وانا مطلوب مني احكي واشارك كل حاحة حرفيا وهي مفيش خالص
ولو عرفت ان في حاجة حصلت مثلا وانا مقولتش تتضايق اوي وتسألني انا لية مقولتلهاش والغريب اني بحس اني غلطت واقولها اصل معلش سهيت او نسيت واقعد ابرر كمان 
واتكلمنا مرة ف المشكلة دي ومفادتنيش باي حاجة وموصلناش لحاجة بعد هري اكتر من ٣ ساعات
وغيرها بردو كتير سواء ف الاهل او الصحاب 
ان ناس كويسة معايا عادي وماشيين تمام بس في تصرفات معينة متبقاش مريحة او اسلوب معين يبقي غريب وبيضايق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_74276 🇪🇬

كل حواليا بيتجوزوا غيري ونا نادم على الرفض

ازاي ممكن اتخطي فكره ان كل اللي حواليا سواء اولاد عم أو عمه أو حتي خال ولاد و بنات اصغر مني بسنين بيتجوزو ويخطبوا ما عادا انا واخواتي امي تصرفاتها بتقهرني لدرجه اني بندم اني موافقتش علي اي شخص مش مرتحاله قبل كدا بالرغم أن سني ٢٥ مش كبير بس هم اللي بيتجوزوا بدري ...عرض المزيد

0 الدعم

0 نصيحة

Banana_74025 🇪🇬

صديق الطفولة بيلمح وعايز يتجوز..مش عايزه اتعشم

كبرت انا وصديق الطفولة واتخرجنا و اشتغلنا وهو سافر اوروبا من ٥ سنين بنتقابل كل لما بينزل بيلمح كتير بس مقالش حاجة قالي انه نازل مصر مخصوص عشاني النزوله اللي جايه وقالي ربنا يقدم اللي فيه الخير مفهمتش..انا شايفاه مناسب جدا ليا وشبهي و اقرب حد ليا وبحب اهله عمال يقولي انتي هتيجي هنا ان شاء الله وهبقى معاكي بس مقالش حاجة غير تلميحات و انه عايز يتجوز و بس مش عايزه اتعشم فيه عشان مغيرش مشاعري ناحيته اكتر من كده محتاجة اقطع معاه لاننا كبرنا ولا اصبر يمكن ينزل وحاجة تتغير ؟ انا صبرت عليه لسبب اننا شوفنا بعض من تلات سنين وان الشخصيات بتتغير بس معرفش ك دماغ شباب دي بتفرق ...عرض المزيد

1 الدعم

4 نصيحة

Banana_51073 🇪🇬

هل كل البنات بيحبوا الإهانة والخضوع في العلاقة؟

أنا ارتبطت اكتر من مره وبنات مختلفة عن بعضها في كل حاجه تفكيرهم وسنهم وكل حاجه حرفيا لكن في حاجه واحده بس الي لقيتها مشتركه بينهم كلهم وهي الخضوع مش عارف لي لكن بحس انهم بيبقو مبسوطين ومستمتعين كده اكتر كل ما اهينها ، الموضوع كان غريب بالنسبالي اول مره مع اول بت اعرفها لكن اتعودت وبقيت احس ان ده الطبيعي لكن مش عارف هو كل البنات كده وده الطبيعي فعلا ؟ ...عرض المزيد

2 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع