علاقات عائلية صعبة

Banana_65413 🇪🇬

منذ 10 ساعات

شعور محبط

موضوع:

لما اللي حواليك يقللوا من تعبك

Biscuit_60212 🇪🇬 بصي دي كلها تجاري صعبة بتقوي شخصيتك لمواقف قدام ولا يهم ابذلي بس مجهودك في الدراسة ومتشغليش دماغك بحد واوصلي وتحققي نفسك

عرض الكل 6 نصيحة

عبّر عن شعورك بشكل مجهول

اكتر فترة حسيت اني مضغوطه فيها كانت ثانويه عامة بتاعة اختي اخر اربع شهور سلموني مسؤولية تنضيف البيت كله ومسيبش عفرايه ومعترضتش بس الحمل زاد على واحده عندها ١٦ سنه ومبتعرفش تعمل حاجه ومهما قولتلهم يغسلو اكلهم وراهم بهدوء كانو يتعصبو ويزعقو ويقارنوني باختي وساعات توصل لضرب بابا ليا رغم ان اختي كانت تزعقلهم ويسمعو الكلام وياويلهم لو وسخو حاجه كانت اكتر فترة حسيت بيها بالتفرقه وكانو بيقولو اني مبعملش حاجه ومكانوش يذكرو مجهودي لاي حد كانو دايما يذكرو مجهود اختي وبس وجه رمضان وبرضو كل حاجه عليا ولو كنت قلت لاختي الاصغر مني بسنه تغسل الاكل اانه دورها ف غسيل مواعين رمضان ومترضاش وازعقلها كانت بتبقا ليله سواد ونكد عليا وفاكره ف مره قبل ليلة الوقفه كان بابا ضاربني مش فاكره بسبب ايه وحلف عليا لانضف ترويقة العيد كلها لوحدي ولو شاف حد بيساعدني هيموته واصلا الايام دي بتيجي خالتي من العاشر وبنضطر نروح عند ستي منجيش غير بليل اضطريت اقوم من الفجر اروق علشان اعرف اروح المغرب نفطر عند ستي بس للاسف مكنتش خلصت البيت قبل المغرب فاضطريت افطر واجي اكمل ترويق الشقه؛ طبعا دا يعتبر مجرد ملخص للي حصل وفي مره عمري ما هنساها ايام امتحانات اختي اختي الكبيره عصبتني وقولتلها ابقي قابليني لو جبت مجموع وطبعا راحت قالت لبابا وجه اداني علقة موت بحجة ايذاء نفسية اختي المهم انا حاليا ثانويه عامة واختي من قبل ما ابدأ وهي شغاله احباط فيا وكل يوم تحبط فيا وتخليني اعيط ولما ارن على بابا"سافر" اشتكيله يقولي معلش اختك وهي بتقول كدا قدامك بس انما هي بتحبك ودي اكتر فتره حسيت بيها بتفرقه

Kiwi_58601 🇪🇬

منذ شهر واحد

شعور مكسور القلب

عبّر عن شعورك بشكل مجهول

بابا متوفي من 7 سنين واكتر وانا لحد دلوقتي مش عارفه اتخطي اني مش هشوفه تاني للاسف وبمشي ابص للناس اقول دا شبه بابا 
انا كنت اقرب واحده ف اخواتي ليه خصوصاً الفترة الأخيرة وانا عندي اختي اكبر مني بس مش بكتير المفروض تكون صاحبتي بس لاء انا عمري حقيقي م حسيت انها صاحبتي ولا يتحاول تقربلي وانا تعايشت عادي لاني حاولت كتير اقربلها هيا كانت بتطردني من اوضتها وتزعقلي بصوت عالي وتقولي غوري حقيقي عدي علي الكلام دا اكتر من 10 سنين عمري م نسيت كلمه من اللي كانت بتقولها 
وماما نفس اختي للاسف مش صاحبتي وحاولوا يقربولي بعد بابا م اتوفي لاني كنت نفسيا مش الطف حاجة بس انا معرفتش والله لان المسافة بعيدة فوق م تتخيلوا بجد
وحقيقي انا وماما مش متوافقين ابدا اقرب حاجة ف العيد رحت اصلي العيد تقولي رايحه ليه م انتي من زمان مرحتيش روحي متتاخريش للعلم الجامع قدام بيتنا بالظبط
وقولتلها هروح مع صحابي اخرج انا معنديش غير هما اتنين صحابي ومش اوي كمان قالتلي لا مش هتروحي ورفضت والنهاردة نزلت معاها تكشف و تشتري حاجات للبيت وانا رحت معاها هيا ماشيه قدامي وانا ماشيه وراها وكل شوية اقولها هاتي ايدك تقولي تعالي تمسك ف ايدي شوية وتسيبها تاني والله طول الطريق واحنا ماشيين واحنا مروحين نفس الكلام وتقف تشتري متقوليش انا هقف هنا ولا هجيب كذا لا ولا كأني ماشية معاها والله العظيم انا كنت هعيط ف الشارع وماشية انا وراها وشايله الحاجات اللي اشتريتها كلها والاكياس تقيبة وقلتلها يالا نركب تكتوك نروح بقا انا عندي شغل الساعه 7 لحد 12 بالليل قالتلي لاء مش هنركب مشي مش مستاهلة انا حقيقي كنت مش قادرة امشي 
قولتلها انا معايا العيدية هشتري بيها بجامه للبيت البسها قالتلي لا اشتريها و شيليها و احرجتني قدام البنت ف المحل الفلوس معايا علي فودافون كاش بقولها حاسبي انتي واما اروح هديكي الفلوس قالتلي لا حاسبي انتي انتي كدابه ومش هتحاسبيني انا حقيقي بقيت واقفه ف نص هدومي وكنت عاوزة اسيبها وامشي بس قلت عيب احنا قدام الناس
معلش بس دا اخر موقف النهاردة 
 انا عاوزة حد يطبطب عليا عشان انا فاضلي تكه وهموت نفسي والله 😭😭😭💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_30514 🇪🇬

منذ 8 أشهر

شعور وحيد

عندي اكتئاب وبقالي وقت طويل حاسه اني متحبش وحياتي بايظه بصلي وبعمل كل حاجه الحمدلله بس بقالي كتير مش انا ومش عارفه اعيش مع اهلي اكتر من كدا هما سبب كل حاجه وحشه بتحصلي عمرهم م حبوني ولا شوفت حنيتهم كنت بسال دايما صحابي وانا صغيره حضن الام دا عامل ازاي دلوقتي عندي21 ومش حاسه اني هتحب ولا هتجوز انا بج

Blueberry_38165 🇪🇬

منذ 8 أشهر

شعور مرتبك

عندي مشكله اني كل ما حد يدايقني مثلا ويخليني اتعصب اوي بعيط، تلقائي ومش حصلت مره او اتنين لا ده كل مره بتعصب بعيط، ودي حاجه مدايقاني لأني ببان ضعيفه قدام الناس، بس انا مش بقدر اسيطر على ده ببقى متعصبه وبزعق فجأه الاقي دموعي بتنزل وصوتي بيترعش، الفكره بقى ان اكتر حد بيوصلني لكده واني اتعصب اوي وممكن

Biscuit_31447 🇸🇦 لقيت توأمي 😂 وانا برضو زيك دموعي على طول بتنزل وصوتي بيتغير حرفيا بدون اي تحكم مني، اوقات بحاول امسك نفسي بس مش بقدر استحمل، مش عارفه صراحة ايه الحل لكن يمكن في علاج سلوكي للموضوع دا

عرض الكل 9 نصيحة

French Fries_28123 🇪🇬

منذ 8 أشهر

شعور مكتئب

Cheese_27727 🇪🇬 بص احنا كبشر مش مطالب مننا اننا نكون شخصيه مهمه او موثره خالص مطلوب منك انك تكون راضي عن شخصيتك وبس ولزما تستني الي هيشوف شخصيتك الطبيعيه زي ماهي انها شخصيه جميله وحلوه ويحبها تاني نقطه لزماً تعرف ان الكوكب كله مره بمشكله الحب من طرف واحد وحقك تزعل وتدايق لان الموضوع بيبقي صعب جدا في الاول بس مع الوقت بتنسي او بتتعامل مع بنت تانيه بتنسيك او تحبها اكتر وتشوف انك مش ندمان وممكن يكون ربنا شايلك

عرض الكل 11 نصيحة

عبّر عن شعورك بشكل مجهول

مش عارف حد زيي ولا لا بس انا حاسس اني انسان مليش لازمه عمري ماكنت الشخصية اللي الناس بتضحي بحاجه عشانها او اني اكون الشخصيه الرئيسية فحياه حد 
اكتر حاجه مضيقاني الفترة ديه اني حبيت واحده سنة و كنا بنتكلم ك صحاب و عملت كل حاجه حرفياا عشان اخليها تحبني و معرفتش و ف الاخر حبت حد تاني فقطعت معاها لاني معرفش اكون ف الحتة ديه و المشكله اني بحبها بجد لحد دلوقتي و مش قادر انساها ووحشاني اوي كنا بنتكلم كل يوم بالساعات و عارفين عن بعض كل حاجه حرفيا معرفش ازاي نسيتني و نسيت كل حاجه كدا بجد صوت ضحكتها بيرن ف وداني وهي عايشه حياتها عادي

تاني حاجه متضايق منها هي اهلي محدش بيحبني منهم او بصراحه هو المعامله العاديه جداا مفيش شعور ان حد بيحبك و بيشوفك حاسس ب ايه دا خالص او نفسك ف ايه او مالها نفسيتك طول عمرهم بيحسسوني اني قاسي و غبي و طماع و مبحبش غير نفسي و من وانا صغير يقولولي انت هتطلع كذا و كذا 
تقريبا انا عمري ما حد خدني ف حضنه وقالي مالك😅
لدرجه اني بقيت اشوف نفسي الشخص الطماع و الاناني و لدرجه اني اشوف نفسي 
ق*تل عادي جدا و بعدين برجع افوق لنفسي بجد جوايا صراع و شخص غريب حاسس نفسي بتحوله تدريجي غصب عني 
يعني ليه مثلا هي متحبنيش و تحب حد غيري وليه تنساني بالسهوله ديه ليه متحبش من اهلي ليه معنديش صحاب اخرج و اروح و اجي معاهم اينعم عندي صحاب بس مش شلة يعني نقدر نقول اصدقاء عمل بس 
بالرغم من كتر الثقل اللي ف قلبي و اني حاسس اني هاين على الكل ولو اختفيت دلوقتي محدش هيفتكرني بعد اسبوع بس انا بتعامل عادي و مش مريض نفسي يعني ولا حاجه انا بس كنت عاوز اخرج الكلام اللي جوايا يمكن ارتاح شوية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.