علاقات اخوة

Pineapple_21694 🇪🇬

منذ 8 أشهر

شعور وحيد

عبّر عن شعورك بشكل مجهول

بحس ان اخويا فيه طبع البخل شويه و ف مره احتد بينا نقاش انه يعني مش بيساعد ف البيت و محمل على ماما مع انه بيشتغل و اي فلوس بيحتاجها بياخدها من ماما سواء مواصلات او لبس مادام هي بتجبلي حاجه يبقي لازم تجبله هو عنده 14 سنه .. كل ما بشتكي لماما تقولي صغير هل ده صغير بجد !! انا بجد اي فلوس بتقع ف ايدي بصرفها على دروسي و محتاجه كتب و مجبتهاش قولت اجيبها ف اي وقت تاني و بلاش اكلف ماما و ماما تقوله يا ابني اختك صرفت فلوس بتاعتها ف البيت اصرف انت كمان بيقولها انا مالي انا هجبلك و هعملك و ولا بيجيب ولا بتاع انا شايفه انه بيقول كدا تثبيت لماما .. مهم لما احتد نقاش قولتله هو ده كلامك و دي تصرفاتك انت عارف لما عمو يعرف هيعمل ايه قالي قوليله ف استفزني و قولتله والله هقوله و فعلا اتصلت و قولت لعمو انه مش بيعمل زي ما بتقوله و بيحاسب ماما على اوبر و على مواصلات دروسه و على دروسه و لما تقوله اصرف يقولها و انا مالي و قولتله انا حاسه ان اخويا فيه طبع بخل من بابا تقريبا كدا و انا حاسه كدا .
معلومه .. باابا و ماما منفصلين .
هل انا كدا غلطانه اني وضحت حاجه زي دي والله انا نيتي خير خصوصا ان اخويا بيحب عمو و بيسمع كلامه بس قدامه بس من وراه حرفيا شخص تاني و انا بابا مش معانا اخويا بيكبر و امي مش قادر تسيطر عليه و هو كمان ف سن خطر انا بجد خايفه و عايشه ف صراع نفسي كل يوم .. ماما قالتلي مكنتيش قولتي حفاظا لماء الوجهه هل فعلا كلامها صح و انا غلطت ؟ ولا انا اتصرفت صح ؟ ولا اي تصرف اللي كان اصح من كل ده؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_14193 🇪🇬

منذ سنة واحدة

شعور Bad 😞

عبّر عن شعورك بشكل مجهول

الصبح كنت مبسوطة ومزاجي رايق انا بحب اتكلم مع اخويا جدا واحكيله حاجات عامة 
النهاردة بحكيله عن موقف سئ حصلي في الشغل أن عملية كانت قليلة الذوق معايا جدا وأحرجتني بغاية الفضفضة عاوزة اتكلم معاه وخلاص بجد كنت عاوزة اقضي معاه وقت لانه دائما مشغول ومش فاضي ومش بيقضي وقت معايا كفاية وانا بابا متوفي وماما مش عايشة معانا فيعني ماليش غيره 
بس كان رد فعله قاسي اوي علي قلبي قالي متحكليش حاجات سلبية بتغيرلي موودي وانا كفاية المشاكل اللي عندي والسلبية اللي انا فيها اضايقت اوي منه انا في العادي مش بعيط بسهولة بس هو لما اتعامل معايا كدا مقدرتش امسك دموعي بجد وحاولت اخبيها عنه علي قد ما اقدر بس قولتله جملة واحدة 
انا كان موقف العميلة مضايقني اوي لحد ما حكتهولك بقي رد فعلك علي كلامي معاك عنه مضايقني اكتر من الموقف نفسه 
ومش اول مرة يعمل معايا كدا كل مرة كنت بحكيله علي حاجة بنفس الشكل دا مكنش بيطبطب ولا بيقولي كلمة مواساة واحدة كل رده عليا أنه انا هقدر اغير ايه من الموقف موقف سلبي متحكيش بصراحة بعد رد فعله دا وانه أحرجني وكسر بخاطري كدا انا مش ناوية احكيله علي اي حاجة لا حلوة ولا وحشة 😭😭(اخويا مش شخص سئ اوي التمستله عذر أنه ممكن يكون بيضايق عشاني اوي فمش بيحب يسمع المواقف دي عشان ميحسش بالألم ) هو مشكلته طريقته وكلامه ليا مكنش كويس هو مش بيفهمني انه كلامي دا بيضايقه عشاني بيضايق لا دا بيقولي كدا بالنص مواقف سلبية متحكيش بتغير موودي يعني في طريقة احسن من كدا بدل ما يكسر بخاطري كدا انا كنت بفكر مكلمهوش تاني واخود موقف بس هو بيعرف يقلب الترابيزة وخايفة يخلي حياتي سواد ايه رأيكم اعدي أكلمه عادي بس محكلهوش حاجة ولا اخود موقف منه ومكلمهوش واقوله انه ضايقني بكلامه وكسر بخاطري وبردو محكلوش حاجة تاني ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع