عزلة فكرية

Potato_70485 🇪🇬

منذ أسبوعين

شعور وحيد

عبّر عن شعورك بشكل مجهول

صباح الخير أتمنى توجيه نصيحة ليا بدون كراهية أو سخرية أو أي نصائح دينية أو محاولات لإقناعي بفكرتك الخاصة وشكراً لتفهمكم، أنا شخص لاديني (غير متدين) عايش في مصر وحاسس إنني لوحدي تماماً لإنني دايما مش بشارك حد اللي في بالي وأغلب كلام الناس حواليا عن الدين وأموره غالباً وكده فمش بشارك حد الكلام وبحتفظ لنفسي بآرائي.
-مشكلتي كالآتي: هي مش بس في الوحدة والعزلة الفكرية لإن مثلاً ليا معارف على السوشيال ميديا أو بمعنى أصح ناس زيي بتشاركني رأيي فده بيخفف عليا العيشة شوية، بس فكرة إنني عالطول لابس قناع وأنا في الشغل وأنا خارج وأنا في أي مكان وبمثل إنني حاجه أنا مش عليها فقط علشان أرضي اللي حواليا وأكون في مأمن من شرورهم ديه صعبة أوي عليا، لإنني حاسس إنني مش عايش زي ما أنا عايز ولا وفق مبادئي الخاصة بالعكس أنا عايش حياة لا مرتاح فيها ولا حاببها.
فكرت أسافر لدولة أوروبية مثلاً بس أنا مش معايا مؤهل عالي مثلاً ومجالي مش مطلوب برا وعندي adhd يعني بتشتت وبنسى وتركيزي صفر فأنا متأكد تماماً إنني شبه مستحيل أقدر أحقق أي حاجه أو أعيش كويس في دولة أوروبية فقط بتجازي العقول المتميزة جداً واللي عندهم مهارات ومؤهلات كويسة فغالباً أنا مضطر أفضل عايش في مصر.
لو فيه حد عنده تجربة شبيهة أو يقدر يفهمني أو عنده نصيحة قيمة ليا للتعايش السليم مثلاً أو حاجة زي كده أنا هكون شاكر جداً ليه وشكراً مرة تانية وآسف على الإطالة...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_74461 🇪🇬

بحس إني مش مقبول وكل علاقتي مبنية على مصلحة

هو طبيعي ان الواحد يحس انه مش مقبول و يقلب شخص زنان و عنده تعلق مرضي يعني بحس اني احيانا مستحيل اتحب او اتقبل ديما الموضوع مشروط بمصلحة بس حتى من أهلي و اللي كانت خطيبتي و بصراحة ديما بواجه الصمت العقابي من اهلي من ما كان عندي ٥ سنين و صحابي و زمايل المدرسة و خطيبتي و بفقد اعصابي بسببه و برجع اقول كلام فيه انفتاح زيادة عن اللزوم لدرجة ان خطبتي شافتني زي طفل زنان او اعتذر بشكل مفرط و اقول كلام مهين شوية لنفسي من الاعتذار. و حتى لو عقلي بيقول اني مش غلطان برده بعتذر و التمس الف عذر لأي حد الا لنفسي و في موقف في الجامعة كان معايا موقف مش احسن حاجة مع حد من الشلة و لقيت كله قلب و النظرات اقل حاجة عنها اني شخص مش كويس مع ان الخلاف ميستاهلش بحاول اشغل نفسي بالشغل و الدراسة بشكل اوفر بس برجع مقدرش اكمل باليومين و التلاتة و الفراغة ده بيفكرني بكل حاجة ولو فشلت عن توقعاتي الغير منطقية في الشغل او الدراسة بشوف نفسي افشل حد على الارض و مليش لازمة خالص و عالة على الناس كلها حتى اهلي احيانا بحس اني اصلا اكل من بيت اهلي و فكرة اني عايش معاهم دي عالة. و ابسط حاجة زي الخروج بس من البيت حاجة لا تطاق و مش متعود عليها اصلا مع اني ساكن في مكان قريب من جنينة و شجر ...عرض المزيد

0 الدعم

0 نصيحة

Avocado_73228 🇪🇬

مش ابنها ولسة بقالي غريب عن عيلتي

حابب احكي حاجة مش بحب احكيها زمان ابويا كان متجوز بعد فترة اتجوز ماما الي هي بنت عمه عشان الخلفة وكدا وماما توفت ف ولادتي ف الي ربتني مرات ابويا وانا اسف اني بقول كدا لانها اكتر من امي بجد ، بعدها ب سنة مرات ابويا خلفت إخواتي يشهد ربنا انها ف عمرها ما عملتني وحش لالعكس كانت بتحبني اكتر من عيالها لدىجة انا معرفتش اني مش ابنها غير ف الاعدادي بالصدفة لما حد قريبي قاليي المهم ليا اخين اصغر مني واحد فيهم اصغر بسنتين من فترة اتخانقنا ومرات ابويا الي هي امي دافعت او جت فصفي ف ابنها بقي يهلفط بالكلام ودا مش ابنك وتيجي ف صفه ليه حتي اختي الصغيرة قالت نفس الكلام وقتها بجد اتخنقت وحسيت نفسي غريب وكدا ويعني ايه كدا انا بعتبهم أخواتي اشقائي ،المهم وقتها ابويا رن عليا وقولتله اني زعلان بسبب كدا ف قلي معلش وانت زعلان ليه هو مكدبشش انا زعلت واتخنقت ازاي متربي مع اخواتي وعيلة يجي بعد العمر دا الاقي نفسي غريب كدا ؟؟!! ،انا ف تالتة هنكسة خلصت امتحانات وسافرت الامارات عشان مقدرتش اقعد انا بجد زعلان ومقهور من الي حصل حالياً مرات ابويا حالفة بالله لازم انزل وان لو منزلتش هتجيني وانا بقولها هنزل ع الدراسة وكدا وان معايا شغل لازم اخلصه وكدا (احنا عندنا مؤسسه ف الامارات) ف بتحجج بكدا والشغل وهي زعلانة وكل يوم بتكلمني وتعيط وانا مش قادر ارجع واتعامل مع اي حد ومجروح ومشاعري متلخبطة معلش طولت عليكم ...عرض المزيد

0 الدعم

0 نصيحة

Marshmallow_74462 🇪🇬

ليه سمحت لنفسي اوقع ببطء واتعلقت بيك؟

انا لي سمحت لنفسي اني اقع ببطئ من الاول؟ ونا عارفه ان اخرتها مش هنكون لبعض انا كنت صغيره وقتها وانت الي عرضت عليا يبقي متجيش دلوقتي تسكت 3 سنين مش وقت قليل متجيش تقول انك كزين ومكتئب بسبب توقعات انت مسالتنيش عليها صدقني مكنتش زعلانه عليك كده غير من فتره قليله لاني كنت مفكراك ايزي لو عايز مني حاجه هتكلمني لكن انت لي بتقهرني كده؟ هموت بجد فتره موحشه اوي عامة انا اتعلقت بيك خلاص وحبيتك ده سبب حزني يارتني ماحبيتك ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع