عدم الندم

Avocado_87580 🇪🇬

2 months ago

Feeling Confused

Mango_77928 🇪🇬 انتي مش شخص وحش ولا حاجه اعتقد مشكلتك في كيفية إدارة مشاعرك ابحثي عن الموضوع دا وان شاء الله تلاقي اللي يفيدك

View all 6 Advice

Express your Feeling anonymously

سعات بحس اني معنديش مشاعر ، مش بحس او بتفاعل زي الناس الطبيعيه ، سعات بكون زي الروبوت الي معندهوش اي مشاعر خالص و لو اي حصل مش هنزل دمعة واحدة حتي ، و سعات بحس ان مشاعري متراكمه اوي و اطلعها بطريقة فظيعة بتسبب ليا مشاكل كتير ، يعني لما جدي الله يرحمة مات ، معيطتش ف جنازته خالص ، حاولت اعيط لدرجة اني اذيت نفسي بس مكنش في اي مشاعر عارفة اطلعها خالص ،  و كل الناس وقتها قالتلي اني معنديش دم ،  و ف مره كنت بعمل شاي و اتحرقت و اتفلقت من العياط ، حرفيا عيطت 8 سعات لحد م مبقتش عارفة اعيط تاني ، سعات ممكن شخص يستفزني و انا محسش باي حاجة و سعات لو حد بصلي بس اتعصب و اقلب الدنيا ،  انا مش عارفة دي هرمونات ولا لا بس الموضوع زايد اوي مش زي الي ف سني مثلا او زي البنات الي بردوا هرموناتهم مش مظبوطة ،  و كمان موضوع محسسني اني غريبه اني محستش باحساس حب ولا اشتياق لاي حد خالص ، عمري مجربت الاحساس دا مهما كان الشخص دا قريب مني ، يعني لو الشخص دا ممكن نقول اختي او اخويا دايما بتعامل معاهم كل يوم و عايشه معاهم حرفيا ، بس لما ببعد عنهم اسبوع او حتي سنه مبيكونش عندي اشتياق ليهم ابدا ، ولا بحس اني بحبهم او زي ما بيقولوا اننا بنحس بقيمه الشئ لما نفقدة ، عمري محسيت كدا خالص ، و لا حبيت شخص بجد ، مش عارفة الاحساس دا اصلا المفروض يكون عامل ازاي ، يعني انا كان عندي واحدة صحبتي نقول ان اسمها جني ، جني من ابتدائي و هي معتبراني الصديقة المفضله عندها ، بتحبني انا كأقرب شخص ليها ، بس انا عمري محسيت تجاهها بنفس الحاجة ، او اي صاحبه تانيه عمتا ، كانت بتتقربلي و انا مكنتش ببعدها علشان متزعلش ، بس ف وقت لقيتها بدأت تزود اوي ف حبها ليا ، كأنه حب مرضي ، مش عايزاني اروح حته منغيرها ولا اروح درس و هي مش موجودة فيه ، لما بيكون عندي صاحبه تانيه تزعل و تتقمص بالاسبوع و انا المفروض اصالحها باي طريقة ، و بالنسبه ليا دا كان شئ مرهق لابعد الحدود ،  و ف مره نزلت استوري مع واحدة صحبتي علشان عيد ميلادها و دا كان شي من التوجيب معاها لانها عملت نفس الحاجة معايا ف عيد ميلادي ، جني قلبت الدنيا و اتصلت بيا تعيط و تقولي انتي خاينة و كلام كتير مش فاكراه بصراحة ، و بردوا محستش باي حاجة و لا حتي الذنب ، كنت بس حاسه انها مكلبشاني او حطاني ف قفص اسمه صداقة مش عارفة اطلع منه ، وقتها اتهورت شويه و قولتلها انتي دمرتي حياتي و مش عايزة اعرفك تاني ، و جني عملت تقريبا مهرجان ، قعدت تعيط و تصوت ، و بعد ما عملتها بلوك و كنت اصلا نقلت من المدرسة الي احنا فيها مع بعض ، صاحبه لينا احنا الاتنين كلمتني و قالتلي اني بعد م قفلت معاها دخلت المسشتفي ، عملت نفسي مخضوضة و يالهوي ايه الي حصل و الف سلامة و انا مش حاسه بأي ذنب او حزن و لحد دلوقتي مش حاسه باي اشتياق او حب ليها بعد ما بعدت عنها ، بالعكس حسيت براحة غريبه اني مش ملزومة اطبطب علي حد ، مش عارفة انا كدا طبيعيه ولا لا و هل في حد بيحس نفس الي انا حساه ولا لا ، و لما اصلا بحس حاجة اتجاه شخص بتكون مشاعر سلبيه بس ، تقريبا دي الحاجة الوحيدة الي شغاله فيا ، احس بالكره بالاشمئزاز بالغصب بس ، بس عمري محسيت بحب ب سعادة حقيقيه او عممري ضحكت من قلبي بجد ، و لاحظت ان موضوع الاحساس بالنسبه ليا مرتبط بأشياء ماديه ، يعني لما اجيب هدوم جديدة او اعمل شعري او اي حاجة تانيه ، بحس ب سعادة ، اما تجاه الاشخاص ف مش بحس غير بمشاعر سلبيه بس ، حاسه اني شخص وحش و مادي بس دي مش حاجة انا متحكمه فيها ، المشاعر مش بأيدينا و مش هعرف اخلي نفسي احب حد ، من فضلكوا مش عايزة اي حد يحكم عليا ، او احكموا براحتكوا مش هحس بالذنب بردوا ، هي حاجة مش بايدي اصلا

Private Advice

Switch to receiving private advice for your post; otherwise it will be publicly visible.

Watermelon_41466 🇪🇬

6 months ago

Feeling Meh

Topic:

تحت مسمى متغلطتش غلطتي ؟

ما تعملوش حميه قاسيه و انتو صغيرين لان دا هيأثر على صحتكم و طولكم و نموكم ونفسيتكم بالسلب و ما تتأثروش أبدا برأي الناس عن شكلكم او وزنكم لان دا بجد هيتعبكم و لما تكبرو هتلومو نفسكم جامد لأنكم كنتم بتسمحو للتعليقات السلبيه أنها تاثر عليكم

Blueberry_63218 🇪🇬 صحيح حبوا نفسكم في كل حالتكم💜

View all 1 Advice

Avocado_11331 🇪🇬

1 year ago

Feeling Good 😁

صباح الخير .. أعظم تعويض ممكن ربنا يديه للإنسان هو القدره على إنه يبدأ من تاني و يحاول يغير من نفسه لنفسه محدش يندم على غلطاته .. يا عم احنا لسه فيها ابدأ و حاول تاني و تالت و مليون ، طول ما لسة فيك النفس طول ما لسة ليك فُرصة .. نفسك تستحق المحاولة .. و ارمي اللي فاتك ورا ضهرك و خلي كل يوم فرصة ج

Moon_89666 🇪🇬

مخنوقة اوي ومحتاجه حد يساعدني، بدأت اخاف من نفسي

جماعة أنا مخنوقة اوي بجد ومحتاجه حد احكيلو مع اني مش متعوده احكي بس أنا بدأت أفكر فالانت"حار ومش بفكر بس لا بدأت اخد ستيبس بقيت ألاقي نفسي مره واحده ببص من البلكونه او اي حاجه وبشوف سناريو اما اقع هيحصل فأنا حقيقي بدأت اخاف من نفسي جدا ومحتاجه حد يساعدني ...see more

1 Supports

19 Advice

Chocolate_71988 🇪🇬

عايزين نحكي؟ انا موجود اسمعكو

اللي عايز يحكي حاجه ولد او بنت ف انا عايزه اسمعكو🤍 نننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن ...see more

0 Supports

12 Advice

Potato_64729 🇪🇬

بنت محترمة تسلم نفسها في شهر.. طبيعي ولا مش تمام؟

معلش سؤال صغير كدا هو ممكن تتعرف علي بنت محترمه و المفروض أخلاقها تمام و الكل بيشكر فيها و يدوب تتعرفو علي بعض و اول مقابله في الشارع و التانيه و الباقي في البيت عندي هي كدا تمام يعني طبيعي لو واحدة بتحب حد تحبه في الفتره القصيرة دي و تسلمني نفسها في الفترة القصيرة دي يعني كل ده في شهر ..! الحب يعمل كدا يعني طبيعي ولا هي كدا مش تمام و بتداري او بتتخطي بيا حد ..؟ ...see more

0 Supports

12 Advice

It’s better in the app

Download Toheal on your phone for faster experience.