ظروف مادية صعبة

Mango_19189 🇪🇬

منذ شهرين

شعور ضائع

عبّر عن شعورك بشكل مجهول

عندي مشكله مع واحده صاحبتي و كنت اتكلمت عنها قبل كده هنا بس حصل تطورات تانيه حابه احكيها و لو حد عنده حل ياريت يساعدني ، 
انا كنت عارفه ان صاحبتي باباها متوفي من قريب ( تقريبا تلت سنين ) بس كنت مفكره ان حالتهم الماديه مش وحشه لانها قدامي علطول بيبقى معاها مبلغ معين و الحقيقه عمري ما جه ف بالي ان حالتهم الماديه مش كويسه بسبب وفاة والدها ، 
كنت دايما بستغرب هي ليه بتطلب مني اعزمها او تصر اننا نتغدى مع بعض لو هي مش معاها فلوس و تخليني احاسب بعدها بس مكنتش بتكلم بصراحه ، و احيانا بعد ما احاسب و يطلع فيه باقي بتاخده و تقولي عشان مش معايا فكه اروح بيها ف بقولها خلاص تمام عادي 
من قريب عرفت ان حالتهم مش احسن حاجه ، الحمدلله هما معاهم معاش باباها و مرتب اختها بس الي عرفته ان مش بيكفي عشان مصاريف الكليه و المواصلات و الحياه عامة بس هي معاها الي يكفيها و علطول بتشتري عصاير و حجات من دي ف الكليه و سعات بتاخد رأيي ف هدايا عايزه تجيبها ل قرايبها ،
الفكره دلوقتي انا عايزه اعرف اتعامل معاها ازاي لاني حاسه ان اي تصرف مني ممكن يجرحها ، يعني لو وافقت عادي ادفعلها زي الاول حاسه الموضوع هيبقى حساس خصوصا بعد ما انا عرفت ظروفهم و لو موافقتش ف الوضع هيبقى اسوأ و ف نفس الوقت انا كمان والدي بيتعب ف مصاريفي و مش حابه اكون بضيع تعبه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Durian_46117 🇪🇬

منذ 5 أشهر

شعور متعب

عبّر عن شعورك بشكل مجهول

احنا كنا عايشين ف مكان كويس وكنا مرتاحين بس الظروف المادية مسمحتش ان احنا نكمل فيه عشان احنا كنا إيجار بعد كدا نقلنا ل بلد عشان لينا بيت هناك انا مش حابه المكان من ساعت م جيت فيه وكنت عايزه امشي بأي طريقه من هناك أصلا حصلت مشاكل كتير اوي والبيت مش حلوه خالص ولا ينفع يتعقد فيه ودلوقتي انا كنت مخططه اني هخرج مع اصحابي وكدا لقيت معظم اللبس مش موجود مع العلم انا كنت محوشه فلوسه بقالي فتره طويله الفلوس اللي ابويا كان بيدهاني عشان اكل بيها ف انا انفجرت وبهدلت كل حاجه وقلبت البيت بجد في نفس الاوقات دي امي كانت بتتحايل ع ابويا عشان تنزل تشوف اهلها اللي هما جدو واخواتها بس ابويا مش راضي عشان هما مكنوش موافقين من الاول ان إحنا ننقل من المكان اللي عايشين فيه ونعقد ف البلد انا الصراحه كنت موافقاهم جدا ودلوقتي انا اتخانقت معاهم ابويا ضربني عشان ثولت ان الحاجات اللي ضاعت دي بفلوس كنت هاكل بيها ده حتي لو عرفت اوفر فلوس المواصلات كتت بتمشي وبوفر فلوسها هو الصراحه مش مأخر ع الاكل والشرب دروسي بس في حاجات تانيه انا محتاجه لبس واكشف مش كل حاجه اكل دلوقتي انا عايزه امشي من البيت واقعد عند جدو واشتغل وانا بدرس عادي عشان اوفر احتياجاتي بس ف نفس الوقت حاسه بالذنب ع ماما حاسه اني سبتها ساعدوني اعمل اي انا بجد بكره المكان وابويا اعمل اي ساعدوني مع العلم انا 16 سنه وف ثانوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع