طموح ميت

Avocado_72183 🇪🇬

منذ أسبوع واحد

شعور متعب

عبّر عن شعورك بشكل مجهول

طيب مبدائاً كده اعتقد اني مريض
انا حالياً هكون طالب جامعي أن شاء الله بعد شويه مشاكل في الدفعه الميته دي و المليئة بالكوارث بس الاهم ان أنا عندي  حالة بكون في عالم موازي فعلا بتحس انك في كذا نسخه منك و كل واحد منهم ليه رأيه الخاص و ميوله مبقتش عارف المفروض اعمل ايه، تشتت؟ اعتقد ان التشتت نفسه تشتت من كثره تشتيتي و ما اكدب عليك كل ده كان و أنا طفل بس كنت مبتكر مفكر ذكي بيقدر يكتب قصص و يمثل و يعمل افكار لابتكارات كان نفسي اعملها متوحد تقريباً لاني ماكنتش بحب انزل شارع العب أو اكون صداقات و مازلت علي نفس الحال بتكلم مع الشخص مجرد كلام أو اني اساعده لو الشخص اعتبرني صديق اعتبره صديق لو بقيت صديق مقرب أو عزيز عليه تلقائياً يكون الشخص ده عزيز علي بس طب لو الشخص ده طلع مش كويس او بيستغلني مثلا *ما اقدرش اقطع معاه* ليه؟ مش عارف يمكن لاني بحس أنه هيتكسر أو يحزن أو يقولي أنا عملت ايه و ساعتها أنا مش هفتكر لاني كثير النسيان و الموضوع هيكون عشوائي و ده جزء من مشكله بس الاهم دلوقتي أن أنا شخص عنده خيال قوي بشكل مفرط هو نقطه قوه عظيمه و خلاني اقدر اكون مؤلف و عندي افكار مخرج و مبتكر و إديتور و الخ بس كل ده و كل الشغف ده في بيئه ميته مافيهاش حتي كومبيوتر عندنا ابو كرتونه و ميت (ادعوله بالرحمه) كل حاجه دلوقتي من منظور شخص ثالث بالنسبة لي فيها إخراج فيها موسيقي تصويريه و مونتاج عايز دليل كتابتي دي نفسها هي اخراج كأني بتكلم في حلقه بمونتاجها يعني () كاميرا ٢ و ** دليل أنه شئ مهم و اصلا أنا عمال ادخل في مواضيع ملغبطه المهم أن مع كل ده انا دائما أما سابق في خيالي بتخيلات و حاجات غالباً عمرها ما هتحصل أو اعيش ذكرى في الماضي اللي هو خلصان اصلا ف أنا مش عارف انت عايز ايه بالضبط يا مخي لسه في.تمتمات الطفل في ودني و أسأله زي انت ليه مستسلم؟ هو انت ليه بترمي اللوم علي؟ هو انت ليه مش بتحبني زي قبل كده؟ اسأله كلها ملهاش اجابه هو ماله أنه كان بيحلم أو بيتخيل و بتأمل خير في المستقبل و كانت أمنيته أنه مايكبرش اصلا كأنه كان عارف اللي فيها دراسيا الكلام بيمر مرور الكرام و ايا كان كمان حتي لو قرآن بحس اني ناسي اللي لسه متقال و مش عارف عقلي بيلعب معايا ولا لا، المتعه؟ كل حاجه ممله الهاتف بلا العاب بالنسبة لي بقيت بفقد الشغف بسرعه كبيره و اما بكسل اعمل نشاط أو مش بحس بمنعه النشاط ده، الطموح AKA *الموت* أنا شايف أن الحياة أصبحت لا تستحق شايف أن حل مشاكلي و اللي حولي اني اموت ليه؟ما ندري يمكن لاني حاسس بالمسؤولية تجاههم اني ما اتواصل مع صديق لفتره كأني هامله أو حتي ابعد عن اهلي علشان برتاح في الوحده (تقريباً) بحس أن كلهم زعلانين بحاول اتقرب بس الموضوع صعب و لو لقيت دفع منهم ببعد و خلاص انتهى الموضوع و برضوا من الحاجات المهمه اني بفرك كتير صراحه اقشر شفائفي أو حاجه في اصبعي الإبهام أو أتخيل أن معي يويو باستمرار و سامع صوتها. و في حاجه نسيت اذكرها أنا ما اعرف أنا كام شخص بس اللي اعرفه ان في كتير اوي يتناقشون كل يوم و اي حد شفته ليه دور في العالم الموجود في خيالي جن جنوني؟هل لي علاج؟ام الموت أسما لي؟ آسف علي الرغي ما اعرف كل ده جاء ازاي وبس اهو ده اللي صار و اسف لو كتبت عربيه فصحي كتير بس في كلمات في العاميه مش بعرف اكتبها 😅 في حجات تاني افتكرتها زي الابتسامه الكاذبة و اني مش بقدر اعبر عن نفسي لحد أو اشرح مشاكلي لاني مش عايز أحمله مشاكله ملهاش لزمه و أن الطفل اللي في حياتي ده هو أنا كأن الطفوله لسه ماشبعتش بس دي في وقت تاني او في الحديث معاكم لو حد اهتم يعني و تكلم معي و بس دمتم علي خير يا شباب و يلا سلامُ عليكُم 
بعتزر تاني علي قصيدة الرغي دي
اه و كان في دماغي اوترو 😑 (واضح أن مافيش فائده)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_68646 🇪🇬

تعبان من كتر التفكير في اللي جاي والفراغ

عارفين ايه مشكلتي ال مش عارف احلها التفكير ف ال جاي والفراغ بتاع بليل يعني بفكر مثلا هل المشاريع بتاعتي هتنجح ولا لا هل الماديات هتساعدني اعيش كويس ولا لا مع ان الحمدلله شريك ف مشروعين والدنيا ماشيه انما التفكير صعب والفراغ بتاع بليل صعب هل الواحد يتكلم مع حد هنا او يفضل لوحده او يسكت او يعيش نفسه خيال بصراحه الواحد تعب وصداع دايم من كتر التفكير. ملوحظه بس انا شاب 😅 ...عرض المزيد

0 الدعم

0 نصيحة

Pineapple_71068 🇪🇬

هل طبيعي انى اهفضل لوحدى طول عمري؟

هل طبيعي انى هفضل طول عمري لوحدى انا عارفة ان الرحلة فردية بس انا مش بعرف اكون لوحدى بحب دايمآ حد جنبي حتى لو مش بنتكلم لكن محتاجة حد يشاركنى واخد رايه حتى صحابي لما بحتجهم مش بلقيهم رغم انهم لما بيحتاجونى لو اقدر اسيب الى فى ايدى مش هتردد لحظة واكون جنبهم... اتكتب عليا الوحدة ...عرض المزيد

1 الدعم

2 نصيحة

Almond_56393 🇪🇬

حياتي باظت ومش عارف أعمل إيه بعد الفراق

كنت في علاقة ٥ سنين وكل حاجه باظت وكله راح ف حاله نبذة عني انا مكتئب بقالي ٧ سنين وشخص انطوائي مبيتكلمش البنت دي كانت بتعرف تطلع الكلام مني المهم لما سبنا بعض قررت أروح لثيرابست اتعالج م الاكتئاب لقيت إن الثيرابست بتعمل اللي البنت دي كانت بتعمله معايا بس الثيرابست بتاخد فلوس البنت كانت بتعمل كده بدافع الحب ودي بنعمل كده بدافع الفلوس ف اتقرفت بصراحة ومبقتش اروح عدى سنة والبنت دي وحشتني محدش يقولي كلمها ولا ارجعلها كل حاجة باظت ف حياتي مش هي بس حاسس ب حزن واكتئاب ومش عارف أعمل ايه ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع