ضرب وإهانة

Strawberry_73056 🇪🇬

منذ 4 أيام

شعور آسف

ازاي اقدر اتخطي ازي امي ليه من وانا صغيره انا حاولت اعدي الموضوع بس مش قادره اسامح عمرها محضنتني ديما ضرب واهانه علي اسباب عبيطه جدا بس حرفيا هي شخص نرجسي ومؤذي لأبعد الحدود انا مش عارفه اسامح او اتخطي ده نفسيا

Cherry_55189 🇪🇬

منذ شهر واحد

شعور مليء بالحياة

موضوع:

اهلك عملوا معاك ايه مش هتعمله مع عيالك؟

لو هتكلموني عن اهلي اللي هما بابا وماما ف هقولكو حقيقي معرفش مفيش اي مشاعر اللي هو مش الحب اللي متقدريش تستغني عنهم .لا عادي يعني مش فارقه بس عارفين احساس لما تكون مش قادر تنسى ضرب امك ليك ولا اهانتها عشان حاجات تافهه ولا عقابها اللي ممكن يوصل بيها اني اقعد شهر من غير دروس يااما ادفعهم من معايا حتى

Apple_61829 🇪🇬

منذ شهر واحد

شعور آسف

عندي مشكله التعلق المرضي .. بجوزي حاجه متعبه جدا لينا احنا الاتنين وهو كمان مش بيحبني درجه حب كافيه فما بالكو بقا لما يكون بيحبني قليل اصلا وانا عندي تعلق مرضي ! نفسي اتعافي ومش عارفه الموضوع صعب ويقبل علي نفسي ضرب واهانه وجسمي يرزق من الضرب واهمااااال وحاجه والله متعبه 💔 وان اروح لدكتور نفسي مت

Grape_61821 🇪🇬 اتفرجي على سلسلة التعافي لدكتور عماد رشاد

عرض الكل 7 نصيحة

Strawberry_57709 🇪🇬

منذ شهرين

شعور ضائع

Coffee_58600 🇪🇬 في موقف مشابه ليكي و بعد كلام و تحليل نفسي مع دكاتره اكتشفت ان فيه امهات بتعمل كده في عيالها بسبب انها شايفه ان ده التريبه الصح او تكون هي شخصيا عندها عقده او مرض نفسي و بتطلعه عليكي انتي بحكم انك بنتها احب اقولك انك في جهاد نفسي رهيب، و عليه اهتمي بنفسيتك روحي لدكتور نفسي و لتكلمي معاه عنها و فضفضي و فكري و افهمي منه ازاي تعملي بلوك للمشاعر السلبيه الي امك. بتصدرها ليكي

عرض الكل 11 نصيحة

عبّر عن شعورك بشكل مجهول

هاي، من وانا صغيره وكانت أمي بتتعامل معايه بطريقه صعب جدا جدا اسلوب تربيتها كان قاسي من ضرب على الجسم باستخدام مثلا عصايه او بايديها، واهانه بكلام جارح، تنمر عليا ، وكانت بتدعي عليا بدعاوي بقى صعبه زي مثلا يجي لي امراض او ابتلاء في صحتي او ربنا يكسر بخاطري وهكذا يعني... وبسبب طريقتها دي خليتني معقده وبقي عندي مشاكل نفسيه وصحيه خلتني  اخاف منها خلت يحصل بيننا بعد و ما بحبش اتكلم معاها ما بحبش أعرفها حاجه عني خليتني وحيده حتى في البيت مع العلم ان انا بنتها الوحيده وفعلا انا وحيده بالاسم والفعل  امي مع الاسف حرمتني من حنان الام، المهم طرقتها استمرت معايه لحد دلوقتي انا حاليا في اولى جامعه بس بسبب ظروفي الصحيه والنفسيه كان باين عليا التعب ده احنا عايشين في بيت عيله فده كان باين لافراد العيله وهم كانوا عارفين ايه السبب اللي موصلني للحاله دي حاولوا ان هم يساعدونا ان احنا نصلح علاقتنا ببعض يقربونا من بعض 
بداوا ان هم يتكلموا معاها ان هي تحاول تتعامل معايا باسلوب احسن من كده مع العلم المحاولات دي كانت على مدار سنين وبعد محاولات وكلام  كتيره منهم يخلونا ان احنا نقرب من بعض أخيراً الحمدلله حالياً اسلوبها معايا اتغير بس مش هقول اتغير للاحسن او  بشكل كلي بس بتحاول تتغير يعني ومع ذالك يَجماعه انا مش قادره اتقبلها ما بقولش ان انا بكرهها لانها في الاول والاخر امي ولكن انا مش عارفه اتعامل معاها زي اي بنت بتتعامل مع امها مش قادره انسى اللي عملته فيا من ضرب علي جسمي لدرجه كان بيعلم ولا  لما كانت بتضربني بالقلم على وشي قصاد أفراد العيله وكلامها ليا وتنمرها ودعاويها الصعبه عليا مش قادره انسى مش قادره اتعامل معاها مش عارفه حاولت كتير بس الموضوع صعب كل اما احاول ان انا اعطي فرصه بقعد افتكر كل اللي كان بيحصل لي من وانا صغيره منها فبرجع تاني و ما بقدرش، فيا ريت حد يقول لي هو اللي انا فيه ده دي حاجه طبيعيه ولا ده غلط، مع العلم ان والله حتى بعد كل اللي عملته معايا ان انا ما عرفتش اكرهها بالعكس انا جوايا جزء عايز يكون بر بامه حتى بعد كل اللي حصل وشفته منها بس مش عارفه يَجماعه يا ريت حد ينصحني يقول لي اعمل ايه؟؟.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_38885 🇪🇬

منذ 8 أشهر

شعور ضائع

عبّر عن شعورك بشكل مجهول

مش عارفه ارتب كلامي أو أبدأه ازاي لأني في حاله نفسيه سيئه جدا  بس بالله عليكم اقرو مشكلتي وحد يقولي حل لو مر بنفس التجربه
انا كنت منفصله ومعايا طفلين وحياتي الحمد لله كانت مستقره بعد الانفصال لأن أبو ولادي راجل محترم لكن وصلنا للطلاق عشان منعيش ولادنا في خلافات مبقاش ليها حل ولما انفصلنا ساب لينا الشقه وكان بيدفع ايجارها ومكنتش شايله هم حاجه غير اني بشتغل بس عشان اصرف علي نفسي وأرفه عن ولادي .. 
بعد ما عدي سنين علي الانفصال بقيت حاسه بصعوبه الدنيا والمسؤوليات والوحده واني مليش حد وطول الوقت بحافظ علي نفسي لله ولولادي من أي حاجه وحشه ممكن تتعرض عليا وسط مجتمع صعب زي اللي عايشين فيه وده الحمد لله لإني أزهريه وحافظه كتاب الله وطول عمري بفضل ربنا ورحمته معملتش حاجه غلط 
اتقدملي ناس كتير كنت برفض عشان ولادي مأثرش عليهم نفسيا لكن كل حاجه حواليا كانت بتزيد صعوبه خصوصا اني معنديش حاجه اتسند عليها 
لحد وقت  بمحض الصدفه عملت حادث ولقيت شخص بيحاول يساعدني ومن هنا بدأت معرفتنا ببعض
اتقابلنا مرات قليله عرفني فيها انه معجب بشخصيتي اللي كان بيدور عليها من زمان وشرحلي ظروف حياته  وانه متزوج لكن حياته صعبه جدا معاها  وانه عنده مشكله معاه انها دايما بتطعن في رجولته وبتهينه ومبتحترموش عشان كده عايز يعمل لنفسه حياه يلاقي فيها الود والرحمه والحب اللي مش عايشهم عشان ميلجأش للغلط ومش عارف يطلقها عشان ولاده صعبين ومحدش هيستحملهم 
في الوقت ده انا تعرضت لكذا ازمه في حياتي هو الشخص الوحيد اللي وقف جمبي فيهم وعرض عليا الزواج ..استخرت ربنا وقولت يمكن يكون ده عوض ربنا ليا وفي نفس الوقت نمط حياتنا هيكون مناسب لولادي عشان مش طول الوقت هيكون موجود .. ومع ان ده كان ضد مبدأي اني اكون زوجه تانيه خصوصا ان سني ٣٠ سنه وهو ٤٢ سنه والحمد لله يقال اني علي قدر من الجمال الظاهري والداخلي .. لكن كل أفعاله كانت بتقول ان محتاجه السند ده والحنان ده عشان كده وافقت بعد ما معارضه اهلي ان استاهل وضع احسن من كده لكن انا كنت عايزه الوضع الأنسب ليا ولولادي وفي نفس الوقت اعصم نفسي من الفتن 
اتجوزته ومقصرتش معاه في شئ وشاف علي ايدي السعاده اللي عمره ما شافها وانا كمان حبيته ومقصرش معايا للأمانه وأخيرا حسيت بالاستقرار ومن حبي فيه كنت بحافظ علي حياته اكتر منه
كان دايما بيحكيلي عن الأولي ومدي اجرامها وكره اللي حواليها ليها وكنت دايما اهديه من ناحيتها وافتكره بيبالغ عشان يبرر لنفسه الجواز الثاني 
لحد ما عدي وقت والاولي عرفت وحصلي اللي مكنش يخطر علي بال وللأسف في توقيت هو مسافر فيه شغله بره مصر 
جاتلي البيت هي وبنته الكبيره وكتفوني وتعرضت لكل انواع التعذيب اللي تؤدي للقتل لمده ساعات طويله من ضرب علي الرأس بحاجات حاده وتقطيع شعري وطلوعه بالدم من فروه رأسي وتخليع ضوافري كلها وتكسير الشقه عليا عشان اموت وطبعا اول حاجه عملوها كسرو تليفوني علي راسي لحد ما فقدت الوعي عشان مقدرش استغيث بحد 
وبعد ساعات من التعذيب واحساسي ان روحي هتطلع ربنا بعتلي اختي اللي قلقت من قفل تليفوني وده مش معتاد فجت وجابت والدتي يطمنو عليا واول ما وصلو الدور سمعو اصوات الضرب والصريخ قعدو يستنجدو بالناس لحد ما الناس اتلمت وحاولو يفتحو الباب لكنه كان مصفح الناس كانت بتترجاها تفتح وهي قالتهم مش هتطلع حيه طبعا الضرب زاد والناس اتفقت ان الباب مهما خد وقت لازم يتكسر لإنقاذي من الموت 
بلغو النجده وبدأو يكسرو الباب لحد ما دخلو لقوني متكتفه مفيش فيا حته سليمه لدرجه ان الناس انهارو من شكلي وكانو مسجلين ومصورين كل حاجه عشان لما النجده تيجي ميكنش في مجال وأنهم لازم يتحاسبو وطبعا تمادت وطعنت في رجولته بشكل صعب زي ما كان بيوصفلي حتي قدام الناس 
جت النجده ورحنا كلنا علي القسم وزوجي بعت اهله علي القسم وكانت حالتي صعبه ولا يمكن وصفها 
اتفاجأت انه بيطلب مني ومن اخويا التنازل عشان بنته مش عشانها عشان دي قضيه كبيره طبعا اهلي رفضو اني اتنازل لأنهم مكنوش مستوعبين اللي شايفينه فيا 
قعدت يكلمني فيديو علي تليفون والدتي وانا مكنتش قادره اتكلم ويترجاني ان اتنازل واعمله خاطر عشان بنته واخواته الكبار كمان قعدو يترجوني اتنازل قصاد وعده ووعودهم ليا ولاهلي انه هيرجع يطلقها ويجبلي حقي 
دخلت للظابط اللي حاول ياخد مني اي أقوال لكن كنت في حاله سيئه فكتب تحويل لإجراء تقرير طبي وحصر الاصابات اللي فيا عشان الموضوع يتحول للنيابة وطبعا كده كانت هي وبنته هيتحبسو لان الاصابات كتير وفي فيديو وشهود والموضوع كبير
عملتله خاطر لأنه كان يستاهل ده وكنت بحبه وبحترم كلمته وحسيت ان قلبه هيتوجع علي بنته وبرغم اللي فيا كبرتله هو وأهله وقولت للظابط هتنازل والظابط مكنش مصدق وقالي ازاي انتي كنتي هتموتي ده شروع في قتل! قولتله راجلي هيجي وهيجبلي حقي ...
قعدت ايام كتير مبنمش الا بمسكنات شديده ممنوعه من شده الآلام اللي فيا لكن كنت بهون علي نفسي انه يستاهل استحمل عشانه وان الشخصيه اللي شفتها فعلا مجرمه ومكروهه من الناس وانه مكنش بيبالغ في ده 
وقررت اتحمل عشانه لأنه يستاهل التضحيه لحد ما رجع وفعلا كان جمبي ومتخلاش عني واجرلي شقه وفرشها من تاني 
لكن لقيته خايف علي ولاده منها لو طلقها وفي نفس الوقت شايل هم وعده ليا قصاد تنازلي 
طمنته وقولتله انا مش هتخلي عنك متجهدش نفسك في التفكير وتشيل عن وعدك خلي وضعك زي ما انت اكراما ليك ولادك يكرمو عشان خاطرك 
بقو اهله يكلموني ويشكروني ويوصفولي قد ايه حياته معاه صعبه وأنهم بيخافو عليه منها وان أبوه مات وهو شايل همه خوفا منها عليه ومش شايل هم اخواته البنات
عدي ٤ شهور بعد الواقعه دي وحياتنا زي الفل وباجي علي نفسي لأقصى درجه عشانه وعشان ولاده لدرجه انها في فتره رمت عيالها ومشيت انا اللي خدتهم وشيلتهم وقولته اهتم بشغلك وحياتك ومتشلش هم وكنت بعرفه انها كده كده هترجع لأنها طول الوقت بتتعامل معاه كأنه بنك وفعلا رجعت عشان الفلوس 
لكن حصل اللي مكنتش حطاله حساب لقيته بدأ ينسحب من حياتي ويقلل وجوده وكلامه لحد ما بأسلوبي اللين معاه قعدت وقولته طب لو عايز تطلقني قولي  المهم تكون سعيد قالي مقدرش استغني عنك انا ما صدقت ارتحت معاكي ولاقيت حد يقدرني ويحترمني بس خايف منها 
قالي انا بفكر افهمهم اننا انفصلنا ونكتب عرفي لكن حياتنا قدام اهلك والناس زي ما احنا 
قولتله لا انا مش هقلل من نفسي انا شفت الموت وجيت ع نفسي واهلي وولادي واتنازلت عشان خاطرك لكن بعد اللي حصلي عايز تروح تقولها انك رمتني عشان خايف منها؟؟
قالي خلاص ودي هواجس في دماغي وبفكر معاكي بصوت عالي لكن حسيت بضعفه وقتها 
للأسف البعد بدأ يزيد وبقي سايبني بتحرق نفسيا ومبقتش بنام الا 
بمنومات وللأسف تعرضت لجلطه قعدت فيها شهر مبتكلمش لساني تقيل جدا لما شافني كده قعد يطمني انه كان غلطان وهيرجع من السفر يصلح كل اللخبطه اللي حصلت دي واني مستاهلش كده منه 
لحد ما رجع بالمفجأه اللي مجهزهالي قالي انا مش هقدر اعيش معاكي عشان هي بتقلب عيالي عليا وانا خايف من تصرفاتها لو عايزه تكون في حياتي وعلي ذمتي بس نتعامل معامله العشيقه ياريت لاني بحبك ومش عايز اسيبك ولو مش عايزه شوفي اللي عيزاه وانا معاكي 
حسيت وقتها ان قلبي اتفرتك وبينزف قولتله انت عارف ان سيبت اهلي وشغلي وحياتي وقولت اني استقريت فأنا يا اقبل وضع رخيص مستهلوش بسبب ظروفي يا أرفض واشتري كرامتي وامشي وانا حياتي ملهاش ملامح .. ! قالي انا معنديش حل تاني
 سابني وانا منهاره ومشي ورجع لحياته واستقراره وساب وراه بني آدم قلبه بينزف ومش قادر ينطق لأنه دي عواقب اختياره 
بدعي ربنا قلبي يقف من كم الالم اللي فيه مش عارفه استوعب النداله والجبن اللي شفتهم في عينه وكلامه 
عندي قهره من كلمه مطلقه للمره التانيه 
مش عارفه ارفع عيني في اهلي وولادي 
حاسه بحرقه يارب ما حد يحس بيها غيره هو 
خايفه من اللي جاي معنديش اي سند في حياتي ولا بيت ومش عارفه اعمل ايه 
بالله عليكم حد يهون عليا ويديني حل 
المنومات والمهدئات بتاكل روحي ومبقتش جايبه نتيجه 
حد يطمني ويقولي ان ربنا هيجبلي حقي انا حاسه ان هموت ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_45738 🇪🇬

منذ 8 أشهر

شعور مكسور القلب

موضوع:

هل تتمني ولادك يعيشو طفولتك وليه؟

اكيد لا والله لأن انا طفولتي كلها عباره عن ضرب واهانه وشتيمه وكل حاجه وحاجه زي الزفت وكنت بعمل كل حاجه لوحدي بخرج لوحدي بقعد لوحدي وبعمل كل حاجه لوحدي ومليش صحاب ولا كان في حد مهتم بيا فا اكيد ل لا ولو اتجوزت مش هخلف او لو خلفت هخلف واحد بس بس انا الفتره دي احسن الحمد لله وعندي صحاب جدعان

Strawberry_46415 🇰🇼 انا زيك والله

عرض الكل 3 نصيحة

Cookies_31992 🇦🇷

منذ 9 أشهر

شعور مكسور القلب

موضوع:

ازاي بتتعامل مع اهلك بعد تربيتهم ليك القاسيه ؟

بكل اختصار انا مبقتش بحس نحيتهم بحاجة، انا اهلي ربوني بالضرب و الاهانة علي اتفه الاخطاء و دا خلاني ابد عنهم و ابطل اكون انا قدامهم، ابويا و امي انفصلو الحمدالله من اربع شهور، امي غير مسؤولة و ابويا لا يفقه شيئ عن المسؤولية، حرفيا لو شوفته بيموت قدامي انا حتي مش هعطف عليه، حتي لو دواه في ايدي، بالنسب

Blueberry_31887 🇪🇬 الحمدلله أنهم انفصلوا وياريت القرار دا كان بدري اكتر ، وبالنسبه أن بباك محصلوش كدا مش كل الناس اللي اتعلمت وحش بتعامل وحش والعكس

عرض الكل 8 نصيحة

Carrot_74258 🇪🇬

عايز اتعرف على بنت ونبقى صحاب فوق ال 20

عايز اتعرف على بنت ونبقى صحاب ونشارك بعض يومنا وحياتنا وناخد رأي بعض في كل حاجه مع الوقت، اوقاتنا تبقى هاديه وخفيفه ولطيفه على بعض ونحاول نحسن من بعض، يفضل تبقى فوق ال 20 0000000000000000000000000000000000000000000000000000000000000000000000000000000000000 ...عرض المزيد

0 الدعم

3 نصيحة

Mushroom_46460 🇪🇬

جوزي بيتزوج تاني عشان ما حملتش.. مش عارفه اعمل ايه

مش عارفه اعمل ايه انا ست متجوزه من سنتين وما حملتش لغايه دلوقتي متجوز عن حب أهل لجوزي ما كانوش عايزين الجوازه دي خالص في الاول وكانوا عايزين جوزي هتجوز صاحبه مرات أخوها بس هو رافض وبعدين اتجوزت انا وهو وطبعا انت فتره طنط مامته ابتدت تشتكي من الموضوع عدم الخلفه ودلوقتي عرفت من شهر كان بيدور على عروسه سلفتي خربت البيوت جبت لهم صاحبته اللي كانت المفروض تتجوزوا في اول لامه والموضوع تم بس امبارح ما كتبوش الكتاب لان ببساطه هو ما راحش انا عملت نفسي تعبانه ومخليتوش ينزل من البيت حتى الصلاه ما راحش صلاها في البيت عرفت ان هم هيكتبوا كتاب النهارده هيعمل نفسه رايح الشغل وهروح على بيت اهل العروسه ما خليتوش ينزل الشغل عملت نفسي تعبانه لسه اعمل ايه بقى دلوقتي لاني عرفت يوم التلات كتب كتابه للمره الثالثه يا ريت تفيدوني ...عرض المزيد

0 الدعم

4 نصيحة

Cheese_69538 🇪🇬

بتعاملوا إزاي مع الأهالي التوكسيك؟ وهنتحر منهم!

بتتعاملوا ازاي مع الأهالي التوكسيك بجد تكه وهنتحر منهم * الفكرة إني عارفة إني حرام أرد أو اعاملهم بالمثل بس مش عارفه امنع نفسي برد من الغضب ........ظظددددددددددددددددددددددددددددددددددددددددددددددددد ...عرض المزيد

2 الدعم

11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع