ضحكة الأسنان

Ice Cream_20764 🇪🇬

منذ 5 أشهر

شعور لا مبالٍ

*انهارده قابلتني وانا صغيره ف كافيه* هي وصلت بدري شويه عشان متحمسه وانا وصلت فالمعاد بالظبط عشان مبحبش التأخير ولا الإنتظار هي كانت لابسه فستان قصير جديد وفرحانه بيه وماما عملالها تسريحه جميله ف شعرها الناعم وانا كنت لابسه بلوزه واسعه وبنطلون واسع وطرحه هي طلبت عصير مانجا وانا طلبت شاي بلبن وأخد

عبّر عن شعورك بشكل مجهول

*انهارده قابلتني وانا صغيره ف كافيه*

هي وصلت بدري شويه عشان متحمسه وانا وصلت فالمعاد بالظبط عشان مبحبش التأخير ولا الإنتظار

هي كانت لابسه فستان قصير جديد وفرحانه بيه وماما عملالها تسريحه جميله ف شعرها الناعم وانا كنت لابسه بلوزه واسعه وبنطلون واسع وطرحه

هي طلبت عصير مانجا وانا طلبت شاي بلبن وأخدت مني شويه

كانت مستغربه إني بضحك من غير ما أخبي سناني بس قولتلها ان الأسنان الوحشه وقعت وجيه غيرها حلوين عشان سمعت كلام ماما وإني بقيت بحب ضحكتي
كانت مستغربه برضو إني لسه لابسه النضاره قولتلها أنها بقيت جزء أساسي مني وإني م عايزه اعمل العمليه عشان مبحبش شكلي من غيرها ف أتضايقت شويه

سألتني لسه إجتماعيه وبتحبي الناس وكلهم صحابك قولتلها بقيت إنطوائيه شويه ومبقيتش بتعرف علي ناس جديده بسهوله بس لسه فرفوشه وقعدتي حلوه وتتحب

وسألتني بقي عندي صحاب بيحبوني زي ما بحبهم ولا لسه في منهم بيضايقني بس قولتلها إننا اتصاحبنا علي كتير أوي وإني اتعلمت كتير برضو وفالأخر ربنا كرمني ب أختين م مجرد صحاب مدرسه او دروس وإني محبوبه من معظم الناس فحياتي وبحبهم كلهم واني بعرف أخد حقي لما حد بيضايقني

قالتلي لسه بتحبي المدرسه والمذاكره وشاطره فيها قولتلها أن معندناش مدرسه السنادي وإني ف أصعب سنه دراسيه وإن مستوايا بيقل وخايفه محققش هدفي..

سألتني أخواتي كبرو وبقينا بنلعب مع بعض كتير قولتلها أنهم كبرو ومبقيناش بنبطل خناق طول اليوم والوضع بيننا بيسوء

سألتني عن بابا لسه بيحب يصورني طول الوقت ويغني معايا قولتلها أنه بقي شايف إسلوبي وحش وإني اتغيرت للأوحش بس عادي يعني

سألتني جيبنا قطه ولا لسه ماما م موافقه قولتلها أن ساندي معايا بقالها أربع سنين وإنها خلفت وجابت قطاقيت صغننين وفي واحد منهم مات والباقي معرفش حاجه عنهم غير توتا اللي معايا فرحت أوي وإتضايقت فنفس الوقت

قالتلي أنها فخوره بيا وبكل حاجه حصلتلي وعديت بيها وقالتلي سلميلي علي ماما وبابا واخواتي وبنات خالتي وأهم حاجه أنها حضنتني قبل ما تمشي مع أني كنت عايزه القعده تطول اكتر من كدا.

م حابه فكره التريند سِنه بس وير إز ذا بروبليم لو جربت يعني🤨

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_68382 🇪🇬

مدمنة سوشيال ومش بنجح في حاجة وربنا مش شايفني

انا بقيت مدمنة سوشيال والمشكلة الاكبر مش بستفاد من مسكتي للفون اوقات طويلة حاجة غير بجمع ريلز او منصات ابقا اشوفها بعدين بصراحة الموضوع دا من ساعة مجبت تقدير مقبول ف شهادة التخرج كأن كل حاجة ضاعت وخلاص دماغي وقفت ومبقاش عندي شغف اطور من نفسي ف حاجة ابدا لدرجة وصلت لنقطة ربنا مش شايفني مش بيسمعني انا مش بنجح ف حاجة بدعي وانا من قلبي خايفة ربنا ميستجابش ودي مشكلة وانا عارفة بس غصب عني انا بكتب وعارفة الشكوي لغير الله مذلة بس دماغي مش بتسكت بجد وبقيت بأثر ع اللي حواليا بكتئابي وطاقتي السلبية مفيش صحاب مبنزلش الا لطلبات البيت عايشة لاخواتي وطلباتهم وبس خدامة فعلا لدرجة بنت اختي بقت تقولهالي وهيا 6سنين ومحدش قالها قدامها بتعب وصحتي ف النازل وانا لسا 23 ومش مخطوبة ولا حبيت قبل كدا والفكرة دي مسببالي رعب اكتر ف شريك حياتي اللي هكمل معاه هيبقا شكلو ازاي هيأذيني ولا هيعاملني حلو هيشوفني خدامة بردو ومليش حق اتكلم واحلم وافشل وانجح واعيش حياتي طبيعي ولا هيحصل اي بعد كلامي دا كلو اكتشفت اننا محتاجة دكتور نفسي افضل 🤝 ...عرض المزيد

0 الدعم

10 نصيحة

Biscuit_64034 🇪🇬

أنا عاوزه اروح البيت ومخي مش بيقف

طب انتوا عارفين انى من يوم ما ابويا مات من ٦ سنين لحد دلوقتى و انا مخي مافيهوش غير جملة انا عاوزة اروح البيت .. بس انا بقولها و انا اساسا بكون فى البيت عادي 😄💔 طيب عارفين اني اول ما اتوفى زعقولى عشان كنت بعيط بصوت و فاتكتمت و لحد اللحظة دي بسمع صويتي جوا مخي مش بيقف عرفتوا يلا خلاص انسوا بقا زي ما كل اللى عارفين قالولى معلش و نسيوا و اتمعلشيت بس لسة ماتعافيتش ولا هتعافى غالبا وسط الناس دي 😄💔 #هرتلةـفارغة ...عرض المزيد

0 الدعم

12 نصيحة

Tofu_19483 🇪🇬

خلصت العلاج الإشعاعي.. ادعولي في المسح الذري الجاي

سالوا يا حبايب قلبي.. نسيت أحتفل معاكوا إني خلصت جلسات العلاج الإشعاعي هو اه خلصت من يومين بس نسيت أحتفل معاكوا علشان الناس اللي بيقولولي إني سلبيه ومتشائمه علشان معظم بوستاتي حزينه وده غصب عني.. ف باركولي بقه وزغرطولي يا بناويت🥰 كده قدامي شهر إن شاء الله وأعمل مسح ذري تاني علشان أعرف العلاج جاب نتيجه والخلايا اختفت ولا لسه فيه خلايا سرطانية ف جسمي. ف من هنا لحد شهر كمان إن شاء الله كثفوا الدعوات أستحلفكم بالله لو نتيجة المسح الذري ده طلعت حلوه كده هعلن رسمي إني خفيت ومبقيتش مريضة كانسر ف بالله عليكوا لو افتكرتوني تدعولي ...عرض المزيد

4 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع