صدمة دراسية قصص حقيقية - 1 تجارب، ونصائح، ودعم

Pineapple_30761 🇪🇬

منذ شهر واحد

شعور خجلان

ثانويه عامه كانت من ابشع سنين حياتي ومش بقول كده بس عشان مجموع لا هي كانت وحشه من غيره برضو انا ماما اطردت لبيت اهلها كل فتره كأنه روتين و زعيق وخناق وقرف وتعب نفسي على تعبي النفسي محدش كان بيهتم طبعا هما فاضينلي؟ وانا حد متحملش الضغط للاسف أنا كان بيجيلي انهيارات عصبيه متحملتش مقدرتش اذاكر انا بجد

Hazelnut_63122 🇪🇬 نفس اللي حصل معايا بظبط كأن حد بيحكي اللي حصل معايا بس انا كنت اكتر حبه و جبت 61% و شيلت جوايا منهم جامد و للاسف دخلت اكاديميه انا مش بحبها بس ربنا كرمني فيها و لسه متخرج الحمد لله و رضيت باللي ربنا اختارهولي،الفكره مش عيب ولا حرام انك تجيبي مجموع وحش ، انك تزعلي علي نفسك عشان جبتي مجموع وحش ده طبيعي بس محدش كاسر عينك ما اكيد كلو كان شايف اي بيحصل عندك ، اعتبر بلاء من عند ربنا او ربنا مختارلك الصح

عرض الكل 5 نصيحة

خايف اكلم أبوها عشان معنديش شقة وجيش ورايا

ازيكو محتاج احكي حاجة واسمع ارائكو فيها دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوز اعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

0 الدعم

0 نصيحة

هفضل اهرب بالادوية لحد امتى؟ تعبت من القلق

مفيش حاجة بتهديني غير الادوية هو انا هفضل اعيش حياتي بيها ؟ انا بطلتها فترة كبيرة بس اول ما حصلي انتكاسة مقدرتش اتعايش عادي و خدتها تاني هفضل اهرب بالادوية لحد امتى ؟ نفسي ابقى انسانة طبيعية القلق مبيآثرش فيا و يوقفلي حياتي للدرجادي انا تعبت و كل الاحداث بترهقني بزيادة ...عرض المزيد

0 الدعم

1 نصيحة

مش عارفه أكره الشخص ده مع أنه سببلي كسرة

لسه بالرغم كل حاجه حصلت مش عارفه حتي اكره الشخص ده مع ان سببلي كسرة كبيرة اوي بجد مبقتش عارفه اكون كويسه خالص مش عارفه اثق في حد حاسه حياتي وقفت عند الشخص ده عارفه انه الحياة مش بتقف علي حد بس غصب عني انا حاولت كتير انسي كل شويه برجع تاني برجع اسوء من الأول 💔💔. ...عرض المزيد

0 الدعم

0 نصيحة