صدمة الحقيقة قصص حقيقية - 1 تجارب، ونصائح، ودعم

Blueberry_72576 🇪🇬

منذ أسبوع واحد

شعور مرتبك

والله الواحد بيفكر أن هو فاهم الدنيه و الناس صح و بيبا حاسس نفسو اي ملك و يجي في الأخر بعد ما يعرف الحقيقه بيتصدم ازى في الدنيا أو الناس بس لازم يعرف ازاي يتعايش و يتعامل مع دا صح و الجده بجد هو الي يتخلص من كل دا و يطلع من كل دا بحال سليم

أمي منعت بنت خالي وأنا محتار قبل الفرح

أنا مش عارف ليه أمي عملت كده معايا. الموضوع إن أمي خلت بنت خالي تبعد عني، مع إني كنت معجب بيها وكنت ناوي أتجوزها. أمي ليها صاحبة قريبة منها جدًا، وصاحبتها دي متجوزة ابن عمة أمي. إحنا كعيلة مترابطين جدًا، يعني أمي وأصحابها متجوزين من نفس العيلة، وأنا كبرت متربي مع ولادهم وبناتهم زي إخواتي بالظبط، وبحس إن البنات دول في مقام أخواتي وبخاف عليهم. لما جه وقت الجواز، كان الطبيعي إن أمي تساعدني ألاقي عروسة مناسبة. أنا عرضت عليها بنت خالي الوسطانية، بنت خالي اللي أصغر مني بـ 7 سنين، لكن أمي رفضت رفض قاطع. وقالت لي: "معنديش مانع تختار من بنات صاحبيتي (مرام، مريم، فريدة، سلسبيل)، أو من بنات خالك التاني، لكن البنت دي بالذات واخواتها لا". أنا استغربت جدًا، وقلت لها: "ليه يا أمي؟ دول زيهم زي باقي ولاد إخواتك!"، لكنها أصرت وقالت: "لأ". كمان رشحت لي بنت خالي الصغيرة اللي لسه في ثانوي وعندها 17 سنة، مع إنها أصغر مني بـ 10 سنين، وقالت إنها مش صغيرة، وضربت مثل بنفسها إنها اتخاطبت وهي في نفس السن. دلوقتي أمي مصرّة إني آخد بنت ابن عمتها "مرام"، والفرح خلاص كمان أسبوع، يوم الثلاثاء. وأنا خايف أكون بظلم مرام لأني بحب بنت خالي. وفي نفس الوقت، بابا قال لي: "أمك عارفة حاجات عن بنت أخوها مش هينفع تقولها"، وحتى إخواتي البنات قالوا لي نفس الكلام. أنا متلخبط جدًا… خايف أظلم نفسي وأظلم مرام، وخايف أخسر بنت خالي اللي بحبها، وكمان خايف أمي تخسر صاحبتها وابن عمتها لو رفضت دلوقتي. ومش عارف أتصرف إزاي، خصوصًا إن الفرح بعد أسبوع. ...عرض المزيد

0 الدعم

1 نصيحة

ازاي أتعرف على بنت loyal محترمة من غير جواز صالونات؟

بجد الواحد ممكن يتعرف ازاى على بنت تكون loyal محترمه بتفكر معاه و ممكن يساعدو بعض وخاصة لو environment اللى حوليه فى الشغل ناس مديا مرتاحه وهو ماديا مش افضل حاجه ازاى يوسع دائره معرفه لانى مش حباب إبداء حياتى جواز صالونات انا عارف أنه محترم مفيش عليه خلاف بس حابب اعرف طباعه الشخص قبل ما اخد خطوه 🧗🙀🙇 ...عرض المزيد

0 الدعم

2 نصيحة

عندي طاقة جنسية كبيرة وملاحظة بتاخد من تفكيري

مشكلتي مثلا ممكن تتلخص ف التفكير الكبير والطاقه الزياده للعلاقه الجنسيه بتاخد من تفكير الواحد جامد يعني انا شاب اهو وشغال وحياتي كويسه بس الموضوع دا واخد من تفكير الواحد وحاسس اني عندي طاقه كبيره ووقت افكر فيه ف العلاقه وان في حاجات جوايا كتير بتدفعني اني اجربها م عارف اي الحل بس في شغف كبير وطاقه كبيره للجنس ملحوظه انا شاب ٢٩ سنه ...عرض المزيد

0 الدعم

2 نصيحة