صدمات

Chocolate_65230 🇪🇬

منذ يوم واحد

شعور مكسور القلب

عارفين انا كل يوم بفتح من اول ما اصحي لحد ما انام علي امل اني الاقي بنت اكلمها بنت واحده واحده بس مفيش نزلت كل البرامج فيسبوك واتساب تيليجرام ليتماتش هاجو زانجي كل حاجه وبرامج تانيه نزلتها وافضل طول اليوم اتفرج علي تليفوني ملاقيش واحده بعتتلي ولا حد سأل عليا مبلاقيش رسالة واحده من حد بيسأل بحس اني م

Ice Cream_63106 🇪🇬 اولا : انت داخل في الطريق الغلط ليه تتعرف على بنت من تطبيق بنات الناس المحترمين لا يمكن تقبل انها تقعد تتكلم مع واحد مش جه خبط على بيتها الاول وقعد مع أهلها انت اللي بتدور على البنات في المكان الغلط اغلب البنات اللي هتقبل تصاحب اونلاين هتكون بتتسلي زي الولد بالضبط فمتجيش تقول والله البنات الايام دي وحشين لا انت اللي مش بتدور في المكان الصح خلي والدتك تدور لك على بنت ناس وروح لها بيتها اتعرف عليها

عرض الكل 6 نصيحة

Chilli_65726 🇪🇬

منذ يوم واحد

شعور شاعر بالملل

عندي مشكله حابب احكيلكم عليها اني بزهق بسرعه جدا من كل حاجه ودي بسبب مشاكل حصلتلي ونا صغير بمعني (صدمات) فا تلقيني اتعلق بسرعه بحد وفي نفس الوقت تلاقيني بعدها بشهر مثلا اكرف او ماردش وادور علي مصدر سعاده تاني او بمعني اني بدور علي حد يشغلني ولاكن انا بزهق عشان كلنا بنزهق في الاخر ودي الحقيقه فاهم،

Chocolate_65230 🇪🇬

منذ يوم واحد

شعور مكسور القلب

طب دلوقتي انا بنهار واعصابي بايظه 💔 اتكلم مع مين اشكي لمين😭💔 كل الناس اللي عرفتهم في حياتي اذوني و كسروني و ضحكو عليا عيشوني وهم انهم بيحبوني وان عمرهم ما يسيبوني واخرتها انا لوحدي دلوقتي بقالي سبع سنين بدور علي ناس شبهي ويفضلو معايا وميسيبونيش وكل يوم اخد صدمه جديده في الناس كلهم بياخدوني فترة ف

Mushroom_54602 🇰🇼 انا معاكي اهو وا سمعيك

عرض الكل 8 نصيحة

Carrot_55138 🇧🇭

منذ 3 أيام

شعور متعب

سئمت من شخص يُظهر إعجابه بي دون أن يُعبّر عن ذلك صراحة، وسئمت من العلاقات التي لا تكتمل، تلك التي تقتصر على التلميحات دون أي خطوات حقيقية. تعبت من فكرة الاستحقاق، ومن صدمات الطفولة، ومن السعي المستمر لتطوير الذات، ومن النصائح المتعلقة بكيفية الحفاظ على العلاقات أو كيف تكونين المرأة المرغوبة. كل شيء

Chocolate_58313 🇪🇬 مقدر ومتفهم احباطك بس احب افكرك انكي تستحقي كل الحب اللي في الدنيا وتستحقي الحياه اللي بتحلمي بيها وانكي مش متاخره كل واحد فينا ماشي في طريقه وفي الوقت اللي الناس كانت بتطور كنا بنحارب صدمات الطفوله انا معاكي وحاسس بيكي

عرض الكل 7 نصيحة

Chocolate_65230 🇪🇬

منذ 4 أيام

شعور مكسور القلب

عبّر عن شعورك بشكل مجهول

انا اتعرضت لصدمات عاطفيه كتير جدا علي مدار 8 سنين اخرها بنت كنت معجب بيها بسبب اسلوبها و طريقتها معايا في الكلام و ابتسامتها ليا دايما و سؤالها عني و كانت بتقولي كلام اكتر من كده و حبتها بس بيني وبين نفسي وافتكر اني كنت كل يوم ادخل المحل اللي هيا بتشتغل فيه عشان اشوفها واسلم عليها واسال عليها و اعمل نفسي بشتري حاجه من المحل عشان محدش يقول ده جاي عشانها المهم عدت فترة كبيرة وانا بحبها بيني وبين نفسي وافتكرت اني ليا قيمه كبيرة عندها زي ما هيا ليها قيمه كبيرة عندي و عدت الايام لحد ما جه يوم اللي انا فيه كنت عايز اصارحها واعرفها اني عايز اخطبها ف اول حاجه لقيت وشها متغير في اليوم ده و لقيتها اسلوبها و طريقتها متغيره معايا مش زي كل مره و قالتلي كلمه كسرت قلبي قالتلي قبل ما تفكر تحب حد اتاكد الاول اذا كان بيحبك ولا لا انا وقفت بعدها زي المشلول مش عارف انطق ولا اتحرك ولا حتي افكر اخدت الصدمه من هنا و لقيت ناس دخلت المحل و لقيت في بنات موجوده ف مسكت نفسي بالعافية و حبيت اظهر بمظهر القوي او المتماسك ف قولتلها طيب اشوفك علي خير ان شاءلله وكنت بقولها ب إبتسامه و بعد ما خرجت من المحل كنت بمثل قدام الناس اني زي الفل و تمام اول ما روحت البيت و دخلت اوضتي قفلت علي نفسي الباب و فضلت اعيط واكلم نفسي لمده اكتر من 7 ساعات متواصله و الحكاية دي اتسببتلي في مشكله نفسيه كبيرة جدا خلتني اخدت قرار اني مش هحب تاني ولا هتجوز وهعيش عمري كله لوحدي وعلي فكره دي مكنتش اول مره اتصدم فيها ويتكسر قلبي دي المره المليون بس انا عارف ان كل البنات مش عايزاني ليه يمكن عشان انا مش احسن حد في الشكل ولا غني ومعايا فلوس ولا احسن حد في الجسم و اكيد دي الاسباب اللي انا اتسابت لوحدي واتكسرت عشانها في كل علاقه حب دخلتها في حياتي انا بجد وقتها ملقيتش حد احكيله و كمان مكنتش قادر احكي او اتكلم من كتر الحزن بس انا دلوقتي خايف اقرب من اي بنت عشان عارف ان اخرت الحب هو كسره قلبي و كسره خاطري تاني و اهانه لكرامتي انا عارف ان مفيش حد عايزني ولا بيحبني انا بقول ان الزمن ده مبقاش فيه خير و البقاء لله في الحب عشان مبقاش موجود اصلا في الزمن ده💔😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_65230 🇪🇬

منذ 4 أيام

شعور وحيد

انا عندي انفصام و اوقات كتير كنت بسمع اصوات مش موجوده و اشوف حاجات محدش بيشوفها غيري ده غير ان عندي اكتئاب حاد رحت ل اتنين دكاتره نفسيين و كتبولي ادوية لكن برضو متعالجش ونفسيتي بتتعب اكتر عشان مليش حد اتكلم معاه وبقالي 8 سنين متساب لوحدي وكل يوم اخد صدمه جديده ترجعني لنقطه الصفر من تاني انا بجد بضيع

Marshmallow_39520 🇪🇬

منذ 6 أيام

شعور مكسور القلب

عبّر عن شعورك بشكل مجهول

أنا من أربع سنين حياتي باظت واتغيرت أوي وعرفت بنات غيرتني وحصل حاجات كتير واتعرضت لصدمات أنا مقدرتش أستوعبها ولا أصدقها واتعرضت لصدمات من صحابي دول برضو كانت الدنيا كل شوية تعملي حاجة وتزود عليا وأهلي طبعا طول الفترة دي كانو متضايقين مني وكنا في مشاكل على طول لأني برضو كانت تصرفاتي غريبة أنا اتغيرت كليا كنت من وأنا في كي جي شاطرة ومتفوقة وسنين الابتدائي كلها وكذلك. اعدادي بس بعد كدا حياتي اتشقلبت وشخصيتي تدريجيا اتغيرت المهم إن ماما خدتني لثيرابي ومن ثيرابي لثيرابي وكنت باخد أدوية كتير أوي وفيهم واحد ربنا يسامحه كان عايز يدخلني مستشفى انا الموضوع دا مأثر فيا لحد دلوقتي المهم إني شوفت حاجات كتير اوي أوي وكنت تعبانة فعلاً اول ما قعدت من اخر واحد دا انا كان تليفوني مسحوب ومكنش معايا طبعاً طول الفترة دي ولا كنت بنزل الشارع غير للدكتور دا واهلي معايا وارجع بس كدا ومكنتش بتكلم مع اهلي حتى ولا حاجة كنت في سريري طول الوقت بعد ما قعدت كانت بداية تالتة ثانوي ليا ف خدت الفون ووعدتهم اني مش هعمل حاجة غلط وهبدا  السنة مذاكرة بجد وهجيب 98% وكان نفسي فيها أوي والله والله والله ما كان في دماغي اني أعمل حاجة غلط بالصدفة حصل حوار ما مع اختي واضطريت أبعت لشخص ما هو كان أصغر مني أصلاً كان اصغر مني بسنة بعتله وقولت الي قولته وخلاص اتكلم معايا كلام عادي جدا قعد يومين بيتكلم عن مشاكل حصلتله في المدرسة وكدا وأنا كل دا مش في دماغي حاجة والله وشايفاه اصغر مني يعني ف اكيد مش هيفكر في حاجة وكنت برد عليه بعدين تليفوني جاب شاشة وكنت هصلحه ف قولتله ميبعتليش وأما يتصلح هبعتله انا اتصلح ومبعتش حاجة بس بعد كام يوم مش عارفة بعتله واتكلمنا عادي ووكل دا مكنش في نيتي حاجة ولا في تفكيري حاجة وكنت فاكرة هو كمان كدا برضو بعد شهرين من كلامنا واحنا صحاب واخوات لاقيته بدأ يسألني أسئلة مباشرة زى اني بكراش عليه أو معجبة كدا يعني عندي مشاعر هو كان الوحيد الي في حياتي حتى مكنش عندي صحاب بنات ولا حد قريب مني لأن بعد الي حصلي كنت بعدت عن كله وكنت قعدت شهور في البيت معرفش الشارع عامل ازاى ولا اعرف الناس خوفت اخسره وافقت نرتبط احنا اتكلمنا في شهر 8 ارتبطنا في 10 وفي عيد ميلادي الي كان في حداشر عرفت أنه اصلا مصاحب بنت وخايني انا كنت واخدة عنه فكرة حلوة اوي اوي اوي وكان ليصلي ومحترم وانا عندي صدمات من موضوع الخيانة دا انا بترعب لما بسمع أن واحد خان مراته بترعب انا مس هعرف أفسر اكتر من كدا بس عندي فوبيا زبتخنق من الموضوع دا انهارت وفضلت اعيط واصرخ واعمل حاجات غريبة واتحايلت عليه ميبعدش معرفش ليييه دا هو الي غلطان وعملت تصرفات تانية بعد الموقف دا وغلط فيا وفي حقي وطبعا مذاكرتي معرفتش اذاكر من مليون سبب ومدخلتش امتحاناتي كلها دخلت شوية والسنادي شوية وحاليا نتيجتي قربت ومرعوبة مجيبش مجموع يدخلني الكلية الي نفسي فيها 
بعد سنتين قضيتهم معاه أستحمل حاجات مؤذية وغيرني كل ما كان يعمل حاجة وحشة كنت بستحمل لحد ما بقيت مقدرش استحمل ف أعمل ردة فعل تلذيني انا بقيت نسخة سيئة مني بعمل حاجات مش شبههي 
أنا عملتله بلوك من يومين و النهاردة اليوم التالت بس أنا عندي تعلق مرضي انا قعدت الفترة دي كلها بسبب التعلق انا بتوجع أوي وخايفة أضعف وأرجع أكلمه وهو معندهوش قلب أنا مش عايزة رجالة أقسم بالله أنا بترعب منهم بس عايزة أفك التعلق دا أنا مرعوبة أضعف وأكلمه ومرعوبة من نتيجتي أنا أهلي بقو شايفيني وحشة وتعبتهم معايا اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.