صداقة طويلة

Watermelon_59604 🇪🇬

منذ يوم واحد

شعور وحيد

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا. أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا. أنا كنت بحبها حب مش

عبّر عن شعورك بشكل مجهول

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا.

أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا.

أنا كنت بحبها حب مش عادي، كنت هموت من الزعل والعياط لما عرفت إنها هتسافر وهنبعد عن بعض. ويوم خطوبتها عيطت، ولما هي عرفت، قالت: "آه، دي صاحبتي لما عيطت كانت غيرانة ومش بتحبني، وإنها أنانية..." وحاجات كتير غلط ووحشة اتقالت عني، وأنا مكنتش أعرف إنها شايفة كده.

كانت بتخبي حاجات كتير عنهم، بس ده مش المهم دلوقتي. المهم إن بعد حوالي شهرين خطوبتها باظت، ووقتها بدأت تعاملني بطريقة وحشة جدًا. فقررت أسيبها وأبعد.

بس هي بدأت تشتكي للناس وتقول إني بعدت عنها وهي في فترة صعبة في حياتها، وإني إنسانة وحشة. وبعد فترة، أنا مقدرتش أستحمل البعد، ورجّعتها تاني، وحاولت أتصالح معاها.

وكان فرحي قرب، مكنش باقي غير شهر، والشهر ده كان صعب جدًا عليّ. مع إننا رجعنا نتكلم، بس حاجات كتير بوظت. هي جت فرحي، رقصت وتهيصت وعيطت، كأنها بتثبت للناس إنها جات وعيطت، وخلاص.

بعد الفرح، اختفت تاني، وبعدت عني، وفي الآخر عملتلي بلوك.

أنا مش متخيلة إننا كنا أصحاب بقالنا ١٠ سنين، وتعمل كده فيا... أنا كنت بحبها، ولسه بحبها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_34213 🇫🇷

منذ 6 أشهر

شعور مكسور القلب

انا مش عارفة اقول ايه بس عايزة اصيح عن حاجة حصلتلي فا قولت اكتبها هنا واحدة صاحبتي نعرف بعض من ٢٠١٢ لحد دلوقت جيت انا سافرت ٢٠١٧ و كنا لسة بنتكلم و دايما كانت بتاخد بنصيحتي لانها عارفة ان كلامي بيطلع صح خصوصاً ف موضوع الارتباط مع العلم اني مرتبطتش قبل كدة بس كلامي بيطلع اللي بيحصل فعلا دلوقت فتحت ا

Apple_38269 🇪🇬 خليك مراية للي قدامك اصبري لحد ما ييجي دورك واعملي نفس اللي عملته معاك يافنانة محدش احسن من حد😂💋 بالنسبه لتعاملك معاها حالياً اتعاملي طبيعي بس همشيها شوية كأنها واحده عاديه او غريبة والرد على قد السؤال ولو سألتك مبتسأليش ليه زي الأول قوليلها مشغولة، لو هى صديقة وحشة هتفكرك غيرانه ابعدي علطول لكن لو لا ارجعي للخطوه الاولى زي ما قولت واتعلمي تكتمي امور حياتك بعد كدا زي ما هى عملت مش لازم تحكي لأي حد

عرض الكل 4 نصيحة

Strawberry_39625 🇪🇬

منذ 6 أشهر

شعور عاطفي

انا في شخص عرفتو اونلاين وبقالنا 3 سنين عارفين بعض وبنتكلم كل فين وفين ( صحاب عادي مش مرتبطين ) وانا مش فارقه معاه كدا كدا وانا حبيتو وبفكر ادخل اقول اي اني بحبو ومكنش ينفع احبو وبعديه ابلكو من كل حتة وهو كدا كدا من محافظه تانيه ف مفيش فرصه ان تشوف بعض ف الحقيقه كدا كدا وانا تعبت من

Ice Cream_20764 🇪🇬 لا اوعي تبعتي عشان اولًا مينفعش البنت اللي تعترف الاول هو لو حاسس بحاجه ناحيتك هيقولك لكن غير كدا متقلليش من نفسك ثانيًا بقي علاقتكم حرام حتي لو مجرد صحاب وبينكم كلام بسيط ف قوليلو انك هتعملي بلوك من كل حته عشان عرفتي ان كلامكم ربنا غضبان عليه عشان يبقي عارف واقطعي معاه خالص وحتي عشان متتعلقيش وتحبيه اكتر واهم حاجه ادعي ربنا ان لو هو خير ليكي يجعلو من نصيبك ولو شر ليكي يبعدو عنك وينزع حبه من قلبك

عرض الكل 18 نصيحة

Apple_38785 🇪🇬

منذ 7 أشهر

شعور ضائع

موضوع:

هل جربت شعور الخذلان من صديق عمرك؟

بعد صداقة 10سنين سابتني عشان صحابها الجداد قالولها تبعد عني 🙂 بجد من سخافة السبب حسيت ان انا الوحشة عشان تضحي بالسنين دي لمجرد ان صحابها دول محبونيش . بعدين اخدوها في سكة وحشة وحرام حاولت ارجعها رفضت بعد فترة رجعت مكتئبة بسببهم كلمتني لجأتلي روحتلها جري سندتها ورعيتها لحد ما اتعالجت وبقت كويسة وسيب

Corn_41657 🇪🇬 ربنا يرزقك بالاحسن منها دي متستاهلكيش

عرض الكل 2 نصيحة

Biscuit_30146 🇪🇬

منذ 7 أشهر

شعور مرتبك

نفسي احكي الي جوايا ده بقالي كتير اوي بس انا مكنتش معترفه بيه وحتى حسيت محدش ممكن يفهمني صح لاني جربت احكي وتفهمت غلط انا كان ليا صاحبه بقالنا اكتر من 10سنين صحاب المهم جت فتره وحصلنا مشاكل كتير جدا وخناقات وهي بعدت عني وقالتلي كلام وهي بتقطع معايا كفيل انو يخليني اتعالج طول حياتي ومع ذلك كنت بفكر ا

Mango_11276 🇶🇦 أنا آسفة أولاً على اللي حقوله، بس أنا مش قصدي حاجة وحشة، بس انتي كده كلامها حسسك بالنقص، وبقيتي عايزه تملي عينها بأي طريقة وتقنعيها بعكس كلامها، وده غلط جددددداً، انتي قمر ومهمة فحياة ناس كتير، وفي ناس كتير بتحبك، متركزيش في النقطة السودة وتسيبي الحيطة البيضة كلها عشان النقطة دي، ارضاء الناس غاية لا تدرك أبداً، والبنت دي وصلت للي عايزاه بأنها تحسسك بالنقص، المهم نفسك ثم نفسك ثم نفسك مفيش حد تاني

عرض الكل 3 نصيحة

Blueberry_30489 🇪🇬

منذ 7 أشهر

شعور ضائع

موضوع:

ازاي بعدت عن شخص انت بتحبه عشان نفسك ؟

الحد اللي بعدت عنه كان اقرب صاحبه ليا كانت اختي حرفيا بقالنا مع بعض صحاب 14 سنه كنا مع بعض ف كل حاجه كانت اول واحده بجري عليها ف اي حاجه حلوه او وحشه اول واحده باخد رايها ف كل حاجه كنا متفاهمين لدرجه اننا دماغنا زي بعد ف كل حاجه طب بعدت ليه و ازاي فجاه لاقيت الشخص اللي انا مرتبطه بيه باعتلي صور ليها

Biscuit_20744 🇪🇬

منذ 8 أشهر

شعور وحيد

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

كان عندي صاحبتي صداقتنا كانت جميلة اوي و كنا صحاب بقالنا 9 سنين بعد كده جت فترة هي اتعرفت فيها على ناس تانين و بقت تتعامل معايا بطريقة وحشة ، و بعد ما كنا بنتكلم كل يوم قعدنا اسبوعين مش بنتكلم و ساعتها كنت تعبانة جدًا و هي مسألتش فقطعت علاقتي بيها و اكتشفت انها شايلة كمية حقد ليا ، انا مش فاهمه سببه

Sugar_21210 🇪🇬

منذ 9 أشهر

شعور مستنزف

عبّر عن شعورك بشكل مجهول

كنت حابة اخد رأيكم في حاجة
كنت اعرف حد بقالي خمس سنين
وفي الفترة دي كنا بنتعامل عادي كصحاب ونسأل على بعض كل فترة وبس
من كام شهر لاقيته بدأ يتقربلي وكلامه يزيد معايا واهتمامه بيا يزيد وعلقني بيه
هو الحقيقة شخص كويس ومحترم وفيه مميزات كتيرة
بس بعد كلامنا بفترة لاقيت كلامه قل
مابقاش مهتم ومابقتش حاسة انه موجود معايا
ولما بدأت اعاتب لاقيت الموضوع بيقلب بخناق والاقيه بيقولي انه مابيحبش يمسك الفون كتير وانه بس في الاول كان بيحاول يعمل حاجة هو مش متعود عليها انه يكلمني كل شوية وكدة وماعرفش يكمل في حاجة زي دي ف انا تلقائيا بقيت بتضايق اللي هو ليه يعودني على حاجة وفجأة يسحبها منها
وبعدها كانت اخر حاجة يقولهالي انه مشتت في اختياره ليا...صعبت عليا نفسي وسكت تماما مابقتش بتكلم وهو حتى ماحاولش يكلمني تاني وبقالنا شهر مابنتكلمش ولا حتى لو مجرد سلام مع اني كل يوم بستناه يكلمني ومابيحصلش
ف انا كل اللي مضايقني اني حتى خسرته كصاحب ووجوده معايا في الخمس سنين ماكانش قليل عشان اتخطاه ومافكرش فيه تاني
ف انا بفكر اني ادخل اتكلم معاه او حتى افهم ليه عمل معايا كدة بس في نفس الوقت خايفة اني اكون جيت على كرامتي
رأيكم ايه؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.