صداقة سامة

Pistachio_26702 🇪🇬

منذ أسبوع واحد

شعور مرتبك

عبّر عن شعورك بشكل مجهول

بنتعامل ازاي لما نبقي فعلاقة صداقة -بنتين عادي- ويمكن تكون أكتر من صداقه وبقالها سنين كتير اوي ومع بعض دايمًا عالمره قبل الحلوه وفكل حاجه حرفيًا وفاهمين بعض وعارفين ازاي نتعامل مع بعض وعارفين كل حاجه عن بعض واللي بيشوفنا بيقول اننا أخوات مش صحاب بس ويعتبر العلاقه دي جزء من ال Comfort zone بتاعتنا -او يمكن بتاعتي لوحدي معرفش- بس مؤخرًا بقت مؤذيه وبالذات عقليًا ودي أكتر حاجه مؤذيه بالنسبالي بالرغم من أني عادي عارفه ازاي اتعامل مع دا كويس جدًا بس مش فاهمه ليه بتعمل كدا وانا مبقيتش قادره أعدي بقالي فتره طويله بفكر ان خلاص اقطع العلاقه دي عشان شايفه انها بتيجي عليا وبس وانا اللي دايمًا بقدم اللي عندي ومبلاقيش مقابل وحتي التصرفات اللي كنت بعديها زمان بقيت بعديها عادي بس مش زي الأول عشان مبلاقيش حاجه تساعدي اعدي والفكره اني مبنساش وانا بكره كدا جدًا عشان تلقائيًا لما ببطل انسي حاجه لحد بلاقيني بفضل اكومله الزعل جوايا ومره واحده هنفجر فيه يإما هقطع العلاقه دي بس انا اللي هتئذي فالأخر برضو عشان كتمت جوايا وانا كدا كدا حاولت قبل كدا اني ابعد بس لقيت الحوار صعب معاها بالذات مع اني عادي مبزعلش علي حد مهما كان مين واللي يروح يروح مش فارقه ولا هتقف علي حد بس بجد معرفتش وحسيت اني اتوحشتها هي وكل هزارنا سوا وكل ذكرياتنا اللي واثقه ان عمري ما هعمل زيها تاني ولا هلاقي حد نمر سوا بكل الحاجات اللي مرينا بيها سوا و أحبه كدا ولا يبقي جدع وصاحبي كدا بس هي بقالها فتره عادي بتقدر تستبدلني وحتي حصل حوار ولقيتها بايعه عادي ومش هفرق معاها ف الحوار ضايقني اكتر ف انا مش عارفه المفروض اعمل ايه بجد وساعات بحس ان عادي هقدر اتخطاها بس برضو الحوار هيبقي صعب شويه معرفش او يمكن عشان صعبان عليا منها الفتره دي بصو معرفش حقيقي بس عمري ما كنت احب اني ازعل منها للدرجادي عشان مكنتش متخيله ان علاقتنا ممكن تنتهي او تحصل حاجه تبوظها بس هي اللي بقيت بتبوظها بنفسها ويمكن م واخده بالها معرفش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_69449 🇪🇬

منذ شهر واحد

شعور محبط

كان عندي بيست فريند من الحضانه و فضلت مكمله معايا لحد اعدادي بس كنت بدأت احس انها بتأذني نفسياً علشان كنا بنتخانق كل يوم علي اسباب تافهه و هي علي طول بتكبر الخناقه و كمان هي بقت مش شبهي فبعدت و فضلت مده طويله لوحدي لحد ما في ثالثه اعدادي اتعرفت علي شله بنات تانيه و بدأت واحده فيهم تبقي البيست فريند

Banana_68165 🇪🇬

منذ شهر واحد

شعور مكسور القلب

Watermelon_66854 🇪🇬 اللي ميقدركيش متقدريهوش طالما بتدي حب ومبيرجعلكيش علي الاقل 70٪ يبقا خسارة وبتظلمي نفسك وهتخسري نفسك كمان وحطي علي دي مليون خط

عرض الكل 3 نصيحة

عبّر عن شعورك بشكل مجهول

جماعه انا كان عندي واحده صحبتي اتعرفت عليها من جروب على واتساب اتعرفنا و بقينا صحاب اوي بس يعني كان في مميزات و في عيوب يعني هي مكانتش بتسأل يعني مممكن اقعد باليومين تلاته منغير م هي تسأل عني اصلا و تعمل سين و متردش توصلها الرساله و تقعد تكلم ناس غيري و بتفضل صحابها عني مع اني كنت بحبها اوي بجد و بحكيلها كل تفاصيل حياتي ف صحيت فجأه لقيتها مبلكاني من كل حته انستا واتس كل حاجه ف افتكرت اهلها او كده بس لا لقيتها بتتكلم في جروبات تانيه و عادي ف اللي هو ايه خليت واحده صحبتي تبعتلها مسدج انا كتبتهالها 
دي المسدج :هو في ايه ؟
انا عملت لك ايه يعني عشان تطرديني برا حياتك فجأه 
انا كنت بحبك و بعتبرك اختي و صاحيه مبسوطه عشان اكلمك اصحى الاقيكي مبلكاني من كل حته حتى اخر مسدج كنت بطمن عليكي 
هو انتي شايفاني بجد استاهل كل ده بعد كل كلامنا و حبي فيكي و كل ده 
عمتا لو عايزه تقطعي علاقتنا ف دي حريتك بس عمتا انا مش هقدر انساكي 
و شكرا لجرحك ليا.
المهم ف لاقيتها بعتالي بتقولي انها شايفه انه احسن ليكي قلتلها ازاي قالت لي معاملتي ليكي و كده ف قولتلها طب تعملي بلوك و تخرجيني برا حياتك ف بعد شويه كلام لقيتها بتقولي طب نرجع ف قلتلها محتاجه وقت 
دلوقتي مش عارفه ارجع ليها ولا لا 
هي معندهاش اي معلومات شخصيه ليا ف تمام بس انا بحبها اوي اوي مش قادره ابعد عنها مش عارفه بجد اعمل ايه + اسفه الرساله كبيره

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_66297 🇪🇬

منذ شهر واحد

شعور مرتبك

انا عندي صديق اعرف من حوالي كذا سنه بس بتحصل خلافات بينا كتير جدا وبنتصالح بس برضو بنتخانق هو مش بيفرق معاه حد بيعمل اللي في مصلحته ،هو طريقته بتكون حاده وكتير بيفكرني بحاجات قديمه ومن ضمن المرات كان بيكلمني في موضوع وكان بيتكلم علي شخص فبيقولي الشخص ده بتعامل معاك وحش وطريقته مستفزه قولتله لا مش فا

Strawberry_62923 🇪🇬

منذ شهر واحد

شعور مكسور القلب

عندي صاحب قريب مني من ٤سنين وبينا شغل وقريبين من بعض بس خدت بالي من قريب ان مزاجه بيتغير بسرعه اوقات ميردش ع رسايلي بس لو فيه شغل يرد علطول ... بتكسف اطلب منه حق شغلي فهو مبيدهوليش واوقات كمان بيدهولي قليل عمري ما قولتله لا غ حاجه عشان بخاف بتضايق وبقي بيضغط عليا في حاجات مش من حقه زي مثلا اكون طالب

Biscuit_43229 🇪🇬

منذ شهرين

شعور ضائع

اتمني اي حد يشوف البوست ده يقرأو كامل و يساعدني و يفهمني عشان حاسه اني تايهه💗 عمري ١٧ سنه و اسمي حبيبه كان عندي واحده صحبتي كانت أقرب ليا من اختي و كنا صحاب لمده ٩ سنين هندي صاحبتي اسم مزيف و الي هو نور بس المشكله مش هنا المشكله ان العلاقه بالنسبالي كانت متعبه كل التعب لأنها كانت بتتخانق معايا عل

عبّر عن شعورك بشكل مجهول

اتمني اي حد يشوف البوست ده يقرأو كامل و يساعدني و يفهمني عشان حاسه اني تايهه💗

عمري ١٧ سنه و اسمي حبيبه كان عندي واحده صحبتي كانت أقرب ليا من اختي و كنا صحاب لمده ٩ سنين هندي صاحبتي اسم مزيف و الي هو نور  بس المشكله مش هنا المشكله ان العلاقه بالنسبالي كانت متعبه كل التعب لأنها كانت بتتخانق معايا علي اتفه الأسباب و كانت ديما تعمل مشاكل عشان اروح اصالحها، مكانش عندي اي صحاب غيرها لأن البنات في المدرسه كانو بيكرهوني، كانت بتستغل موضوع اني كنت معنديش غيرها و حبيتها كل الحب الي في قلبي و اديتها و سلمتها أسراري و اسرار بيتي و خصوصياتي و حاجاتي و كل حاجه ليا سلمتها ليها.
حبيتها حب محبتهوش حتا ل اختي مع انها كانت بتتعبني ديما وانا كنت بعدي الموضوع و اصالحها منغير ما اكون عرفه انا عملت ايه اصلا، كنت بفضل قاعده خايفه تدخل تتخانق معايا في اي وقت و مكنتش ببقا مرتاحه ابدا.
انا ديما كنت جنبها و كنت في ضهرها و حضني ديما كان مفتوح ليها و لو عرفت حتا أنها تعبانه بنزل اروح ليها في سعتها، جه السنه دي تانيه ثانوي بدأ الموضوع بجد يخرج عن حده و بدأت تتدخل في خصوصياتي بشكل يخوف، بدأت الخناقات تزيد 
في يوم كنت رايحه السنتر لقيتها مش بتكلمني ولا بتديني وش، سالتها مالك قالتلي انا قلت مش هتكلم في الموضوع ده تاني ( كان قبلها ب اسبوع نفس الحاله و سالتها مالك قالتلي انها ديما شايفاني اونلاين في الواتس و مش بذاكر مع اني كنت بذاكر و الحمدلله جبت 86% المهم قلتلها خلاص هركز و كدا قالت تمام بس لو حصلت تاني مش هكلمك في نفس الموضوع)
لما قالتلي انها مش هنتكلم في الموضوع ده تاني قلتلها أن المواضيع مش بتتحل كده و لازم نقعد نتكلم، مكانتش مهتمه بكلامي اصلا و راحت قعدت مع صحابها التانيين، رحت ليها و شديتها من دراعها وانا بعيط و قلتلها "انتي بتعملي فيا كده ليه" سكتت و ضحكت و مردتش عليا و راحت لأصحابها تاني و قعدت معاهم عادي جدا مع انها كانت عارفه اني بعيط في الشارع و هي عارفه اني بكره اعيط في الشارع لوحدي.
"كانت لما تعيط أخدها في حضني و مطلعهاش غير لما تهدي و هي سابتني اعيط في الشارع ب انهيار لوحدي و هي عارفه اني مليش غيرها"❤️‍🩹
رجعت البيت و امي شافت حالتي و حكيتلها كل حاجه من الالف للياء قالتلي يا حبيبتي كلنا قلنالك تبعدي عنها وانتي مبعدتيش.
قررت يومها اختار نفسي و كرامتي و هبعد عنها و كان أصعب قرار في حياتي و في نفس الوقت كان القرار الي غير حياتي 180 درجه 
مدخلتش صالحتها زي كل مره و اختارت نفسي و كرامتي.
هي اتصدمت اني مصالحتهاش زي كل مره و بعتتلي رساله بتقول فيها "عاجبك الي وصلنا ليه بسببك يا بنت الناس؟"
بجد والله ؟
بسببي انا؟
انا الي كنت بنقذ العلاقه الي انتي بتخربيها عن قصد !!!!
مامتها اخدت بالها و دخلت كلمت ماما و ماما طبعا عارفه كل حاجه بس مامتها متعرفش لأن علاقتها ب مامتها مش كويسه ابدا زي علاقتي ب ماما.
مامتها سالت ماما قالتها "هو في ايه بين حبيبه و نور مش يتكلمو أو يتقابلو؟"
ماما عملت نفسها مش عارفه و قالت إنها متعرفش في ايه بينا..
اتصدمت من الي مامتها قالتو..
قالت: "انا سالت نور في ايه بينهم قالت أنا بعت ل حبيبه سألتها مالك و قالتلي مفيش"
سعتها سمعت كلام مامتها و اتصدمت صدمه متصدمتهاش في حياتي لأن الكلام ده محصلش هي عمرها ما سالتني مالك حتا أو فيكي ايه!!!!!!!!!!!!!
شويه و لقيتها عملتلي بلوك من كل السوشيال ميديا و لا كأني كنت في حياتها و لحد دلوقتي مصدومه ازاي انا مكنتش مهمه ليها للدرجه دي!
الموضوع ده حقيقي واجعني لاني قدمت ليها كل حاجه و في الاخر هو ده جزاتي لكل الي عملتو؟

بجد انا مش هقول حاجه غير حسبي الله ونعم الوكيل فيكي ربنا هيجيبلي حقي منك حقيقي انا مش هرتاح غير لما اشوفها موجوعه نفس الوجع الي اتوجعته منها.

ارجوكم ساعدوني و قولولي هل انا صح ولا لا..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_40211 🇲🇦

منذ شهرين

شعور متعب

Hazelnut_52786 🇪🇬 بصي، واضح إنك بتحبيها جدًا، بس تصرفاتها مش على نفس القدر من الاهتمام اللي إنتي بتديه. اللي بيحصل معاكي ممكن يكون صدفة، وممكن يكون حسد من غير قصد، فخلي حاجتك لنفسك شوية. كمّلي علاقتك بيها بس بهدوء، قللي الحكي عن فرحتك وحاجتك، وشوفي هتبدأ تهتم من نفسها ولا لأ

عرض الكل 6 نصيحة

عبّر عن شعورك بشكل مجهول

انا عندي صديقة ومن اعز ناس على قلبي بس لاحضت شيء.. انها اي شيء اشتريته وأقوله لها يخرب او تصير مشاكل مثلا في مرة  اشتريت واقي شمسي وخبرتها لأنو كان غالي وكنت فرحانة ولما وضعتو على وجهي.. وجهي صار أحمر ومحروق ..ولما اخبرها ان ابي اشترلي شيء صباح مثلا ملابس او عطور..اتعارك انا وابي في المساء وهاذ شيء مش اول مرة واي شيء قلت لها مابيكمل..على رغم هي عندها فلوس تشري بس ماتخرج واخوانها يسمحون لها تخرج بس هي ماتخرج ولامرة خرجت معي وتعطيني وعد كاذب مثلا  ..راح نخرج بعد العيد وكذا بس ولاشيء من كذا صار..وهي لعيد ميلادها اعطيتها 3 هداية ورسائل طول ليل اكتب فيهم وأزينهم ورود وانا ما أبخل عليها  ..بس هي كان معاها فلوس وما أشترتلي بحجة انها ما تريد تخرج برا  وقالت انو راح تشتريلي وكل مرة توعدني بس ما تسوي..انا مابينت انو انا زعلانة من تصرفها وعادي ..
وحتى اذا خرجت ورحت وقلتلها فلان جا عندي هو حلو وكذا (بس انا ارفض) ماتصدقني الى بأدلة ..يعني تحسسني اني قبيحة ..هو شو لازم اعمل؟ ماعاد اقولها يلي يحدث فحياتي؟ لاكن هي صديقتي وساعدتني كثيرا وصار لنا عام مع بعض وانا احبها وهي تمدحني وراقية بس ماتعجبني هاذي الأشياء.
 انا بتحدث كثيرا وبحماس فهي لما اقولها شيء كانت في الأول تجاوب بحماس ..والأن ردها بارد وتقول ماعندي مود اتفاعل مع هاد الأشياء او مرات كثير تقول عادي الأشياء مو عادي عندي ...ساعدونيييي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_60123 🇪🇬

منذ شهرين

شعور محبط

Cookies_61258 🇪🇬 متتعلقش بحد ميقدرش بادر بنفس الشعور عارف انه صعب بس الكرامة فوق اى شعور واى صحوبية وانت صاحب اى حد يتمناك

عرض الكل 10 نصيحة

عبّر عن شعورك بشكل مجهول

المشكلة طويله شويه عشان تبقوا عارفين من البدايه 
انا في حاجه مضيقاني جدا صاحبي الوحيد في الجامعه و انا متعلق بيه و اللي انا بعزه جدا قبل كدا كنت بكلمه فبقوله هو انت بيفرق معاك اني ابعتلك أسأل عليك انا عن نفسي بيفرق معايا لما تسأل عليا قالي لا انت مش فارق معايا و لا اي حد بيفرق معايا و متخليهاش شخصنه انا كل الناس بالنسبالي كدا و لو مش عاجبك كلامي و مش مقتنع بيه متكلمنيش تاني انا شخصيتي كدا و طبيعتي كدا  و مش هغيرها عشان حد  و متطلبش مني اني أبادلك نفس الشعور و انا مبحبش أسأل علي حد و لا بحب حد يسأل عليا بس لو عايز تسأل عليا براحتك مع اني كنت شايفه في الجامعه قبل كدا واقف مع صحابه فا صاحبه جاي يمشي قعد يقوله خليك قاعد و بتاع هتمشي ليه و مرة تانيه انا كنت ماشي معاه في الجامعه فا هو شاف واحد صاحبه كان ماشي من الجامعه قاله انت ماشي و سايبني ليه (يعني في ناس فارقه معاه اهو) و اما جيت قولتله ان دا حصل و انه كان بيمسك في صحابه قالي لا عمره ما حصل و  قولتله انا زعلان من كلامك و مينفعش تقول لحد كدا في وشه بس مكنش هاين عليه حتي يعتذر
   حاسس اني شايل منه جدا لانه علي حسب كلامه سؤالي عليه ملوش لازمة و انا مش فارق معاه و مطلعش ليا خاطر عنده
و انا مش عارف استغني عنه لانه الوحيد اللي بحس انه شبهي و بيفهمني في الجامعه و الوحيد اللي انا كنت بتكلم معاه واتس بالساعات و بشكل شبه يومي زمان و كنت ساعات بكلمه في التليفون و هو يكلمني و كنت بعرف أخد و ادي معاه في الكلام و كنت بهون بيه علي نفسي الجامعه و هو كمان كان ساعات كتير بيبعتلي  و كان قريب مني جدا المهم بعد كدا قولتله انت مش مش ناوي تعتذر علي كلامك قالي ماشي مع اني مش شايف نفسي غلطت في حاجه بعدين بقاله فترة متغير معايا و مهما اعاتبه يقولي هي دي شخصيتي و غير بقي المواقف البايخه اللي بيعملها معايا يعني مثلا ساعات كتير في الجامعه اشوفه و لما يجي يعدي من جنبي الاقيه يقوم مدور وشه الناحيه او مثلا لما انا آجي اعدي من جنبه الاقيه يخبي وشه و مواقف شبه كدا و لما آجي ابعتله اكلمه علي الواتس اقوله انت ليه بتعمل كدا يقولي بيتهيألك و هو انا لازم ابحلق في كل واحد انا معدي جنبه و لما آجي ببعتله علي الواتس ساعات كتير يرد متأخر عليا و ساعات يعقد باليومين ميردش عليا مع اني ساعات بلاقيه active علي الfacebook و ساعات الاقيه يقوم فاتح رسايل الواتس اللي علي الجروب لاني بكون باعت رسالة علي الجروب بتاع الدفعه فا جيت كلمته علي موضوع انه بيفتح رسايل الجروب و مش بيفتح رسايلي قالي انه ال لاب توب بتاعه فيه بوت انه بيفتح رسايل الجروب لوحده عشان كدا بيظهرلي انه فتح رسايل الجروب و يقعد يقولي انت دايما بتسيء الظن فيا و هدعيلك في الصلاة ربنا يهديك و يحسسني ان المشكلة من عندي و اصلا الشهور الأخير انا دايما اللي ببادر و ببعتله أسأل عليه علي الواتس و هو نادرا جدا جدا لما يبعتلي يكلمني و كان في موقف تاني انه كنا في امتحان و هو كان في لجنه تانيه غير لجنتي المهم اتعمله محضر غش عشان لقوا الموبايل في جيبه فأنا بعتله علي الواتس قولتله انت كويس و قعدت اتصل بيه مكنش بيرد عليا خالص و لقيته رد عليا علي الواتس قالي انا مش هينفع ارد علي التليفون و بعتلي صورة انه في ناس كتير بتتصل بيه و هو مبيردش علي حد و كلهم missed call فلما جيت اعاتبه علي كدا قالي انا مبحبش اكلم حد في التليفون من أيام الكرونا قولتله ليه قالي معرفش قولتله احنا كنا بنكلم بعض زمان ساعات كتير في التليفون ايه اللي جد قالي معرفش و في مرة كنت ببعتله علي الواتس بكلمه فا مردش فا قومت قايله انت ليه مبتردش و مش سائل فيا لقيته بيقولي انا لو مراتي متقدرش تقولي كدا قومت عملتله بلوك بس شيلته بعد ساعه و كلمته راح قالي انت عملتلي بلوك و بتاع راح عاملي بلوك هو كمان فا كلمته و قولتله نفتح صفحه جديدة و بتاع و قالي تمام و بعد كدا آخر موقف حصل بيني و بينه انه كان عندنا امتحانات و انا كنت ببعتله بشكل شبه يومي أسأل عليه و اقوله عملت ايه و اخبارك ايه فا هو كان بيرد عادي و في مرة قعد يومين مبيردش بعد كدا قومت قايله انت كويس انا قلقت عليك انت مبتردش ليه لقيته رد بعدها قالي انا بنت عمي ماتت و انا منزل ستوري و انت ماهنش عليك تعزيني قومت قايله انا مش ظاهر عندي ستوي اصلا بعدين قومت قلتله انت بتكلم في ايه انا ببعتلك كل يوم أسأل عليك اكيد مش هبقي قاصد مبعتلكش اعزيك و بعدين انا كنت حاسس انه مأفور الموضوع و دا مش سبب اني يعقد يومين ميردش عليا و ان بنت عمه اصلا بعيده عنه المهم كان عندنا تاني يوم امتحان و شوفته ماشي مع صاحبه كان عمال بيتكلم معاه و كالعاده عدي من جنبي مدور وشه الناحيه التانيه فا قومت لما روحت بعتله علي الواتس قولتله انت عاملي فيها مكتئب علي بنت عمك اللي ماتت مبتردش عليا علي الواتس بالايام و انا شايفك عادي جدا في الجامعه بتكلم مع الناس قالي انا بتكلم في الامتحان مش بضحك و اهزر يعني قولتله و بالنسبه لانك كنت بتكلمني باسلوب قذر علي الواتس امبارح محستش بالذنب قالي لا محستش بالذنب لانك معندكش دم و مبتحسش من ساعتها مبعتلوش تاني علي الواتس خالص و عدي شهر علي الموضوع دا و في الجامعه لما بشوفه و هو يشوفني مبنكلمش بعض و مش هاين عليه يبعتلي خالص انتو شايفين ان الكلام اللي بيقولهولي دا عادي و لا لا ؟ و هو ايه اللي غيره معايا كدا و ليه بيتعامل كدا مع اني بشوفه في الجامعه ماشي مع صحابه عادي يعني مش انطوائي و لا حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_60123 🇪🇬

منذ شهرين

شعور محبط

عبّر عن شعورك بشكل مجهول

المشكلة طويله شويه عشان تبقوا عارفين من البدايه 
انا في حاجه مضيقاني جدا صاحبي الوحيد في الجامعه و انا متعلق بيه و اللي انا بعزه جدا قبل كدا كنت بكلمه فبقوله هو انت بيفرق معاك اني ابعتلك أسأل عليك انا عن نفسي بيفرق معايا لما تسأل عليا قالي لا انت مش فارق معايا و لا اي حد بيفرق معايا و متخليهاش شخصنه انا كل الناس بالنسبالي كدا و لو مش عاجبك كلامي و مش مقتنع بيه متكلمنيش تاني انا شخصيتي كدا و طبيعتي كدا  و مش هغيرها عشان حد  و متطلبش مني اني أبادلك نفس الشعور و انا مبحبش أسأل علي حد و لا بحب حد يسأل عليا بس لو عايز تسأل عليا براحتك مع اني كنت شايفه في الجامعه قبل كدا واقف مع صحابه فا صاحبه جاي يمشي قعد يقوله خليك قاعد و بتاع هتمشي ليه و مرة تانيه انا كنت ماشي معاه في الجامعه فا هو شاف واحد صاحبه كان ماشي من الجامعه قاله انت ماشي و سايبني ليه (يعني في ناس فارقه معاه اهو) و اما جيت قولتله ان دا حصل و انه كان بيمسك في صحابه قالي لا عمره ما حصل و  قولتله انا زعلان من كلامك و مينفعش تقول لحد كدا في وشه بس مكنش هاين عليه حتي يعتذر
   حاسس اني شايل منه جدا لانه علي حسب كلامه سؤالي عليه ملوش لازمة و انا مش فارق معاه و مطلعش ليا خاطر عنده
و انا مش عارف استغني عنه لانه الوحيد اللي بحس انه شبهي و بيفهمني في الجامعه و الوحيد اللي انا كنت بتكلم معاه واتس بالساعات و بشكل شبه يومي زمان و كنت ساعات بكلمه في التليفون و هو يكلمني و كنت بعرف أخد و ادي معاه في الكلام و كنت بهون بيه علي نفسي الجامعه و هو كمان كان ساعات كتير بيبعتلي  و كان قريب مني جدا المهم بعد كدا قولتله انت مش مش ناوي تعتذر علي كلامك قالي ماشي مع اني مش شايف نفسي غلطت في حاجه  بعدين بقاله فترة متغير معايا و مهما اعاتبه يقولي هي دي شخصيتي و غير بقي المواقف البايخه اللي بيعملها معايا يعني مثلا ساعات كتير في الجامعه اشوفه و لما يجي يعدي من جنبي الاقيه يقوم مدور وشه الناحيه او مثلا لما انا آجي اعدي من جنبه الاقيه يخبي وشه و مواقف شبه كدا و لما آجي ابعتله اكلمه علي الواتس اقوله انت ليه بتعمل كدا يقولي بيتهيألك و هو انا لازم ابحلق في كل واحد انا معدي جنبه و بعدين كنت بقوله عايزين نرجع صحاب زي اول ما دخلنا الجامعه كان بيرد يقولي موعدكش و لما آجي ببعتله علي الواتس ساعات كتير يرد متأخر عليا و ساعات يعقد باليومين ميردش عليا مع اني ساعات بلاقيه active علي الfacebook و ساعات الاقيه يقوم فاتح رسايل الواتس اللي علي الجروب لاني بكون باعت رسالة علي الجروب بتاع الدفعه فا جيت كلمته علي موضوع انه بيفتح رسايل الجروب و مش بيفتح رسايلي قالي انه ال لاب توب بتاعه فيه بوت انه بيفتح رسايل الجروب لوحده عشان كدا بيظهرلي انه فتح رسايل الجروب و يقعد يقولي انت دايما بتسيء الظن فيا و هدعيلك في الصلاة ربنا يهديك و يحسسني ان المشكلة من عندي و اصلا الشهور الأخير انا دايما اللي ببادر و ببعتله أسأل عليه علي الواتس و هو نادرا جدا جدا لما يبعتلي يكلمني و كان في موقف تاني انه كنا في امتحان و هو كان في لجنه تانيه غير لجنتي المهم اتعمله محضر غش عشان لقوا الموبايل في جيبه فأنا بعتله علي الواتس قولتله انت كويس و قعدت اتصل بيه مكنش بيرد عليا خالص و لقيته رد عليا علي الواتس قالي انا مش هينفع ارد علي التليفون و بعتلي صورة انه في ناس كتير بتتصل بيه و هو مبيردش علي حد و كلهم missed call فلما جيت اعاتبه علي كدا قالي انا مبحبش اكلم حد في التليفون من أيام الكورونا قولتله ليه قالي معرفش قولتله احنا كنا بنكلم بعض زمان ساعات كتير في التليفون ايه اللي جد قالي معرفش و في مرة كنت ببعتله علي الواتس بكلمه فا مردش فا قومت قايله انت ليه مبتردش و مش سائل فيا لقيته بيقولي انا لو مراتي متقدرش تقولي كدا قومت عملتله بلوك بس شيلته بعد ساعه و كلمته راح قالي انت عملتلي بلوك و بتاع راح عاملي بلوك هو كمان فا كلمته و قولتله نفتح صفحه جديدة و بتاع و قالي تمام و بعد كدا آخر موقف حصل بيني و بينه انه كان عندنا امتحانات و انا كنت ببعتله بشكل شبه يومي أسأل عليه و اقوله عملت ايه و اخبارك ايه فا هو كان بيرد عادي و في مرة قعد يومين مبيردش بعد كدا قومت قايله انت كويس انا قلقت عليك انت مبتردش ليه لقيته رد بعدها قالي انا بنت عمي ماتت و انا منزل ستوري و انت ماهنش عليك تعزيني قومت قايله انا مش ظاهر عندي ستوي اصلا بعدين قومت قلتله انت بتكلم في ايه انا ببعتلك كل يوم أسأل عليك اكيد مش هبقي قاصد مبعتلكش اعزيك و بعدين انا كنت حاسس انه مأفور الموضوع و دا مش سبب انه يعقد يومين ميردش عليا و ان بنت عمه اصلا بعيده عنه المهم كان عندنا تاني يوم امتحان و شوفته ماشي مع صاحبه كان عمال بيتكلم معاه و كالعاده عدي من جنبي مدور وشه الناحيه التانيه فا قومت لما روحت بعتله علي الواتس قولتله انت عاملي فيها مكتئب علي بنت عمك اللي ماتت مبتردش عليا علي الواتس بالايام و انا شايفك عادي جدا في الجامعه بتكلم مع الناس قالي انا بتكلم في الامتحان مش بضحك و اهزر يعني قولتله و بالنسبه لانك كنت بتكلمني باسلوب قذر علي الواتس امبارح محستش بالذنب قالي لا محستش بالذنب لانك معندكش دم و مبتحسش من ساعتها مبعتلوش تاني علي الواتس خالص و عدي شهر علي الموضوع دا و في الجامعه لما بشوفه و هو يشوفني مبنكلمش بعض و مش هاين عليه يبعتلي خالص انتو شايفين ان الكلام اللي بيقولهولي دا عادي و لا لا و المواقف اللي بيعملها معايا دي عاديه و هل انا سيء الظن؟ و هو ايه اللي غيره معايا كدا و ليه بيتعامل كدا مع اني بشوفه في الجامعه ماشي مع صحابه عادي يعني مش انطوائي و لا حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_40211 🇲🇦

منذ شهرين

شعور عاطفي

انا حصلي موقف..كانت عندي صحبة كنا اصحاب جداا وكنا نشارك اي شيء مع بعض منذ الإعدادي ..شاركنا حتى الأحلام وكنا دائما مع بعض وساعدتني وفرحتني وانا مكان كنت بساعدها رغم اننا كنا مختلفين بس انا كنت أحاول افهمها..كانت علاقتنا حلوة جدا في شهر 2 تعرفت صديقتي على بنت جديدة وبدأو يخرجو معا ويجلسون معا..لدرجة

Strawberry_60025 🇸🇦

منذ شهرين

شعور مزعوج

Strawberry_59578 🇪🇬 غالباً ممكن يكونو أهلها في البيت بيقارنوها بيكي أو شايفاكي محبوبة وهي منبوذة فقررت تقلدك بس أين يكن طبعاً هي غلطانه ممكن تغيري حساباتك ورقمك وتبعتي لكل اصحابك الا هي لو وجهتك قوليلها عايزة اكون لوحدي

عرض الكل 5 نصيحة

عبّر عن شعورك بشكل مجهول

في واحده صاحبتي كانت بتعرفني على صحاب لأني كنت جديده في المدرسه المهم عرفتني على واحده الواحده دي بقينا بيست فريند على حسب ارادتها و بقت لازقه في حياتي و بتقلدني جدا جدا للدرجه  الكل شك اني انا الي بقلدها انا الي بمشي وراها عاوزه ابعد عنها المشكله مش عاوزه اجرحها بس هي حقيقي تامدت جدا في التقليد اختي قالت لي بقيت احس اني لما بكلمها كأني بكلمك انتي و بقت تاخد ستايلي اي حاجه من الي انا بحبها تعمل زيها  تستخدم نفس الايموجز الي استخدمها حقيقي بقت تاخد شخصيتي بطريقه فظيعه عملت كل حاجه عشان ابعد عنها و اقلل المسافه  بس لما انا بعدت بدأت تظهر شخصيتي فيها بدأت تطلع شخصيتي و خصوصا على النت بس على الواقع بقى مش بتقدر تتعامل بنفس اسلوبي زيي و  عارفين الناس الي بتحاول تعمل نفسها غامضه هي كده بردوا بتحاول تعمل نفسها غامضه و تعمل حركه بعينها معرفش بتعملها ازاي اصلاا الي هي زي دي 😒😏😑 النظرات دي و احيانا بتعمل نفسها كيوت جدا و تضحك ضحكه خفيفه زي بتاعت الفيران و تقعد تقول لك انا قويه انا مافيش حد يقدر يدوس لي على شعرة عارفين النوعيه دي و هي بقى  بتكلم ولد و المصيبه انها بتكلمه عني قلت و انا مش عاوزه ادخل بينهم عشان متجبش ليا مشاكل  انا مالي بالمواضيع الحب و الكلام الفارغ ده  و لما حبيبها لمح لها انه عاوز يسيبها مرضيتش تفهم التلميح ابدا و وجعت دماغي بيه كل شويه كلام عنه حقه الصراحه يسيبها دي حرفيا لازقه و بتحاول تتدخل في حياة الشخص غصبا عنه المشكله انا مكنتش اعرف انها كده و بقيت البيست فريند بتاعتها لما لاحظت بقى الي قلت عليه ده كله بدأت اقلل المسافه بس هي لسا لازقه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_57212 🇪🇬

منذ شهرين

شعور غاضب

Potato_27813 🇪🇬 هو يعني انتي مكنتيش بتتكلمي معها و هي كانت نايمه تحت البيت عندك ما هي كمان مكنتش بتتكلم و جت بطريقه غير ناضجه ترمي اللوم عليكي كله لوحدك صدقيني أفضل حاجه انك تمسحي البنت دي من حياتك خالص و تعاملك معها يكون سطحي جدآ و ربنا يعوضك بناس تانيه أحسن 🤍

عرض الكل 5 نصيحة

عبّر عن شعورك بشكل مجهول

عندي واحده صحبتي اتعرفت عليها عن طريق الشغل عرفت بالصدفه انها تعبانه نفس تعبي ودي حاجه خلتنا نقرب اكتر هي بتحبني وانا عارفه كدا كويس بس هي ليها صحابها التانين يعني انا مش اختيار اول ليها ودا مش مضايقني اللي مضايقني ان علاقتنا كانت عباره ان انا اللي بتكلم بس هي كانت بتدخل تكلمني كل يوم تطمن عليا اقولها الحمدلله تقولي يارب دايما وانا اعيد نفس الكلام وكنت ساعات بفتح كلام معاها مع اني معرفش افتح كلام مع حد وكنت بتكلم عن نفسي وعن مشاكلي دايما ومعرفش حرفيا اي حاجه عنها مع اني بقولها علطول اتكلمي معايا وهسمعك بس كانت بتلمح ان ليها ناس تانيه تتكلم معاهم.
كان عندي امتحانات من قريب وهي كانت بتطمن عليا كل يوم لحد ما في مره عملتلها رياكت علي اخر مسدج ومفتحتش كلام تاني وهي كمان مفتحتش كلام وكنا بنشوف استوريهات بعض وكدا لحد ما دخلت كلمتني ف العيد وكانت متضايقه ان احنا مبنتكلمش قولتلها ان انا كنت مشغوله ف الامتحانات والتنضيف مع ماما وكدا وقالتلي مش لاقيالك مبرر عرضت عليها ننزل يمكن اقولها اللي مضايقني اي فعلا مرضتش وانا اعتذرتلها وقولتلها مش قصدي وكدا راحت باعته استيكر وبعدها بيومين لاقيتها ماسحه رقمي واللي اكدلي اني شوفتها منزله استوري وصحبتها منزلها عندها.
انا المفروض هشوفها يوم التلات عشان عندنا مناسبه وكدا ومتضايقه اوي من اللي عملته انا المفروض اشرحلها ولا لا واسفه لو طولت عليكوا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

كان عندى واحدة صحبتى بحبها جدا هى حرفيا اهم حد فى حياتى بقالنا 6 سنين صحاب بس من كام شهر بقى فى بنت تانية ديما معاها و لما بنكون مع بعض بيفضلو يتكلمو ولا كأنى موجودة و كمان البنت دى ديما بترخم عليا فى الكلام و صحبتى عارفة انى مش بحبها و ببقى متضايقة فى وجودها لانها كمان عملتلى مشاكل كتير اوى زمان و لما صحبتى بقيت تتجاهلنى اوى لما هى تكون موجودة بطلت اتكلم معاها و كعادتى قررت انسحب 
بقيت بتبقى واقفة جمبى و حرفيا كأنها مش شايفانى و فى مرة واحدة صحبتنا تانية كانت عايزة تصالحنا و هى وقفت  تتكلم معايا و كان معاها صحبتها التانية دى و مش عارفة اوصف قد ايه كلمها كان صعب و هى بتوصفلى قد ايه هى شيفانى شخصية متملكة و عايزة اتحكم فيها مع انى بجد مش كده خالص و سمعت كلام بجد وحش جدا سواء منها او من صحبتها 
بعد كام شهر بعتلها مسدج انى مش عايزة اخسرها و مقولتش غير كده فهى ردت عليا و كنا بنتعاتب و فى وسط الكلام قالتلى انتى خايفة ان انا احبها هى اكتر منك و ابعد عنك بس انا مش عيلة علشان اعمل كده ممكن تبان جملة عادية بس بالنسبالى كانت لا لانى فى الحقيقة معنديش اى ثقة فى نفسى و بحس ان اى حد ممكن ياخد مكانى عادى و هى عارفة كده كويس و كمان قالتلى هو انتى عايزانى لنفسك و بس فيما معناه انى متملكة زى ما قالتلى قدام صحابنا قبل كده و بجد انا مش كده خالص و هى متاكدة من كده انا بس كنت بعتبر انى مميزة عندها زى ما هى كانت اكتر حد مميز بالنسبالى
المفروض بعدها اننا بقينا نتكلم بس بقيت تتعامل معايا ببرود اوى و ابقى بقولها على حاجة انا متحمسة اننا نعملها مع بعض فهى تقولى مليش مزاج و تتجاهلنى لحد ما رجعنا تانى مش بنتكلم خالص 
امتحاناتى بعد اسبوع مش عارفة اذاكر ولا اركز فى اى حاجة من كتر التفكير 
كنت من زمان نفسى ابقى مهندسة بس حاليا شايفة اكتر حاجة بتمناها و هى بتضيع منى و انا بتفرج

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_57130 🇪🇬

منذ شهرين

شعور وحيد

واحد صاحبي مش بيكلمني غير في يوم اجازته بس غير كده بيعلقني و بيكلمني يوم اجازته يسطا حقك عليا والله الشغل ويلا نخرج و في الايام العاديه عرفت انه بيكلم واحد صاحبنا تاني يقعد معاه ويتكلم معاه هو مش فارقلي بعد الحركه دي بس مش عايز بردو اخسرو كلمني من شويه قالي ننزل قولتله لا فا ايه رايكم اكمل معاه عادي

Guava_56922 🇪🇬 كمل علاقته بيه عادي جدا في اصحاب للخروج بس واصحاب للضحك والهزار بس واصحاب للكلام والفضفضه واصحاب للشغل وفي صاحب بيكون فيه كذا صفه من دول وبنحبهم كلهم وكل شخص ليه مكانه في قلبنا حتي انت نفسك اكيد عندك صاحب بتحب تخرج معاه بس مش بتعرفو تتكلمو مع بعض عن مشاكلكم او المشاركه عموما وفي صاحب يتكلمه كويس بس مش بتعرف تخرج معاه بسبب شغله او غيره ف قدر انه بيسأل عنك ومهتم انك تكون في حياته

عرض الكل 10 نصيحة

Lemon_55687 🇪🇬

منذ 3 أشهر

شعور متعب

عبّر عن شعورك بشكل مجهول

ممكن اعرض مشكلتي مع صديقه ليا وانتو تحكموا 
ارجوكم انا تعبت والله والشخصيه دي ضغطاني جدا 
بس بخاف اكون بفكر غلط احنا صحاب من بدايه الجامعه كانت دايما تحصل بينا مشاكل ونرجع 
هي الي كل مره تقرب انا بحاول ابعد 
هي انسانه محترمه وكويسه بس عندي مشاكل معاها انها مش عاوزاني اصاحب حد غيرها هي بتصاحب عادي لانها اجتامعيه جدا وبتقعد تهزر مع امه لا اله الا الله 
لكن انا لو عملت كدا تتهمني بالاهمال والغدر وتمن عليا بالي بتعمله معايا وانا كدا مش بقدرها 
متدينه بس احيانا بشوفها بتنصح بحاجات وبتتريق على حجات وتعملها هي بتتريق على البنات تلي بتكلم شبتب بتروح هي تكلمهم وتقول انا عارفه حدودي وتتريق على لبس الناس وتقول حرام وناقص تكفرهم ولبسها مش احسن حاجه 
دايما هي الي تطلب مني اجيبلها هدايا  وتقول عاوزه كذا وكذا او تحسسني اني بخيله وتقولي بصي دي جابتلي اي ودي جابتلي اي
بجيبلها كتير بس بتقعد تطلب كتير 
مبتشوفش اخطائها ودايما شايفه نفسها مثاليه واني طفله مقدرش اعمل حاجه من غيرها 
لما ندخل في خلاف دايما بخاف على مشاعرها لانها حساسه وبتقعد تلومني وتقولي اني جرحتها وكلام من دا فبضطر اعتذر ليها
نفسي ابعد بس هي فارضه نفسها بشكل مش طبيعي ومش عاوزه ابعد عشان مجرحهاش اي مره كنت ببعد فيها كانت بتطلعني غلطانه عند امه لا اله الا الله والناس تجي تكلمني عشان تقولي انتي ليه بتعملي فيها كدا ويلوموني او تقعد تلقح عليا في بوستات وغيره
وبرضو الي مخليني مش عاوزه ابعد انها كل شويه تقولي قد اي بتحبني ومبتحبش حد قدي واني اقرب حد ليها بس انا اتخنقت 
وتقولي محدش هيحبك زي ما هي حبتني 
دايما بحس من ناحيتها بغيره وحسد رغم انها ماديا احسن بس مبتحبش تشوفني اعلا منها في حاجه سواء درجات الكليه او حتى حد يقرب مني تقولي بيستغلك ومبيحبكيش 
لما ببقا عاوزه اشتري حاجه بس مش معايا فلوسها بتروح تجيب لنفسها علطول وكل ما اعمل حاجه تعمل زيي وتنسب دا لنفسها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع