صداقة تحولت لحب

Pineapple_73206 🇪🇬

منذ شهرين

شعور مكسور القلب

انا كنت بحب واحد زميلي بقالي ٥ سنين .. قبلها كنا صحاب ٤ سنين يعني ٩ سوا .. انا بحبه من ايام المدرسة قوي والله و لما دخلنا الكلية لحد في تانية كلية اعترفتله بحبي و قعدنا مع بعض احلى سنتين في حياتي و سابني قالي انه مبقاش حاسس حاجة اتجاهي و اني زي اخته قلبي وجعني قوي انا باينت اني مش عايزة العلاقة دي و

Kiwi_51151 🇪🇬 ربنا يعوضك خير ادعي بالخير مش بشخص معين لان ممكن الشخص دا ميكونش خير ليكي رغم حبك ليه

عرض الكل 8 نصيحة

Avocado_63956 🇪🇬

منذ 3 أشهر

شعور مكسور القلب

عبّر عن شعورك بشكل مجهول

انا تايه انا عرفت بنت من 2017 وفضلنا جنب بعض بس انا كنت خارج من جواز فاشل و هي رفضت يحصل جواز لاني مطلق واتفقنا نفضل اخوات و اصحاب و سند و ظهر لبعض و طول الوقت كننا بنتقابل و نروح اي مكان جديد سوا و نغير جو و كدا وعشان ظروف أسرتها مش احسن حاجه كان اي حاجه نفسها فيها انا كنت بجيبهالها على حسابي و بعدين 2019 انا خطبت و اتجوزت 2020 و هي حبت واحد شقلب حياتنا اتعلقت بيه و بقت مش شايفه غير لحد ما اتخطبوا 2022 وكنت بنزل معاها و نجيب حاجات الجهاز بتاعها سوا و كنت يساعد في جهازها و في 2024 اول السنة بالظبط شهر 2 فركشوا بسبب أهل العريس و انا بصراحه مكنتش مرتاح للعريس بس الحمد لله من ساعة ما دخل حياتنا و احنا علاقة المثلث بتبقى معايا و نتكلم ونعيش الحياة تحسن من اي اتنين بيحبوا بعض و ايدينا في ايد بعض طول الوقت ولاني كنت بحبها جدا كنت ببوس على رأسها من فوق الحجاب لكن عمري ما تجاوزنا و لما تقابل خطيبها برضوا رومانسيه واكيد بتمسك ايدوا الفكرة بقى أنها جات قالتلي انها حاسة أنها في علاقة مثلث و مش عارفة تعمل ايه ورغم أن خطيبها كان عايزها تبعد عني بس هي مكنش عندها استعداد تبعد عني ولا تبطل نتقابل و فضلنا كدا ومن بعد ما فركشوا هي اتدمرت و طبعا مقابلاتها بخطيبها قلت خالص لكن انا مسموحلي نتقابل و نخرج في اي وقت واهلها بيمنعوها تقابله هوا بس لكن انا عادي كنا في الساحل الشمالي يوم صد رد اخر يونيه و كان قلبي حاسس انها اخر مرة هنتقابل و بوست على رأسها قبل ما اطلع الباص و طلعت ركبت لوحدي و سبتها تحت كانت عايزة تقعد في الهوا لحد ما الباص يجي يتحرك وفضلت عيني تدمع لحد ما روحت في النوم لأنها قالتلي انا مش هفضل قاعدة جنبك طول العمر انا اكيد هتجوز ودائما رافضة فكرة أننا نتجوز ولا عايزة تبقى زوجة تانية ولا عايزة تتجوز مطلق ولا عايزة تتجوز حد اكبر منها بكتير و انا بيني و بينها خمس سنين بس المهم انهاردة اتكلمت معايا بحدة شوية وقالتلي أنها عايزة تفصل حياتها عني تماما و أن كل واحد يبقى في حاله و نقطع العلاقة ديه للابد احنا كل اللي كان بيشوفنا سوا كان بيقولي مراتك وكنت بقولهم اه لان انا طول الوقت كان باين عليا وعيني فاضحاني انا أد ايه بحبها و أد ايه دايما محاوط عليها وتعليق على لبسها و بنزل معاها و هي بتجيب لبسها وكل حاجه وبغير عليها من اي حد و بحبها و لحد انهاردة انا بحبها و نفسي اتجوزها ازاي مش عارف انا مضطر اوافق أننا نبعد و اجرب البعد من اول و جديد مع اننا مهما كننا بنختلف ونبعد كانت بترجع تاني اعمل ايه انساها ازاي ولا اجهز نفسي و اجيب شقة وبعدين اروح اخطبها من ابوها اللي انا عارفه و دخلت بيتهم قبل كدا و عارف اخواتها كلهم اعمل ايه انا اسف طولت عليكم بس انا موجوع اووووووووي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_85219 🇪🇬

ازاي أبقى قوية قدام جوزي السابق وأنسى الضرب؟

انا وجوزى انفصلنا بقالنا كتير هو شخصية نرجسية اللى لما نزعل لازم انا اللى اصالحه فالمرادى ضربنى فمصالحتهوش وفضلت شهرين مستنية هو يصالحنى مصالحنيش لحد مااطلقنا لما بيكلمنى عشان يشوف عياله انا قلبى بيوجعنى وبنسى كل ضربه وخناقاته واهماله احنا مينفعش نرجع خالص عشان حياتى كانت كلها ضرب واهانة وانا مشيت بعد مانفسيتى تعبت وبعد مابقى بيزعقلى قدام الجيران ومبقاش عندى كرامة خالص سؤالى هنا ازاى ابقى قوية قدامه مش كل مايكلمنى ابقى نفسى احضنه وابقى مش عارفة ارد خالص ويبان عليا انى حنيت وهو ناشف جدا وبيتصل يكلم العيال ويقفل ولا بيفتكرنى ...عرض المزيد

5 الدعم

31 نصيحة

Strawberry_74327 🇪🇬

أول قرار حقيقي بعد الفراق.. مسحت كل حاجة

النهارده كان أول يوم أقدر آخد فيه قرار حقيقي… مسحت صوره، ومسحت رقمه، ومسحت الشات اللي بينا، وحتى عملت له أنفولو. عقلي بيقولي إن ده الصح، يمكن لأن عدى 4 شهور من غير كلمة واحدة منه بعد ما قال إنه “مش قادر يتكلم”. أنا بحبه جدًا ولسه مش قادرة أتخطى غيابه، بس الحقيقة إنه ماقدّرش الحب ده، وكان سهل عليه يمشي. حاولت بكل الطرق أخليه يفضل، لكنه اختار البُعد. وحسّيت كل يوم إني بقلّ في نظر نفسي وأنا بنزل استوريات كلها وجع وهو يعديها كأنها مش موجودة. الانتظار اليومي بيتعب جدًا… إني أسمع صوت الموبايل وأتمنى تكون رسالة منه، وأكتشف إنها من حد تاني — الإحساس ده بيكسر من جوّا. دعيت ربنا كتير يكون من نصيبي، وكنت كل يوم بقرأ سورة البقرة بنية إن ربنا يرجّعه، بس هو كان بيبعد أكتر. النهارده بس فهمت إن التمسك باللي مش عايزك وجع، وقلة كرامة مش عارفة بجد اذ كنت عملت الصح والا اللي عملته كان غلط وهندم عليه ...عرض المزيد

8 الدعم

30 نصيحة

Mango_86058 🇪🇬

عايزة أتعافي من علاقات مؤذية وانسى الذكريات

مريت بعلاقات مؤذيه جدا فحياتي كانو خمسه عايزه اتعافي تماما من غير دكتور لان الحاله الماديه لا تسمح ف عايزه لما اشوفهم حتي لو مع اي حد محسش بحاجه ولابظلم ولا بغيرة اعمل ايه واتعافي ازاي عايزه انسي لدرجه انسي شكلهم والذكريات كمان💔 ...عرض المزيد

2 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع