صبر

Apple_67714 🇪🇬

منذ يوم واحد

شعور رائع

موضوع:

درس علمته لك الحياه

حاول تبقي في حالك اطول فتره ممكنه الاسرار والتفاصيل الصغيرة قبل الكبيره متبقاش عالمشاع لاي حد مهما كان الصبر والمسايسه هم اهم اسلوبين تقدر تجاري حياتك بيهم لا تثق كل الثقه ولا تبالغ فالحرص

Nutella_67402 🇪🇬

منذ يومين

شعور ضاق ذرعًا

صباح النور انا 29سنه ولسه متجوزتش ف مجتمعنا الحلو ده طبعا جريمه بس اهلى متافهمين بس الناس الى حوالينا لا طبعا كلامهم بشع انزلى دورى شوفى حد بعد كده هشد الناس من الشارع حاضر😂😂 مش هنا المشكله بقى المشكله ف الى بيجوا ف ناس قلبى بيتقبض من اول نظرة وفيه الى لا يعتمد عليه وابن مامى 🙂 والسلبى الى عاو

Chocolate_64366 🇪🇬 افتحي بيزنس صغير او خدي كورسات ل حاجات مختلفه مش لازم مجالك

عرض الكل 38 نصيحة

Pineapple_51151 🇪🇬

منذ 5 أيام

شعور مزعوج

انا جاي اقر واعترف يلعن ابو الحب اللي بفضل معاك لسنين رغم غايب صاحبه يلعن ابو الحب اللي انت بتحبه لشخص وعارف انه مش م نصيبك ولا هيكون م نصيب يعلن ابو الحب اللي انت مش عارف ليه بتحب الشخص دا حتي لو ميستهلش بس انت بتحبه الله يحرق قلبي اللي حبها ف يوم واللي خلاني كل فتره افتكرها يارب صبرني ونسي الشخص

Tofu_19483 🇪🇬

منذ 6 أيام

شعور محبط

عبّر عن شعورك بشكل مجهول

بيتهيأ لي إن مفيش أسوء من شعور إنك تتمنى يكون كل ده حلم بس طول شويه ومستني حد يصحيك من حلمك!.. إنك تتمنى إن كل اللي عايشه ميكونش حقيقي بجد!..مفيش أسوء من إن شبابك يضيع قدام عينيك ف التعب والمرض وأنت مش قادر تعمل حاجه وبتتفرج في صمت!.. إن يكون فايتك حاجات كتير أووي بسبب مرضك!..مفيش أسوء من شعور إن جسمك يهزمك!.. أوقات بهون على نفسي وأقول إن ربنا بيبتلي عباده اللي بيحبهم وأوقات كتير بزعل إني مش عارفه أعيش حاجات كتير أووي بسبب مرضي وإني يعتبر معظم الوقت بقضيه ف العيادات والمستشفيات والفحوصات والآشعات أكتر ما بقعد ف البيت بقعد ف أكتر الأماكن اللي من وأنا صغيره بكرهها وعندي تروما منها!بشوف الموت كل يوم قصادي يشوفه ف عيون الناس وبشوفه ف جسمهم!..بشوف الموت ف عيون قرايبهم بشوف الدمعه المحبوسه ف عيونهم وبشوف ابتسامات مزيفه علشان ميحسسوش مرضاهم بالزعل!!..بشوفه ف ابن خايف يتيتم،و ف أب خايف مراته تبقى أرمله من بعده ومتعرفش تصرف على عياله وتلبي احتياجاتهم النفسيه والماديه،بشوفه ف أم خايفه من قسوة الدنيا على عيالها وخايفه تسيبهم ميبقاش ليهم حضن دافي من بعدها!..يشوفه ف كلمة الدكاتره لأهل المرضى خلاص متخليهوش ييجي تاني مش باقيله غير أيام!..بشوف عيونهم والحزن ماليها!.. وبسمع أنينهم اللي بيقطع ف قلبي،وبصبر نفسي وأنا بشوف الموت قصادي كل يوم ألف مره ،حتى بشوفه ف نفسي!...يشوفه ف عيون أهلي اللي خايفين أسيبهم!!..يشوفه وبعمل نفسي مش شايفاه وبضحك وأهزر لكن أنا نفسي أقف ف مكان وأصرخ بأعلى صوت من كتر الوجع اللي جوايا!..الله يحرق الكانسر يارب الكانسر يموت،خسرنا خالتي بسببه وخسرنا ناس كتير بسببه وفرق حبايب كتير ويتم ناس كتير
بتمنى ف يوم من الأيام يبقى ليه علاج،علاج ميموتش علاج يعالج بجد مش يموت
وبرجع أصبر نفسي وأقول إنما هي أيامٌ ونمضي وربنا كاتب عنده من يوم ما اتولدت هموت امته وازاي 
عندي ٢١ سنه عيشت منهم ٢٠ سنه ف نعمة الصحه والعافيه ف الحمد لله على كل حال 
مش طالبه غير إنكوا تدعولي ربنا يهون عليا الوجع اللي ف قلبي ويصبرني ويشفيني ويشفي مرضى المسلمين يارب
ادعولي كتير!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_64388 🇪🇬

منذ أسبوع واحد

شعور مكسور القلب

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

متخطيطش ابدا بس بحاول مفكرش عشان متعبش اكتر ناس كتير اوي ماتوا عزاز علي الواحد من ساعتها بس من ساعة امي مبقتش حاسس ف كل اما افتكر بدعيلها كتير عشان اي حاجة حلوة موجودة في الواحد هي اللي زرعتها راضي والله الحمدلله باللي ربنا كتبه بس وحشتني اوي ربنا يرحم امهاتنا جميعا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_61186 🇪🇬

منذ أسبوعين

شعور شاعر بالملل

كنت مستني شغل بقاله شهور، وكل ما أروح إنترفيو أتفائل وبعدين يتقفل الباب ف وشي. في مرة روحت إنترفيو، اتأخرت بسبب الزحمة واترفضت عشان التأخير. ساعتها اتعلمت إن مش كل حاجة بتفشل معناها إنك فاشل، بس لازم تكون جاهز أكتر، وتدي لكل حاجة وقتها.. الحياة ما بتستناش حد.

Chocolate_61979 🇪🇬

منذ أسبوعين

شعور مكتئب

انا عندى مشكله انا الحمد لله انسانه كويسه وعمرى مكنت وحشه ولا نيتي وحشه مع حد وربنا الحمد لله كارمنى بحجات كتير كويسه أولهم انى دخلت الكليه اللي كنت بتمنها واتخرجت بتقدير كويس وشغاله وامورى كويسه وبصلي دائما بس بدعي بحاجه معينه بقالي كتييييير اوى والله ياجماعه كتير سنين مثلا ولحد الان ربنا مستجاب

Chocolate_61968 🇪🇬

منذ أسبوعين

شعور غير مكتمل

خلقي ضيق أوي يا جماعة الموضوع يبان عادي لكنه أقسم بالله حارمني من أي لذة في الحياة أمنية حياتي أستمتع بأي حاجه اعملها مش بستمتع بأي حاجة حتى لو حاجة بحبها عايزة كله يحصل دلوقتي و يخلص دلوقتي و الحياة تعدي بجد الموضوع ده قارفني مش عارفة اعيش حياتي عادي طول الوقت بجري ورايا و مش عارفة اصبر او أستنى لو

Peanut_63801 🇪🇬 ده احتمال يكون اكتئاب او ادمان ع حاجه تانيه او غيره لكن هقولك طريقة احتمال نجاحها 70% حاولي تسمعي قرءآن او اي حاجه دينة حسب دينك لأن ده بيريح الروح و هيبعد عنك المشاعر السلبية و خلي علاقتك بربك فوق كل شئ لإنك هتحسي بالأمان و ان احلامك هتتحقق معاه و خصصي وقت قصير ف الاول عشان الحاجات الي بتحبيها و كذلك للتعلم عن المواضيع الي بتحبيها و هتلاقي نفسك قادرة انك تطولي المدة مع الوقت

عرض الكل 11 نصيحة

Watermelon_32587 🇶🇦

منذ أسبوعين

شعور مليء بالحياة

موضوع:

اية الحاجة اللي حسيت انك اتسرعت فيها؟

انا معروف عني انسانه جدا هاديه وصبوره بس انا اشوفه تردد وكتمان. بعد الصبر الطويل احيانا اخربها واعمل حاجات غبيه😅 المشكله الحاجات هاذي لانها تكون باندفاع يقع الضرر علي والخطأ علي بسبب تسرعي حتى لو كان الطرف الآخر هو اللي غلطان

Banana_62864 🇪🇬 عيشي بطبيعتك واغلطي واتعلمي من غلطك وكل مرة هتلاقي خبرة من موقف ولا يهمك

عرض الكل 5 نصيحة

Blueberry_63299 🇪🇬

منذ أسبوعين

شعور ضائع

عمال انصح و اعمل نفسي قال ايه عارف كل حاجه وانا اصلا محتاج رعاية نفسية. دايما بلاقي حلول لغيري ، لكن عمري ما لقيت حلول لنفسي. اقول لده انشف اقول ده اصبر. وانا صابر بس صابر بقالي حبه و كأني مساني حاجه انا مش عارف هي ايه و هتحصل امتي. كنت اتمني الحياة اللي بحلم بيها اعمل بيها لكن انا عندي مشكلة العن و

Marshmallow_60538 🇪🇬

منذ أسبوعين

شعور مكسور القلب

نفسي بجد اتجوز صحابي بيخطبوا وأنا لسا مش لاقي البنت المناسبة ليا وعايز الاقي واحدة بتتقي الله وتحترمني وتقدرني وتصونني في غيابي قبل وجودى ونكون بنحب بعض وبيننا مودة ورحمة يعني الموضوع بقا عامل زي الحلم بالنسبالي عشان البنات دي نادراً م هلاقيها ومش عايز اختار بنت مش مناسبة أغلب البنات اللي حوليا متبر

Orange_63189 🇪🇬

منذ أسبوعين

شعور مكسور القلب

حياتي من زمان بيظه من وانا طفله كنت عيشه مع جدتي وعمي لغيت ١٦ سنه جدتي ماتت وفضلت عيشه مع عمي لغييت ٢٨ سنه مات من شهرين كل ما اخرج من مشكله القي مشكله انا بجد تعبت انا لا امتلك شئ غير الصبر فقط انا لا يوجد لدي احد الان حتي في شغلي الذي كرست عليه حياتي لا اجني منه ثمار انا اعاني من ديق الرزق في الما

Banana_62794 🇪🇬 فهمك .واضح انك حد متعلم ووعي مش شرط اني اساعد الناس . اني هجني ثمار دا دلوقت او ممكن ميبقاش ليه ثمار خالص . الله بيحبك واكيد هيساعدك بدون ماتقدمي شئ . فلوسك ليكي واعتمدي ان يكون ليكي حكمه مع الناس .اة انا ولد وفاهم فكرة ان ميبقالكيش حد دا . انا عملت عكسك تماما . انا بعدت عن كل الناس بارادتي .انا في غنا عن تحكم الناس او مطالبه بمصله او استغلالي تحت اي مسمه .

عرض الكل 33 نصيحة

Coffee_62354 🇪🇬

منذ 3 أسابيع

شعور عاطفي

عندي 17سنه وعايز اتجوز ومقليش اصلا انت صغير ولسا مش فاهم يجدعان الواحد شايف كل الناس بترتبط وانت ماسك نفسك عشان حرام وعشان مترضيهاش على اختك والواحد مستحمل بالعافيه وعارف اني مش المفروض افكر فالكلام دا دلوقتي والكلام دا بس الوحد وحيد بشكل يقرف وكل ما أروح لواحد من صحابي يقلي طب ما ترتبط وكل الناس بت

Popcorn_59602 🇪🇬

منذ 4 أسابيع

شعور عاطفي

عبّر عن شعورك بشكل مجهول

طيب هوا الموضوع كبير شويه بس يستحق القراءه والتركيز 
في البدايه حابب اقول ان انا كنت طالب في  الازهر والحمد لله اتعلمت حجات كتيره اوي في جامعه الازهر وخدها منهج في حياتي وحرفيا فارقه جامد وحياتي احسن بكتير بس للاسف بسبب ظروف حياتيه وانا شايف انها احلي حاجه حصلت حولت لجامعه خدمه اجتماعيه اتعلمت فيها حجات كتير عن النفس والحياه برضو  وبدات اربط مبين تعليمي في الازهر وتعليمي في الخدمه الاجتماعيه 
انا ملاحظ بقا ان الجيل كلو تقريبا عندو مشاكل نفسيه وحياتيه واجتماعيه وناس تفكر في الانتحار وناس تقول مصطلحات عن امراض نفسيه وفعلا حاطه نفسها في حكايات كتيره الي بسبب علام فشل فيه والي معندوش صحاب والي والي والي 
فا حبيت انزل بوست توعيه مش اكتر يمكن حد يقدر يستفسد منو باذن الله 
اولا: احنا لي ربنا خلقنا في الحياه دي 
ربنا سبحانه وتعالى قال( وما خلقت الجن والانس الا ليعبدون ) 
الايه شرحه نفسها ربنا خلقنا في الدينا للعباده فقط لا غير اي حاجه بعد كدا من علام او شغل او نجاح هوا امور دنياويه بتاخد عليه ثواب وربنا يكرمك بس اول حاجه هتتسال عنها هوا دينك وعبادتك 
وربنا سبحانه وتعالي قال في الناس الي اهتمت بدنيتها ونسيت العباده وربنا يوم القايمه وهوا بيحاسبهم قالو ( حنا اذا جاء احدهم الموت قال رب ارجعون لعلي اعمل صالحا ) 
الانسان هيبقا عايز ربنا يرجعو للدينا علشان بس العمل الصالح والعباده مش علشان يخش الكليه الفلانيه ولا يشغل الشغل دا ولا يبقا غني ولا ولا ولا 
طيب هنا نقسم الموضوع قسمين 
واحد بعيد عن ربنا وعايش في الدينا 
ربنا سبحانه وتعالى قال( ومن اعرض عن ذكري فان له معيشه ضنكا ونحرشه يوم القيامه اعمي ) 
وبرضو الايه شارحه نفسها هتبعد عن ربنا وعن العباده حياتك هتبقا صعبه وهتعاني جامد لعلك ترجع لربنا 
والقسم التاني واحد قريب من ربنا وحياتو برضو صعبه 
هقولك ربنا مش ناسيك بس ربنا بيختبرك وبيبتليك 
ربنا سبحانه وتعالى قال( ولنبلونكم بشي من الخوف والجوع ونقص من الاموال والانفس وبشر الصابرين ) 
مفيها يعني ربنا جايبلك كل حاجه قدام عنيك وموضح كل شي لي تتعب نفسك في تفكير في امود دناويه ملهاش لزمه معلش 
.........
طيب احنا نعيش حياتنا ازاي 
اولا في طاعه وعباده والقايم بفرض ربنا مش صعب واسعي في الدينا وربنا هيكرمك ويرزقك والله وهتبقا راضي حتا لو باقل شي ربنا هيبارك فيه وهتحس انك احسن من كل الناس 
ودليل علي كدا من القران الكريم قوله تعالي ( وفي السماء رزكم وما توعدون فورب السماء والارض انه لحق مثل ما انتم تنظرون ) 
ربنا بيقول ان رزقك عندو اسعي انت واعبد ربنا وصدقني هيجي رزقك من غير متتعب نفسك وتفكر كتير وعلشان الناس تصدق اكتر وتطمن ربنا حلف ربنا سبحانه وتعالي الي مش محتاج انو يحلف واننا بنصدقو من غير اي كلام حلف بنفسو وقال فورب السماء والارض انه لحق 
لي بقا ابن ادم تتعب نفسك وتفكر في الدينا وفي العلام وفي الشغل وفي الغنا وفي حجات هي مش دايمه ارجع لربنا وكل امورك هتتحل وهيرزقك والدينا هتحلو 
وخد النصيحه عن تجربه 
وكل شي حصل في الدينا هوا تدبير رب العالمين وهوا خير لينا انا كنت ماشي في حياتي في طريق اني هخش هندسه زي والدي وهسافر برا ومش عارف اي وفجاه في 3 ثانوي مجبتش مجموع علوم حتا 😂 قولت الحمد لله وحياليا احسن من الي كنت مخططلو وفي حال احسن الحمد لله وربنا يرزقنا ويرزقكو جميعا ويارب اكون قدرت افدكو حبه وان شاءالله هبقا انزل حل لبعض المشكلات الي قبلتها هنا علي الابلكيش 
ومعلش لو طولت عليكو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع